1 ﭑ شَ بّيتِ بَ ﭑ شَنُنتٍنيِ بّ،

ﭑ شَنُنتٍنيِ نَشَن بَرَ وّنِ شّ سَ.

وّنِ شّ نُ نَ ﭑ شَنُنتٍنيِ يِ رَ بْشِ تُرَشِ مَ.

2 عَ نَشَ بْشِ بُشَ، عَ فّمّيٍ مَتٌنفٌ، عَ سَنسِ قَنيِيٍ سِ عَ مَ.

عَ نَشَ تِدٍ عِتٍشِ تِ نَا تَفِ،

عَ يِلِ فٍ وّنِ بٌفِ بُندُ مَ دّننَشّ.

عَ حْشْ نُ عَ مَ عَ سَنسِ قَمَ نّ وّنِ بٌفِ رَ مِنِدٍ،

كْنْ عَ بٌفِ كَنَشِ نَن نَمِنِشِ.

3 دَرِ سَلَمُكَيٍ نُن يُدَيَكَيٍ، وٌ كِيتِ ﭑ تَن نُن ﭑ مَ وّنِ شّ مَ.

4 مُنسٍ مَن لُشِ، ﭑ مُ نَشَن نَبَشِ ﭑ مَ شّ بّ؟

مُنقٍ رَ ﭑ شَشِلِ تٌ نُ تِشِ بٌفِ قَنيِ رَ، عَ قَ بٌفِ كَنَشِ رَ مِنِ ﭑ بّ؟

5 ﭑ شَ عَ قَلَ وٌ بّ ﭑ نَشَن نَبَمَ ﭑ مَ شّ رَ.

ﭑ سَنسَنيِ تَلَمَ نّ عَلَكٌ شُرُ سٍيٍ شَ عَ مَشِن.

ﭑ تّتّ بَمَ نّ عَلَكٌ عَ شَ مَبٌرٌن.

6 ﭑ عَ رَبٌلٌمَ نّ عَلَكٌ تُنبٍ نُن حٌوفٍ شَ بُلَ سَنسِ قَنيِ حْشْ رَ.

ﭑ نُشُييٍ يَمَرِ مَ، عٍ نَشَ تُنّ يٌ رَيٌلٌن عَ مَ.

7 نَ وّنِ شّ مِسَالِشِ عَلَتَلَ سّنبّمَ شَ حَمَ عِسِرَيِلَ نَن نَ،

عَ مَن مِسَالِ يُدَيَ حَمَ قَن نَ.

عَلَتَلَ نُ وَ مَ تِنشِنيِ نَن شْن، كْنْ عَ قَشّ تِقٍ نَن تُن تٌ نَا.

عَ نُ وَ مَ قٍ قَنيِ نَن شْن، كْنْ عَ وَ شُي نَن تُن مّ نَا.

8 حَشَنكَتّ نَ مِشِيٍ بّ، نَشٍيٍ بَنشِيٍ تِمَ عٍ قَرِ عِدْشْ،

نَشٍيٍ شّيٍ دْشْمَ عٍ بٌرٍ رَ، هَن عٍ بْشِ بِرِن تٌنفٌ،

عٍ تَن كٍرٍن فبَنسَن لُ نَا.

9 عَلَتَلَ سّنبّمَ عَ مَسٍن نّ ﭑ بّ،

«نَ بَنشِ فَلِيٍ قَمَ نّ تُشُنسَندٍ،

مِشِ مُ سَبَتِمَ نَ بَنشِ تٌقَنيِيٍ كُي قَ.

10 وّنِ شّ شُنفبٍ، بٌفِ دٌندٌرٌنتِ رَ مِنِمَ نّ.

سَنسِ شْرِ فبٍفبٍ، قِندِ مَ مَالٍ دٌندٌرٌنتِ نَن نَ.»

11 حَشَنكَتّ نَ مِشِيٍ بّ نَشٍيٍ كٍلِمَ سُبَشّ مَ سِفَقٍ رَ بٍيرٍ قٍندٍ،

عٍ قَ نَ مِن هَن عٍ يَ فبٍيلِ كْي رَ.

12 عٍ كْرَيٍ، مَشَسٍيٍ، نُن سَرَيٍ رَبٍرٍ مَ عٍ شَ شُلُنيِيٍ كُي،

كْنْ عٍ مُ عَلَتَلَ شَ وَلِ تَن كٌلٌنمَ، عٍ مُ عَ بّلّشّ قْشِ تٌمَ.

13 نَ قَهَامُتَرٍحَ نَن عَ نِيَمَ عٍ شَ شَنِن كٌنيِيَ كُي حَمَنّ مَ.

عٍ شَ حَلَمَيٍ قَشَمَ نّ كَامّ رَ،

عٍ شَ مِشِيٍ تْورْ مَ نّ يٍ شْلِ مَ.

14 عَلِفِيَمَ نَادّ رَبِمَ نّ عٍ بّ،

سِيٌنِ كُنتِفِيٍ نُن عٍ شَ حَمَ شَ سٌ نَا،

عَ نُن تَا شُرُتَرٍيٍ نُن مِشِ حَاشِيٍ.

15 عَدَ مَ شَ قٍ شُن نَكَنَمَ نّ،

يّتّ عِفبٌي شَ قٍ فٌرٌ مَ نّ.

16 كْنْ عَلَتَلَ سّنبّمَ تَنتُمَ نّ عَ شَ تِنشِنيِ شَ قٍ رَ.

عَلَ سّنِيّنتْي عَ يّتّ مَسٍنمَ عَ شَ قٍ قَنيِيٍ نَن سَابُي رَ.

17 نَ تّمُي يّشّييٍ عٍ دّ مَدٌنمَ نّ نَ يِرٍ كَنَشِيٍ مَ عَلْ عٍ نَ عٍ شْنيِ نّ،

شْحّيٍ قَن بَلٌي تٌمَ نَا.

18 حَشَنكَتّ نَ مِشِيٍ بّ، نَشٍيٍ يُنُبِيٍ بّندُنمَ عٍ يّتّ مَ وُلٍ رَ،

نَشٍيٍ عٍ عٍ يّتّ شِرِ مَ قٍ حَاشِيٍ رَ عَلْ كٌتٍ نَشَن شِرِ مَ سٌقَلٍ قَرِ.

19 نَ مِشِيٍ نُ قَ عَ قَلَ عٍ دّ رَ،

«عَلَتَلَ شَ عَ شُلُن عَ شَ وَلِ رَبَ رَ، عَلَكٌ مُشُ شَ عَ تٌ.

عِسِرَيِلَ مَرِفِ عَلَ سَفٌ سّنِيّنشِ شَ رَبَ، عَلَكٌ مُشُ شَ عَ كٌلٌن.»

20 حَشَنكَتّ نَ مِشِيٍ بّ، نَشٍيٍ قٍ حَاشِ قِندِ مَ قٍ قَنيِ رَ،

عٍ قٍ قَنيِ قِندِ قٍ حَاشِ رَ.

عٍ دِ مِ شِلِ نَءِيَلَنيِ،

عٍ نَءِيَلَنيِ شِلِ دِ مِ.

قٍ شْنّ لُشِ نّ عَ بّ عَلْ قٍ حْشُنمّ،

قٍ حْشُنمّ لُ عٍ بّ عَلْ قٍ شْنّ.

21 حَشَنكَتّ نَ مِشِيٍ بّ، نَشٍيٍ عٍ يّتّ مَحْشُنشِ قٍ كٌلٌنيِيٍ رَ،

عٍ عٍ يّتّ قِندِ شَشِلِمَيٍ رَ.

22 حَشَنكَتّ نَ مِشِيٍ بّ، نَشٍيٍ شِلِ شُنفبٍ سْتْمَ بٍيرٍ مِنقٍ كُي،

عٍ قِسَ عٍ بٌورٍ بّ سِيسِ قٍ كُي.

23 عٍ نْندِ قِ قُنمَلَ مَ كْبِرِ شَ قٍ رَ،

عٍ نْندِ بَ نْندِ كَنيِ يِ رَ.

24 نَ مِشِيٍ شَ قٍ شُن نَكَنَمَ نّ عَلْ سّشّ شَرَشِ فَنمَ كِ نَشّ.

عٍ لُمَ نّ عَلْ سَنسِ نَشٍيٍ سَنكٍيٍ بْرْ مَ، عٍ قُفٍيٍ يٍنسٍن عَلْ شُبٍ،

بَرِ مَ عٍ بَرَ مّ عَلَتَلَ سّنبّمَ شَ سّرِيّ رَ،

عٍ عِسِرَيِلَ شَ سّنِيّنتْي شَ مَسٍنيِ مَبٍرٍ.

25 نَ نَن عَ رَ عَلَتَلَ بْحّ تٍشِ عَ شَ حَمَ شِلِ مَ،

عَ بّلّشّ عِتَلَشِ، عَ شَ عٍ بْنبْ.

فٍيَيٍ بَرَ سّرّن، بِنبِيٍ بَرَ يٍنسٍن تَا كُي.

هَلِ نَ بِرِن تٌ رَبَشِ، عَ شَ شْنّ مُ حْنشِ،

عَ بّلّشّ مَن عِتَلَشِ عٍ شِلِ مَ.

26 عَلَتَلَ بَرَ تْنشُمَ مَسٍن حَمَنّ مَ،

عَ عٍ شِلِ عٍ شَ قَ كٍلِقٍ يِرٍ مَكُيٍ.

27 مِشِ تَفَنشِ يٌ مُ نَ عٍ يَ مَ،

مِشِ يٌ سَنيِيٍ مُ بِنيَشِ عَ بُن مَ،

مِشِ يٌ مُ كِنسْنقٍ عَ شَ شِ،

مِشِ يٌ شَ بّلّتِ مُ قُلُنشِ عَ تَفِ،

مِشِ يٌ شَ سَنكِرِ لُوتِ مُ بٌلٌنشِ.

28 نَ مِشِيٍ شَ شَلِيٍ حْييٍ رَشَحّنشِ،

عٍ شَ تَنبّ وٌلِ سٍيٍ بِرِن عِتَلَشِ عَ قَنيِ رَ،

عٍ شَ سٌي تٌرٍيٍ شْرْشْ عَلْ فّمّ،

عٍ شَ سْورِ رَفِسٍ سَنيِيٍ شُي فبٌ عَلْ تُرُننَادّ.

29 عٍ حَرَندَن عَلْ يّتّ نَشَن سُبٍ سُشُمَ،

عَ عَ شَنِن يِرٍ مَكُيٍ.

30 نَ لْشْي عٍ حَرَندَنيِ مّمَ نّ عَلْ بَا مْرْنيِيٍ،

تْورّ نَن تُن تٌمَ بْشِ مَ،

نَءِيَلَنيِ قِندِ مَ دِ مِ نَن نَ،

نُشُي عِقْورْشِيٍ لُ كٌورٍ مَ.