1 فْورّ فبٍفبٍ نَن نُ نَ رُبٍن بْنسْي نُن فَدِ بْنسْي يِ رَ. عٍ تٌ عَ تٌ يَاسّرِ نُن فَلَدِ بْشِ قَن شُرُ سٍيٍ بّ، 2 عٍ نَشَ قَ مُنسَ، عٍلٍيَسَرِ، نُن عِسِرَيِلَ كُنتِفِيٍ يِرٍ، 3 عٍ عَ قَلَ عٍ بّ، «تَا نَشٍيٍ شِلِ عَتَرٌتِ، دِبٌن، يَاسّرِ، نِمِرَ، شّسِبْن، عٍلٍيَلٍ، سٍبَمِ، نٍبٌ، نُن بٍيٌن، نٍيٍ نَ بْشِ يَ مَ، 4 عَلَتَلَ نَشَن سَشِ عِسِرَيِلَ حَمَ سَفٌي. نَ لٌنفٌرِ قَن شُرُ سٍ كَنيِيٍ بّ عَلْ مُشُ تَن. 5 شَ وٌ بَرَ تِن عَ رَ، بٍ شَ قِندِ مُشُ تَن فبٍ رَ، هَلِ مُشُ مُ دَنفِ يُرُدّن نَاكِرِ مَ.»

6 مُنسَ نَشَ فَدِ بْنسْي نُن رُبٍن بْنسْي يَابِ، «وٌ نفَشَكٍرٍنيِيٍ سِفَمَ نّ فٍرٍ سٌدٍ، وٌ تَن شَ لُ بٍ؟ 7 مُنقٍ رَ وٌ وَ مَ لِمَنِيَ بَقٍ وٌ نفَشَكٍرٍنيِيٍ يِ رَ، عَلَكٌ عٍ نَشَ دَنفِ يُرُدّن نَاكِرِ مَ بْشِ مَ عَلَتَلَ نَشَن قِشِ عٍ مَ؟ 8 وٌ بَبَيٍ قَن بَرَ نَ وَلِ مْولِ رَبَ ﭑ تٌ عٍ شّي كَنَان بْشِ رَبّندٍ كٍلِقٍ كَدٍ سِ بَرِنٍيَ. 9 عٍ تٌ فّ عٍسٍكٌلِ فُلُنبَ رَبّندٍ، عٍ نَشَ فبِلٍن، عٍ قَ لِمَنِيَ بَ عِسِرَيِلَكَيٍ يِ رَ سٌقٍ رَ بْشِ مَ، عَلَتَلَ نَشَن قِشِ عٍ مَ. 10 عَلَتَلَ نَشَ شْنْ عِسِرَيِلَكَيٍ مَ نَ لْشْي، عَ قَ عَ كَلِ، 11 ‹يِ مِشِ نَشَن بِرِن كٍلِشِ مِسِرَ، نَشَن شَ سِمَيَ بَرَ دَنفِ حّ مْشْحّن نَ، عٍ مُ سٌمَ بْشِ مَ ﭑ نَن ﭑ كَلِ عِبُرَهِمَ، عِسِيَفَ نُن يَشُبَ بّ دّننَشَن قِقٍ رَ عٍ مَ، بَرِ مَ عٍ مُ بِرَ ﭑ قْشْ رَ عٍ حَنِفٍ بِرِن نَ. 12 قٌ يٍقُنٍ شَ دِ شّمّ كَلٍبِ كٍنِسِكَ، نُن نُنُ شَ دِ شّمّ يٌسُوٍ، نٍيٍ نَن ثٍتِ بِرَ ﭑ شُي قْشْ رَ عٍ حَنِفٍ بِرِن نَ.› 13 عَلَتَلَ نَشَ شْنْ عِسِرَيِلَكَيٍ مَ كِ قَنيِ، عَ قَ عٍ رَبّحِن فبٍنفبٍرٍنيِ مَ حّ تٌنفٌ نَانِ بُن مَ، هَن نَ مِشِ بِرِن قَشَ، نَشٍيٍ وَلِ كِ مُ نُ رَقَن عَ مَ. 14 وٌ تَن يُنُبِتْي بْنسْييٍ، وٌ نَ بِرَقٍ وٌ بٍنبَيٍ قْشْ رَ عَلَتَلَ رَشْنْقٍ رَ عِسِرَيِلَ شِلِ مَ. 15 شَ وٌ كٍلِ عَلَ شَ كِرَ شْن، عَ مَن عِسِرَيِلَ رَبّحِنمَ نّ فبٍنفبٍرٍنيِ مَ، عٍ هَلَكِ وٌ شَ قٍ رَ.»

16 عٍ نَشَ سِفَ مُنسَ يِرٍ، عٍ عَ قَلَ عَ بّ، «مُشُ وَ مَ فْورّ تِقٍ بٍ مُشُ شَ شُرُ سٍيٍ بّ، عَ نُن مُشُ وَ مَ يِرٍيٍ يَءِلَنقٍ بٍ مُشُ شَ فِنّيٍ نُن مُشُ شَ دِيٍ لُمَ دّننَشّ. 17 كْنْ مُشُ بَرَ تِن سْورِحَ رَبَدٍ مُشُ نفَشَكٍرٍنيِ عِسِرَيِلَكَيٍ بّ هَن عٍ شَ سٌ عٍ سٌدٍ. مُشُ شَ دِيٍ تَن لُمَ بٍ مُشُ شَنبِ رَ نّ تَا كَنتَشِيٍ كُي، عَلَكٌ بٍكَيٍ نَشَ عٍ تْورْ. 18 مُشُ مُ فبِلٍنمَ مُشُ شْنيِ بٍ، قٌ عِسِرَيِلَكَ بِرِن عَ فبٍ بْشِ مَسْتْ. 19 كّ فبّتّ مُ لُمَ مُشُ تَن بّ سْنْن يُرُدّن نَاكِرِ مَ. مُشُ فبٍ نَ بٍبِرِ يُرُدّن سٌفٍتٍدٍ نّ.»

20 مُنسَ نَشَ عَ قَلَ عٍ بّ، «شَ وٌ سَ عَ رَبَ عَلْ وٌ عَ قَلَشِ كِ نَشّ، شَ وٌ وٌ مَشِرِ سِفَقٍ رَ فٍرٍ تِدٍ عَلَتَلَ شِلِ رَ، 21 شَ وٌ مُ فبِلٍن بٍ يُرُدّن نَاكِرِ مَ، هَن عَلَتَلَ فّ عَ يَشُييٍ بِرِن كٍرِدٍ عَ يَ رَ، 22 نَ تّمُي بٍ بَرَ قِندِ وٌ شَ بْشِ رَ عَلَتَلَ شِلِ رَ. مّننِ نَ لُ عَلَتَلَ شَ يَامَرِ بُن مَ، وٌ نْمَ فبِلٍندٍ بٍ. نَ كُي وٌ بَرَ وٌ شَ لَايِدِ رَكَمَلِ عِسِرَيِلَ نُن عَلَتَلَ بّ.»

23 «كْنْ شَ وٌ مُ سَ نَ سّرِيّ رَبَتُ، نَ بَرَ قِندِ يُنُبِ رَ وٌ بّ، وٌ نَ سَرٍ قِمَ نّ. 24 يَكْسِ، وٌ شَ تَايٍ تِ وٌ شَ فِنّيٍ نُن وٌ شَ دِيٍ بّ. وٌ شَ فْورّيٍ يَءِلَن وٌ شَ شُرُ سٍيٍ قَن بّ. كْنْ وٌ نَشَ نّيمُ وٌ شَ لَايِدِ تٌنفٌشِ مَ دٍ، وٌ شَ نَ رَكَمَلِ.» 25 فَدِ بْنسْي نُن رُبٍن بْنسْي نَشَ مُنسَ يَابِ، «مُشُ قَمَ نّ عِ شَ يَامَرِ بِرِن سُشُدٍ. 26 مُشُ شَ دِيٍ، مُشُ شَ فِنّيٍ، نُن مُشُ شَ شُرُ سٍيٍ بِرِن لُمَ بٍ فَلَدِ بْشِ مَ، 27 كْنْ مُشُ فٍرٍ سٌسٍيٍ تٌنفٌمَ نّ، مُشُ قَ فٍرٍ سٌ عَلَتَلَ بّ عَلْ عِ عَ يِتَشِ كِ نَشّ، مُشُ مَرِفِ.»

28 مُنسَ نَشَ عٍلٍيَسَرِ سّرّشّدُبّ، نُنُ شَ دِ شّمّ يٌسُوٍ، عَ نُن عِسِرَيِلَ كُنتِفِيٍ يَمَرِ، 29 «شَ فَدِ بْنسْي نُن رُبٍن بْنسْي سَ دَنفِ يُرُدّن نَاكِرِ مَ، عٍ سِفَ فٍرٍ سٌدٍ عَلَتَلَ بّ، هَن وٌ نَشَ نَ بْشِ بِرِن مَسْتْ تّمُي نَشّ، وٌ شَ فَلَدِ بْشِ سٌ عٍ يِ رَ كّ رَ. 30 كْنْ شَ عٍ مُ نَ رَبَ، عٍ قَن شَ سَبَتِ وٌ تَفِ كَنَان بْشِ مَ!» 31 فَدِ بْنسْي نُن رُبٍن بْنسْي نَشَ عٍ يَابِ، «عَلَتَلَ نَشَن بِرِن مَسٍنشِ عَ شَ كٌنيِ دِيٍ شَ قٍ رَ، مُشُ عَ بِرِن نَبَمَ نّ. 32 مُشُ دَنفِمَ نّ يُرُدّن نَاكِرِ مَ مُشُ شَ فٍرٍ سٌسٍيٍ رَ سِفَقٍ رَ كَنَان بْشِ مَ عَلَتَلَ يَ تٌدٍ رَ، كْنْ مُشُ كّ تَن قِندِ مَ بْشِ نَن نَ يُرُدّن بٍبِرِ سّيتِ مَ.»

33 مُنسَ نَشَ عَمٌرِكَيٍ شَ مَنفّ سِشْن نُن بَسَن مَنفّ عٌفٌ شَ بْشِ نُن نَ رَبِلِنيِ قِ فَدِ بْنسْي، رُبٍن بْنسْي، نُن يُسُقُ شَ دِ شّمّ مَنَسِ بْنسْي سّيتِ كٍرٍن مَ.

34 فَدِ شَ دِيٍ نَشَ فبِلٍن دِبٌن تِ رَ، عَ نُن عَتَرٌتِ، عَرٌوٍرِ، 35 عَتِرٌتِ سٌقَنَ، يَاسّرِ، يٌفبٍهَ، 36 بٍتِ نِمِرَ، نُن بٍتِ شَرَنِ. عٍ بَرَ قِندِ تَا مَكَنتَشِيٍ رَ، فْورّيٍ فبٍفبٍ قَن نُ نَ.

37 رُبٍن بْنسْي نَشَ فبِلٍن شّسِبْن تِ رَ، عَ نُن عٍلٍيَلٍ، كِرِيَتَيِمِ، 38 نٍبٌ، بَالِ مٍيٌنِ، نُن سِبِمَ. عٍ نَشَ نَ تَا ندٍيٍ شِلِيٍ مَسَرَ.

39 مَنَسِ شَ دِ مَكِرِ شَ دِيٍ تٌ فَلَدِ تَا سُشُ، عٍ عَمٌرِكَيٍ كٍرِ نَشٍيٍ نُ سَبَتِشِ نَا، 40 مُنسَ نَشَ نَ تَا سٌ عٍ يِ رَ سَبَتِدٍ رَ. 41 مَنَسِ شَ يَيِرِ قَن نَشَ تَا ندٍيٍ سُشُ، عَ عٍ شِلِ يَيِرِ شَ تَايٍ. 42 نٌبَ قَن نَشَ كٍنَتَ تَا نُن عَ رَبِلِنيِ سُشُ، عَ يّتّ شِلِ سَ عٍ شُن مَ.