10
مّيقٍ سِ فبّتّ فِنّيٍ رَ
1 عَننَبِ عٍسِدِرَ سِ تٌ نُ وَقٍ عَلَ شَ بَنشِ دّ رَ يُنُبِ شَقَرِ مَشَندِقٍ رَ، عِسِرَيِلَكَ فبٍفبٍ نَشَ قَ عَ سّيتِ مَ، شّمّيٍ، فِنّيٍ، عَ نُن دِ مّيٍ. عٍ قَن نَشَ وَ قْلْ كِ قَنيِ رَ. 2 عَوَ، يّشِيّلِ شَ دِ سّكَنَيَ، نَشَن كٍلِشِ عٍلَمَ بْنسْي، عَ نَشَ عَ قَلَ عَننَبِ عٍسِدِرَ سِ بّ، «مُشُ بَرَ وَلِ كٌبِ رَبَ نَشَن مُ رَقَن مُشُ مَرِفِ عَلَ مَ سِ فبّتّ دِ فِنّيٍ دْشْقٍ رَ. كْنْ هَلِ وٌن تٌ بَرَ نَ رَبَ، عَلَ تَن نْمَ وٌن نَكِسِدٍ. 3 وٌن شَ سَاتّ تٌنفٌ وٌن مَرِفِ عَلَ بّ مّيقٍ سِ فبّتّ فِنّيٍ رَ، عَلْ عِ تَن نُن عَلَ يَرَفَاشُييٍ وَ مَ عَ شْن مَ كِ نَشّ. وٌن شَ عَلَ شَ سّرِيّ رَبَتُ. 4 يَندِ، عِ شَ مُشُ مَلِ، مُشُ شَشِلِ تِشِ عِ تَن نَن نَ. مُشُ نَ عِ شَنبِ رَ. عِ عِ سّنبّ سٌ، عِ قٍ رَبَ نَشَن لَنمَ عَ شَ رَبَ.»
5 نَ تّمُي عَننَبِ عٍسِدِرَ سِ نَشَ سّرّشّدُبّ كُنتِفِيٍ، لٍوِ بْنسْي مِشِيٍ، نُن عِسِرَيِلَكَ بِرِن نَكَلِ نَ مَسٍنيِ رَ. عٍ تٌ فّ عٍ رَكَلِدٍ، 6 عَننَبِ عٍسِدِرَ سِ نَشَ كٍلِ عَلَ شَ بَنشِ نَادّ رَ، عَ سِفَ عٍلِيَسِبُ شَ دِ يٍهٌشَنَن شْنيِ. عَ نُ نَ نَا تّمُي نَشّ، عَ مُ سٍسٍ دٌن، عَ مَن مُ يٍ مِن حَمَ شَ وَلِ كٌبِ شَ قٍ رَ. 7 مَسٍنيِ نَشَ رَيٍنسٍن يُدَيَ نُن دَرِ سَلَمُ كُي، عَ مِشِ نَشَن بِرِن كٍلِ كٌنيِيَ كُي، عٍ شَ عٍ مَلَن دَرِ سَلَمُ. 8 كُنتِفِيٍ نُن قٌرِيٍ مَن نَشَ عَ قَلَ عَ مِشِ يٌ نَشَن تٌندِ مَ نَ رَ بٍينُن شِ سَشَن بُن، نَ كَنيِ هَرِفٍ بِرِن بَمَ نّ عَ يِ رَ، عَ مَن قَ كٍرِ عِسِرَيِلَكَيٍ يَ مَ نَشٍيٍ كٍلِشِ كٌنيِيَ كُي.
9 شِ سَشَن كَمَلِشِ لْشْي نَشّ، يُدَيَكَيٍ نُن بُنيَمِنكَيٍ نَشَ عٍ مَلَن دَرِ سَلَمُ. نَ نَشَ سَ لَن كِكٍ سٌلٌمَنَانِ شِ مْشْحّن ندٍ مَ. حَمَ نُ تِشِ عَلَ شَ بَنشِ دّ رَ. عٍ بِرِن نُ سّرّنمَ نَ لْشْي نَتّ تٌنفٌشِ شَ قٍ رَ، نُن تُنّ بٍلٍبٍلٍ قَن نُ نَ قَقٍ. 10 سّرّشّدُبّ عٍسِدِرَ سِ نَشَ كٍلِ، عَ عَ مَسٍن عٍ بّ، «وٌ بَرَ وَلِ حَاشِ رَبَ سِ فبّتّ فِنّيٍ دْشْقٍ رَ. نَ بَرَ قِندِ يُنُبِ شُنفبٍ رَ عِسِرَيِلَ بّ. 11 وٌ شَ وٌ شَ يُنُبِ مَسٍن وٌ بَبَيٍ مَرِفِ عَلَتَلَ بّ. وٌ مَن شَ عَ سَفٌ رَبَ. وٌ شَ فبِلٍن يِ سِ فبّتّ مِشِيٍ نُن عٍ شَ فِنّيٍ قْشْ رَ.»
12 حَمَ بِرِن نَشَ عَ يَابِ عٍ شُي عِتٍشِ رَ، «عَوَ، مُشُ بَرَ تِن نَ رَ، عَلْ عِ عَ قَلَشِ كِ نَشّ. 13 كْنْ حَمَ فبٌ، تُنّ قَن نَ قَقٍ يِ تّمُي. وٌن مُ نْمَ يِ قٍ يَ عِبَدٍ تَندٍ مَ. شِ كٍرٍن شَ نَ مُ عَ رَ شِ قِرِن قٍ مُ يِ كِ، بَرِ مَ مِشِ فبٍفبٍ بَرَ يُنُبِ قٍ رَبَ وٌن يَ مَ. 14 كُنتِفِيٍ شَ لُ بٍ حَمَ شِلِ رَ. نَشٍيٍ بِرِن سِ فبّتّ دِ فِنّيٍ دْشْشِ وٌن مَ تَايٍ كُي، عٍ شَ قَ كٍرٍن كٍرٍن يِ رَ وَشَتِ مَ نَشَن تٌنفٌشِ عٍ بّ. تَا يٌ تَا شَ قٌرِيٍ نُن كِيتِسَيٍ شَ نٍيٍ شَ قٍ مَتٌ هَن عَلَ دِحّمَ وٌن مَ تّمُي نَشّ.»
15 عَسَهّلِ شَ دِ يٌنَتَن نُن تِكِقَ شَ دِ يَشَسٍيَ نَشَ كَقُ مٍسُلَمَ نُن سَبّتَيِ لٍوِ بْنسْي مِشِ مَ، عٍ فبَنسَن مُ تِن نَ شَشِلِ رَ. 16 كْنْ عٍ بٌورٍ نَشٍيٍ كٍلِشِ كٌنيِيَ كُي، نٍيٍ نَشَ تِن نَ نَتّ تٌنفٌشِ رَ. عَننَبِ عٍسِدِرَ سِ سّرّشّدُبّ نَشَ كُنتِفِ كٍرٍن سُفَندِ شَبِلّ كٍرٍن كٍرٍن بِرِن يَ مَ. عٍ نَشَ نَ قٍ مَتٌ قْلْ كِكٍ قُ ندٍ، شِ سِنفٍ رَ. 17 كِكٍ سِنفٍ شِ سِنفٍ ندٍ رَ، عٍ نَشَ فّ نَ شّمّيٍ شَ قٍ يَ عِبَدٍ نَشٍيٍ فِنّ فبّتّيٍ دْشْ.
18 عَ نَشَ عَ لِ، سّرّشّدُبّيٍ قَن شَ دِ ندٍيٍ نُ بَرَ سِ فبّتّ فِنّيٍ دْشْ، عَلْ يٍسُوَ شَ دِ ندٍيٍ، يٌسَدَكِ شَ دِ، نُن عَ شُنيَيٍ، مَاسٍيَ، عٍلِيٍسٍرِ، يَرِبُ، نُن فّدَلَيَ. 19 عٍ نَشَ لَايِدِ تٌنفٌ عٍ شَ عٍ شَ فِنّيٍ بّحِن، عٍ مَن شَ يّشّي كٌنتٌنيِ بَ سّرّشّ رَ عٍ شَ يُنُبِ شَ قٍ رَ.
20 نٍيٍ شِلِيٍ نَن يَ؛
قَتَنقٍ عِمٍرِ شَبِلّ رَ؛ شَنَنِ نُن سٍبَدَيَ.
21 قَتَنقٍ شَرِ مَ شَبِلّ رَ؛ مَاسٍيَ، عٍلِيَ، سٍمَيَ، يّشِيّلِ، نُن يُسِيَ.
22 قَتَنقٍ ثَسُرَ شَبِلّ رَ؛ عٍلِيٌوٍنَيِ، مَاسٍيَ، سُمَيِلَ، نٍتَنٍيلِ، يٌسَبَدِ، عٍ نُن عٍلَاسَ.
23 قَتَنقٍ لٍوِ بْنسْي رَ؛ يٌسَبَدِ، سِمٍيِ، كّلَيَ، نَشَن مَن شِلِ كٍلِتَ، ثٍتَشِيَ، يُدَيَ، نُن عٍلِيٍسٍرِ.
24 كٍلِقٍ بّيتِبَيٍ يَ مَ؛ عٍلِيَسِبُ.
كٍلِقٍ عَلَ شَ هْرْ مْبَنشِ نَادّ مَكَنتَمَيٍ يَ مَ؛ سَلُمُ، تٍلٍمِ، نُن عُرِ.
25 بٌورٍ عِسِرَيِلَكَيٍ شِلِيٍ نَن يَ نَشٍيٍ نَ مْولِ رَبَشِ؛
قَتَنقٍ ثَرٌ سٌ شَبِلّ رَ؛ رَ مِيَ، يّسَيَ، مَلَكِيَ، مِيَمِن، عٍلِيٍسٍرِ، مَلَكِيَ، نُن بّنَيَ.
26 قَتَنقٍ عٍلَمَ شَبِلّ رَ؛ مَتَنِيَ، سَكَرِ، يّشِيّلِ، عَبِدِ، يٍرٍ مٌتِ، نُن عٍلِيَ.
27 قَتَنقٍ سَتُ شَبِلّ رَ؛ عٍلِيٌوٍنَيِ، عٍلِيَسِبُ، مَتَنِيَ، يٍرٍ مٌتِ، سَبَدِ، نُن عَسِسَ.
28 قَتَنقٍ بِبَيِ شَبِلّ رَ يٍهٌشَنَن، شَنَنِيَ، سَبَيِ، نُن عَتّلَيِ.
29 قَتَنقٍ بَنِ شَبِلّ رَ؛ مٍسُلَمَ، مَلُكُ، عَدَيَ، يَسُبُ، سٍيَلَ، نُن يٍرٍ مٌتِ.
30 قَتَنقٍ مٌوَبَ ثَشَتِ شَبِلّ رَ؛ عَدِنَ، كٍلَلِ، بّنَيَ، مَاسٍيَ، مَتَنِيَ، بّسَلّلِ، بِنُوِ، نُن مَنَسِ.
31 قَتَنقٍ شَرِ مَ شَبِلّ رَ؛ عٍلِيٍسٍرِ، يِسِيَ، مَلَكِيَ، سٍمَيَ، سِمّيْن، 32 بُنيَمِن، مَلُكُ، نُن سّمَرَيَ.
33 قَتَنقٍ شَسُمَ شَبِلّ رَ؛ مَتٍنَيِ، مَتَتَ، سَبَدِ، عٍلِقٍلٍتِ، يٍرٍ مَيِ، مَنَسِ، نُن سِمٍيِ.
34 قَتَنقٍ بَنِ شَبِلّ رَ؛ مَادَيِ، عَمَرَ مَ، يُوّلِ، 35 بّنَيَ، بّدٍيَ، كٍلُهَيِ، 36 قَنِيَ، مٍرٍ مٌتِ، عٍلِيَسِبُ، 37 مَتَنِيَ، مَتٍنَيِ، نُن يَاسُ.
38 قَتَنقٍ بِنُوِ شَبِلّ رَ؛ سِمٍيِ، 39 سٍلٍمِيَ، نَتَن، عَدَيَ، 40 مَكِنَدٍبَيِ، سَسَيِ، سَرَيِ، 41 عَسَرّلِ، سٍلٍمِيَ، سّمَرَيَ، 42 سَلُمُ، عَمَرَيَ، نُن يُسُقُ.
43 قَتَنقٍ نٍبٌ شَبِلّ رَ؛ يٍيِيٍلِ، مَتِتِيَ، سَبَدِ، سٍبِنَ، يِدٌ، يٌوٍلِ، نُن بّنَيَ.
44 يِ مِشِ بِرِن نُ بَرَ سِ فبّتّ فِنّيٍ دْشْ، ندٍ نُ بَرَ دِيٍ بَرِ.