1 نَ فبَلٌي تٌ دَنفِ، عَلَتَلَ نَشَ عَ قَلَ مُنسَ نُن هَرُنَ سّرّشّدُبّ شَ دِ شّمّ عٍلٍيَسَرِ بّ، 2 «وٌ شَ عِسِرَيِلَ حَمَ بِرِن شِلِ سّبّ، كٍلِ عَ حّ مْشْحّن مَ هَن نَ شَنبِ، عَ دٍنبَيَ كِ مَ، نَشَن بِرِن نْمَ سْورِحَ رَبَدٍ.» 3 مُنسَ نُن عٍلٍيَسَرِ سّرّشّدُبّ نَشَ عَ قَلَ عِسِرَيِلَكَيٍ بّ مٌوَبَ بْشِ مَ يُرُدّن شُرٍ سّيتِ مَ يٍرِكٌ يَ عِ، 4 «عِسِرَيِلَكَ بِرِن شَ كْنتِ، كٍلِ مِشِ مَ نَشَن بَرَ حّ مْشْحّن سْتْ هَن نَ شَنبِ، عَلْ عَلَتَلَ عَ يَمَرِ مُنسَ نُن عِسِرَيِلَكَيٍ بّ كِ نَشّ.» عِسِرَيِلَ بْنسْي نَشٍيٍ مِنِ مِسِرَ بْشِ رَ، نٍيٍ نَن يِ كِ.

5 عَ قْلْ عِسِرَيِلَ شَ دِ سِنفٍ رُبٍن نَن مَ، عَ شَ دِيٍ نَن يِ كِ؛ شَنْكِ، ثَلُ، 6 شٍسِرٌن، كَرِ مِ، نُن عٍ شَبِلّيٍ. 7 رُبٍن بْنسْي شَبِلّيٍ نَن نَ كِ. نٍيٍ شَسَبِ لَن مِشِ وُلُ تٌنفٌ نَانِ نُن سَشَن كّمّ سٌلٌقٍرٍ تٌنفٌ سَشَن نَن مَ.

8 ثَلُ شَ دِ شّمّ عٍلِيَبِ 9 نَن نُ نَ نٍمُوٍلِ، دَتَن، نُن عَبِرَ مِ بَبَ رَ، نَشٍيٍ كٍلِ مُنسَ نُن هَرُنَ شِلِ مَ عِسِرَيِلَ كُنتِفِيٍ يَ مَ. عٍ نُن كٌرَ نُن عَ قْشِرَبِرّيٍ تٌ كٍلِ عَلَتَلَ شِلِ مَ، 10 بْشِ رَبِ نّ، عَ قَ عٍ بِرِن فٍرُن. نَ لْشْي عَلَتَلَ مِشِ كّمّ قِرِن مِشِ تٌنفٌ سُولِ فَن نّ تّ رَ، عٍ شَ قِندِ مِسَالِ رَ حَمَ بّ. 11 كْنْ كٌرَ شَ دِيٍ تَن مُ قَشَ نَ قٍ كُي.

12 سِمٍيْن شَ دِيٍ نَن يِ كِ عٍ شَبِلّ كِ مَ؛ نٍمُوٍلِ، يَمِن، يَكِمِ، 13 سٍرَ، سَوُلُ، عَ نُن عٍ شَبِلّيٍ. 14 سِمٍيْن بْنسْي شَبِلّيٍ نَن نَ كِ. نٍيٍ شَسَبِ لَن مِشِ وُلُ مْشْحّن نُن قِرِن، مِشِ كّمّ قِرِن نَن مَ.

15 فَدِ شَ دِيٍ نَن يِ كِ عٍ شَبِلّ كِ مَ؛ سٍقٌن، شَفِ، سُنِ، 16 عٌسٍنِ، عٍرِ، 17 عَرٌدِ، عَرٍلِ، نُن عٍ شَبِلّيٍ. 18 فَدِ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ نَانِ، مِشِ كّمّ سُولِ نَن مَ.

19 يُدَ شَ دِيٍ نَن يِ كِ؛ عٍرُ نُن عٌنَن. كْنْ عٍ تَن قَشَ كَنَان بْشِ نَن مَ. 20 يُدَ شَ دِيٍ نَن يِ كِ عٍ شَبِلّ كِ مَ؛ سٍلَهَ، ثٍرٍ سِ، سٍرَ، نُن عٍ شَبِلّيٍ. 21 ثٍرٍ سِ شَ دِيٍ نَن يِ كِ؛ شٍسِرٌن، شَمُلِ، نُن عٍ شَبِلّيٍ. 22 يُدَ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سٌلٌقٍرٍ نُن سٍننِ، مِشِ كّمّ سُولِ نَن مَ.

23 عِسَكَرِ شَ دِيٍ نَن يِ كِ عٍ شَبِلّ كِ مَ؛ تٌلَ، ثُوَ، 24 يَسُبُ، سِمِرٌن، نُن عٍ شَبِلّيٍ. 25 عِسَكَرِ بْنسْييٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ سٍننِ نُن نَانِ، مِشِ كّمّ سَشَن نَن مَ.

26 سَبُلٌن شَ دِيٍ نَن يِ كِ عٍ شَبِلّ كِ مَ؛ سٍرٍدِ، عٍلٌن، يَشَلٍيلِ، نُن عٍ شَبِلّيٍ. 27 سَبُلٌن بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سٍننِ، مِشِ كّمّ سُولِ نَن مَ.

28 يُسُقُ شَ دِيٍ نَن يِ كِ عٍ شَبِلّ كِ مَ؛ مَنَسِ نُن عٍقِرَ مِ. 29 مَنَسِ شَ دِيٍ نَن يِ كِ؛ مَكِرِ نُن عَ شَبِلّيٍ. مَكِرِ نَن فَلَدِ نُن عَ شَبِلّيٍ سْتْ. 30 فَلَدِ شَ دِيٍ نَن يِ كِ عٍ شَبِلّ كِ مَ؛ يٍسٍرِ، شٍلٍكِ، 31 عَسِرّلِ، سِكٍمِ، 32 سّمِدَ، شٍقٍرِ، نُن عٍ شَبِلّيٍ. 33 شٍقٍرِ شَ دِ شّمّ سٍلٌقٍشَدِ تَن دِ فِنّيٍ نَن تُن سْتْ. نٍيٍ شِلِيٍ نَن يِ كِ؛ مَشَلَ، نٌوَ، شٌفَلَ، مِلِكَ نُن تِرِ سَ. 34 مَنَسِ بْنسْي شَبِلّيٍ نَن نَ كِ. عٍ شَسَبِ لَن مِشِ وُلُ تٌنفٌ سُولِ نُن قِرِن، مِشِ كّمّ سٌلٌقٍرٍ نَن مَ.

35 عٍقِرَ مِ شَ دِيٍ نَن يِ كِ عٍ شَبِلّ كِ مَ؛ سُتٍلَ، بٍكٍرِ، تَشَنِ، نُن عٍ شَبِلّيٍ. 36 سُتٍلَ شَ دِ نَن يِ كِ؛ عٍرَن نُن عَ شَبِلّيٍ. 37 عٍقِرَ مِ شَ دِيٍ نَن نَ كِ. عٍ شَسَبِ لَن مِشِ وُلُ تٌنفٌ سَشَن نُن قِرِن، مِشِ كّمّ سُولِ نَن مَ. يُسُقُ شَ مَمَدِيٍ نَن نَ كِ عٍ شَبِلّ كِ مَ.

38 بُنيَمِن شَ دِيٍ نَن يِ كِ عٍ شَبِلّ كِ مَ؛ بٍلَ، عَسِبٍلِ، عَشِرَ مَ، 39 سُقَمِ، شُقَمِ، نُن عٍ شَبِلّيٍ. 40 بٍلَ شَ دِيٍ نَشَ قِندِ عَرَدٍ، نَامَن، نُن عٍ شَبِلّيٍ رَ. 41 بُنيَمِن شَ دِيٍ نَن نَ كِ عٍ شَبِلّ كِ مَ. عٍ شَسَبِ نَشَ لَن مِشِ وُلُ تٌنفٌ نَانِ نُن مِشِ سُولِ كّمّ سٍننِ مَ.

42 دَنَ شَ دِيٍ نَن يِ كِ عٍ شَبِلّ كِ مَ. سُشَمِ نُن عَ شَبِلّيٍ. دَنَ بْنسْي نَن نَ كِ عٍ شَبِلّ كِ مَ. 43 عٍ شَسَبِ نَشَ لَن مِشِ وُلُ تٌنفٌ سٍننِ نُن نَانِ، مِشِ كّمّ نَانِ مَ.

44 عَسٍرِ شَ دِيٍ نَن يِ كِ عٍ شَبِلّ كِ مَ؛ يِمٍنَ، يِسِوِ، بٍرِيَ، نُن عٍ شَبِلّيٍ. 45 بٍرِيَ شَ دِيٍ نَن يِ كِ؛ شٍبٍرِ، مَلَكِيٍلِ، نُن عٍ شَبِلّيٍ. 46 عَسٍرِ شَ دِ فِنّ نُ شِلِ نّ سٍرَ. 47 عَسٍرِكَيٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ سُولِ نُن سَشَن، مِشِ كّمّ نَانِ نَن مَ.

48 نَقَتَلِ شَ دِيٍ نَن يِ كِ عٍ شَبِلّ كِ مَ؛ يَشَسٍيلِ، فُنِ، 49 يٍسٍرِ، سِلٍمِ، نُن عٍ شَبِلّيٍ. 50 نَقَتَلِ بْنسْييٍ نَن نَ كِ عٍ شَبِلّ كِ مَ. عٍ شَسَبِ لَن مِشِ وُلُ تٌنفٌ نَانِ نُن سُولِ، مِشِ كّمّ نَانِ نَن مَ.

51 عِسِرَيِلَكَ كْنتِ لَنشِ مِشِ وُلُ كّمّ سٍننِ نُن كٍرٍن، مِشِ كّمّ سٌلٌقٍرٍ تٌنفٌ سَشَن نَن مَ.

52 عَلَتَلَ نَشَ عَ مَسٍن مُنسَ بّ، 53 «كَنَان بْشِ عِتَشُنمَ نَ مِشِيٍ نَن مَ عٍ بْنسْي شَسَبِ مَ، عَ قِندِ عٍ كّ رَ. 54 بْنسْي بِرِن كّ سْتْمَ عَ شَ مِشِيٍ شَسَبِ بّرّ نَن نَ. بْنسْي نَشٍيٍ شَ مِشِيٍ فبٌ، عِ نٍيٍ فبٍ رَفبٌ دَنفِ بٌورٍيٍ رَ، نَشٍيٍ شَ مِشِ شُرُن. 55 ﭑ تَن نَن عَ رَفِرِ مَ بْنسْي بِرِن لَن عَ شَ كّ نَشَن سْتْ عٍ بْنسْي شَسَبِ مَ. 56 بْشِ عِتَشُنيِ قِندِ مَ عَلَ شَ مَرَفِرِ نَن نَ، بْنسْي شُنفبٍيٍ نُن بْنسْي شُرِيٍ تَفِ.»

57 لٍوِ بْنسْي نَن يِ كِ نَشٍيٍ كْنتِ عٍ شَبِلّ كِ مَ؛ فٍرِ سٌن، كٍهَتِ، مٍرَرِ، نُن عٍ شَبِلّيٍ. 58 لٍوِ بْنسْي شَبِلّيٍ نَن يِ كِ؛ لِبِنِ، شٍبِرٌن، مَشَلِ، مُسِ، نُن كٌرَ. كٍهَتِ نُ بَرَ عَمَرَ مَ سْتْ. 59 عَمَرَ مَ شَ فِنّ نُ شِلِ نّ يٍبٍدِ، لٍوِ شَ دِ فِنّ، نَشَن بَرِ مِسِرَ. عَ نَشَ هَرُنَ، مُنسَ، نُن عٍ مَافِنّ مَرِيَمَ بَرِ عَمَرَ مَ بّ. 60 هَرُنَ نُ بَرَ نَدَبٌ، عَبِهُ، عٍلٍيَسَرِ، نُن عِتَمَرِ سْتْ دِ رَ. 61 نَدَبٌ نُن عَبِهُ قَشَ نّ، عٍ تٌ سّرّشّ فَن تّ رَ نَشَن مُ دَشَ. 62 دِ شّمّ نَشَن كْنتِ لٍوِ بْنسْي يَ مَ، كٍلِ عَ كِكٍ كٍرٍن مَ هَن نَ شَنبِ، عَ شَسَبِ لَن مِشِ وُلُ مْشْحّن نُن سَشَن نَن مَ. عٍ شَ كْنتِ نُ نَ عَ شَتِ مَ، بَرِ مَ عٍ مُ بْشِ سْتْ كّ رَ عِسِرَيِلَكَيٍ يَ مَ.

63 مُنسَ نُن عٍلٍيَسَرِ سّرّشّدُبّ نَ مِشِيٍ نَن كْنتِ مٌوَبَ بْشِ مَ يُرُدّن شُرٍ سّيتِ مَ يٍرِكٌ تَا يَ عِ، 64 كْنْ مُنسَ نُن هَرُنَ سّرّشّدُبّ مِشِ نَشٍيٍ كْنتِ تُرُ سِنِنَ فبٍنفبٍرٍنيِ مَ، نَ كٍرٍن مُ نُ نَ عِسِرَيِلَكَيٍ يَ مَ سْنْن. 65 عَلَتَلَ عَ قَلَ نّ، عَ نٍيٍ بِرِن قَشَمَ نّ فبٍنفبٍرٍنيِ مَ. نَ كُي، عٍ سٍسٍ مُ لُ دُنِحَ، قٌ يٍقُنٍ شَ دِ شّمّ كَلٍبِ، نُن نُنُ شَ دِ شّمّ يٌسُوٍ.