1 Ie amy zay, ry longo-sarotse tamaekoo! ty haehako naho sabakan-drengeko, mijohaña amy Talè, ry rañeko. 2 Mihalaly amy Eodiae raho naho mihalaly amy Sintikee t’ie hiharo-rehake amy Talè. 3 Eka, ry longo-sarotse, ehe imbao i nindre nifanehake amako amy talili-soay rey, naho i Klementa, naho o mpitrao-toroñe amako ila’eo, ie fa misokitse am-boken-kaveloñe ao o tahina’eo.

4 Mirebeha nainai’e amy Talè. Indraeko ty hoe: mañonjona kobaiñe!

5 Ee te ho rendre’ ze kila ondaty ty hatsò-tro’areo. Fa marine t’i Talè.

6 Ko emberen’ inoñ’ inoñe fe amy ze he’e, am-pilolofañe naho halaly mitraofa fañandriañañe, le ampahafohino an’ Andrianañahare o fisalalà’ areoo, 7 le ty fañanintsin’ Añahare milikoatse ze hene fohiñe abey ro hañambeñe o arofo naho fitsa­korea’ areoo am’ Iesoà Norizañey.

8 Honka’e ry longo, ze atao hatò, ze hene havañonañe, ze ma­hity, ze hiringiri’e, ze fanjàka, vaho ze soa talily; naho eo ty talango’e, naho eo ty mañeva renge—imoneño. 9 Le anò o nirendreke naho rinambe naho jinanjy vaho nioni’ areo amakoo, aa lonike te ho ama’ areo t’i Andrianañaharen-kanintsiñe.

10 Akore ty firebehako amy Talè kanao nivaòeñe indraike ty fiatraha’ areo ahy henaneo, toe fa ela, ie ho nanoe’ areo avao, fe tsy nahatafetetse heike. 11 Tsy te mipay t’ie nitaroñeñe, fe nioke tsy hieren-draho ndra inoñe ty mizo; 12 Mahazats’ ahy te poie’e, haiko t’ie anjañe. Aa ndra aia’ aia, naho aman’ inoñ’ inoñe le fa niòke, ke te vontsy he saliko, ke mpañarivo he rarake, 13 ho tafetereko ze he’e añamy Mpampaozatse* Jao 15:5, Ko II 3:5-6, 12:9, Efe 3:10, Fil 2:13, Heb 13:20-21, Jn I 4:4 ahikoy.

14 Fe, soa i nanoe’ areoy, t’ie nitraoke amy faloviloviakoy, 15 le fohi’ areo ka, ry nte-Fili­pio, t’ie niakatse i Makedonia añe naho namototse nitaroñe i talili-soaiy, le tsy eo ty Fivory namahañ’ ahy ndra an-tolo­tse ndra rambe, naho tsy inahareo avao. 16 Eka ie te Tesaloni­ka añe, tsy in­draike avao ty nañitrifa’ areo o nipaiakoo. 17 Tsy t’ie mipay falalàñe, fa i vokatse haroroñe amy rake’ areoiy. 18 Le hene rinambeko ami’ty hapea’e, toe nahaeneñe vaho nahaàtseke, toe rinambeko amy Epafrodito o nahitri’ areoo; hàñin-kanintsiñe† Avo 29:18; Ko II 2:14-15, Efe 5:2, soroñe mañeva naho sitran’ Añahare. 19 Aa le hatsafen’ Añahareko abey ze hene paiae’ areo amy vara’e lifots’ engeñe am’ Iesoà Norizañeiy.

20 Aa ie henaneo, aman’ Añahare Raentika ty engeñe nainai’e donia, Amena. 21 Añontaneo ze hene noro’e am’ Iesoà Norizañey. Mañontane anahareo o rolongo amako atoio. 22 Salamae’ o noro’e iabio, àntsake o añ’anjomba’ i Kaisarao. 23 Ho ami’ty arofo’ areo abey ty hasoa’ Iesoà Talè Norizañey.