1 عِسِرَيِلَكَيٍ قَمَ نّ وُيَدٍ

عَلْ بَا دّ رَ مّيّنيِ،

نَشَن مُ نْمَ مَنِيَدٍ،

نَشَن مُ نْمَ كْنتِدٍ.

سِنفٍ رَ، عَ نُ عَ قَلَمَ عٍ بّ دّننَشّ،

«ﭑ مَ حَمَ مُ وٌ رَ،»

عَ عَ قَلَمَ نّ عٍ بّ،

«عَلَ حِحّ شَ دِيٍ.»

2 يُدَ بْنسْييٍ نُن عِسِرَيِلَ بْنسْييٍ مَلَنمَ نّ،

عٍ مَنفّ كٍرٍن سُفَندِ عٍ بِرِن بّ.

نَ لْشْي شُنفبٍ عَلَ عٍ رَ مِنِمَ نّ كٌنيِيَ كُي،

عَ عٍ رَ سَبَتِ عٍ شْنيِ.

3 «وٌ شَ عَ قَلَ وٌ تَارَيٍ شَ قٍ رَ، ‹عَلَ شَ حَمَ.›

وٌ شَ عَ قَلَ وٌ شُنيَيٍ شَ قٍ رَ، ‹عَلَ شَنُنتٍنيِيٍ.›

4 وٌ شَ وٌ نفَ عِسِرَيِلَ كَلَمُ،

بَرِ مَ ﭑ مَ فِنّ مُ عَ رَ،

عَ شَ مْرِ مُ ﭑ قَن نَ!

عَ شَ عَ شَ لَنفٌيحَ مَشِرِ سٍيٍ بَ عَ يَتَفِ مَ،

عَ عَ شَ حّنفّيَ مَشِرِ سٍيٍ بَ عَ شِحّيٍ تَفِ.

5 شَ نَ مُ عَ رَ، ﭑ عِسِرَيِلَ لُمَ عَ رَفٍلِ نَن نَ،

عَلْ عَ نُ كِ نَشّ عَ بَرِ لْشْي.

ﭑ عٍ شَ بْشِ مَقِندِ مَ نّ فبٍنفبٍرٍنيِ رَ،

6 عَ قِندِ مَ يِرٍ مَشَرٍ نَن نَ.

ﭑ عٍ قَشَمَ يٍ شْلِ نَن نَ.

ﭑ مُ كِنِكِنِمَ عَ شَ دِيٍ مَ،

بَرِ مَ لَنفٌي دِ نَن عٍ رَ.

7 عٍ نفَ عٍ سْتْ لَنفٌيحَ نَن كُي.

نَ بَرَ قِندِ يَافِ رَ عٍ بّ.

عَ نَشَ عَ قَلَ، ‹ﭑ بِرَ مَ نّ ﭑ حّنفّيٍ قْشْ رَ،

نَشٍيٍ دٌنسٍ نُن يٍ سٌمَ ﭑ يِ،

نَشٍيٍ دُفِ قِمَ ﭑ مَ،

نَشٍيٍ ﭑ كِمَ تُرٍ نُن مِنسٍ رَ.›

8 ﭑ عِ شَ كِرَ قِندِ مَ تُنبٍ كُنسِ رَ نَ نَن مَ،

ﭑ عِ رَبِلِن تّتّ رَ، عَلَكٌ عِ نَشَ كِرَ تٌ.

9 عَ سِفَمَ عَ حّنفّيٍ قْشْ رَ،

كْنْ عَ مُ عٍ مَسْتْمَ.

عَ عٍ قٍنمَ، كْنْ عَ مُ عٍ تٌمَ.

عَ عَ قَلَمَ نّ، ‹ﭑ شَ فبِلٍن ﭑ مَ مْرِ شْن،

بَرِ مَ حّلّشِنيِ نُ نَ ﭑ بّ مّننِ دَنفِ يَكْسِ رَ.›

10 عَ مُ عَ كٌلٌن قَ قَلَ ﭑ تَن نَن نُ بَلٌي سٌمَ عَ يِ،

مّنفِ، تُرٍ، نُن مِنسٍ.

ﭑ تَن نَن نُ فبٍتِ نُن شّيمَ قَن سٌمَ عَ يِ،

كْنْ عَ نَشَ نَ بِرِن نَوَلِ بَلِ كُيٍ بّ.

11 نَ نَن عَ تٌ ﭑ مَ مّنفِ نَ مْ، ﭑ عَ بَمَ عَ يِ.

وّنِ بٌفِ بُندُ تّمُي، ﭑ نَ قَن بَمَ عَ يِ.

شُرُ سٍ شَبٍ شَبَ تّمُي، ﭑ مُ تِنمَ عٍ شَ سٍ سْتْ،

نَشَن نْمَ قِندِدٍ عٍ شَ دُفِيٍ رَ.

12 يَكْسِ ﭑ شَ عَ رَيَافِ عَ حّنفّيٍ يَ شْرِ،

عَلَكٌ مِشِ يٌ نَشَ عَ بَ ﭑ يِ رَ.

13 ﭑ حّلّشِنيِ بِرِن بَمَ نّ عٍ يِ،

عَلْ عٍ شَ مَلَبُي لْشْي سَلِ،

عٍ شَ كِكٍ نّينّ سَلِ،

عَ نُن عٍ شَ سَلِ بِرِن.

14 ﭑ شَ عٍ شَ وّنِ بِلِيٍ، نُن عٍ شَ شْرّ بِلِيٍ كَنَ.

عٍ نَشّ عَ نَ قِندِشِ عٍ شَ لَنفٌيحَ سَرٍ نَن نَ.

ﭑ نَ سَنسِ بِرِن كَنَمَ نّ،

عَ شَ قِندِ وُلَ رَ سُبٍيٍ سَبَتِمَ دّننَشّ.

15 ﭑ عِسِرَيِلَ حَشَنكَتَمَ نّ،

بَرِ مَ عَ سّرّشّ بَمَ بَلِ كُيٍ بّ،

عَ لُ عَلْ لَنفٌي نَشَن عَ يّتّ مَشِرِ مَ دُفِ قَنيِ رَ،

عَ بِرَ عَ حّنفّ قْشْ رَ.

نَ كُي عَ نَشَ نّيمُ ﭑ تَن مَ.»

عَلَتَلَ شَ مَسٍنيِ نَن نَ كِ.

16 «ﭑ عَ شَنِنمَ فبٍنفبٍرٍنيِ مَ نَ نَن مَ،

ﭑ قَ وْيّنيِ حْشُنمّ قَلَ عَ بّ.

17 عَ نَ كٍلِ مّننِ، ﭑ مَن وُرِ بٌفِلَيٍ قِ عَ مَ.

عَكٌرِ فُلُنبَ قِندِ مَ نّ شَشِلِسَ رَ عَ بّ،

عَ قَ سِفِ سَ عَلْ عَ قٌنِكٍ تّمُي

عَلْ عَ مِنِ لْشْي مِسِرَ بْشِ رَ.»

18 عَلَتَلَ شَ مَسٍنيِ نَن يَ،

«نَ لْشْي عِ ﭑ شِلِمَ نّ ‹ﭑ مَ مْرِ.›

عِ مُ ﭑ شِلِمَ ‹ﭑ كَنيِ› سْنْن.

19 ﭑ بَلِ كُيٍ شِلِيٍ بَمَ نّ عِ دّ عِ،

عَلَكٌ عِ شَ نّيمُ عٍ مَ.

20 نَ لْشْي ﭑ سَاتّ تٌنفٌمَ نّ عٍ بّ،

نُن وُلَءِ سُبٍيٍ، شْنِيٍ، عَ نُن بُبُسٍيٍ رَ.

ﭑ شَلِ، سَنتِدّفّمَ، نُن فٍرٍ بَمَ نّ عٍ شَ بْشِ مَ،

عَلَكٌ عٍ شَ سَبَتِ نَا بْحّسَ كُي.

21 ﭑ عِ قِندِ مَ ﭑ مَ فِنّ نَن نَ

تِنشِنيِ، دُفُتّفّحَ، نُن هِننّ كُي.

ﭑ مُ مّيمَ عِ رَ عَبَدَن.

22 لَنلَنتٍيَ لُمَ نّ وٌن تَفِ،

عِ قَ عَلَتَلَ كٌلٌن.»

23 عَلَتَلَ شَ مَسٍنيِ نَن يَ.

«نَ لْشْي، ﭑ عِ شَ دُبّ سُشُمَ نّ.

24 كٌورٍ تُنّ يٍ رَفٌرٌ مَ نّ بْشِ مَ.

بْشِ بَلٌي رَ مِنِمَ نّ وٌ بّ.

سَنسِيٍ وّنِ نُن تُرٍ قِمَ نّ وٌ مَ.

يِسِرٍيلِ هَيِ بِرِن قَنمَ نّ.

25 ﭑ عِسِرَيِلَ رَ سَبَتِمَ نّ نَ بْشِ مَ ﭑ يّتّ بّ.

ﭑ نُ نَشَن مَ ‹مِشِ شْنشِ،›

ﭑ كِنِكِنِمَ نّ عَ مَ.

ﭑ نُ نَشَن مَ، ‹ﭑ مَ حَمَ مُ عَ رَ،›

ﭑ عَ شِلِمَ نّ، ‹ﭑ مَ حَمَ.›

عٍ قَن قَمَ ﭑ تَن نَن شِلِدٍ، ‹ﭑ مَرِفِ عَلَ.›»