1 «شَ وٌ بِرَ وٌ مَرِفِ عَلَتَلَ شُي قْشْ رَ بْحّ قِيشّ رَ، شَ وٌ يِ يَامَرِيٍ رَبَتُ ﭑ نَشٍيٍ سٌشِ وٌ يِ رَ تٌ لْشْي، عَلَتَلَ وٌ قِندِ مَ نّ سِ قِسَمَنتٍ رَ سِ بِرِن تَفِ دُنِحَ كُي. 2 وٌ يِ بَرَكّ نَن سْتْمَ شَ وٌ بِرَ وٌ مَرِفِ عَلَتَلَ شُي قْشْ رَ.»

3 عَ بَرَكّ سَمَ نّ تَاكَيٍ نُن دَاشَكَيٍ مَ، 4 عٍ شَ دِيٍ، دَشَمُي، يّشّييٍ، سِيٍ، نُن نِنفٍيٍ شُن مَسَمَ نّ. 5 عَ وٌ شَ سَفَيٍ رَقٍ بٌفِ سٍ رَ، عَ بَرَكّ سَ وٌ شَ قَرِن نَمَشَدٍيٍ.

6 وٌ شَ سِمَيَ كُي، عَ بَرَكّ سَمَ نّ وٌ شَ قٍ بِرِن. 7 وٌ يَشُييٍ نَ قَ وٌ فٍرٍدٍ، عَلَتَلَ عٍ رَيَرَبِمَ نّ وٌ بّ. شَ عٍ سٌ كِرَ كٍرٍن نَن نَ، عٍ فبِلٍنمَ عٍ فِ رَ نّ وٌ يَ رَ كِرَ سٌلٌقٍرٍ شْن. 8 وٌ مَرِفِ عَلَتَلَ بَرَكّ سَمَ نّ وٌ شَ سَنسِ رَوَلِدٍ نُن وٌ نَ سٌ قٍ نَشَن بِرِن يَ مَ. عَ بَرَكّ سَ وٌ شَ قٍ بْشِ مَ، عَ دّننَشّ قِمَ وٌ مَ. 9 شَ وٌ وٌ مَرِفِ عَلَتَلَ شَ مَسٍنيِ رَبَ عَ رَبَ كِ مَ، وٌ مَن نَشَ بِرَ عَ وَشْنقٍ قْشْ رَ، عَ وٌ قِندِ مَ عَ يّتّ شَ حَمَ نَن نَ عَلْ عَ عَ رَكَلِشِ وٌ بّ كِ نَشّ. 10 بْشِ حَمَيٍ بِرِن عَ كٌلٌنمَ نّ نَ تّمُي، عَ وٌ تَن نَن سُفَندِشِ عَلَتَلَ شَ وَلِ رَبَقٍ مَ، عٍ فَاشُمَ نّ وٌ يَ رَ.

11 عَلَتَلَ وٌ هَرِفٍ شُن مَسَمَ نّ بْشِ مَ عَ دّننَشّ سَاتّ تٌنفٌ وٌ بٍنبَيٍ بّ سٌقٍ رَ وٌ يِ. عَ وٌ شَ دِيٍ رَوُيَمَ نّ، عَ وٌ شَ شُرُ سٍيٍ رَوُيَ. 12 عَلَتَلَ يٍ رَفَتَدٍ رَبِمَ نّ وٌ بّ كٌورٍ مَ، تُنّ شَ قَ وٌ شَ بْشِيٍ مَ عَ وَشَتِ مَ، عَلَكٌ وٌ شَ وَلِيٍ شَ قَن. وٌ هَيِ مُ بِرَ مَ كْبِرِ دٌنِ قٍ مَ، قٌ وٌ تَن كْبِرِ دٌنِ شْحّيٍ بّ دٍ. 13 عَلَتَلَ وٌ تَن نَن قِندِ مَ سِ بِرِن مَ يَرٍرَتِ رَ. وٌ مُ لُمَ شَنبِ، وٌ قِسَمَنتٍيَ نَن سْتْمَ تّمُي بِرِن. وٌ مُ نِمِسَمَ قٍقٍ مَ، كْنْ قٌ وٌ شَ يِ يَامَرِ رَبَتُ نّ عَ رَبَتُ كِ مَ، ﭑ نَشَن شَرَنشِ وٌ رَ تٌ لْشْي وٌ مَرِفِ عَلَتَلَ شَ قٍ رَ. 14 قٍقٍ يٌ نَشَ عَ نِيَ وٌ شَ بَ يِ كِرَ شْن مَ ﭑ نَشَن قَلَشِ وٌ بّ. وٌ نَشَ بِرَ عَلَ فبّتّيٍ بَتُقٍ قْشْ رَ قٍقٍ مَ.

15 شَ وٌ قَ تٌندِ وٌ مَرِفِ عَلَتَلَ بَتُدٍ، شَ وٌ تٌندِ عَ شَ يَامَرِيٍ نُن عَ شَ سّرِيّ رَبَدٍ، ﭑ نَشٍيٍ شَرَنشِ وٌ رَ تٌ لْشْي عَ شَ قٍ رَ، نَ تّمُي عَ قَمَ يِ دَنكّ نَن بِرَدٍ وٌ قْشْ رَ. 16 عَ تَاكَيٍ نُن دَاشَكَيٍ دَنكَمَ نّ. 17 عَ مُ بٌفِ سٍ سَمَ وٌ شَ سَفَيٍ كُي، عَ مَن مُ بَرَكّ سَمَ وٌ شَ قَرِن نَمَشَدٍيٍ. 18 عَ تٌندِ مَ نّ دِ قِدٍ وٌ مَ، وٌ مَن مُ بَلٌي سْتْمَ. وٌ شَ نِنفٍيٍ، يّشّييٍ، نُن سِيٍ شُن مُ مَسَمَ. 19 وٌ دَنكّ نَن سْتْمَ يِرٍ بِرِن وٌ شَ سِمَيَ كُي.

20 وٌ نَ سٌ قٍقٍ يٌ نَشَن يَ مَ، عَ دَنكّ رَفٌرٌ مَ نّ وٌ مَ. عَ وٌ كُي عِقُمَ نّ عَلَكٌ وٌ شَ قٍ نَشَ سْونّيَ قٍقٍ مَ، وٌ شُن شَ رَ كَنَ، بَرِ مَ وٌ بَرَ قٍ حَاشِ رَبَ، وٌ مَن بَرَ فبِلٍن عَلَتَلَ قْشْ رَ.

21 عَلَتَلَ قُرٍ حَاشِ رَدِنمَ نّ وٌ مَ، هَن وٌ حْن بْشِ مَ عَ دّننَشّ سٌمَ وٌ يِ رَ. 22 عَلَتَلَ عَ نِيَمَ نّ وٌ شَ شْسِ، وٌ قَتٍ شَ فَن، وٌ شَ قُرَ عَ حَاشِ رَ. عَ مَن بْشِ شَرَ، سَنسِيٍ فَن سٌفٍ بُن مَ، عٍ قَن قُرٍ حَاشِ سْتْ. عَ نَ بِرِن نَبَمَ نّ وٌ رَ، هَن وٌ لْي. 23 كٌورٍ نُن بْشِ شَرَ مَ نّ عَ شْرْشْي رَ. 24 عَلَتَلَ تُنّ مَقِندِ مَ نّ شُبٍ رَ، نَشَن فٌرٌ مَ وٌ شَ بْشِ مَ، عَ وٌ سْنتْ. 25 عَلَتَلَ سّنبّ قِمَ نّ وٌ يَشُييٍ مَ عٍ وٌ رَيَرَبِ. شَ وٌ عٍ فٍرٍ كِرَ كٍرٍن نَن نَ، وٌ وٌ فِمَ نّ عٍ يَ رَ كِرَ سٌلٌقٍرٍ شْن. نَشَن نَبَمَ وٌ رَ، عَ دُنِحَ بِرِن مَفَاشُمَ نّ. 26 وٌ بِنبِيٍ قِندِ مَ شْنِيٍ نُن وُلَءِ سُبٍيٍ شَ دٌنسٍ نَن نَ. مِشِ يٌ مُ قَمَ عٍ كٍرِدٍ.

27 عَلَتَلَ سُورِ عِكٌنكٌنمَ نّ وٌ مَ عَلْ عَ نَشَن نَبَ مِسِرَكَيٍ رَ. عَ وٌ تْورْ مَ نّ مَنفّ قَشّ رَ، كَسِ، نُن شّحّنيِ نَشَن مُ يَلَنمَ. 28 عَلَتَلَ وٌ قِندِ مَ نّ دْنشُييٍ رَ، عَ دَشُي قُرٍ قَن قِ وٌ مَ. 29 يَنيِ رَ وٌ نّ وٌ حّرّ مَ، وٌ لُمَ كِرَ مّلّن نَ نّ عَلْ دْنشُييٍ. وٌ شَ وَلِ يٌ مُ قِندِ مَ عَ رَ، وٌ لُمَ تْورْ رَ نّ. مِشِيٍ قَمَ نّ وٌ هَرِفٍ بَدٍ وٌ يِ رَ، عٍ وٌ تْورْ عَ حَاشِ رَ. مَرَكِسِمَ يٌ مُ لُمَ وٌ بّ.

30 وٌ نَ كٌتٍ دْشْ فِنّ شَ قٍ رَ، شّمّ فبّتّ عَ قُتِ كَنَمَ نّ. وٌ نَ بَنشِ تِ، وٌ مُ نْمَ سٌدٍ عَ كُي. وٌ نَ وّنِ بِلِيٍ سِ، وٌ مُ نْمَ عٍ بٌفِ بَدٍ. 31 وٌ شَ نِنفٍيٍ كْن نَشَبَمَ نّ وٌ يَ شْرِ، وٌ مُ نْ عٍ سُبٍ دٌندٍ. عٍ وٌ شَ سٌقَلٍ مُحَمَ نّ وٌ مَ، وٌ مُ عَ مَسْتْمَ. يَشُييٍ وٌ شَ شُرُ سٍ يْرّيٍ تٌنفٌمَ نّ، مِشِ يٌ مُ قَمَ وٌ مَلِدٍ. 32 سِ فبّتّ مِشِيٍ وٌ شَ دِيٍ سُشُمَ نّ وٌ يَ شْرِ، عٍ عٍ قِندِ كٌنيِيٍ رَ. وٌ تَفَنمَ نّ وٌ شَ دِيٍ مَمّدٍ، وٌ مُ نْمَ نَ يَشُييٍ رَ قٍقٍ مَ. 33 سِ ندٍ وٌ مُ نَشَن كٌلٌن عٍ بَلٌمَ وٌ شَ سَنسِيٍ نَن شُن نَ، وٌ شَ بْشِ دَشَمُي قِندِ مَ عٍ تَن نَن فبٍ رَ. عٍ وٌ رَوَلِمَ نّ، عٍ مَن قٍ حَاشِ رَبَ وٌ رَ. 34 نَ قٍ تٌقٍ وٌ قِندِ مَ نّ دَشُييٍ رَ.

35 عَلَتَلَ قِ حَاشِ دْشْمَ نّ وٌ مَ، نَشَن مُ يَلَنمَ. عَ فٌرٌ مَ شِنبِيٍ نُن بّلّنيِيٍ نَن مَ، عَ قَ يٍنسٍن قَتٍ يِرٍ بِرِن نَ، كٍلِ وٌ شُنيِ مَ، عَ دْشْ وٌ سَنيِيٍ رَ. 36 عَلَتَلَ قَمَ نّ وٌ تَن نُن وٌ شَ مَنفّيٍ رَ سِفَدٍ بْشِ ندٍ مَ، وٌ تَن نُن وٌ بٍنبَيٍ مُ نَشَن كٌلٌن. مّننِ وٌ قَمَ نّ عَلَ فبّتّيٍ بَتُدٍ، نَشٍيٍ مَسٌلِشِ وُرِ نُن فّمّ رَ. 37 مّننِكَيٍ وٌ مَيٍلٍمَ نّ، عٍ يٌمَ وٌ مَ.

38 وٌ سَنسِ شْرِ فبٍفبٍ رَوَلِمَ نّ وٌ شَ شّيٍ مَ، كْنْ وٌ دٌندٌرٌنتِ نَن شَبَمَ، بَرِ مَ كَتٌي دِنمَ نّ عَ بِرِن نَ. 39 وٌ وّنِ سَنسِ سِمَ نّ، وٌ مّينِ عَ مَ عَ قَنيِ رَ، كْنْ وٌ مُ عَ يٍ مِنمَ، بَرِ مَ كُلِ سٌمَ عٍ عِ نّ. 40 عٌلِوِ بِلِيٍ لُمَ نّ بْشِ يِرٍ بِرِن مَ، كْنْ وٌ مُ عٍ تُرٍ مَسٌمَ وٌ مَ، بَرِ مَ عٌلِوِ بٌفِيٍ بِرَ مَ نّ، عٍ مُ فبٍيلِ.

41 وٌ دِيٍ بَرِ مَ نّ، كْنْ عٍ مُ لُمَ وٌ يِ، بَرِ مَ وٌ يَشُييٍ عٍ شَنِنمَ نّ. 42 وٌ شَ وُرِيٍ نُن بْشِ دَشَمُي قِندِ مَ كَتٌي نَن فبٍ رَ. 43 شْحّ نَشٍيٍ نَ وٌ يَ مَ، نٍيٍ سّنبّ شُن مَسَمَ نّ تّمُي بِرِن، كْنْ وٌ تَن شَ قٍ مَفٌرٌ مَ نّ. 44 قّيرّ لُمَ نّ عٍ يِ رَ، كْنْ وٌ تَن لُمَ سٍتَرٍحَ نَن كُي. عٍ قِندِ مَ نّ وٌ شَ يَرٍرَتِيٍ رَ، كْنْ وٌ تَن لُمَ عٍ شَنبِ رَ نّ.

45 يِ دَنكّ بِرِن دْشْمَ نّ وٌ قَرِ، هَن وٌ بِرِن فّ هَلَكِدٍ، بَرِ مَ وٌ بَرَ تٌندِ وٌ مَرِفِ عَلَتَلَ شُي رَتِنمّدٍ. وٌ مُ عَ شَ يَامَرِ نُن عَ شَ سّرِيّ رَبَتُشِ عَ رَبَتُ كِ مَ. 46 نَ قِندِ مَ تْنشُمَ نُن دّءِشَرّ نَن نَ وٌ تَن نُن وٌ بْنسْي بّ عَبَدَن.

47 وٌ تٌ مُ تِن وٌ مَرِفِ عَلَتَلَ بَتُدٍ سّيوّ نُن بْحّسَ كُي، قٍ قَنيِ بِرِن شَ لُ وٌ يِ رَ، 48 وٌ قَمَ نّ تْورْدٍ وٌ يَشُييٍ يِ رَ. كَامّ نُن يٍ شْلِ وٌ سُشُمَ نّ. وٌ تِمَ نّ وٌ مَفٍلِ رَ، وٌ لُمَ سٍتَرٍحَ نَن كُي. نَ كُي عَلَتَلَ قَمَ يْلْنشْنيِ سَدٍ وٌ كْنيِ مَ، هَن وٌ فّ هَلَكِدٍ. 49 عَ قَمَ نّ سِ رَ وٌ مُ نَشَن شَ شُي مّمَ كٍلِقٍ يِرٍ مَكُيٍ، عَ شَ فٌرٌ وٌ مَ عَلْ سّفّ فٌرٌ مَ تْشْي يْرّ مَ كِ نَشّ. 50 مِشِ كَارِنشِيٍ نَن عٍ رَ، نَشٍيٍ مُ قٌرِيٍ بِنيَمَ، نَشٍيٍ مُ كِنِكِنِمَ دِ مّيٍ مَ. 51 عٍ وٌ شَ شُرُ سٍ نُن وٌ شَ بَلٌي تٌنفٌ عٍ يّتّ بّ، وٌ شَ قَشَ كَامّ رَ. عٍ وٌ شَ مّنفِ، وّنِ، تُرٍ، نِنفٍ يْرّيٍ، يّشّييٍ، نُن سِيٍ بِرِن شَنِنمَ نّ. وٌ قَمَ نّ هَلَكِدٍ.

52 عٍ قَمَ نّ وٌ شَ تَايٍ بِرِن نَبِلِندٍ، وٌ مَرِفِ عَلَتَلَ نَشٍيٍ سٌ وٌ يِ رَ. عٍ وٌ فٍرٍ مَ نّ هَن وٌ شَ تّتّ عِتٍشِ سّنبّمَيٍ يٌلٌن، وٌ لَشِ نَشٍيٍ رَ. 53 نَ فٍرٍيٍ كُي وٌ يَشُييٍ وٌ رَكَامّمَ نّ، هَن وٌ وٌ شَ دِيٍ سُبٍ يَتِ دٌن، دِيٍ وٌ مَرِفِ عَلَتَلَ نَشٍيٍ قِشِ وٌ مَ. 54 هَلِ شّمّ قَنيِ نَشَن لُمَ وٌ يَ مَ، عَ مُ كِنِكِنِمَ عَ نفَشَكٍرٍنمَ، عَ شَ فِنّ، نُن عَ شَ دِيٍ مَ. 55 عَ تٌندِ مَ نّ عَ شَ دِ سُبٍ عِتَشُندٍ عٍ رَ، بَرِ مَ نَ قِندِشِ عَ بَلٌي دْنشْي نَن نَ. وٌ يَشُييٍ نَ مَرَيَرَبِ سَمَ نّ وٌ قَرِ وٌ شَ تَايٍ بِرِن كُي. 56 هَلِ فِنّ قَنيِ نَشَن لُمَ وٌ يَ مَ، نَشَن مُ تِنمَ عَ سَنيِ يَتِ شَ مَنْشْ، نَ تَن قَن مُ كِنِكِنِمَ عَ شَ مْرِ قَنيِ نُن عَ شَ دِيٍ مَ. 57 عَ تٌندِ مَ نّ عَ شَ دِيْرّ سُبٍ عِتَشُندٍ عٍ نُن نَ شَنبِرَتٌي مَ عَ نَشَن بَرِشِ، بَرِ مَ عَ تَن وَ مَ نَ دٌنقٍ، عَ شَ لُ عَ تَن فبَنسَن بّ. وٌ يَشُييٍ قَمَ نَ تْورّ مْولِ نَن دْشْدٍ وٌ مَ.

58 شَ وٌ مُ مّينِ يِ مَسٍنيِيٍ مَ نَشٍيٍ سّبّشِ يِ كِتَابُي كُي، شَ وٌ مُ فَاشُ وٌ مَرِفِ عَلَتَلَ شِلِ شُنفبٍ مَفَاشُشِ يَ رَ، 59 عَلَتَلَ قَمَ نّ قُرٍ حَاشِ مَفَاشُشِيٍ دْشْدٍ وٌ تَن نُن وٌ بْنسْي مَ، نَشَن مُ يَلَنمَ. 60 عَ قُرٍ حَاشِ عِكٌنكٌمَ نّ وٌ شُن نَ، وٌ نُ فَاشُشِ نَشَن يَ رَ مِسِرَ بْشِ مَ. نَ قُرٍ مْولِ وٌ سُشُمَ نّ، عَ نْ وٌ رَ. 61 عَلَتَلَ قُرٍ مْولِ فبٍفبٍ دْشْمَ نّ وٌ مَ، نَشٍيٍ شِلِ مُ سّبّشِ يِ كِتَابُي كُي، هَن وٌ بِرِن فّ سْنتْدٍ. 62 وٌ تَن نَشٍيٍ نُ وُيَ دَنفِ تُنبُييٍ رَ كٌورٍ مَ، وٌ كْنتِ شُرُنمَ نّ، بَرِ مَ وٌ بَرَ وٌ مَرِفِ عَلَتَلَ شُي مَتَندِ.

63 عَلَتَلَ قٍ قَنيِ رَبَشِ وٌ بّ كِ نَشّ، عَ نُن عَ وٌ رَوُيَشِ كِ نَشّ، عَ قَمَ وٌ هَلَكِدٍ نَ كِ نّ مَن، وٌ قَ حْن بْشِ مَ عَ نَشَن قِ وٌ مَ. 64 عَ وٌ رَيٍنسٍن سِ بِرِن يَ مَ، كٍلِ دُنِحَ تُشُي مَ، سَ دْشْ بٌورٍ تُشُي رَ. وٌ قَمَ نّ عَلَ فبّتّيٍ بَتُدٍ، وُرِ نُن فّمّ دَاشِيٍ، وٌ تَن نُن وٌ بٍنبَيٍ مُ نَشٍيٍ كٌلٌن. 65 نَ سِيٍ تَفِ، وٌ مُ مَلَبُي يٌ سْتْمَ، وٌ مُ يِرٍ يٌ سْتْمَ وٌ سَبَتِمَ دّننَشّ. عَلَتَلَ وٌ بْحّيٍ رَتٍمَ نّ، عَ وٌ يَيٍ رَ مِنِ، عَ وٌ نِي تْورْ. 66 وٌ شَ سِمَيَ قِندِ مَ كْنتْقِلِ نَن نَ، فَاشُي قَمَ نّ وٌ رَ سّرّندٍ كْي نُن يَنيِ رَ. 67 وٌ نَ نَ قٍ مْولِ تٌ تّمُي نَشّ، فَاشُي قَمَ وٌ بْحّ رَقٍدٍ. فّيسّفّ، وٌ نُ قَ عَ قَلَ، «شَ نُنمَرٍ نَن نُ عَ رَ نُ!» نُنمَرٍ، وٌ نُ قَ عَ قَلَ، «شَ فّيسّفّ نَن نُ عَ رَ نُ!» 68 عَلَتَلَ وٌ شَنِنمَ نّ كُنكُييٍ كُي مِسِرَ، ﭑ عَ قَلَ وٌ بّ دّننَشّ مَ وٌ مُ نَا تٌمَ سْنْن. مّننِ، وٌ كَتَمَ نّ وٌ يّتّ مَتِدٍ وٌ يَشُييٍ مَ كٌنيِيٍ رَ، شّمّيٍ نُن فِنّيٍ، كْنْ مِشِ يٌ مُ وٌ سَرَ مَ.

69 عَلَتَلَ يِ سَاتّ نَن سٌ عَننَبِ مُنسَ يِ رَ، عَ شَ عَ مَبَنبَن عٍ نُن عِسِرَيِلَكَيٍ تَفِ، مٌوَبَ بْشِ مَ. يِ سَاتّ نُن بٌورٍ سَاتّ تَفِ رَ سَ نَشَن تٌنفٌ شٌرٍبٍ فٍيَ قَرِ.