1 وٌن شَ بّيتِ بَ مَرِفِ بّ سّيوّ رَ،

وٌن شَ وٌن شُي عِتٍ وٌن نَكِسِمَ سّنبّمَ بّ.

2 وٌن شَ عَ مَتْشْ،

وٌن شَ عَ مَتْشْي بَ عَ بّ بّيتِيٍ رَ،

3 بَرِ مَ عَلَتَلَ، عَلَ شُنفبٍ نَ عَ رَ،

نَشَن قِندِشِ مَنفّ شُنفبٍ رَ سّنبّمَيٍ بِرِن شُن مَ.

4 يِرٍ تِلِنشِ نَ عَ بّلّشّ.

فٍيَ شُنتَفِيٍ قِندِشِ عَ فبٍ نَن نَ،

5 عَلْ بَا نُن بْشِ عَ نَشٍيٍ دَاشِ عَ بّلّشّ رَ.

6 وٌ قَ، وٌن شَ سُيِدِ، وٌن شَ وٌن عِفٌرٌ،

وٌن شَ وٌن شِنبِ سِن عَلَتَلَ يَ عِ نَشَن وٌن دَا،

7 بَرِ مَ عَ تَن نَن وٌن مَرِفِ عَلَ رَ.

وٌن قِندِشِ عَ شَ حَمَ نَن نَ عَ نَشَن دّ مَدٌنمَ،

عَلْ شُرُ سٍ دّ مَدٌنيِ مّينِمَ فْورّ مَ كِ نَشّ.

وٌ شَ عَ شُي مّ تٌ.

8 وٌ نَشَ وٌ بْحّيٍ رَشْرْشْ عَلْ نَشَن نَبَشِ مٍرِبَ،

عَلْ نَشَن نَبَشِ مَسَ فبٍنفبٍرٍنيِ مَ تّمُي دَنفِشِ.

9 وٌ بٍنبَيٍ ﭑ مَتٌ نّ نَ لْشْي،

هَلِ عٍ تٌ نُ بَرَ ﭑ وَلِ قْشِ تٌ.

10 نَ بْنسْي شَ قٍ نَشَ رَحَاشُ ﭑ مَ حّ تٌنفٌ نَانِ بُن مَ.

ﭑ نَشَ عَ قَلَ، «حَمَ شُرُتَرٍ نَن يِ كِ،

نَشَن مُ ﭑ وَشْنقٍ كٌلٌن.»

11 نَ كُي ﭑ نَشَ ﭑ كَلِ ﭑ مَ شْنّ كُي،

«عٍ مُ سٌمَ ﭑ مَ مَلَبُدٍ كُي قٍقٍ مَ!»