1 Treño t’Ià. Rengeo t’Iehovà,

hirik’an-dindiñe añe,

jejò ry an-dikerañeo.

2 Treño ry hene anjeli’eo,

jejò ry lahialen-dikerañeo.

3 Treño, ry andro naho volañeo,

mandrengea aze,

ry vasiañe mipelapelatse eñeo.

4 Treño ry likerañe an-tiotiotseo

naho o rano ambonen-dikerañeo.

5 Bangoeñe ty tahina’ Iehovà,

amy t’ie nandily, le nioreñe iereo.

6 Toe noriza’e tsy ho modo nainai’e;

nampijadoñe lily tsy ho lilareñe.

7 Rengeo t’Iehovà boak’ an-tane

ry fañane jabajaba an-driak’ ao

naho ry laleke iabio,

8 ry helatse naho havandra,

fanala naho tsìtsiñe,

ry tio-bey mañeneke o tsara’eo,

9 ry vohitseo naho ze hene haboañe,

o hatae miregoregoo naho

o mendoraveñe iabio* Eretse: hatae bey,

10 ry biby lio naho ze fonga hare,

ry biby milalio naho voroñe mitiliñeo,

11 ry mpanjaka’ ty tane toio

naho ze kila ondaty,

ry roandriañe naho mpifehe’ ty tane toio,

12 ry ajalahy naho somondrarao, ry androanavy naho ajajao;

13 Hene mibango ty tahina’ Iehovà;

fa i tahina’ey avao ro onjoneñe;

ambone’ ty tane toy

naho o likerañeo ty enge’e.

Ty enge’ o noro’e iabio,

o ana’ Israeleo ‘nio,

ondaty marine azeo.

Treño t’Ià!