1 عَلَتَلَ سِكٍيلِ كَمَلِتَرٍ نَن شْنشِ،

كْنْ سِكٍيلِ كَمَلِشِ رَقَن عَ مَ.

2 يّتّ عِفبٌحَ قِندِ مَ يَافِ نَن نَ،

كْنْ يّتّ مَفٌرٍ قِندِ مَ لْننِ نَن نَ.

3 تِنشِنيِ تِنشِنتْي رَحّرّ مَ نّ،

كْنْ تِنشِنتَرٍيَ يَنقَنتٍ هَلَكِمَ نّ.

4 نَاقُلِ مُ مِشِ مَلِمَ عَلَ شَ كِيتِ لْشْي،

تِنشِنيِ فبَنسَن نَن مِشِ رَتَنفَمَ نَ قَشّ مَ.

5 تِنشِنيِ تِنشِنتْي رَحّرّ مَ نّ كِرَ قَنيِ شْن،

كْنْ حَاشُحَ مِشِ حَاشِ هَلَكِمَ نّ.

6 تِنشِنيِ تِنشِنتْي رَكِسِمَ نّ،

يَنقَنتٍ تَن لُمَ مِلّ فَنتَنيِ نَن كُي.

7 مِشِ حَاشِ نَ قَشَ، سٍسٍ مُ سْونّيَمَ عَ بّ سْنْن.

عَ شَ نَاقُلِ مُ سّنبّ يٌ قِمَ عَ مَ نَ تّمُي.

8 تِنشِنتْي رَتَنفَمَ نّ حَشَنكَتّ مَ،

مِشِ حَاشِ تَن لُمَ نَ حَشَنكَتّ نَن كُي.

9 مِشِ كٌبِ عَ بٌورٍ شُن نَكَنَمَ عَ شَ وْيّنيِيٍ نَن نَ،

كْنْ تِنشِنتْي رَتَنفَمَ نّ عَ شَ لْننِ سَابُي رَ.

10 تِنشِنتْييٍ نَ هّيرِ سْتْ، تَا حّلّشِنمَ نّ.

مِشِ حَاشِ نَ قَشَ، بِرِن بَرَ فٍينِ.

11 تِنشِنتْييٍ مُنَقَنيِ رَقَمَ نّ عَ شَ تَا مَ،

مِشِ حَاشِيٍ تَن تَا شُن نَكَنَمَ عٍ شَ وْيّنيِيٍ نَن نَ.

12 لْننِتَرٍ يٌمَ نّ عَ بٌورٍ مَ،

لْننِلَ تَن لُمَ سَبَرِ نَن كُي.

13 نَاقِشِ فُندٌ مَكّنّنمَ نّ،

دُفُتّفّ تَن عَ سُتُرَ مَ نّ.

14 مَرَ سِتَرٍحَ حَمَ رَبِرَ مَ نّ،

كْنْ مَرَ سِمَ وُيَشِ تَن قِندِ مَ كِسِ نَن نَ عٍ بّ.

15 مِشِ يٌ تَانِ مِشِ بّ قٍ ندٍ مَ، عَ قَمَ نّ نِمِسَدٍ.

تٌندِقٍ نَ رَبَدٍ، نَ نَن قِسَ.

16 فِنّ قَنيِيٍ بِنيّ سْتْمَ نّ،

كْنْ شّمّ حَاشِ نَاقُلِ نَن تُن سْتْمَ.

17 شّمّ قَنيِ حّرّ كِ عَ مَلِمَ نّ،

كْنْ شّمّ حَاشِ تْورّ نَن بّندُنمَ عَ يّتّ مَ.

18 مِشِ حَاشِ شَ فٍينِ قَمَ نّ عَ مَدَشُدٍ.

تِنشِنتْي تَن شَ فٍينِ قِندِ مَ سَرٍ قَنيِ نَن نَ عَ بّ.

19 تِنشِنتْي كِسِمَ نّ،

كْنْ تِنشِنتَرٍ قَشّ نَن سْتْمَ.

20 بْحّ حَاشِ مُ رَقَن عَلَتَلَ مَ،

عَ وَ مَ تِنشِنيِ نَن شْن.

21 مِشِ حَاشِ قَمَ نّ قٍ حَاشِ سْتْدٍ،

كْنْ تِنشِنتْي تَن كِسِمَ نّ.

22 فِنّ تٌقَنيِ شَشِلِتَرٍ لُمَ نّ عَلْ

شُرُندّ شّيمَ دَاشِ شْسّ حْي رَ.

23 تِنشِنتْي قَمَ نّ قٍ قَنيِ سْتْدٍ،

كْنْ شْنّ نَن لُمَ مِشِ حَاشِ تَن بّ.

24 مِشِ نَشَن بّلّشّ يٍلٍقُ كِ تِدٍ، عَ بَننَيَ سْتْمَ نّ،

كْنْ مِشِ كُمَشِ تَن قِندِ مَ سٍتَرٍ نَن نَ.

25 مِشِ نَشَن عَ هَرِفٍ عِتَشُنمَ، عَ قَمَ نّ هَرِفٍ سْتْدٍ.

يٍ شْلِ مُ لُمَ مِشِ مَ نَشَن عَ بٌورٍ كِمَ يٍ رَ.

26 حَمَ مِشِ دَنكَمَ نّ نَشَن تٌندِ مَ بَلٌي مَتِدٍ،

عٍ دُبَمَ نّ مِشِ بّ نَشَن تِنمَ حَمَ شَ ندٍ سْتْ.

27 قٍ قَنيِ رَبَيٍ، قٍ قَنيِ سْتْمَ نّ،

كْنْ قٍ حَاشِ رَبَيٍ، قٍ حَاشِ نَن سْتْمَ.

28 مِشِ نَشَن عَ شَشِلِ تِمَ عَ شَ نَاقُلِ رَ،

عَ قَمَ نّ بِرَدٍ،

تِنشِنتْي تَن لُمَ نّ عَلْ بُرّشّ نَشَن مُ لِسِمَ.

29 مِشِ نَشَن تْورّ بّندُنمَ عَ شَ دٍنبَيَ مَ،

قٍ قُقَقُ نَن قَمَ قِندِدٍ عَ كّ رَ.

لْننِتَرٍ قَمَ لُدٍ نّ لْننِلَ شَ يَامَرِ بُن مَ.

30 تِنشِنتْييٍ كِسِمَ نّ،

لْننِلَيٍ مِشِيٍ مَسْتْمَ نّ.

31 شَ تِنشِنتْي عَ سَرٍ سْتْ دُنِحَ مَ،

مِشِ حَاشِ نُن يُنُبِتْي قَن عَ سْتْمَ نّ.