1 ﭑ نَشَ يّشّييْرّ تٌ بُكِ بَلَنسٍ سِنفٍ رَبِ رَ. ﭑ نَشَ نِمَسٍ ندٍ شُي مّ كٍلِقٍ نَ نِمَسٍ نَانِ تَفِ. عَ شُي سّنبّ نُ فبٌ عَلْ فَلَنيِ. عَ نَشَ عَ قَلَ، «قَ.» 2 نَ دَنفِ شَنبِ، ﭑ نَشَ سٌي قِيشّ ندٍ تٌ، شَلِ سُشُشِ عَ رَفِمَ يِ، مَنفّ كَتَنيِ سَشِ عَ شُن مَ، عَ قَ سِفَ شُننَكٍلِ كُي، عَ مَن شَ سَ فٍينِ.

3 عَ تٌ بُكِ بَلَنسٍ قِرِن ندٍ رَبِ، ﭑ نَشَ نِمَسٍ قِرِن ندٍ شُي مّ. عَ نَشَ عَ قَلَ، «قَ.» 4 سٌي فبٍيلِ نَشَ مِنِ. عٍ نَشَ عَ رَفِمَ يَمَرِ عَ شَ بْحّسَ بَ دُنِحَ كُي، عَلَكٌ عَدَ مَدِيٍ شَ نُ عٍ بٌرٍ كْن نَشَبَ. سَنتِدّفّمَ بٍلٍبٍلٍ نَشَ سٌ عَ يِ رَ.

5 عَ تٌ بُكِ بَلَنسٍ سَشَن ندٍ رَبِ، ﭑ نَشَ نِمَسٍ سَشَن ندٍ شُي مّ. عَ نَشَ عَ قَلَ، «قَ.» ﭑ نَشَ سٌي قْورّ تٌ. سِكٍيلِ نُ سُشُشِ عَ رَفِمَ يِ رَ. 6 ﭑ نَشَ شُي ندٍ مّ نَ نِمَسٍ نَانِ تَفِ، «مّنفِ كِلٌ كٍرٍن سَرٍ لَنمَ لْشْي كٍرٍن وَلِ سَرٍ نَن مَ. قُندٍنيِ مَنِيّ كِلٌ سَشَن لَنمَ لْشْي كٍرٍن وَلِ سَرٍ نَن مَ. عِ نَشَ تُرٍ نُن وّنِ شُن نَكَنَ.»

7 عَ تٌ بُكِ بَلَنسٍ نَانِ ندٍ رَبِ، ﭑ نَشَ نَ نِمَسٍ نَانِ ندٍ شُي مّ. عَ نَشَ عَ قَلَ، «قَ.» 8 ﭑ نَشَ سٌي بُرّشّ شِندٍ دَاشِ تٌ. عَ رَفِمَ شِلِ نّ «قَشّ،» لَاشِرَ نُ بِرَشِ عَ قْشْ رَ. نْي نَشَ سٌ عٍ يِ رَ دُنِحَ سّيتِ كٍرٍن شُن مَ عَ سّيتِ نَانِ يَ مَ، عَلَكٌ عٍ شَ مِشِيٍ قَشَ سَنتِدّفّمَ رَ، كَامّ رَ، وُفَنيِ رَ، عَ نُن سُبٍ شَاحّشِيٍ رَ، نَشٍيٍ نَ وُلَ عِ.

9 عَ تٌ بُكِ بَلَنسٍ سُولِ ندٍ رَبِ، ﭑ نَشَ مِشِيٍ نِي تٌ سّرّشّبَدٍ بُن مَ، مِشِ نَشٍيٍ كْن نُ بَرَ رَشَبَ بَرِ مَ عٍ نُ بِرَ مَ عَلَ شَ مَسٍنيِ نَن قْشْ رَ، عٍ قِندِ عَ شَ سٍيدٍيٍ رَ. 10 عٍ نَشَ عَ قَلَ عٍ شُي عِتٍشِ رَ، «مَرِفِ سّنِيّنشِ نْندِ قَلّ، عِ بُمَ هَن تّمُي مُندُن قَقٍ رَ كِيتِ سَدٍ، عَلَكٌ مُشُ فبٍ شَ حْشْ دُنِحَ مِشِيٍ مَ نَشٍيٍ بَرَ مُشُ قَشَ؟» 11 دٌنمَ كُيٍ قِيشّ نَشَ سٌ عٍ بِرِن يِ رَ. مِشِ ندٍ نَشَ عَ قَلَ عٍ بّ عٍ شَ مَمّ تِ سِندٍن، هَن عٍ وَلِبٌورٍيٍ نُن عٍ نفَشَكٍرٍنيِيٍ شَسَبِ شَ كَمَلِ نَشٍيٍ لَنمَ عٍ شَ قَشَ عَلْ عٍ تَن.

12 عَ تٌ بُكِ بَلَنسٍ سٍننِ ندٍ رَبِ، بْشِ نَشَ سّرّن سّنبّ رَ، سٌفٍ نَشَ عِقْورْ عَلْ سُننُن دٌنمَ قْورّ، كِكٍ نَشَ لُ عَلْ وُلِ، 13 تُنبُييٍ نَشَ بِرَ بْشِ مَ، عَلْ قٌيٍ بٍلٍبٍلٍ شْرّ بٌفِ رَبِرَ مَ كِ نَشّ. 14 كٌورٍ نَشَ بَ نَ، عَلْ كّيدِ مَكُنتَنمَ كِ نَشّ عَ شَ رَفَتَ. فٍيَيٍ نُن سُرِيٍ قَن نَشَ كٍلِ عٍ يِرٍ. 15 دُنِحَ مَنفّيٍ، كُنتِفِيٍ، سْورِ يَرٍرَتِيٍ، بَننَيٍ، سّنبّمَيٍ، كٌنيِيٍ، نُن لَسِرِيٍ، عٍ بِرِن نَشَ عٍ نْشُن يِلِيٍ كُي عَ نُن فٍيَ فّمّيٍ لٌنفٌرِ رَ. 16 عٍ نُ قَ عَ قَلَ فٍيَيٍ نُن قَنيٍيٍ بّ، «وٌ بِرَ مُشُ مَ، وٌ شَ مُشُ نْشُن عَلَ مَ، نَشَن مَفٌرٌشِ مَنفّ كِبَنيِ كُي، عَ نُن يّشّييْرّ شَ شْنّ مَ.» 17 عٍ شَ شْنّ لْشْي شُنفبٍ بَرَ عَ لِ. ندٍ نْمَ عَ يّتّ رَتَنفَدٍ نَ مَ؟