1 ⴹⴹ ⵤⵎⵙ ⵜⵜⵓⵙⵏ⵿ⴾⵔⵎⴹⵓ ⴾⵓⵏⵢ ⴹⵍⵎⵙⵈ ⴹⵗ ⵜⵎⵜⵏ⵿ⵜ ⵓⴹⵢ ⴶⵎⵢⵜ ⵔⵜⵏ ⵓⵏ ⵌⵏⵓⵏ ⴹⴹ ⵍⴰ ⵍⵎⵙⵈ ⵂⴰ ⵗⵍ ⵏⵎⵛⵏⴰ⵰ 2 ⵙⴹⴶⵜ ⵏⵢⵜⵏⵓⵏ ⵙⴰ ⵙⵔⵙⵏ ⵓⵔⴶ ⵙⴰ ⵙⵔ ⵓⵏ ⵏⴹⵏⵜ⵰ 3 ⴼⵍⵙ ⵛⵍⵜ ⵏⵢⵜⴹⵏ ⵀⴰ ⵜⵎⵙⵎ ⵀⵙ ⵜⵜⵎⵤⵍⵎ ⵔⵜⵏ ⵓⵏ ⵜⵜⵎⵤⵍⵎ ⵙ⵿ⵜⵤⵔⵜ ⵎⵔⵏ ⵜⵎⴹⵔ⵿ⵜⵏⵓⵏ ⵜⵙ⵿ⵜⵔ ⵙⵍⵎⵙⵈ ⵗⵔ ⵎⵛⵏⴰ⵰ 4 ⵙ ⴹⵜⵓⵙⵏⴼⵍⵍ ⵍⵎⵙⵈ ⵎⵙⵏ ⵜⵎⴹⵔ⵿ⵜⵏⵓⵏ ⴾⵓⵏⵢ ⴹⴰ ⴹⵜⵜⵓⵙⵏⴼⵍⵍⵎ ⴹⵔⵙ ⵜⴶⵔⵓⵎ ⵍⵈⵔⵎⵏⵜ⵰

5 ⴹⵗ ⴹⵢ ⵏ⵿ⵗⵜ ⴹⵗ ⵎⵏⵓⵏ ⵏⵢⵜⵏ ⴾⵍ ⵛⵏ ⴹⵏⵜ ⵜⵏⵜⵎⵙⵏ ⵤⵏⴰ ⵎⴹⵙ ⵜⵔⴰ ⵏⵎⵏ ⵔⴾ ⴹⵔⵏⵏ ⵜⵔⴰ ⵏⴹⵏⵜ ⵜⵎⵙⵜ ⵎⴹⵔⵓ⵰ 6 ⵔⵜⵏ ⵓⵏ ⴹⵍⵍⵏⵙⵏ ⴼⵍ ⵜⴶⵤ ⵍⵂⵎ ⵎⵛⵏⴰ ⵏⵢⵜⴹⵏ ⵓⵏ ⴶⵢⵏⵏ ⵙⵙ ⵙⵔⵙ ⵤⴶⵤⵏⵏ⵰ 7 ⴾⵓⵏⵢ ⵎⵏⵓⵏ ⴾⵍⴰ ⵜⵏ⵿ⵜⵜⵎⵤⵍⵎ ⵂⵔⵓⴰ ⴹ ⵓⵔ ⵜⴼⵔⴶⵎ ⴹⴼ ⴹⵗ ⵎⵏⵓⵏ⵰

8 ⵎⵔⴹⴰ ⵔⵜⵏ ⵓⵏ ⴾⵍ ⵎⵤⵢⵜ ⴹⵔⵙⵏ ⵜⵏⵎⵙⵏ ⵍⵂⵎ ⵛⵔ ⵤⵏ⵿ⴶⵓ ⵛⵤⵎⵜ ⵔⴾ ⵀⵜⵜⵏ⵰ 9 ⴹ ⵓⵔ ⵜⵜⵏⵎⴶⵎ ⵀⵂⵓ ⴶⵔⵓⵏ ⴼⵍⵙ ⵜⵌⵓⵔⵎ ⵜⴾⵙⵎ ⴹⵗ ⵎⵏⵓⵏ ⵜⵛⵜⵏⵓⵏ ⵜⴰ ⵜⵔⵓⵜ ⴹⵎⵤⵍⵏⵜ 10 ⵜⵤⵔ ⵜⴶⵎ ⴹⵗⵙⵏ ⵎⵔⴹⴰ ⵢⵜ ⵜⵤⵔⵢⵜ⵰ ⵎⵏⵓⵏ ⵓⵏ ⵏ⵿ⵜⵏⵢ ⵜⵓⵛⵛⵢⵏⵢⵏⵏ ⴼⵓ ⵙ ⵛⵛⵍⵏ ⵏⵎⵈⵍⴾⵏⵙⵏ ⴼⵍ ⴹ ⵜⵍⵎ ⵎⵙⵏⵜ ⵜⵏ⵿ⴹⵜ ⵏⵎⵛⵏⴰ⵰ 11 ⴹⵗ ⵜⵎⵓⵜ ⵜⴰ ⵜⵤⵔⵢⵜ ⴰ ⵓⵔ ⵜⵜⵍⴰ ⵤⵍⵢⵜ ⴶⵔ ⵢⵜⴹⵏ ⴾⵍ ⴶⵔ ⵆⵍⵏ ⴾⵍⵍⵢⵂⴹ ⵓⵍⴰ ⵓⵏ ⵜⵏⵓⵔⵏⵎⵙ ⴶⵔ ⵓⵏ ⵎⵏ⵿ⴾⴹⵏⵏ ⵓⵍⴰ ⵓⵏ ⵓⵔ ⵏⵎⵏ⵿ⴾⴹ ⴶⵔ ⵎⵙⵏ ⵗⵔⵀ ⵓⵍⴰ ⵍⵌⵂⵍⵏ ⴶⵔ ⵎⵙⵏ ⴾⵍⵏ ⵓⵍⴰ ⵍⵍⵏ ⵍⵎⵈⵙⴹ ⵙ ⴾⵜⵏⵙⵏ ⵂⵏ ⵍⵎⵙⵈ ⴹⵢ ⵎⵙⵏ ⵔⵜ ⴾⵍ⵰

12 ⴾⵓⵏⵢ ⵜⵂⵎ ⵓⵏ ⴹⵙⵏⴼⵔⵏ ⵎⵛⵏⴰ ⵙⵓⵔ⵿ⵜⵏ ⴶⵏⴰ ⵔⵏ⵰ ⴹⵗ ⴹⵢ ⵜⴶⵤⵜⴾⵓⵏ ⵜⵂⵏⵏ⵿ⵜ ⵜⵍⵎ ⵎⵏ ⵎⵍⵍⵏⵏ ⵜⵙⵍⵆⵓⵎ ⵎⵏⵓⵏ ⵜⵍⵗⵎ ⵜⴶⵤⴾⵓⵏ ⵜⵤⵢⴹⵔ⵿ⵜ⵰ 13 ⵏⵎⵓⵢⵜ ⴶⵔⵓⵏ ⴹ ⵜⵜⵏⵎⵙⵔⴼⵎ ⴶⵔⵓⵏ ⵙ ⵏⵎⵛⴾ ⵢⵏ ⴹⵗⵓⵏ ⴹⵎⴹⵏⵜ⵰ ⴹ ⵜⵜⵏⵎⵙⵔⴼⵎ ⴶⵔⵓⵏ ⴾⵓⵏⵢ ⴹⴰ ⵙ ⵜⵎⵓⵜ ⵜⵙ ⴹⵓⵏⵙⵔⴼ ⵎⵍⵢ⵰ 14 ⵔⵜⵏ ⵓⵏ ⴾⵍ ⴶⵓⵜ ⵜⵔⴰ ⴹⵏⴶⵙⵏ ⵙ ⵜⴶⵎ ⴹⵢ ⴹ ⵜⴾⵏⵎ ⵏⵎⵏⴾ⵰

15 ⵍⵈⵔ ⵓⴰ ⴶⴰ ⵍⵎⵙⵈ ⴹⵗ ⵓⵍⵏⵓⵏ ⵈⴾⵎⵜ ⵛⵏⴹⵏⵓⵏ ⴼⵍⵙ ⵍⵈⵔ ⵓⵏ ⴹⴰ ⵙ ⴾⵓⵏ⵿ⴹⵗⵔⴰ ⵎⵛⵏⴰ ⴼⵍ ⴹ ⵜⵆⵍⵎ ⵔⵜ ⵢⵏ⵿ⴹⴰ ⴹⵙ⵿ⵜⵜⴶⴹⵢⵎ⵰ 16 ⵗⵙⵔⵜ ⵓⵍ ⵏⵍⵎⵙⵈ ⴹⵗ ⵓⵍⵏⵓⵏ ⵙⴶⵜ⵰ ⴹ ⵜⵜⵏⵎⵙⵙⵗⵔⵎ ⵜⵜⵏⵎⵙⵏ⵿ⴾⴹⵎ ⴶⵔⵓⵏ ⵙ ⵜⵢⵜⵢ ⵜⵏ⵿ⴹⵜ ⵎⵔⵏ ⴹ ⵜⵜⴶⵎ ⵛⴶⵢⵜⵍⵏ ⵢ ⵎⵛⵏⴰ ⵙ ⵎⵏ ⴶⵍⵢⵏⵏ ⴹⵜⵎⵍⵏ ⴹⵙⴾⵏ ⵓⵏ ⴹⴶⵎⴹⵏⵏ ⴹⵗ ⵏ⵿ⴼⵙ ⵓⴰ ⵤⴹⴶⵏ⵰ ⵜⴶⵜⵏ ⴼⵍ ⴹ ⵜⵙⴾⵏⵎ ⴶⴹⵏⵓⵏ ⵢ ⵎⵛⵏⴰ⵰ 17 ⵔⵜ ⴾⵍ ⵓⴰ ⵜⴶⵏⵎ ⴹⵓⴰ ⵜⵜⴶⵎ ⵎⵤⵍⵜⵓ ⵙⵙⵎ ⵏⵎⵍⵢ ⵗⵢⵙⴰ ⵙⵔⵙ ⵜⵜⴶⴹⵢⵎ ⵢ ⵎⵛⵏⴰ ⴹⵢ ⵏⵀⵏⵏⴰ⵰

18 ⵛⴹⴹⵏ ⵍⴾⵎⵜ ⵢ ⵜⵏⴰ ⵏⵎⴹⵏⴾⵎⵜ ⵎⴾ ⵙ ⵂⵔ ⵜⵜⴶⵏⵜ ⵜⴹⴹⵏ ⵛⵏ ⵂⵏⵏ ⵜⵔⵢⵜ ⵏⵍⵎⵙⵈ⵰

19 ⵎⴹⵏ ⵔⵓⵜ ⵛⴹⴹⵏⵓⵏ ⵎⵔⵏ ⴾⵓⵏⵓⵔⵜⴶⵤⵏ ⵔⴾ ⵎⵏ ⵙⵔⵙⵏⵜ⵰

20 ⵀⵔⵔⵏ ⵀⵔⴹⴶⵜ ⵢ ⵎⵔⵓⵏⵓⵏ ⴹⵗ ⵔⵜ ⴾⵍ ⴼⵍⵙ ⴹⵢ ⴹⴰ ⴶⵎ ⵎⵍⵢ⵰ 21 ⵎⵔⵏ ⴾⵓⵏⵢ ⵎⵔⵓⵏ ⴹ ⵓⵔ ⵜⵜⵂⵔⵛⵎ ⵀⵔⵔⵏⵓⵏ ⴼⵓ ⴼⵍ ⴹ ⵓⵔ ⵗⵛⴹⵏ ⵎⵏⵙⵏ⵰

22 ⴾⵍⵏ ⵀⵔⴹⴶⵜ ⵢ ⵎⵙⵓⵏ ⴹⵗ ⵔⵜ ⴾⵍ⵰ ⴹ ⵓⵔ ⵜⵜⴶⵎ ⵔⵜ ⴼⵍ ⵙ ⵜⵜⵓⵓⵍⵎ ⵗⵙ ⵜⵔⵎ ⴶⵢ ⵏⵓⴰ ⴶⵎⵏ ⵢⵜⴹⵏ ⴾⵍⵔ ⴶⵜⵓ ⴶⵔⵓⵏ ⴹⵎⵏⵓⵏ ⵙ ⵜⴾⵙⴹⴰ ⵏⵎⵍⵢ⵰ 23 ⵛⵗⵍ ⵓⴰ ⵜⵜⴶⵎ ⴾⵍ ⵎⵤⵍⵜⵓ ⵙⵓⵍ ⵢⵏ⵿ⴹⴰ⵰ ⴶⵓⵜ ⵙ ⴶⵢ ⵏⵙ ⵎⵙ ⵛⵗⵍ ⵜⴶⵎ ⵢⵎⵍⵢ ⵓⵔⴶⵗ ⵢⵢⵜⴹⵏ⵰ 24 ⴼⵍⵙ ⵜⵙⵏⵎ ⵙ ⵎⵍⵢ ⴾⵓⵏⴾⴼⵓ ⵍⴾ ⵎⵙⵏ ⵜⴾⵙⵜ ⵜⴰ ⵙⵏ⵿ⵙⴰ ⵢⵢⵜⴹⵏⵜ⵰ ⵍⵎⵙⵈ ⵏ⵿ⵜⴰ ⵎⵍⵏⵓⵏ⵰ 25 ⵢ ⴶⵏ ⵔⴾ ⵎⵤⵍ ⴹ ⵜⵔⵤⵎ ⴼⵍⵙ ⵛⵔⵗⴰ ⵏⵎⵛⵏⴰ ⵍⴰ ⵓⵔ ⵜⵜⵂⴰ ⵜⵎⵔⵜ⵰