Tawúratɩ na Injiila dɛ́ɛ fɔɔlɩ́nɩ MAATÉWU 16

1 na woogóduu Yeésu‑jɔ́ sɩ bayɩ́ yɩ kɔdɔká. Ngɛ bɔɔdɔ́ yɩ sɩsɩ ɩ́la maamááci nakɩ́rɩ kɩ́nwɩlɩ́ɩ sɩsɩ Ɩsɔ́ɔ‑jɔ́ gɛ waagálɩ́ɩ́ná nɛ́. 2 Yeésu woobúsi wɛ sɩsɩ: «A ɖaanɩ́ŋa waalá, mɩ́ndɔ́m sɩsɩ Ɩsɔ́ɔ́dáá wɛ́njɛ́m káma ŋmɩ́ndɩ wɛɛzɛ́ɛ. 3 Bɩka tɛ́ɛrɛ́ nɛ́ mɩ́ndɔ́m sɩsɩ: sinje ɩsɔ́ɔ́dáá fɛ́yɩ́ ɖéyí‑ɖéyí káma bivóo bɩyaajɛmáa. Bɩlɛ́ gɛ mɩ́nyɩ mɩ́nbɛɛnáa ɩsɔ́ɔ́dáá mɩ́nɖaazɩ́ sáátɩwá. Amá wentí tɩ́nlám lɛlɛɛɖɔ́ nɛ́ gɛ mɩ́ɩ́sɩ. 4 Zaamáánɩ kɩna kɩdɛ́ɛ ɩráa badaavé nɛ́ bɩka bánlɩɩ́ Ɩsɔ́ɔ wɔ́rɔ́ nɛ́ bɔ́nbɔɔzɩ́ maamááci. Amá Ínúúsa‑dɛ́ɛ maamááci baasí badánnáa nakɩ́rɩ.» Ngɛ Yeésu weeyéle wɛ ńna ɩɖɛ́ɛ.

5 bɛɛdɛ́sɩ lɩɩrɛ́ kʊ́bɔńɖɛ‑dɛ́ɛ fúu lí ńgɩ‑rɔ nɛ́, bɔɔzɔ́ɔ bɔdɔkpɔ́ɔ kpɔ́nɔ́wá. 6 Yeésu wɔɔdɔ́ wɛ sɩsɩ: «Ɩlá laakáárɩ na na ‑dɛ́ɛ faadɩ́nɩ bánvʊʊdɩnáa kpɔ́nɔ́ nɛ́.» 7 Yeésu wɔɔdɔ́ bɩlɛ́ nɛ́, wanbaaráa waamáázɩ sɩsɩ bɛḿ bɔdɔkpɔ́ɔ kpɔ́nɔ́wá‑rɔ gɛ wɔɔdɔ́ bɩlɛ́. 8 Amá Yeésu waadɩlɩ́ bɛdɛ́ɛ lomaazɛ́. Ngɛ wɔɔdɔ́ wɛ sɩsɩ: «Mɩ́dɛ́ɛ toovomúm fáa tɔɖɔ́ɔ, ngbaalá gɛ mɩ́ɩ́máázɩ sɩsɩ mɩ́dɔ́kɔ́gbɔ́ɔ kpɔ́nɔ́wá‑rɔ nɛ́ gɛ. 9 Mɩ́dánɩɩ tá kazɔ́ɔ? Mɩ́yáádɔɔzɛ́ɛ kpɔ́nɔ́wá natʊ́nʊ́wá ɩráa mííli nɔɔnʊ́wá wɔɔdɔ́ɔ bɩka nɛ́, na kpɔ́nɔ́ ɖɔkɩ́nɩ nŋɩ́nɩ́ bɩɩga ɩkpɔ́ɔ ɩkpɛdɩ́na nɛ́? 10 Yáá mɩ́yáádɔɔzɛ́ɛ kpɔ́nɔ́wá lʊbɛ ɩráa mííli nɔɔnáázá wɔɔdɔ́ɔ bɩka nɛ́ na kpɔ́nɔ́ ɖɔkɩ́nɩ nŋɩ́nɩ́ bɩɩga ɩkpɔ́ɔ ɩkpɛdɩ́na nɛ́? 11 Nŋɩ́nɩ́ gɛ mɩ́dábɩ́ɩ́zɩ ɩnɩ́ɩ sɩsɩ bɩdɛkɛ́ɛ kpɔ́nɔ́wá‑dɛ́ɛ‑ńdɩ gɛ mánŋmatɩ́ sáátɩ mɔ́ɔ́dɔ́ mɩ́ɩ sɩsɩ ɩ́la laakáárɩ na Faríízí‑dɩnáa na Saduséé‑dɩnáa‑dɛ́ɛ faadɩ́nɩ bánvʊʊdɩnáa kpɔ́nɔ́ nɛ́?» 12 Ńna gɛ baanɩ́ɩ sɩsɩ ɩdɔtɔ́ sɩsɩ bála laakáárɩ na faadɩ́nɩ bánvʊʊdɩnáa kpɔ́nɔ́ nɛ́, amá Faríízí‑dɩnáa na Saduséé‑dɩnáa‑dɛ́ɛ wentí bánwɩlɩ́ɩ ɩráa nɛ́ gɛ báláná laakáárɩ.

13 Yeésu waadála Sezaarée tɛ́ɛ́dɩ wentí wúro Filíípu waama tɩ nɛ́ tɩdɛ́ɛ fáráńdɩ́‑daá nɛ́, ngɛ wɔɔbɔ́ɔ́zɩ ɩwanbaaráa sɩsɩ: «Ɩráa‑dɛ́ɛ́ ŋmatɩrɛ‑daá, weení gɛ kɛ́ɛ.» 14 Ngɛ bɛlɛ́ boobúsi yɩ sɩsɩ: «Nɛbɛ́rɛ sɩsɩ nyɔ́ɔ́ gɛ , nɛbɛ́rɛ sɩsɩ , nɛbɛ́rɛ ɖʊɖɔ sɩsɩ nyanaa yáá anɖébiwá‑daá naárʊ.» 15 Ńna gɛ Yeésu wɔɔbɔ́ɔ́zɩ wɛ sɩsɩ: «Mɩ́nyɔ́ɔ́ mɩ́jɔ́ ní, weení gɛ mɛ́gɛ́ɛ?» 16 woobúsi yɩ sɩsɩ: «Nyɔ́ɔ́ gɛ , Ɩsɔ́ɔ weezuú‑dʊ́ʊ Biyaalʊ́.» 17 Ńna gɛ Yeésu woobúsi yɩ sɩsɩ: «Sɩmɔ́ɔnɩ Inúúsa biyaalʊ́, nyóóyúú wenbi‑niíni káma bɩdɛkɛ́ɛ ɩrʊ́ waawɩlɩ ná nya wentí nyááŋmátɩ tɩ ɖɔ́ nɛ́, amá majaa weení ɩwɛ ɩsɔ́ɔ́dáá nɛ́ gɛ. 18 Ngɛ mɔ́ɔ́ ménveerím nya sɩsɩ nyɛ́gɛ́ɛ Bʊ́ʊ́rɛ gɛ, ngɛ bʊ́ʊ́rɛ ɖɩḿ ɖɩrɔ gɛ sɩ mama mɛ́dɛ́ɛ koduuziya. Sɩ́m tɩtɩŋa na bɩdɛ́ɛ yíko bɩdánbɩɩzɩ bɩlá kɛ nabʊ́rʊ. 19 Ménjelíi nya ‑dɛ́ɛ sááfɩwá. Wenbí sɩ nvɔ́kɩ bɩ adɛ laadɔ́ɔ‑rɔ nɛ́ bɔ́nvɔkɩ́ bɩ ɩsɔ́ɔ́dáá, bɩka wenbí sɩ nbóɖi bɩ adɛ laadɔ́ɔ‑rɔ nɛ́, bónboɖí bɩ ɩsɔ́ɔ́dáá.» 20 Ńna gɛ waabásɩ ɩwanbaaráa sɩsɩ békéfééri naárʊ sɩsɩ ɩmʊ́ gɛ .

21 Sɩɩná sáátɩ kɩḿ gɛ Yeésu waabáázɩ wɩlɩ́ɩ sɩsɩ bɩ́nbɔɔzɩ́ ɩmʊ́ ibó Yerúsalɛ́m ɩna wahála ɖabata na sarásɩ lanɖáa kʊ́bɔnáa na nʊ́ʊ́zɩ‑daá, bakʊ ɩmʊ́ amá wɛ náádóozo wɩ́rɛ ɩmʊ́ wánbɩsɩ́ ifé ɩlɩ́ɩ ɩsɩɖáa‑daá.» 22 Ńna gɛ waanára yɩ ɩlɩɩná kpɔ́mɔ́ɔ́, ngɛ weegiziná yɩ ɩtɔ́ yɩ sɩsɩ: «Ɩsɔ́ɔ wénveríi nyɔ́rɔ́ Ɖádʊ́ʊ. Aayɩ́ wentí nyánŋmatɩ́ ɖɔ́ nɛ́ tɩdɔ́nmɔɔná nya.» 23 Amá Yeésu wɛɛgɛ́ɛ́zɩ ɩdɩ nɛ́, ngɛ wɔɔdɔ́ sɩsɩ: «Laná ma bolíni Sitáánɩ! Nyɛ́gɛ́ɛ ma kɔdɔká gɛ mánɩ́bááwʊ‑rɔ, káma nyólómaazɛ́ tɛkɛ́ɛ Ɩsɔ́ɔ‑dɛ́ɛ ńná, amá ɩráa‑dɛ́ɛ ńná gɛ agɛ́ɛ.»

24 Ngɛ Yeésu wɔɔdɔ́ ɩwanbaaráa sɩsɩ: «A naárʊ sɔɔlɛ́ɛ sɩ ifu ma, íkízi ɩdɩ bɩka ɩkpɔ́ɔ ɩdɛ́ɛ ɖɛ́nɩ abɛlɩ́ akɔ́ɔ ikóvú ma. 25 Káma weení wánjáádɩ sɩ ɩlɛ́ɛ iweezuú nɛ́ wɛ́nbɛɖɩ́ kɩ, amá weení wɛ́nbɛɖɩ́ kɩ mɔ́rɔ́ɔ́zɩ́ nɛ́, wóngoyuú kɩ. 26 Ɩrʊ́ iɖi ɖúúlínya rɩ́ŋa amá ɩbɛ́ɖɩ iweezuú nɛ́, we gɛ bɩvɔ́ɔ́zɩ́rɛ? Yáá we gɛ wánbɩɩzɩ́ ɩfɛ́rɛ na ɩmʊ iweezuú? 27 Káma wángabɩsɩ́ na ɩjaa‑dɛ́ɛ ‑daá ɩ́na ɩdɛ́ɛ na ɩfɛ́rɛ báa weení bɩlɩɩná wenbí báa weení waalá nɛ́. 28 Ménveerím mɩ́ɩ toovonúm sɩsɩ nɛbɛ́rɛ wɛ cé, badánzɩḿ naanɩ́ bana ɩkɔ́nɩ nyazɩ wúro.»