1 عِسِرَيِلَ قٌرِ ندٍيٍ نَشَ قَ ﭑ شْنيِ. عٍ تٌ دْشْ، 2 عَلَتَلَ نَشَ عَ مَسٍن ﭑ بّ، 3 «عَدَ مَدِ، يِ مِشِيٍ بَرَ كُيٍيٍ قٍ تٌنفٌ عٍ عَ سَ عٍ نِي رَ، عٍ قٍ حَاشِيٍ سُشُ نَشٍيٍ عٍ رَبِرَ مَ. عَ لَنمَ ﭑ شَ تِن عٍ شَ ﭑ مَشَندِ؟ 4 عَ قَلَ عٍ بّ، ‹وٌ مَرِفِ عَلَتَلَ شَ مَسٍنيِ نَن يَ؛ عِسِرَيِلَكَ نَشَن يٌ كُيٍ قٍ سَ عَ نِي رَ، عَ قٍ حَاشِ سُشُ نَشَن عَ رَبِرَ مَ، عَ نَ سِفَ نَمِحْنمّ يِرٍ عَلَ مَشَندِدٍ، ﭑ عَ شَ دُبَ مَقِندِ مَ عَ شَ يُنُبِ رَبَ شَسَبِ نَن مَ. 5 ﭑ يِ رَبَمَ نّ عَلَكٌ ﭑ شَ عِسِرَيِلَ بْنسْي بْحّ رَقِندِ ﭑ مَ، هَلِ عٍ تٌ بَرَ عٍ مَكُيَ ﭑ نَ عٍ شَ كُيٍ بَتُقٍ رَ.›»

6 «عَ قَلَ عِسِرَيِلَ بْنسْي بّ، ‹وٌ مَرِفِ عَلَتَلَ شَ مَسٍنيِ نَن يَ؛ وٌ تُوبِ، وٌ فبِلٍن وٌ شَ كُيٍ بَتُقٍ قْشْ رَ، وٌ وٌ كٌبٍ سٌ وٌ شَ قٍ حَاشِيٍ رَ! 7 عِسِرَيِلَكَيٍ بِرِن، شَ نَ مُ عَ رَ وٌ شَ شْحّيٍ، مِشِ يٌ نَشَن كُيٍ قٍ سَمَ عَ نِي رَ، عَ قٍ حَاشِ سُشُ نَشَن عَ رَبِرَ مَ، نَ كَنيِ نَ سِفَ نَمِحْنمّ يِرٍ ﭑ مَشَندِقٍ رَ، ﭑ تَن عَلَتَلَ يَتِ قَمَ نَ كَنيِ يَابِدٍ. 8 ﭑ تِمَ نّ عَ كَنكٍ، ﭑ عَ قِندِ مَ مِسَالِ نَن نَ حَمَ بّ، عَ شِلِ قِندِ كٌنبِ رَ عٍ يَ مَ. ﭑ عَ كٍرِ مَ نّ ﭑ مَ حَمَ يَ مَ. نَ كُي وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

9 «شَ نَ نَمِحْنمّ قَ تِن مَسٍنيِ قَلَدٍ ﭑ شِلِ رَ، ﭑ تَن يَتِ بَرَ عَ مَدَشُ عَ شَ نَ رَبَ. نَ كُي ﭑ نَ ﭑ بّلّشّ عِتَلَ عَ شِلِ مَ، ﭑ عَ شَ قٍ شُن نَكَنَ ﭑ مَ حَمَ عِسِرَيِلَ يَ مَ. 10 عٍ بَرَ يُنُبِ سْتْ نَ كُي، نَمِحْنمّ يٌ، نُن مِشِ يٌ نَشَن مَشَندِ تِمَ عَ سَابُي رَ. 11 نَ تّمُي عِسِرَيِلَ بْنسْي مُ لُمَ عٍ مَكُيَ رَ ﭑ نَ، عٍ سّنِيّنتَرٍحَ بّحِنمَ نّ. عٍ قِندِ مَ نّ ﭑ مَ حَمَ رَ، ﭑ قَن قِندِ عٍ مَرِفِ عَلَ رَ. عَلَتَلَ شُي نَن نَ كِ.»

12 عَلَتَلَ نَشَ عَ مَسٍن ﭑ بّ، عَ نَشّ، 13 «عَدَ مَدِ، شَ حَمَ ندٍ ﭑ بّحِن عٍ شَ يُنُبِيٍ شَ قٍ رَ، ﭑ قَمَ نّ ﭑ بّلّشّ عِتَلَدٍ عٍ شِلِ مَ، ﭑ عٍ شَ بَلٌي حْن، ﭑ كَامّ رَدِن عٍ مَ، ﭑ عٍ شَ مِشِيٍ نُن عٍ شَ شُرُ سٍيٍ قَشَ. 14 هَلِ عَننَبِ نُهَ، عَننَبِ دَنِيّلِ، نُن عَننَبِ عَيُبَ نُ نَ عٍ يَ مَ نُ، حَمَ نْمَ كِسِدٍ عٍ شَ تِنشِنيِ فبَنسَن نَن سَابُي رَ. عَلَتَلَ شُي نَن نَ كِ.»

15 «شَ ﭑ سُبٍ شَاحّيٍ رَدِن نَ بْشِ مَ عٍ شَ دِ مّيٍ قَشَ، مِشِ بِرِن شَ كٍلِ نَا نَ سُبٍيٍ شَ قٍ رَ، 16 هَلِ نَ نَمِحْنمّ سَشَن سَ لُ نَا، ﭑ تَن وٌ مَرِفِ عَلَتَلَ بَرَ ﭑ كَلِ، حَمَ مُ نْمَ عٍ شَ دِيٍ رَكِسِدٍ. نَ نَمِحْنمّيٍ فبَنسَن نَن كِسِمَ، بْشِكَيٍ تَن لْي.»

17 «شَ ﭑ فٍرٍ رَبُلَ نَ بْشِ مَ، ﭑ قَ عَ قَلَ ‹سَنتِدّفّمَ شَ بٍ كَنَ،› ﭑ قَ عَ نِيَ نَ بْشِكَيٍ نُن عٍ شَ شُرُ سٍيٍ بِرِن شَ سْنتْ، 18 هَلِ نَ نَمِحْنمّ سَشَن سَ لُ نَا، ﭑ تَن وٌ مَرِفِ عَلَتَلَ بَرَ ﭑ كَلِ، حَمَ مُ نْمَ عٍ شَ دِيٍ رَكِسِدٍ. نَ نَمِحْنمّيٍ فبَنسَن نَن كِسِمَ.»

19 «شَ ﭑ وُفَنيِ رَدِن نَ بْشِ مَ عٍ شَ مِشِ بِرِن نُن عٍ شَ شُرُ سٍيٍ قَشَ قٍ رَ ﭑ مَ شْنّ شَ قٍ مَ، 20 هَلِ عَننَبِ نُهَ، عَننَبِ دَنِيّلِ، نُن عَننَبِ عَيُبَ سَ لُ نَا، ﭑ تَن وٌ مَرِفِ عَلَتَلَ بَرَ ﭑ كَلِ، حَمَ مُ نْمَ عٍ شَ دِيٍ رَكِسِدٍ. حَمَ نْمَ كِسِدٍ عٍ شَ تِنشِنيِ فبَنسَن نَن سَابُي رَ.»

21 «وٌ مَرِفِ عَلَتَلَ شَ مَسٍنيِ نَن يَ؛ وٌ شَ قٍ شْرْشْمَ نّ دَنفِقٍ نَ تَن نَ ﭑ نَ ﭑ مَ كَسَرّ نَانِ تِ وٌ بّ، نَشٍيٍ قِندِشِ فٍرٍ، كَامّ، سُبٍ شَاحّيٍ، نُن وُفَنيِ رَ. نَ بِرِن وٌ شَ مِشِيٍ نُن وٌ شَ شُرُ سٍيٍ سْنتْمَ نّ. 22 كْنْ وٌ شَ دِ ندٍيٍ قَمَ نّ رَتَنفَدٍ نَ مَ. عٍ قَمَ نّ وٌ يِرٍ، وٌ قَ سّيوَ عٍ حّرّ كِ مَتٌقٍ رَ، وٌ قَ مَدُندُ فبَلٌي شَ قٍ رَ ﭑ نَشَن نَفِرِشِ دَرِ سَلَمُ مَ. 23 وٌ مَدُندُي سْتْمَ نّ عٍ حّرّ كِ مَتٌقٍ رَ، بَرِ مَ وٌ قَمَ نّ عَ كٌلٌندٍ عَ ﭑ نَ بِرِن نَبَ قٍ ندٍ نَن مَ. وٌ مَرِفِ عَلَتَلَ شُي نَن نَ كِ.»