1 عَلَتَلَ نَشَ يِ مَسٍنيِ تِ عَننَبِ يٍرٍ مِ بّ،

2 «عَ قَلَ يُدَيَكَيٍ نُن دَرِ سَلَمُكَيٍ بّ،

‹وٌ وٌ تُلِ مَتِ يِ سَاتّ رَ.

3 عِسِرَيِلَ مَرِفِ عَلَ بَرَ عَ مَسٍن،

دَنكّ نَ تُلِ شْرِ بّ نَشَن مُ يِ سَاتّ رَ مّمَ،

4 سَاتّ ﭑ نَشَن مَسٍنشِ وٌ بَبَيٍ بّ

عٍ مِنِ لْشْي كٍلِقٍ رَ مِسِرَ بْشِ مَ.

عٍ تٌ كٍلِ نَا قٍ شْرْشْي كُي،

ﭑ نَشَ عَ قَلَ عٍ بّ،

وٌ شَ وٌ تُلِ مَتِ ﭑ نَ،

وٌ شَ ﭑ مَ يَامَرِ رَبَتُ.

نَ كُي وٌ قِندِ مَ نّ ﭑ مَ حَمَ رَ،

ﭑ قَن قِندِ وٌ مَرِفِ عَلَ رَ.

5 ﭑ نَ ﭑ كَلِ وٌ بَبَيٍ بّ نَشَن نَ،

بْشِ قَنيِ قِقٍ رَ وٌ مَ شِحّ نُن كُمِ نَ دّننَشّ،

ﭑ بَرَ نَ رَكَمَلِ تٌ لْشْي.

وٌ نَ نَ بْشِ نَن مَ تٌ.›»

ﭑ نَشَ عَ يَابِ، «عَمِنَ مَرِفِ عَلَتَلَ.»

6 عَلَتَلَ نَشَ عَ مَسٍن ﭑ بّ،

«يِ مَسٍنيِ تِ عِ شُي عِتٍشِ رَ يُدَيَ تَايٍ كُي،

عَ نُن دَرِ سَلَمُ كِرَيٍ شْن مَ.

عَ قَلَ، ‹وٌ وٌ تُلِ مَتِ يِ سَاتّ رَ، وٌ شَ عَ رَبَتُ.

7 كَبِ ﭑ نَشَ وٌ بَبَيٍ رَ مِنِ مِسِرَ بْشِ رَ،

ﭑ بَرَ عٍ يَامَرِ، عٍ شَ عٍ تُلِ مَتِ ﭑ نَ.›

8 كْنْ عٍ مُ تِن ﭑ شُي رَ مّدٍ.

كَنكَن بَرَ بِرَ عَ بْحّ حَاشِ قْشْ رَ.

نَ نَن عَ رَ ﭑ قَمَ ﭑ مَ سَاتّ رَكَمَلِدٍ،

ﭑ عٍ يَمَرِشِ نَشَن نَ، عٍ نَشَن مَتَندِشِ.»

9 عَلَتَلَ بَرَ عَ مَسٍن ﭑ بّ،

«يُدَيَكَيٍ نُن دَرِ سَلَمُكَيٍ وَ مَ ﭑ يَنقَقٍ.

10 عٍ بَرَ عٍ بَبَيٍ شَ حّرّ كِ حَاشُحَ تٌنفٌ،

عٍ تٌندِ ﭑ مَ مَسٍنيِ رَ،

عٍ قَ بِرَ عَلَ فبّتّيٍ قْشْ رَ، عٍ عٍ بَتُ.

عِسِرَيِلَ بْنسْي نُن يُدَ بْنسْي بَرَ ﭑ مَ سَاتّ مَتَندِ،

ﭑ نَشَن تٌنفٌ عٍ بَبَيٍ بّ.

11 نَ كُي عَلَتَلَ شَ مَسٍنيِ نَن يَ؛

‹ﭑ قَمَ نّ عٍ حَشَنكَتَدٍ هَن عٍ مُ نْ مِنِدٍ.

عٍ قَمَ نّ عٍ مَوَدٍ ﭑ بّ، كْنْ ﭑ مُ عٍ شُي سُشُمَ.

12 يُدَيَ شَ تَايٍ نُن دَرِ سَلَمُكَيٍ قَمَ نّ عَلَ فبّتّ مَشَندِدٍ،

عٍ سُرَيِ بَ سّرّشّ رَ نَشٍيٍ بّ.

كْنْ نَ كُيٍيٍ مُ قَمَ عٍ رَكِسِدٍ عٍ شَ تْورّ كُي.

13 يُدَيَكَيٍ، وٌ كُيٍيٍ بَتُمَ وٌ شَ تَايٍ كُي.

نَ سّرّشّبَدٍيٍ قِندِشِ يَافِ نَن نَ وٌ بّ.

دَرِ سَلَمُكَيٍ، كُيٍ سّرّشّبَدٍ نَ وٌ شَ كِرَ بِرِن شْن مَ،

وٌ سُرَيِ بَمَ سّرّشّ رَ بَلِ كُيٍ بّ دّننَشّ.›

14 عِ نَشَ دُبَ يِ حَمَ بّ،

عِ نَشَ عِ مَوَ ﭑ تَن عَلَ بّ، عِ نَشَ ﭑ مَشَندِ،

بَرِ مَ ﭑ مُ عٍ وَ شُي سُشُمَ.»

15 «مُنقٍ رَ ﭑ شَنُنتٍنيِ قَمَ ﭑ مَ بَنشِ كُي،

عَ لُ قٍ كٌبِ رَبَ رَ تّمُي بِرِن؟

وٌ عَ مَحْشُنشِ نّ وٌ شَ سّرّشّيٍ نْمَ وٌ رَكِسِدٍ،

هَلِ قٍ حَاشِ تٌ قَ رَقَن وٌ مَ؟

16 عَلَتَلَ نُ بَرَ وٌ شِلِ

‹عٌلِوِ وُرِ شِندٍ، نَشَن بٌفِ تٌقَن.›

كْنْ يَكْسِ وٌ قَمَ نّ فبٍلٍفبٍلٍدٍ

بَرِ مَ تّ سَمَ نّ وٌ سَلٌنيِيٍ مَ.

17 مَنفّ عَلَتَلَ نَشَن وٌ تِشِ،

عَ بَرَ يَامَرِ قِ وٌ شَ حَشَنكَتَ

عِسِرَيِلَ بْنسْي نُن يُدَيَ بْنسْي شَ يُنُبِ شَ قٍ رَ.

عٍ بَرَ ﭑ نَشْنْ عٍ شَ سّرّشّيٍ رَ،

عٍ نَشٍيٍ بَشِ بَلِ كُيٍ بّ.»

18 «عَلَتَلَ بَرَ عٍ وَشْنقٍ مَسٍن ﭑ بّ.

ﭑ بَرَ عَ كٌلٌن عٍ نُ وَ مَ نَشَن نَبَقٍ ﭑ نَ.

19 ﭑ نُ لُشِ نّ عَلْ يّشّييْرّ عٍ نَشَن شَنِنمَ عَ قَشَدٍ.

ﭑ مُ نُ عَ كٌلٌن عٍ نُ وَ مَ نَشَن نَبَقٍ ﭑ نَ.

عٍ نُ بَرَ عَ قَلَ ﭑ مَ قٍ رَ،

‹وٌن شَ يِ وُرِ بِلِ نُن عَ بٌفِ كَنَ.

وٌن شَ عَ نِي بَ دُنِحَ بّندّ قُحِ قَرِ،

عَلَكٌ مِشِ يٌ نَشَ رَتُ عَ شِلِ مَ.›

20 كْنْ مَنفّ عَلَتَلَ قِندِشِ كِيتِسَ تِنشِنشِ نَن نَ،

نَشَن مِشِ بْحّ نُن عَ سٌندٌنيِ مَ قٍ كٌلٌن.

ﭑ نَ ﭑ فبٍحْشْقٍ لُشِ عِ تَن نَن مَ،

بَرِ مَ ﭑ شَشِلِ تِشِ عِ تَن نَن نَ.

21 نَ نَن عَ رَ عَلَتَلَ بَرَ نَتّ تٌنفٌ عَنَتْتِكَيٍ شَ قٍ رَ،

نَشٍيٍ وَ مَ ﭑ قَشَقٍ، نَشٍيٍ ﭑ يَمَرِ،

‹عِ نَشَ نَمِحْنمّ مَسٍنيِ تِ عَلَتَلَ شِلِ رَ،

شَ نَ مُ عَ رَ مُشُ عِ قَشَمَ نّ.›

22 مَنفّ عَلَتَلَ بَرَ عَ مَسٍن،

‹ﭑ عٍ حَشَنكَتَمَ نّ.

عٍ شَ قٌنِكٍيٍ قَمَ نّ قَشَدٍ سَنتِدّفّمَ رَ،

عٍ شَ دِيٍ قَشَ كَامّ رَ.

23 عٍ شَ مِشِ يٌ مُ لُمَ دُنِحَ مَ،

بَرِ مَ ﭑ قَ تّمُي ﭑ عَنَتْتِكَيٍ هَلَكِمَ نّ.›»