88
سَيَ كِرَ
عَلَ مَشَندِ
1 كٌرَ شَ دِيٍ شَ بّيتِ بّيتِبَيٍ شَ مَنفّ بّ. عَ شَ بَ شُلٍ رَ. هٍمَن عٍسِرَكَ شَ لْننِ بّيتِ.
2 مَرِفِ، ﭑ نَكِسِمَ عَلَ،
ﭑ عِ شِلِمَ يَنيِ نُن كْي رَ.
3 عِ شَ ﭑ مَ مَشَندِ سُشُ،
عِ شَ ﭑ مَ دُبّ تٌنفٌ.
4 ﭑ بَرَ تْورْ ﭑ مَ دُنِحّءِفِرِ كُي،
يَكْسِ ﭑ بَرَ مَكْرّ سَيَ رَ.
5 ﭑ نَ مِشِيٍ يَ مَ نَشٍيٍ نَ سَيَ كِرَ شْن مَ.
ﭑ سّنبّ يٌ مُ نَ سْنْن.
6 عَ لُشِ نّ عَلْ ﭑ حَن سَشِ قُرٍيٍ تَفِ فَبُرِ كُي،
عِ مُ رَتُشِ نَشٍيٍ شَ قٍ مَ سْنْن،
نَشٍيٍ بَرَ مَكُيَ عِ شَ هِننّ رَ.
7 عِ بَرَ ﭑ نَ سٌ يِلِ تِلِنشِ كُي دِ مِ شْورَ.
8 عِ شَ شْنّ بَرَ دُتُن ﭑ مَ،
عَ ﭑ مَكٌتٌ عَلْ بَا مْرْنيِ مِشِ مَكٌتٌمَ كِ نَشّ.
حّنفِ رَتٍ.
9 عِ بَرَ ﭑ دّقَنبٌورٍيٍ مَكُيَ ﭑ نَ،
عِ بَرَ عٍ بْحّيٍ رَحَاشُ عٍ مَ.
ﭑ لُمَ بَنشِ كُي، ﭑ مُ مِنِمَ قٍقٍ مَ.
10 ﭑ مَرِفِ، ﭑ عِ شِلِمَ لْشْ يٌ لْشْ يَيٍ رَ،
ﭑ نَ ﭑ بّلّشّيٍ تِشِ عِ بّ.
11 عِ كَابَنَكٌي رَبَمَ مِشِ قَشَشِيٍ نَن بّ؟
عٍ نْمَ كٍلِدٍ، عٍ عِ مَتْشْ؟
12 عِ شَ دُفُتّفّحَ شَ قٍ قَلَمَ فَبُرِ كُي؟
عِ شَ شَنُنتٍيَ مَسٍنمَ نَا؟
13 عِ شَ كَابَنَكٌ تٌمَ عَلِفِيَمَ؟
عِ شَ تِنشِنيِ كٌلٌنمَ يِرٍ دّننَشّ شَ قٍ بَرَ نّيمُ مِشِ رَ؟
14 ﭑ مَرِفِ، ﭑ تَن عِ شِلِمَ،
فّيسّفّ يٌ فّيسّفّ ﭑ عِ مَشَندِ مَ.
15 مَرِفِ، عِ تٌندِ مَ ﭑ بّ مُنقٍ رَ؟
عِ عِ كٌبٍ سٌمَ ﭑ نَ مُنقٍ رَ؟
16 ﭑ نَ تْورّ كُي كَبِ ﭑ دِ مّدِ تّمُي.
ﭑ فَاشُشِ، شَشِلِسَ بِرِن بَرَ بَ ﭑ يِ رَ.
17 عِ شَ شْنّ سّنبّ بَرَ دَنفِ عَ عِ،
عِ شَ قٍ مَفَاشُشِيٍ بَرَ نْ ﭑ نَ.
18 عٍ ﭑ نَبِلِنشِ عَلْ بَنبَرَنيِ،
عٍ دُ سُ ﭑ شُن نَ.
19 عِ بَرَ ﭑ شَنُنتٍنيِيٍ بِرِن مَكُيَ ﭑ نَ،
ﭑ دْشْبٌورٍ بَرَ كٍلِ ﭑ شُن مَ.