1 لْشْي ندٍ يُدَيَ حَمَ، شّمّيٍ نُن فِنّيٍ، نَشَ كَلَمُي سَ عٍ نفَشَكٍرٍنيِ ندٍيٍ شَ قٍ رَ. 2 ندٍيٍ نَشَ عَ قَلَ، «مُشُ شَ دِ شّمّيٍ نُن دِ فِنّيٍ بَرَ وُيَ. مُشُ وَ مَ مّنفِ شْن مَ عَلَكٌ مُشُ شَ بَلٌ.» 3 مِشِ فبّتّيٍ نَشَ عَ قَلَ، «مُشُ بَرَ مُشُ شَ شّيٍ، وّنِ بِلِيٍ، نُن بَنشِيٍ دْشْ سّيكّ، عَلَكٌ مُشُ شَ بَلٌي سْتْ كَامّ تّمُي.» 4 مِشِ فبّتّيٍ قَن نَشَ عَ قَلَ، «مُشُ بَرَ مُشُ شَ شّيٍ نُن مُشُ شَ وّنِ بِلِيٍ دْشْ سّيكّ رَ، عَلَكٌ مُشُ شَ دُوتِ قِ مَنفّ مَ. 5 نَ كُي، هَلِ وٌن بِرِن قِندِشِ وُلِ كٍرٍن قَسّ كٍرٍن نَن نَ، مُشُ شَ دِيٍ بَرَ قِندِ مُشُ نفَشَكٍرٍنيِيٍ شَ كٌنيِيٍ رَ. مُشُ شَ دِ فِنّ فبٍفبٍ قِندِشِ كٌنيِيٍ رَ، مُشُ مُ نْمَ سٍسٍ رَ. مُشُ شَ كْبِرِ بَرَ حْن، مُشُ شَ شّيٍ نُن وّنِ بِلِيٍ بَرَ قِندِ مِشِ فبّتّيٍ فبٍ رَ.»

6 ﭑ تٌ عٍ شَ كَلَمُي مّ، ﭑ بْحّ نَشَ تٍ عَ حَاشِ رَ. 7 ﭑ نَشَ نَتّ تٌنفٌ ﭑ شَ كَلَمُي سَ كُنتِفِيٍ نُن كِيتِسَيٍ مَ. ﭑ نَشَ عٍ مَشْرِن، «مُنقٍ رَ وٌ وٌ نفَشَكٍرٍنيِيٍ دٌنِمَ كْبِرِ عَلَكٌ وٌ شَ فٍينِ سْتْ؟» ﭑ نَشَ مَلَنيِ بٍلٍبٍلٍ شِلِ نَ شَ قٍ رَ. 8 ﭑ نَشَ عَ قَلَ عٍ بّ، «وٌن بَرَ وٌن نفَشَكٍرٍنيِ يُوِقِيٍ شُن سَرَ كَاقِرِيٍ مَ. يَكْسِ وٌ وٌ نفَشَكٍرٍنيِيٍ يَتِ نَن مَتِمَ وٌ بٌرٍ مَ؟» عٍ مُ نْ سٍسٍ يَابِدٍ، عٍ بِرِن نَشَ دُندُ. 9 ﭑ مَن نَشَ عَ قَلَ عٍ بّ، «وٌ نَشَن نَبَشِ عَ مُ قَن قٍوٌ! وٌ مُ فَاشُمَ عَلَ يَ رَ عَلَكٌ كَاقِرِيٍ نَشَ وٌن نَيَافِ؟ 10 ﭑ تَن، ﭑ نفَشَكٍرٍنيِيٍ، نُن ﭑ مَ وَلِكّيٍ، مُشُ قَن بَرَ عٍ دٌنِ كْبِرِ نُن مّنفِ، كْنْ عَ مُ لَنمَ وٌن شَ فٍينِ قٍن نَ كُي. 11 وٌ شَ عٍ شَ شّيٍ رَفبِلٍن عٍ مَ، عٍ شَ وّنِ بِلِيٍ، عٍ شَ عٌلِوِ بِلِيٍ، عَ نُن عٍ شَ بَنشِيٍ. وٌ مَن شَ وٌ شَ فٍينِ رَفبِلٍن عٍ مَ، نَشَن قِندِشِ كْبِرِ، مّنفِ، وّنِ، نُن تُرٍ رَ.» 12 عٍ نَشَ ﭑ يَابِ، «مُشُ نَ بِرِن نَفبِلٍنمَ نّ عٍ مَ. مُشُ مُ سٍسٍ بَمَ عٍ يِ رَ. عِ نَشَن قَلَشِ، مُشُ نَ نَن نَبَمَ.» نَ شَنبِ كْرّ ﭑ نَشَ سّرّشّدُبّيٍ شِلِ. ﭑ نَشَ دٌنِتِيٍ رَكَلِ عٍ شَ وْيّنيِ مَ سّرّشّدُبّيٍ يَ شْرِ. 13 ﭑ مَن نَشَ ﭑ مَ دٌنمَ يُبَ قِتٌ، ﭑ نَشَ عَ عِكُيُكُيُ، ﭑ قَ عَ قَلَ، «عَلَ شَ يِ مْولِ رَبَ مِشِ رَ نَشَن مُ عَ شَ لَايِدِ رَكَمَلِمَ. عَلَ شَ نَ كَنيِ شَ بَنشِ نُن عَ هَرِفٍ بِرِن بَ عَ يِ رَ، عَ شَ لُ سٍتَرٍحَ كُي.» مِشِ مَلَنشِيٍ نَشَ عَ رَتِن، «عَمِنَ.» عٍ نَشَ عَلَتَلَ مَتْشْ. نَ دَنفِ شَنبِ، حَمَ نَشَ نَ لَايِدِ رَكَمَلِ.

14 كَبِ ﭑ نَشَ قِندِ فٌمِنَ رَ يُدَيَ، قْلْ عَتَسَكَسِ شَ مَنفّيَ حّ مْشْحّن ندٍ مَ هَن عَ حّ تٌنفٌ سَشَن نُن قِرِن ندٍ مَ، ﭑ تَن نُن ﭑ نفَشَكٍرٍنيِيٍ مُ بَلٌ دُوتِ رَ، نَشَن قِندِ فٌمِنَ سَرٍ رَ. 15 سِنفٍ مَنفّيٍ نُ حَمَ تْورْ مَ عَ حَاشِ رَ. عٍ نُ تَامِ، وّنِ، نُن فبٍتِ كِلٌ تَفِ بَمَ عٍ يِ دُوتِ رَ. عٍ شَ وَلِكّيٍ قَن نُ مِشِيٍ تْورْ مَ. كْنْ ﭑ مُ نَ قٍ مْولِ رَبَ، بَرِ مَ ﭑ فَاشُمَ عَلَ يَ رَ. 16 ﭑ بَرَ ﭑ يّتّ قِ نَ تّتّ وَلِ مَ، ﭑ تَن نُن ﭑ مَ مِشِ بِرِن. مُشُ مُ بْشِ يٌ سْتْ نَ كُي. 17 يُوِقِيٍ نُن كُنتِفِيٍ، مِشِ كّمّ مِشِ تٌنفٌ سُولِ، نُن شْحّ نَشٍيٍ كٍلِ حَمَنّ مَ، عٍ بِرِن نُ عٍ دّفٍمَ ﭑ شْنيِ نّ. 18 لْشْي بِرِن نِنفٍ كٍرٍن، يّشّي سٍننِ، نُن شْنِيٍ نُ رَقَلَمَ دٌنسٍ رَ. شِ قُ يٌ شِ قُ، وّنِ قَن نَقَلَمَ. نَ بِرِن كُي ﭑ مُ تِن فٌمِنَ سَرٍ رَ سُشُدٍ، بَرِ مَ حَمَ نُ تْورْقٍ تّتّ وَلِ شَ قٍ رَ.

19 «ﭑ مَرِفِ عَلَ، عِ شَ رَتُ ﭑ مَ وَلِ شَ قٍ رَ، ﭑ نَشَن نَبَشِ يِ حَمَ بّ.»