1 Ry ajajao, mivohora aman-droae’ areo amy Talè ao, fa zay ty hìti’e. 2 Miasia an-drae’o naho rene’o—ty lily valoha’e minday fampitamañe, 3 soa te ho tahie’e naho ho lava haveloñ’ amy Taney ao.* Avo 20:12, Its 5:16 4 O ry rae, ko bo­sehañe ty anake, fe beizo amy fañohoañe naho famerea’ i Talè.

5 O ry ondevoo, mivohora ami’ty mpifehe’ areo amy haondati’ey, le ihembaño naho ititititiho an-tsò-po, manahake t’ie i Norizañey; 6 le ko mitoroñe am-pihainom-bei-lomboke, fe hoe ondevo’ i Norizañey, mitoloñe añ’ arofo ze satrin’ Añahare† Rom 6:16-23 , 7 mitoroña am-pilozohañe hoe amy Talè fa tsy am’ondaty, 8 ie fohiñe te ndra iaia manao soa, ro ho valè’ i Talè, ke t’ie ondevo, he midada. 9 Ry talèo! ano manahak’ izay iereo; apoho ty fañembàñañe. Tiahio te andindìñe ao t’i Talè’ iareo naho ty azo, ie tsy mirihy.

10 Hengaha’e, mihaozara amy Talè naho ami’ty hafatrara’ i haozara’ey. 11 Aombeo ty fikalañan’ Añahare fonitse, hatreatrè’areo ty famañahia’ i mpañìnjey; 12 amy te tsy mifandrapake ami’ty nofotse naho lio tika, fa amo mpifelekeo, amo aman-dilio, amo mpifeleke an-kamoromoroña’ ty voatse toio, vaho amo fañahin-karatiañe añ’aboo. 13 Aa le rambeso ze hene fikalan’ Añahare, hahafijohaña’o amy andro ratiy, le ie fonga nanoeñe, mijadoña. 14 Mijohaña arè, ie fa nisadia ty hatò‡ Ies 11:5, naho niombe ty fikalañan’ arañan-kahitiañe§ Ies 59:17, 15 vaho nihana ty fihentseñañe i talili-soam-pañanintsiñey* Ies 52:7, 16 tovo’e, rambeso ty fikalandefom-patokisañe† Sab 28:7, hampikipefañe o ana-pale mibela’ i Ratio, 17 endeso ka ty sabakam-pandrombahañe‡ Ies 59:17 naho ty fibara’ i Arofoy, toe i saontsin’ Añaharey§ Ies 11:4, 18 vaho nainai’e mihalalia añ’arofo, an-doloke naho halaly iaby. Mijilova am-pigahiñañe naho am-pihalaliañe heneke ho a o fonga noro’eo. 19 Mihalalia ho ahy ka, t’ie ho tolorañe ty hahafitaroñe am-palie misokake, hahavany hampandrendreke ty tafatoño’ i talili-soay, 20 ie sorotà’e an-drohy; ihalalio te hahasibeke fita­roñe ami’ty fañeva’e.

21 Aa, ty haharendreha’areo o fitoloñakoo naho ty amako, le i Tikiko, rahalahy sarotse naho mpitoroñe migahi’ i Talèy ro hampahafohiñe anahareo ze he’e. 22 Zay ty nañitrifako aze mb’ama’ areo añe, hitalilia’e anay naho hañoho o arofo’ areoo.

23 Fañanintsiñe amo rolongoo, naho fikokoañe am-patokisañe boak’ aman’ Añahare Rae naho Iesoà Talè Norizañey. 24 Hasoa amy ze hene mpikoko i Talèntika Iesoà Norizañey an-koko tsy modo. Amena.