1 عِسَ مَن نَشَ سٌ تَالِ وْيّنيِيٍ قَلَقٍ عٍ بّ، عَ عَ مَسٍن، «شّمّ ندٍ نَشَ وّنِ بِلِيٍ سِ. عَ نَشَ تّتّ رَبِلِن بْشِ رَ، عَ بَيٍ تِ، عَ يِلِ فٍ وّنِ بٌفِ بُندُ مَ دّننَشّ. نَ شَنبِ، عَ نَشَ نَ هّرِ بْشِ رَوَلِيٍ مَ، عَ قَ بِيَاسِ.»

2 «وّنِ بٌفِ بَ تّمُي تٌ عَ لِ، بْشِ كَنيِ نَشَ كٌنيِ ندٍ شّي بْشِ رَوَلِيٍ شْن مَ، عٍ شَ وّنِ بٌفِ ندٍ سٌ عَ يِ رَ. 3 كْنْ، بْشِ رَوَلِيٍ نَشَ نَ كٌنيِ سُشُ، عٍ عَ بْنبْ، عٍ عَ رَفبِلٍن عَ بّلّشّ عِفٍلِ رَ.»

4 «بْشِ كَنيِ مَن نَشَ كٌنيِ فبّتّ شّي عٍ شْن مَ. عٍ نَشَ نَ قَن بْنبْ عَ شُنيِ مَ، عٍ عَ كٌنبِ عَ مَيَافِشِ رَ. 5 بْشِ كَنيِ مَن تٌ مِشِ فبّتّ شّي، عٍ نَشَ نَ تَن قَشَ. بْشِ كَنيِ مِشِ وُيَشِ فبّتّيٍ شّي نّ عٍ شْن مَ نَ كِ. عٍ نَشَ ندٍيٍ بْنبْ، عٍ ندٍيٍ قَشَ.»

6 «بْشِ كَنيِ شَ دِ شَنُشِ كٍرٍنيِ نَن نُ قَ لُشِ. عَ دْنشْي رَ، عَ نَشَ نَ شّي عٍ شْن مَ، بَرِ مَ عَ نُ بَرَ عَ قَلَ، ‹عٍ ﭑ مَ دِ تَن بِنيَمَ نّ.› 7 كْنْ يِ بْشِ رَوَلِيٍ نَشَ عَ قَلَ عٍ بٌرٍ بّ، ‹يِ نَن نَ كّ تٌنفٌمَ رَ، وٌ قَ، وٌن شَ عَ قَشَ عَلَكٌ كّ شَ قِندِ وٌن فبٍ رَ.› 8 عٍ نَشَ عَ سُشُ، عٍ عَ قَشَ، عٍ قَ عَ وٌلِ تّتّ شَنبِ رَ.»

9 «نَ كُي، بْشِ كَنيِ مُنسٍ رَبَمَ قَ؟ عَ سِفَمَ نّ نَا، عَ بْشِ رَوَلِيٍ قَشَ، عَ عَ شَ بْشِ سٌ مِشِ فبّتّيٍ يِ. 10 وٌ مُ نُ يِ مَسٍنيِ شَرَن كِتَابُي كُي؟

12 عَ نُ وْيّنقٍ نَشٍيٍ بّ، عٍ نَشَ عَ كٌلٌن عَ عِسَ يِ تَالِ وْيّنيِ مَسٍنشِ عٍ تَن نَن بّ. عٍ نُ كَتَقٍ عٍ شَ عَ سُشُ، كْنْ عٍ نُ فَاشُشِ حَمَ نَن يَ رَ. نَ كُي، عٍ نَشَ كٍلِ عَ شُن، عٍ سِفَ.

13 عٍ نَشَ قَرِ سّنِ نُن هٍرٌدٍ قْشِرَبِرّ ندٍيٍ شّي عِسَ شْن عَلَكٌ عٍ شَ فَنتَنيِ تٍ عَ بّ، عٍ شَ عَ مَسْتْ وْيّنيِ كُي. 14 عٍ تٌ سِفَ عَ يِرٍ، عٍ نَشَ عَ قَلَ عَ بّ، «كَرَ مْشْ، مُشُ عَ كٌلٌن نْندِ قَلّ نَن عِ رَ. عِ مُ فَاشُمَ مِشِ يٌ شْن، بَرِ مَ عِ مُ مِشِ رَقِسَمَ عٍ بٌورٍيٍ بّ. عِ مِشِيٍ شَرَنمَ عَلَ شَ كِرَ نَن نَ عَ نْندِ كِ مَ. عَ لَنمَ كَ عَ مُ لَنمَ مُشُ شَ دُوتِ قِ رْ مَ مَنفّ مَ؟ مُشُ شَ عَ قِ، كَ مُشُ نَشَ عَ قِ؟»

15 عِسَ تٌ عٍ شَ قِلَنكَقُيحَ كٌلٌن، عَ نَشَ عٍ يَابِ، «وٌ كَتَقٍ ﭑ مَسْتْدٍ مُنقٍ رَ؟ وٌ قَ فبٍتِ كْبِرِ كٌلٍ كٍرٍن نَ ﭑ شْن مَ، ﭑ شَ عَ مَتٌ.» 16 عٍ تٌ قَ كٍرٍن نَ، عَ نَشَ عٍ مَشْرِن، «ندٍ شِلِ نُن مِسَالِ نَ يِ كْبِرِ كٌلٍ مَ يِ كِ؟» عٍ نَشَ عَ يَابِ، «رْ مَ مَنفّ فبٍ.» 17 عِسَ نَشَ عَ قَلَ عٍ بّ، «وٌ مَنفّ فبٍ رَفبِلٍن مَنفّ مَ، وٌ عَلَ قَن فبٍ رَفبِلٍن عَلَ مَ.» عٍ قَن نَشَ كَابَ عِسَ شَ قٍ مَ.

18 سَدُ سٍنِيٍ، نَشٍيٍ عَ قَلَمَ عَ قَشَمِشِيٍ مُ كٍلِمَ قَشّ مَ، عٍ نَشَ قَ يِ مَشْرِنيِ رَ عِسَ شْن مَ، 19 «كَرَ مْشْ، عَننَبِ مُنسَ يِ نَن سّبّ مُشُ بّ كِتَابُي كُي، ‹شَ شّمّ ندٍ تَارَ قَشَ، عَ نَشَ عَ شَ فِنّ لُ عَ مُ دِ يٌ بَرِ، عَ نَ شُنيَ نَن نَ فِنّ دْشْمَ، عَلَكٌ عَ شَ بْنسْي قِ عَ تَارَ مَ.› 20 نَ كُي، شّمّ ندٍ نَشَ دِ شّمّ سٌلٌقٍرٍ سْتْ. عَ شَ دِ سِنفٍ نَشَ فِنّ دْشْ، عَ قَشَ، عَ مُ بْنسْي يٌ لُ. 21 عَ شَنبِرَتٌي نَشَ نَ كَاحّ فِنّ تٌنفٌ، كْنْ عَ قَن نَشَ قَشَ، عَ مُ بْنسْي يٌ لُ. نَ نَن مَن نَبَ نَ قَن شَنبِرَتٌي رَ. 22 يِ مِشِ سٌلٌقٍرٍ بِرِن، عٍ سٍسٍ مُ بْنسْي لُ. عَ دْنشْي رَ، فِنّ قَن نَشَ قَشَ. 23 نَ كُي، مَرَكٍلِ لْشْي، نَ فِنّ تٌ دْشْشِ يِ مِشِ سٌلٌقٍرٍ بِرِن شْن مَ، عَ سَ قِندِ مَ ندٍ فبٍ رَ؟»

24 عِسَ نَشَ عَ مَسٍن عٍ بّ، «وٌ مُ عَلَ شَ كِتَابُي كٌلٌن، وٌ مُ عَلَ سّنبّ قَن كٌلٌن. وٌ شَ تَنتَنيِ كٍلِدٍ شَ مُ نَ كِ؟ 25 مِشِيٍ نَ كٍلِ قَشّ مَ مَرَكٍلِ لْشْي، شّمّ مُ فِنّ دْشْمَ، فِنّ قَن مُ دْشْمَ شّمّ شْن. عٍ لُمَ نّ عَلْ مَلٍكّيٍ نَ عَرِيَننَ كِ نَشّ. 26 عَ قَلَقٍ تَن، عَ قَشَمِشِيٍ مُ كٍلِمَ قَشّ مَ، وٌ مُ نُ عَننَبِ مُنسَ شَ كِتَابُي شَرَن، وُرِ بِلِ شَ قٍ قَلَشِ دّننَشّ؟ عَلَ عَ مَسٍن نّ عَ بّ، ‹ﭑ تَن نَن نَ مَرِفِ عَلَتَلَ رَ، عِبُرَهِمَ، عِسِيَفَ، نُن يَشُبَ نَشَن بَتُمَ.› 27 قَشَمِشِيٍ شَ مُ عَلَ بَتُمَ، قٌ نَشٍيٍ بَلٌشِ. نَ تَن قِندِشِ وٌ بّ تَنتَنيِ نَن نَ.»

28 سّرِيّ كَرَ مْشْ ندٍ نَشَ عَ مَسٌ عٍ رَ، عَ عَ تُلِ مَتِ عٍ شَ وْيّنيِ رَ. عَ تٌ عَ تٌ عَ عِسَ بَرَ يَابِ قَنيِ قِ، عَ نَشَ عَ مَشْرِن، «سّرِيّ مُندُن تِدٍ فبٌ سّرِيّ بِرِن يَ مَ؟» 29 عِسَ نَشَ عَ يَابِ، «عَ سِنفٍ نَن يِ كِ، ‹عِسِرَيِلَ، عِ تُلِ مَتِ، وٌن مَرِفِ عَلَ، مَرِفِ كٍرٍن ثٍتِ نَ عَ رَ. 30 عِ شَ عِ مَرِفِ عَلَ شَنُ عِ بْحّ بِرِن نَ، عِ نِي بِرِن نَ، عِ شَشِلِ بِرِن نَ، عَ نُن عِ سّنبّ بِرِن نَ.› 31 عَ قِرِن ندٍ نَن يِ كِ، ‹عِ شَ عِ نفَشَكٍرٍنيِ شَنُ عَلْ عِ عِ يّتّ شَنُشِ كِ نَشّ.› سّرِيّ فبّتّ يٌ مُ نَ نَشَن دَنفِ نٍيٍ رَ.»

32 سّرِيّ كَرَ مْشْ نَشَ عَ قَلَ عِسَ بّ، «عِ نْندِ، كَرَ مْشْ. عِ بَرَ نْندِ مَسٍن عَ عَلَ كٍرٍن ثٍتِ نَن عَ رَ، عَ بٌورٍ مُ نَ، قٌ عَ كٍرٍن. 33 مِشِ شَ عَ شَنُ عَ بْحّ بِرِن نَ، عَ شَشِلِ بِرِن نَ، عَ نُن عَ سّنبّ بِرِن نَ. مِشِ مَن شَ عَ نفَشَكٍرٍنيِ شَنُ عَلْ عَ عَ يّتّ شَنُشِ كِ نَشّ. نٍيٍ رَبَتُقٍ دَنفِ سّرّشّ فَن دَاشِ نُن سّرّشّ بِرِن نَ.» 34 عِسَ تٌ عَ تٌ، عَ عَ بَرَ شَشِلِمَيَ يَابِ قِ، عَ نَشَ عَ مَسٍن عَ بّ، «عَ فبٍ مُ لُشِ عِ شَ سٌ عَلَ شَ مَنفّيَ نِينِ بُن مَ.» نَ شَنبِ، مِشِ يٌ مُ سُو سَ عِسَ مَشْرِندٍ سْنْن.

35 عِسَ نَشَ كَوَندِ تِ قْلْ هْرْ مْبَنشِ كُي. «مُنقٍ رَ سّرِيّ كَرَ مْشْيٍ عَ قَلَمَ، عَ عَلَ شَ مِشِ سُفَندِشِ قِندِشِ دَوُدَ شَ دِ نَن نَ؟ 36 عَلَ شَشِلِ سّنِيّنشِ سَابُي رَ، دَوُدَ يّتّ عَ مَسٍن نّ،

حَمَ فبٍفبٍ نُ عٍ تُلِ مَتِمَ عَ رَ، عَ شَ كَوَندِ نُ رَقَن عٍ مَ.

38 عِسَ نَشَ عَ مَسٍن عٍ بّ عَ شَ كَوَندِ كُي، «وٌ وٌ يّتّ رَتَنفَ سّرِيّ كَرَ مْشْيٍ مَ. عَ رَقَن عٍ مَ عٍ شَ عٍ مَحّرّ فُبَ شُنفبٍ رَفٌرٌشِ عٍ مَ، مِشِيٍ شَ نُ عٍ شّيبُ تَا كُي بِنيّ شّيبُييٍ رَ. 39 عٍ وَ مَ دْشْقٍ سَلِدٍ سَقّ سِنفٍيٍ، عٍ مَن شَ بِنيّ سْتْ شُلُنيِ. 40 عٍ كَاحّ فِنّيٍ هَرِفٍ مُحَمَ. عٍ سَلِمَ عَ شْنكُيٍ رَ، عَلَكٌ مِشِيٍ شَ عٍ تٌ. فبَلٌي نَشَن نَفَتَشِ عٍ بّ، عَ فبٌ كِ قَنيِ.»

41 عِسَ نَشَ دْشْ سَلِدٍ كُي، عَ يَ رَقِندِشِ كْبِرِ كَنكِرَ مَ، عَ نُ مِشِيٍ مَتٌ عٍ كْبِرِ سَمَ عَ كُي كِ نَشّ. بَننَمِشِ وُيَشِ نُ كْبِرِ فبٍفبٍ سَقٍ. 42 كَاحّ فِنّ مِسِكِينّ قَن تٌ قَ، عَ تَن نَشَ كْبِرِ كٌلٍ قِرِن سَ نَشٍيٍ يُسِ مُ فبٌ. 43 نَ كُي، عِسَ نَشَ عَ قْشِرَبِرّيٍ شِلِ، عَ عَ مَسٍن عٍ بّ، «ﭑ شَ نْندِ قَلَ وٌ بّ، يِ كَاحّ فِنّ مِسِكِينّ شَ كْبِرِ سَشِ فبٌ دَنفِ بِرِن فبٍ رَ نَشٍيٍ بَرَ كْبِرِ سَ كَنكِرَ كُي. 44 عٍ تَن شَ هَدِيَ كٍلِشِ عٍ شَ نَاقُلِ نَن كُي، كْنْ يِ كَاحّ فِنّ تَن شَ هَدِيَ كٍلِشِ عَ شَ بَلٌي نَن كُي.»