1 Fa miboele te ama’ areo ty fifampirañaotañe, toe hakarapiloañe tsy amo kilakila’ ndatio: te eo ty miharo-lamba amy valin-drae’ey! 2 Akore te iebotsebora’ areo! tsy hamake ho nandala? soa te ho naitòañe i nanao zay. 3 Aa naho zaho, ndra te tsy eo am-batañe, le miatreke an-troke vaho fa zinakako i nanao zay, manahake t’ie eo. 4 Ie mivory amy tahina’ Iesoà Talèntikañey, le ama’ areo an-troke raho, ami’ty haozara’ Iesoà Talèntikañey, 5 aa le aseseo amy mpañìnjey indatiy handro­tsahañe i haondati’e hambo’ey, soa te ho rombaheñe ami’ty andro’ i Talè Iesoà i arofo’ey.

6 Tsy mete ty firoharohà’ areo; tsy fohi’ areo hao te mahatsi­tsike ty boko’e ty lalivay kede. 7 Kohezo soa o lalivay hambo’eo soa t’ie ho boko’e vao, manahake t’ie tsy aman-dalivay, fa nisoroñañe ho antika i Norizañey, i Fihelan-tikañey* Avo 12:3 8 Aa le antao hiambeñe i sabadidakey, tsy an-dalivay hambo’e, tsy an-dalivain-kalo-tserehañe naho haratiañe, fa ami’ty tsy aman-dalivai’ i hatsò-troke naho hatòy.

9 Nisokirako amy taratasikoy te tsy hitrao-drehake amo manao hakarapiloañeo, 10 fe tsy t”ie ze fonga karapilo’ an’ tane atoy ndra ze mpihàñe naho mpikatramo ndra ze mpañori-pahasive, amy t’ie tsy mahay tsy ho niakatse an-tane atoy. 11 Fe nisokirako te tsy hitraofa’areo ty miantoñoñe ho longo, te mone mpandrañaotse ndra mpitsikirìke, ndra mpitorom-pahasive, ndra mpañinje, ndra mpijike, ndra mpikatramo. Ko itraofam-pikama. ­ 12 Inoñe ty izakako o alafe’eo? Tsy zakae’ areo hao o ama’ areoo? 13 I Andrianañahare ty hizaka o alafe’eo, fe