16
Ensel kɨli tap tɨmel yɨbɨl anep kugul ak dad apɨl sogɨlak
1 Sng 69.24, Ais 66.6, Jer 10.25, Ese 22.31, Sef 3.8, Lep 14.10, 15.1, 15.7, 16.17 Pen nɨgɨnek, takaw olap God agnɨgep kal awl mɨgan ayaŋ nɨb, ensel anep kugul ak kɨlop suk awl agɨl agak, God nop mɨlɨk yowup ak, kɨnag anep kugul ak kɨnag mɨgan mɨdeb, dam lum awl ayaŋ sogem amnaŋ agak.
2 Kis 9.10, Lo 28.35, Lep 8.7, 13.12-17 Anɨb agek, ensel ned ak kɨnag ne dam lum adek ayaŋ sogak. Sogek, binɨb kɨli tap ladek kɨjɨkɨl ne ak dɨl, kawnan nop tek gɨlɨlak ak yɨb dad aplanɨlak okok, kɨlop soy ladek yul awl yɨbɨl gak okok lak.
3 Kis 7.17-21, Lep 8.8-9 Ensel nab ak, kɨnag ne dam ñɨg solwala adek ak sogak. Sogek, ñɨg solwala ak, binɨb ñagel nɨkɨm owup tek ak lɨl, tap ñɨg solwala nab anɨb okok yelak okok, mɨdupsek kum dɨlak.
4 Kis 7.17-21, Sng 78.44, Lep 8.10 Ensel nab peŋ ak, kɨnag ne dam ñɨg awl okok sek, ñɨg kɨlam jup okok sek sogak. Sogek, ñɨg okok mɨdupsek nɨkɨm sek lak. 5 Sng 119.137, Lep 1.4, 1.8, 11.17, 15.3 Pen ensel ñɨg mɨdupsek kod mɨdeb ak ne agak, God, nad bɨ suŋtep yɨbɨl agak. Mɨñɨl mɨdeban, bɨlel yelɨgɨpan agak. Binɨb anɨb okok kɨlop bɨlokɨl nepan ak nɨm, tap tɨmel yɨbɨl agyokɨpan anɨb okok, kɨlop nɨŋɨd yɨbɨl anɨgɨpan agak. 6 Sng 79.3, Ais 49.26, Mat 23.34-35, Lep 11.18, 13.15, 18.20 Binɨb anɨb okok, kɨli binɨb nad yɨl okok kɨlop paklɨl, bɨ God gos ñek agñeb okok kɨlop paklel nɨkɨm sogak ak nɨm, kɨlop pen abe nɨkɨm ñe ñɨbebal ak, gɨl debal agak. 7 Sng 19.9, Lep 13.10, 15.3, 16.14, 19.2 Anɨb agek, takaw olap God nop sɨbogep abañ adek ak nɨb agak, Nad God Bɨawl yɨbɨl, tap okok mɨdupsek gɨnɨmɨn tek nep mɨdeb ak agak. Binɨb anɨb okok kɨlop bɨlokɨl nɨŋɨd yul ñɨban ak, gɨpal tek nɨŋɨd pen abe gɨpan agak. Yɨpɨd gɨl adek ak nep gɨpan agak.
8 Lep 8.12, 14.18 Ensel tɨgawup ak, kɨnag ne dam sub anop sogak. Sogek, binɨb okok kɨlop sɨj tɨmel yɨnɨg gɨnɨmuŋ tek lak. 9 Dan 5.22-23, Lep 9.20-21, 11.13, 14.7, 16.21 Sɨj tɨmel yɨnɨg gɨnɨmuŋ tek lak ak, kɨlop tapɨn nep yɨnak ak pen, tap tɨmel gɨlak ak ma kelɨgɨl, yɨb nop ma dad aplanɨlak. Chɨnop tap tɨmel yɨbɨl ñeb agɨl, nop agjulak.
10-11 Kis 10.21-22, Ais 8.22, Lep 9.2, 9.20-21, 11.10, 13.2, 16.21 Ensel mamɨd ak kɨnag ne dad amɨl, tap ladek man kod mɨdep ne ak adek sɨŋak sogak. Sogek, binɨb ne kod yolɨgup nab ak, sɨb gup bad ak kɨlop yuwɨg dak. Soy ladek lɨl, yul awl gek, yalɨb su tɨbɨkɨlak ak pen, tap tɨmel gɨlak ak ma kelɨgɨlak. Gɨlɨg nep mɨdɨl, God man ne alaŋ nop agjulak.
12 Ais 11.15, 41.2, 41.25, Jer 50.38, Lep 9.14 Ensel kagol ak, kɨnag ne dam ñɨg awl Yupletis sogak. Sogek, ñɨg anɨb ak pɨsnep mɨlep gak. Mɨlep gek, gapman bɨnonɨm man sub lɨm gup okok nɨb ownɨgel. 13 1 Jo 4.1-3, Lep 12.3, 12.9, 19.20, 20.10 Anɨgaknɨŋ, kɨcheki walɨjpal as tek lak omɨŋal nokom nɨgɨnek. Olap kɨpi awl meg mɨgan ak nɨb aplan jakak, olap tap ladek meg mɨgan ak nɨb aplan jakak, olap bɨne nop gos ñek binɨb okok kɨlop yepɨs yɨbɨl agñak ak* Bɨ God takaw ma agɨl, yepɨs yɨbɨl agolɨgup ak, ne tap ladek kɨdek ak. Ned ne binbɨ kɨlop agak, Tap ladek ned tap nop tek gɨlak ak, nop kɨgom yɨmɨl agnɨgɨnɨmɨb agak. Sapta 13.11-16 nɨgɨnɨm. meg mɨgan ak nɨb aplan jakak. 14 2 Te 2.9, 1 Ti 4.1, Jem 3.15, Lep 16.7, 17.14, 19.6, 19.15, 19.19-20 Kɨcheki walɨjpal anɨb okok, tap mageptek okok gɨnɨgel tek lak. God ne tap okok mɨdupsek gɨnɨmuŋ tek nep mɨdeb ak, ñɨn awl ne ak gɨnɨgab anɨb ak tek, kɨcheki okok kɨli am gapman bɨnonɨm man awl keke mɨdupsek kod mɨdebal tek amnɨlak. Amɨl, gapman bɨnonɨm anɨb okok ayɨp bɨ kɨli chɨm kadɨŋ gep okok ayɨp, kɨlop poŋɨd dap nan gɨl, God ayɨp penpen gɨnɨg gɨlak.
15 Mat 24.43-44, Luk 12.39-40, 2 Ko 5.3, 1 Te 5.2, 2 Pi 3.10, Lep 3.3, 3.18 Pen agak, Nɨgtep gɨnɨmɨb agak. Yad ownɨg, bɨ tap si dep okok, ma nɨg mɨdebal won ak opal tek ak ownɨgayn agak. Anɨb ak nɨm, bɨ wɨsɨn ma kɨnɨl, chech ne wulep sɨŋak lɨl yenɨgab ak, bɨ anɨb ak chɨb mɨgan day nep ma amek, nebeŋ ma gɨnɨgab. Mɨñmɨñ gɨnɨgab agak.† Takaw anɨb ak layn 15 mɨdeb, Jisas Klays ne ke agak.
16 Het 5.19, Sek 12.11, Lep 19.19 Pen kɨcheki walɨjpal anɨb okok, gapman bɨnonɨm man keke okok kɨlop dap nan gɨpal man ak, Hiblu takaw agɨl Almagedon apal.
17 Lep 16.1 Ensel kugul ak, kɨnag ne dam wɨsɨp adek alaŋ sogak. Sogek, takaw olap bɨnonɨm besɨgep mɨdep ak, God agnɨgep kal awl mɨgan ayaŋ nɨb suk awl agɨl agak, Tap okok mɨdupsek gɨjup agak. 18 Dan 12.1, Lep 4.5, 8.5, 11.13, 11.19 Anɨb agaknɨŋ, añɨñak dɨlɨg, tɨmuk awl agɨlɨg, gu agek palsek amɨl, monmon awl dak. Monmon anɨb ak monmon awl yɨbɨl, binɨb lum awl ned ma nɨgelɨgɨpal tek olap owak. 19 Ais 51.17, Jer 25.15-16, Lep 14.8-10, 17.18, 18.5 Monmon awl yɨbɨl anɨb ak dɨl, taun Babilon ak bu agɨl, asɨk kɨd omɨŋal nokom lɨl, taun man keke okok mɨdupsek, kal tap okok pɨgju kosɨl masɨl gak. Gak anɨb ak, God nop mɨlɨk yɨbɨl yapek, Babilon binɨb gɨlak ak sawl ma gɨl, kɨlop ñɨg sɨlek kɨnag tub alaŋ aplan jakak ak, ñek ñɨŋɨlak. 20 Lep 6.14 Pen man ñɨg tɨb kus gak okok mɨdupsek pɨlɨk amnak, dum okok pen pɨsnep kul gak. 21 Kis 9.23-24, Lep 11.19, 16.9-11 Tap tɨmel yɨbɨl ak nɨm, tun man mɨdup awl yɨbɨl okok wɨsɨp alaŋ nɨb yowak. Tun man mɨdup nokom nokom ak, mɨŋel 50 kiloglam tek yek. Yapɨl, binɨb okok kɨlop sɨj tɨmel yɨbɨl pakak. Kɨlop sɨj tɨmel yɨbɨl pakek nɨŋɨd, God nop pɨsnep agjulak.
16:1 Sng 69.24, Ais 66.6, Jer 10.25, Ese 22.31, Sef 3.8, Lep 14.10, 15.1, 15.7, 16.17
16:2 Kis 9.10, Lo 28.35, Lep 8.7, 13.12-17
16:3 Kis 7.17-21, Lep 8.8-9
16:4 Kis 7.17-21, Sng 78.44, Lep 8.10
16:5 Sng 119.137, Lep 1.4, 1.8, 11.17, 15.3
16:6 Sng 79.3, Ais 49.26, Mat 23.34-35, Lep 11.18, 13.15, 18.20
16:7 Sng 19.9, Lep 13.10, 15.3, 16.14, 19.2
16:8 Lep 8.12, 14.18
16:9 Dan 5.22-23, Lep 9.20-21, 11.13, 14.7, 16.21
16:10-11 Kis 10.21-22, Ais 8.22, Lep 9.2, 9.20-21, 11.10, 13.2, 16.21
16:12 Ais 11.15, 41.2, 41.25, Jer 50.38, Lep 9.14
16:13 1 Jo 4.1-3, Lep 12.3, 12.9, 19.20, 20.10
*16:13 Bɨ God takaw ma agɨl, yepɨs yɨbɨl agolɨgup ak, ne tap ladek kɨdek ak. Ned ne binbɨ kɨlop agak, Tap ladek ned tap nop tek gɨlak ak, nop kɨgom yɨmɨl agnɨgɨnɨmɨb agak. Sapta 13.11-16 nɨgɨnɨm.
16:14 2 Te 2.9, 1 Ti 4.1, Jem 3.15, Lep 16.7, 17.14, 19.6, 19.15, 19.19-20
16:15 Mat 24.43-44, Luk 12.39-40, 2 Ko 5.3, 1 Te 5.2, 2 Pi 3.10, Lep 3.3, 3.18
†16:15 Takaw anɨb ak layn 15 mɨdeb, Jisas Klays ne ke agak.
16:16 Het 5.19, Sek 12.11, Lep 19.19
16:17 Lep 16.1
16:18 Dan 12.1, Lep 4.5, 8.5, 11.13, 11.19
16:19 Ais 51.17, Jer 25.15-16, Lep 14.8-10, 17.18, 18.5
16:20 Lep 6.14
16:21 Kis 9.23-24, Lep 11.19, 16.9-11