1 دِ لْننِلَ عَ تُلِ مَتِمَ عَ بَبَ شَ مَرَ سِ نَن نَ،

كْنْ شُرُتَرٍ مُ عَ تُلِ مَتِمَ مَرَ سِ رَ.

2 مِشِ قَنيِ شَ وْيّنيِيٍ قٍ قَنيِ نَن نَمِنِمَ،

كْنْ يَنقَنتٍ تَن وَ مَ فٍرٍ نَن شْن.

3 مِشِ نَشَن عَ دّ سُشُمَ، عَ شُن نَكٍلِمَ نّ،

نَشَن دّ وُيَشِ، نَ تَن عَ شُن نَكَنَمَ نّ.

4 تُننَشْنّ شَ قٍقٍ مُ سْونّيَمَ،

كْنْ تُننَبّشِ هَرِفٍ فبٍفبٍ سْتْمَ نّ.

5 وُلٍ مُ رَقَن تِنشِنتْي مَ،

كْنْ مِشِ حَاشِ تَن عَ يّتّ رَيَافِمَ نّ.

6 تِنشِنيِ تِنشِنتْي مَكَنتَمَ نّ،

قٍ حَاشِ يُنُبِتْي تَن نَهَلَكِمَ نّ.

7 مِشِ ندٍ عَ يّتّ قِندِ مَ بَننَ نَن نَ،

كْنْ سٍسٍ مُ عَ يِ رَ.

بٌورٍ تَن عَ يّتّ قِندِ مَ سٍتَرٍ نَن نَ،

كْنْ هَرِفٍ فبٍفبٍ نَ عَ يِ رَ.

8 بَننَ شَ كْبِرِ عَ شُن سَرَ مَ مِشِ كٌبِيٍ مَ،

كْنْ مِشِ كٌبِيٍ مُ سٍسٍ قٍنمَ سٍتَرٍ رَ.

9 تِنشِنتْي لُشِ نّ عَلْ لَنثُي دّشّشِ،

مِشِ حَاشِ تَن شَ لَنثُي شُبٍنمَ نّ.

10 يّتّ عِفبٌحَ فٍرٍ نَن نَبُلَمَ،

كْنْ مَرَ سِ رَ مّقٍ قِندِ مَ لْننِ نَن نَ.

11 هَرِفٍ نَشَن سْتْمَ تِنشِنتَرٍيَ كُي، عَ سِفَمَ شُرُن نَ نّ،

كْنْ هَرِفٍ نَشَن سْتْمَ دْيِ دْيِ تِنشِنيِ كُي، نَ سِفَمَ فبٌ رَ نّ.

12 شَ مِشِ مُ عَ وَشْنقٍ سْتْمَ، عَ تْورْ مَ نّ،

كْنْ شَ عَ سْتْ، عَ سّيوَ مَ نّ دُنِحّءِفِرِ كُي.

13 مِشِ نَشَن يٌمَ مَرَ سِ مَ، عَ نَ سَرٍ سْتْمَ نّ،

نَشَن تَن مَرَ سِ بِنيَمَ، نَ قَمَ نّ سَرٍ قَنيِ سْتْدٍ.

14 شَشِلِمَ شَ مَرَ سِ قِندِ مَ سِمَيَ نَن نَ،

عَ مِشِ رَتَنفَمَ فَنتَنيِ حَاشِ مَ.

15 قَهَامُي قِندِ مَ هِننّ نَن نَ مِشِ بّ،

كْنْ مِشِ حَاشِ تَن شَ كِرَ شْرْشْ.

16 شَشِلِمَ عَ شَ لْننِ رَوَلِمَ،

كْنْ شَشِلِتَرٍ دَشُحَ نَن تُن قُنقُنمَ.

17 شّيرَ تِنشِنتَرٍ قِندِ مَ تْورّ نَن سَابُي رَ،

شّيرَ تِنشِنشِ تَن قَمَ يَلَنيِ نَن نَ.

18 مِشِ نَشَن تٌندِ مَ مَرَ سِ رَ، عَ سٍتَرٍحَ نُن يَافِ سْتْمَ نّ،

كْنْ نَشَن مَرَ سِ رَ مّمَ، عَ بِنيّ نَن سْتْمَ.

19 عَ حْشُن، مِشِ وَشْنقٍ نَ رَبَ عَ بّ،

كْنْ شَشِلِتَرٍ مُ تِنمَ فبِلٍندٍ عَ وَشْنقٍ حَاشِ قْشْ رَ.

20 مِشِ نَ لُ شَشِلِمَ قْشْ رَ، عَ قَن شَشِلِ سْتْمَ نّ،

كْنْ لْننِتَرٍيٍ شَ مَلَن بٌورٍحَ، قِندِ مَ تْورّ نَن تُن نَ.

21 يُنُبِتْي سَرٍ قِندِ مَ قٍ حَاشِ نَن نَ،

تِنشِنتْي تَن سَرٍ قِندِ مَ هّيرِ نَن نَ.

22 مِشِ قَنيِ كّ لُمَ عَ شَ مَمَدِيٍ نَن بّ،

يُنُبِتْي تَن كّ لُمَ تِنشِنتْييٍ نَن بّ.

23 بَلٌي فبٍفبٍ مِنِمَ نّ سٍتَرٍ شَ شّ مَ،

كْنْ تِنشِنتَرٍيَ لُمَ نّ كَسَرَ رَ.

24 بَبّ نَشَن مُ عَ شَ دِ شُرُ مَ لُشُسِنيِ رَ،

نَ دِ مُ رَقَن عَ مَ.

بَبّ نَشَن عَ شَ دِ شُرُ مَ،

نَ دِ رَقَن عَ مَ.

25 تِنشِنتْي وَ سَمَ نّ بَلٌي رَ،

كْنْ تِنشِنتَرٍ تَن لُمَ كَامّ رَ نّ.