1  Jer 49.36, Dan 7.2, Sek 6.5 Pen tap anɨb okok gak ak kɨdek nɨgɨnek, ensel anep tɨgawup ak kɨli lum awl mɨd kus gɨl, day puŋɨlek amnak kɨd omɨŋal omɨŋal ak yɨgen owin agek chɨchɨk dɨlak. Yɨgen ak delak, lum awl, ñɨg solwala, mab, tap okok gɨnɨmuŋ tek ma mɨdeb. 2-3  Ese 9.4-6, Lep 6.6, 9.4, 14.1, 22.4 Pen nɨgɨnek, ensel olap sub lɨm gup okok nɨb, God pel mɨdep ak tap kɨl tɨk lep ne ak dad owak. Apɨl, binɨb ne okok kɨlop kɨjɨkɨl tɨkɨnɨg, ensel omɨŋal omɨŋal yɨgen gel ownɨg gek okok kɨlop suk agɨl agak, Alad gɨm agak. Binɨb God chɨn ak nop dɨtep gɨpal okok, kɨjɨkɨl ak nebeŋ kɨlop alaŋ tɨkɨnɨgun agak. Kɨdek yɨgen ak yep lem, ap ñɨg solwala, lum awl, mab tap okok gɨ tɨmel gɨnɨmuŋ agak.

4  Lep 9.16, 14.1-3 Pen takaw olap agel nɨgɨnek, binɨb God kɨjɨkɨl ne ak nebeŋ alaŋ tɨkɨpal anɨb okok, Yislel binɨb jɨj keke okok jɨmñɨl kuŋay yɨbɨl, 144,000.

9  Lom 11.25, Lep 3.5, 3.18, 4.4, 5.9 Pen kɨdek yad nɨgɨnek, bɨnonɨm besɨg mɨdep ak sek, Chag Sipsip Ñɨluk ak sek yɨleknɨŋ, binɨb kuŋay yɨbɨl nep ap wɨdɨn yɨlɨk adek kɨlop sɨŋak jak yelak. Binɨb anɨb okok, man keke lak tek, jɨj keke lak tek, wak keke lak tek, takaw yɨbɨl keke apal tek, ap yelak. Binɨb ñɨn pagep tek ma yek anɨb okok, mɨdupsek chech pal kayɨg yɨbɨl lɨl, albad wɨj dɨ yelak. 10  Ais 43.11, Jer 3.23, Hos 13.4, Lep 4.2, 4.10, 5.13 Kɨli suk awl agɨl agɨlak,

13  Lep 3.18 Pen bɨawl anep 24 anɨb okok olap, ne yɨp agnɨŋɨd agak, Binɨb chech kayɨg teplep pal lɨpal anɨb okok anɨb an agak? Pen kɨli akal nɨb opal agak?

14  Ais 1.18, Dan 12.1, Mat 24.21, Mak 13.19, Hib 9.14, 1 Jo 1.7, Lep 1.5, 6.9 Agek agɨnek, Bɨawl. Nad ke nepan agɨnek. Anɨb agen, yɨp agak, Binɨb okol kɨlop gɨ tɨmel gel, koslam yɨbɨl mɨdɨl opal agak. Pen kɨli Chag Sipsip Ñɨluk nɨkɨm ak dɨl, chech kɨli okok nɨkɨm pakñel, kayɨg gup agak. 15  Ais 4.5-6, Lep 4.2, 4.10, 21.3 Anɨb ak nɨm, kɨli God bɨnonɨm besɨg mɨdep ne nab sɨŋak mɨdɨlɨg, subnab maynab ayaŋ God agnɨgep kal awl mɨgan ak wog gɨñɨlɨg, yɨb nop dad aplanɨlɨg gɨpal agak. Bɨ bɨnonɨm besɨg mɨdep anɨb ak yek, kɨlop kod mɨdtep yɨbɨl gɨnɨgab agak. 16  Sng 121.6, Ais 49.10, Lep 21.4 Kɨlop yuwan ma gɨnɨgab, ñɨg nen ma gɨnɨgab, sub sɨj tɨmel nɨŋɨd yul ma gɨnɨgab agak. 17  Sng 23.1-2, Ais 25.8, 49.10, Ese 34.23, Jon 10.11, 10.14, Lep 5.6, 21.4 Taynen? Chag Sipsip Ñɨluk ne bɨnonɨm besɨg mɨdep nab sɨŋak mɨdeb ak, kɨlop kod mɨdtep gɨnɨgab agak. Kɨlop poŋɨd ñɨg kɨlam junɨgab okok amek, ñɨg pel mɨdep ak ñɨŋɨnɨgabal agak. Pen God ne chaŋ ñɨg kɨlop ak mɨdupsek wik yokɨnɨgab agak.