1 وٌ وٌ تُلِ مَتِ يِ مَسٍنيِ رَ،

وٌ تَن فِنّ نَشٍيٍ لُشِ عَلْ نِنفٍيٍ،

نِنفٍ تٌقَنيِيٍ نَشٍيٍ نَ بَسَن بْشِ مَ.

وٌ تَن نَشٍيٍ سَبَتِشِ سَمَرِ فٍيَ قَرِ،

وٌ تَن نَشٍيٍ مِسِكِينّ تْورْ مَ،

وٌ تَن نَشٍيٍ تِمَ سٍتَرٍيٍ قَرِ.

وٌ نُ قَ عَ قَلَمَ وٌ شَ مْرِيٍ بّ،

«وٌ قَ بٍيرٍ رَ، وٌن نَشَن مِنمَ.»

2 مَرِفِ عَلَتَلَ بَرَ عَ كَلِ عَ شَ سّنِيّنيِ رَ،

«كِيتِ لْشْي نَ قَقٍ.

عٍ قَمَ نّ وٌ سُشُدٍ وُرٍ كْنكْرْنشِيٍ رَ،

عٍ وٌ نُن وٌ شَ دِيٍ شَنِن.

3 وٌ مِنِمَ نّ وٌ شَ تّتّ كَنَشِ كُي،

كَنكَن تِشِ عَ بٌورٍ شَنبِ رَ.

عٍ وٌ شَنِنمَ نّ يِرٍ مَكَنتَشِ.»

عَلَتَلَ شَ وْيّنيِ نَن نَ كِ.

4 «وٌ سِفَ بٍتٍلِ، عَلَكٌ وٌ شَ يُنُبِ رَبَ نَا.

وٌ سِفَ فِلِفَلِ، عَلَكٌ وٌ مَن شَ يُنُبِ سْتْ.

وٌ شَ سّرّشّ بَ فّيسّفّ بِرِن،

وٌ مَن شَ قَرِلّ بَ حّ سَشَن يٌ حّ سَشَن.

5 وٌ لّبِنِ تَامِ بَ تَنتُي سّرّشّ رَ.

وٌ وٌ شَ حَنِفٍ سّرّشّ مَسٍن بِرِن بّ،

بَرِ مَ نَ قٍ مْولِيٍ رَقَن وٌ مَ، وٌ تَن عِسِرَيِلَكَيٍ.»

عَلَتَلَ شَ مَسٍنيِ نَن نَ كِ.

6 «ﭑ نُ بَرَ كَامّ رَ سٌ وٌ شَ تَايٍ كُي.

تَامِ يٌ مُ لُ وٌ شْنيِ.

كْنْ هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»

عَلَتَلَ شَ وْيّنيِ نَن نَ كِ.

7 «كِكٍ سَشَن تٌ نُ لُشِ شّ شَ شَبَ،

ﭑ تٌندِ نّ تُنّ رَفٌرٌدٍ وٌ مَ.

ﭑ بَرَ عَ نِيَ تَا ندٍيٍ شَ تُنّ سْتْ،

تَا ندٍيٍ نَشَ عَ سْتْ.

ﭑ بَرَ عَ رَفِرِ ندٍيٍ شَ تُنّ سْتْ،

شّ ندٍيٍ نَشَ تُنّ سْتْ.

8 مِشِيٍ بَرَ كٍلِ تَا ندٍيٍ،

عٍ سِفَ يٍ قٍندٍ تَا فبّتّ كُي،

كْنْ يٍ شْلِ مُ بَ عٍ مَ.

هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»

عَلَتَلَ شَ مَسٍنيِ نَن نَ كِ.

9 «ﭑ بَرَ قُرٍ رَفٌرٌ وٌ شَ سَنسِيٍ مَ،

ﭑ بَرَ عٍ شَرَ قٌيٍ رَ.

كَتٌييٍ بَرَ وٌ شَ لَاكْي كَنَ،

عَ نُن وٌ شَ وّنِ سَنسِيٍ، وٌ شَ شْرّ سَنسِيٍ، نُن وٌ شَ عٌلِوِ سَنسِيٍ.

هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»

عَلَتَلَ شَ مَسٍنيِ نَن نَ كِ.

10 «ﭑ بَرَ قُرٍ حَاشِيٍ رَفٌرٌ وٌ مَ،

عَلْ ﭑ عَ رَبَشِ مِسِرَ بْشِ مَ كِ نَشّ.

ﭑ بَرَ وٌ شَ سّفّتَلَيٍ قَشَ سَنتِدّفّمَ رَ،

عٍ بْرْ شِرِ نَشَ تٍ وٌ رَ.

وٌ يَشُييٍ بَرَ عٍ شَ سٌييٍ تٌنفٌ.

هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»

عَلَتَلَ شَ مَسٍنيِ نَن نَ كِ.

11 «ﭑ بَرَ وٌ حَشَنكَتَ،

عَلْ ﭑ سٌدٌ مَ نُن فٌمٌرَ حَشَنكَتَشِ كِ نَشّ.

وٌ لُشِ نّ عَلْ وُرِ نَشَن نَمِنِشِ تّ.

هَلِ ﭑ تٌ نَ بِرِن نَبَ، وٌ مُ تُوبِ ﭑ بّ.»

عَلَتَلَ شَ مَسٍنيِ نَن نَ كِ.

12 «ﭑ قَمَ عِ تَن عِسِرَيِلَ حَشَنكَتَدٍ نَ نَن مَ.

ﭑ نَ يِ رَبَ عِ رَ، عِ قَمَ نّ عِ مَرِفِ عَلَ كٌلٌندٍ.»

13 نَشَن فٍيَيٍ نُن قٌيٍ دَاشِ،

نَشَن عَدَ مَ شَ مَحْشُنيِ بِرِن كٌلٌن،

نَشَن سُبَشّ قِندِ مَ كْي رَ،

نَشَن حّرّ مَ يِرٍ عِتٍشِ قَرِ،

عَ شِلِ مَنفّ عَلَتَلَ.