1 «يٍ شْلِ نَ وٌ تَن نَشٍيٍ مَ،

وٌ قَ يٍ يِرٍ، وٌ شَ قَ يٍ مِن.

هَلِ كْبِرِ مُ نَ وٌ يِ رَ،

وٌ قَ، وٌ شَ قَ دٌنسٍ سْتْ، وٌ شَ وٌ دّفٍ.

وٌ قَ، وٌ شَ وّنِ نُن شِحّ مِن هَلِ وٌ مُ عَ سَرٍ قِ.

2 مُنقٍ رَ وٌ كْبِرِ بَمَ سٍيٍ شَ قٍ رَ نَشٍيٍ مُ قِندِ بَلٌي رَ؟

مُنقٍ رَ وٌ وَلِ رَبَمَ نَشَن تِدٍ مُ نَ وٌ بّ؟

وٌ وٌ تُلِ مَتِ ﭑ نَ،

وٌ شَ وٌ بَلٌ قٍ قَنيِ رَ

نَشَن سّيوّ قِمَ وٌ مَ.

3 وٌ وٌ تُلِ مَتِ ﭑ نَ،

وٌ شَ قَ ﭑ يِرٍ عَلَكٌ وٌ شَ بَلٌي سْتْ.

نَ كُي ﭑ قَمَ شَنُنتٍيَ سَاتّ شِرِدٍ وٌن تَفِ نَشَن مُ كَنَمَ.

نَ لُمَ نّ عَلْ ﭑ سَاتّ نَشَن شِرِ عَننَبِ دَوُدَ نُن ﭑ تَن تَفِ عَ سّرِيّ كِ مَ،

4 ﭑ نَشَن تِشِ سٍيدٍ رَ سِيٍ بّ،

عَ قِندِ مَنفّ شُنفبٍ رَ عٍ بّ.

5 وٌ قَمَ نّ سِيٍ شِلِدٍ وٌ مُ نَشٍيٍ كٌلٌن،

سِيٍ قَمَ نّ وٌ يِرٍ نَشٍيٍ مُ نُ وٌ كٌلٌن،

بَرِ مَ وٌ مَرِفِ عَلَتَلَ، عِسِرَيِلَ شَ سّنِيّنتْي قَمَ نّ بِنيّ قِدٍ وٌ مَ.

6 وٌ شَ فبِلٍن عَلَتَلَ مَ، عَ تٌ نْمَ تٌدٍ.

وٌ شَ عَ شِلِ، عَ تٌ نَ يِرٍ مَكْرّشِ.

7 مِشِ حَاشِ شَ فبِلٍن عَ شَ كِرَ كٌبِ قْشْ رَ،

يُنُبِتْي شَ عَ شَ نَتّ لُ نَا.

عَ شَ فبِلٍن وٌن مَرِفِ عَلَتَلَ مَ،

عَلَكٌ عَ شَ كِنِكِنِ عَ مَ،

عَ شَ عَ شَ يُنُبِيٍ شَقَرِ.

8 ﭑ مَ مَحْشُنيِيٍ نُن وٌ تَن شَ مَحْشُنيِيٍ، عٍ كٍرٍن مُ عَ رَ.

ﭑ مَ كِرَيٍ نُن وٌ شَ كِرَيٍ قَن، عٍ كٍرٍن مُ عَ رَ.

عَلَتَلَ شَ مَسٍنيِ نَن نَ كِ.»

9 «كٌورٍ مَكُيَشِ بْشِ رَ كِ نَشّ،

ﭑ مَ كِرَ مَكُيَشِ وٌ فبٍيٍ رَ نَ كِ نّ.

ﭑ مَ مَحْشُنيِيٍ مَكُيَ وٌ فبٍيٍ رَ ثٌن.

10 تُنّ نَ فٌرٌ بْشِ مَ،

عَ مُ فبِلٍنمَ قٌ عَ بْشِ بُندَ، عَ سَنسِيٍ رَقَن، نَشٍيٍ عَدَ مَدِيٍ بِرِن نَبَلٌمَ.

11 ﭑ مَ مَسٍنيِ قَن نَ نَ كِ نّ نَشَن مِنِمَ ﭑ دّ عِ.

عَ مُ فبِلٍنمَ ﭑ مَ قٌ عَ ﭑ سَفٌي رَكَمَلِ،

عَ ﭑ وَشْنقٍ رَبَ، ﭑ عَ شّيشِ نَشَن مَ.

12 وٌ مِنِمَ سّيوّ نُن بْحّسَ نَن كُي،

فٍيَيٍ يَتِ حّلّشِنيِ سِفِ سَمَ نّ وٌ يَ رَ،

دَاشَ سَنسِيٍ عٍ بّلّشّ بْنبْمَ نّ وٌ بّ.

13 سِثِرّ وُرِ بُلَمَ نّ تُنبٍ سَنسِ نُ نَ دّننَشّ،

وُرِ فبّتّيٍ بُلَمَ نّ حٌوفٍ حَاشِ نُ نَ دّننَشّ.

نَ بِرِن قِندِ مَ تْنشُمَ نَن نَ عَلَتَلَ شَ قٍ رَ،

تْنشُمَ نَشَن مُ كَنَمَ عَبَدَن.»