1 نَ لْشْي، عِسَ نَشَ مِنِ بَنشِ، عَ سَ دْشْ بَا دّ رَ. 2 حَمَ فبٍفبٍ تٌ مَلَن عَ يِرٍ، عَ نَشَ سَ دْشْ كُنكُي كُي، حَمَ نَشَ لُ بَا دّ رَ. 3 عَ نَشَ قٍ وُيَشِ مَسٍن عٍ بّ تَالِيٍ رَ.

عَ نَشَ عَ مَسٍن، «وٌ وٌ تُلِ مَتِ. شّ رَوَلِ ندٍ نَن مِنِ سَنسِ شْرِ فَرَنسَندٍ. 4 عَ تٌ نُ سَنسِ شْرِ فَرَنسَنمَ، شْرِ ندٍيٍ نَشَ بِرَ سَنكِرَ شْن، شْنِيٍ نَشَ قَ، عٍ عٍ دٌن فبِكِ. 5 شْرِ ندٍيٍ قَن نَشَ بِرَ فّمّ يِرٍ، بّندّ مُ فبٌ دّننَشّ. نٍيٍ نَشَ بُلَ مَقُرٍن نَ، بَرِ مَ نَ بّندّ مُ تِلِن. 6 كْنْ سٌفٍ تٌ شْنْ، نَ سَنسِيٍ نَشَ رَفَن، عٍ شَرَ فبٍن، بَرِ مَ سَنكٍ مُ نُ نَ عٍ بّ. 7 سَنسِ شْرِ ندٍيٍ قَن نَشَ بِرَ تُنبٍ كُنسِيٍ تَفِ. تُنبٍ كُنسِيٍ نَشَ فبٌ، عٍ سَنسِيٍ عِشّتّن، عٍ عٍ كَنَ. 8 سَنسِ شْرِ ندٍيٍ قَن نَشَ بِرَ بّندّ قَنيِ مَ. نَ شْرِيٍ تَن، عٍ كٍرٍن كٍرٍن بِرِن نَشَ سَنسِ تْنسْي رَ مِنِ، ندٍيٍ نَشَ شْرِ كّمّ رَ مِنِ، ندٍيٍ شْرِ تٌنفٌ سٍننِ، ندٍيٍ شْرِ تٌنفٌ سَشَن. 9 شَ وٌ تُلِ قٍ مّمَ، وٌ وٌ تُلِ مَتِ يِ مَسٍنيِ رَ.»

10 عِسَ قْشِرَبِرّيٍ نَشَ عٍ مَسٌ عَ رَ، عٍ عَ مَشْرِن، «مُنقٍ رَ عِ وْيّنمَ حَمَ بّ تَالِ رَ؟» 11 عِسَ نَشَ عٍ يَابِ، «عَلَ بَرَ قَهَامُي قِ وٌ مَ وٌ شَ عَ شَ مَنفّيَ نِينِ فُندٌ كٌلٌن، كْنْ نَ قَهَامُي مُ قِشِ مِشِ فبّتّيٍ تَن مَ. 12 مِشِ قَهَامُشِ شَ قَهَامُي شُن مَسَمَ، كْنْ مِشِ قَهَامُتَرٍ، هَلِ عَ نَشَن مَحْشُن عَ فبٍ رَ، نَ قَمَ بَدٍ عَ يِ رَ. 13 نَ نَن عَ تٌشِ ﭑ وْيّنمَ مِشِيٍ بّ تَالِ وْيّنيِ رَ، بَرِ مَ عٍ يَ سٍ تٌمَ، كْنْ عٍ مُ عَ عِفبّمَ، عٍ تُلِ قٍ مّمَ، كْنْ عٍ مُ عَ قَهَامُمَ. 14 نَ كُي، عَننَبِ عٍسَيِ شَ مَسٍنيِ بَرَ رَكَمَلِ عٍ شَ قٍ رَ، نَشَن عَ مَسٍنشِ،

16 «كْنْ حّلّشِنيِ نَ وٌ تَن بّ، بَرِ مَ وٌ يَيٍ سٍ عِفبّمَ، وٌ تُلِيٍ قٍ مّمَ. 17 ﭑ شَ نْندِ قَلَ وٌ بّ، نَمِحْنمّ نُن تِنشِنتْي فبٍفبٍ بَرَ وَ عٍ شَ قٍيٍ تٌ وٌ نَشٍيٍ تٌقٍ، كْنْ عٍ مُ عٍ تٌ. عٍ بَرَ وَ عٍ شَ قٍيٍ مّ وٌ نَشٍيٍ مّقٍ، كْنْ عٍ مُ عٍ مّ.»

18 «وٌ وٌ تُلِ مَتِ، وٌ شَ قَهَامُي سْتْ شّسَ شَ تَالِ مَ. 19 مِشِ نَ عَلَ شَ مَنفّيَ نِينِ شَ مَسٍنيِ مّ، عَ مُ عَ قَهَامُ، سٍنتَنّ قَمَ نّ نَ مَسٍنيِ بَدٍ عَ بْحّ مَ. نَ كَنيِ مِسَالِشِ سَنسِ شْرِ نَن نَ نَشَن بِرَشِ كِرَ شْن مَ. 20 سَنسِ شْرِ نَشٍيٍ بِرَ فّمّ يِرٍ، نٍيٍ مِسَالِشِ مِشِ نَن نَ نَشَن عَلَ شَ مَسٍنيِ مّمَ، عَ عَ سُشُ مَقُرٍن سّيوّ رَ. 21 كْنْ سَنكٍ تٌ مُ نَ عَ بّ، عَ شَ دَنشَنِيَ مُ بُمَ. تْورّ نُن حَشَنكَتّ نَ عَ لِ عَلَ شَ مَسٍنيِ شَ قٍ رَ، عَ فبِلٍنمَ عَلَ شَ قٍ قْشْ رَ كٍرٍن نَ. 22 سَنسِ شْرِ نَشَن بِرَ تُنبٍ كُنسِيٍ تَفِ، نَ مِسَالِشِ مِشِ نَن نَ نَشَن عَلَ شَ مَسٍنيِ مّمَ، كْنْ يِ دُنِحَ كْنتْقِلِ نُن نَاقُلِ شْلِ عَ سُشُ هَن عَ عَلَ شَ مَسٍنيِ بّحِن. نَ كُي، عَلَ شَ مَسٍنيِ مُ نْمَ عَ بْحّ مَسَرَدٍ. 23 سَنسِ شْرِ نَشَن بِرَ بّندّ قَنيِ تَن مَ، نَ مِسَالِشِ مِشِ نَن نَ نَشَن عَلَ شَ مَسٍنيِ مّمَ، عَ عَ قَهَامُ، عَ عَ بْحّ مَسَرَ. نَ سَنسِ شْرِ عَ بٌفِ رَ مِنِمَ نّ، ندٍ شْرِ كّمّ رَ مِنِ، ندٍ تٌنفٌ سٍننِ، ندٍ تٌنفٌ سَشَن.»

24 عِسَ نَشَ تَالِ فبّتّ مَسٍن عٍ بّ، «عَلَ شَ مَنفّيَ لُشِ نّ عَلْ شّمّ نَشَن عَ شَ شّ فَرَنسَن سَنسِ شْرِ قَنيِ رَ. 25 كْنْ مِشِيٍ نُ شِقٍ تّمُي نَشّ، عَ يَشُي نَشَ قَ، عَ حٌوفٍ حَاشِ شْرِ فَرَنسَن سَنسِ قَنيِ شْرِ لٌنفٌرِ رَ، عَ سِفَ. 26 سَنسِيٍ تٌ بُلَ، عٍ تٍ هَن عٍ دٍندٍنيِ بَرَ مِنِ قْلْ، وَلِكّيٍ نَشَ حٌوفٍ حَاشِ قَن تٌ سَنسِيٍ لٌنفٌرِ رَ. 27 عٍ نَشَ شّ كَنيِ مَشْرِن، ‹مَرِفِ، عِ مُ سَنسِ شْرِ قَنيِ شَ فَرَنسَن عِ شَ شّ مَ؟ نَ حٌوفٍ حَاشِ قَ كٍلِشِ مِندٍن؟› 28 عَ نَشَ عٍ يَابِ، ‹ﭑ يَشُي ندٍ نَن نَ رَبَشِ.› وَلِكّيٍ نَشَ عَ مَشْرِن، ‹عِ وَ مَ مُشُ شَ سَ عَ تَلَ؟› 29 عَ نَشَ عَ قَلَ، ‹عَدٍ، شَ نَ مُ عَ رَ سَنسِ قَنيِ قَن تَلَمَ نّ حٌوفٍ حَاشِ قْشْ رَ. 30 وٌ شَ عَ لُ عٍ بِرِن شَ مْ هَن شّ شَبَ لْشْي. نَ تّمُي ﭑ عَ قَلَمَ نّ شّ شَبَيٍ بّ، وٌ حٌوفٍ حَاشِ نَن سِنفٍ تَلَ، وٌ عَ رَشِرِ عَلَكٌ عَ شَ فَن. كْنْ وٌ سَنسِ قَنيِ تَن شَبَ، وٌ عَ شْرِ رَفَتَ ﭑ مَ بِلِ كُي.›»

31 عِسَ نَشَ تَالِ فبّتّ مَسٍن عٍ بّ، «عَلَ شَ مَنفّيَ مَنِيَشِ كٌندٍ شْرِ نَن نَ، مِشِ نَشَن سِ عَ شَ دَاشَ. 32 عَ شْرِ شُرُن سَنسِ شْرِ بِرِن بّ، كْنْ عَ نَ مْ، عَ بِلِ شُنفبٌ بْشِ سَنسِ بِرِن بّ. عَ قِندِ مَ وُرِ بِلِ نَن نَ، شْنِيٍ قَمَ عٍ تّييٍ سَدٍ نَشَن سَلٌنيِيٍ كْن نَ.»

33 عِسَ نَشَ تَالِ فبّتّ مَسٍن عٍ بّ، «عَلَ شَ مَنفّيَ مَنِيَشِ لّبِنِ نَن نَ، فِنّ نَشَن سَ قَرِن بُسَلِ تَفِ شُن مَ، نَ قَ قَرِن بِرِن نَتٍ.»

34 عِسَ نَشَ نَ قٍ بِرِن مَسٍن حَمَ بّ تَالِيٍ رَ. عَ حَن مُ نُ مَسٍنيِ يٌ تِمَ عٍ بّ عَ مُ عَ قَلَ تَالِ دَاشِ. 35 نَ كُي، نَمِحْنمّ شَ مَسٍنيِ نَشَ كَمَلِ،

36 نَ تّمُي، عِسَ نَشَ كٍلِ حَمَ شُن مَ، عَ سٌ بَنشِ. عَ قْشِرَبِرّيٍ نَشَ عٍ مَكْرّ عَ رَ، عٍ عَ قَلَ عَ بّ، «حٌوفٍ حَاشِ شَ تَالِ تَفِ رَبَ مُشُ بّ.» 37 عَ نَشَ عٍ يَابِ، «نَشَن سَنسِ قَنيِ فَرَنسَنمَ، نَ مِسَالِشِ عَدَ مَ شَ دِ نَن نَ. 38 شّ مِسَالِشِ دُنِحَ نَن نَ. سَنسِ قَنيِ مِسَالِشِ مِشِيٍ نَن نَ، نَشٍيٍ نَ عَلَ شَ مَنفّيَ نِينِ بُن مَ. حٌوفٍ حَاشِ مِسَالِشِ سٍنتَنّ شَ دِيٍ نَن نَ. 39 يَشُي نَشَن حٌوفٍ شْرِ فَرَنسَن، عَ مِسَالِشِ عِبُلِسَ نَن نَ. شّ شَبّ مِسَالِشِ دُنِحَ رَحْنيِ نَن نَ. شّ شَبَيٍ مِسَالِشِ مَلٍكّيٍ نَن نَ. 40 نَ حٌوفٍ حَاشِ تَلَمَ كِ نَشّ، عَ وٌلِ تّ عِ، دُنِحَ رَحْنيِ قَن لُمَ نَ كِ نّ. 41 عَدَ مَ شَ دِ قَمَ عَ شَ مَلٍكّيٍ شّيدٍ، عٍ مِشِ رَتَنتَنيِيٍ نُن مِشِ كٌبِيٍ بَ مِشِ فبّتّيٍ يَ مَ، نَشٍيٍ نَ عَلَ شَ مَنفّيَ نِينِ بُن مَ. 42 عٍ عٍ وٌلِمَ نّ تّ مَنكَنّ شْورَ، وَ نُن حِن مَشِنيِ نَ دّننَشّ. 43 نَ تّمُي تِنشِنتْييٍ تَن يَنبَمَ نّ عَلْ سٌفٍ عٍ بَبَ شَ مَنفّيَ نِينِ بُن مَ. شَ وٌ تُلِ قٍ مّمَ، وٌ وٌ تُلِ مَتِ يِ مَسٍنيِ رَ.»

44 «عَلَ شَ مَنفّيَ مَن لُشِ نّ عَلْ نَاقُلِ شُنفبٍ نَشَن نُ نْشُنشِ شّ مَ. مِشِ ندٍ تٌ مِنِ عَ مَ، عَ نَشَ فبِلٍن عَ نْشُن نَ، عَ سِفَ حّلّشِنيِ كُي. عَ نَشَ عَ سْتْسٍ بِرِن مَتِ عَ قَ نَ شّ سَرَ.»

45 «عَلَ شَ مَنفّيَ مَن لُشِ نّ عَلْ يُلّ نَشَن دِيَمَن تٌقَنيِ قٍنقٍ. 46 عَ تٌ دِيَمَن هَفِفّ كٍرٍن تٌ، عَ نَشَ سَ عَ سْتْسٍ بِرِن مَتِ، عَ قَ نَ دِيَمَن سَرَ.»

47 «عَلَ شَ مَنفّيَ مَن لُشِ نّ عَلْ يّلّ نَشَن بَرَ سَ بَا مَ، عَ يّشّ مْولِ بِرِن سُشُ. 48 يّلّ تٌ رَقٍ، مِشِيٍ نَشَ عَ مَبّندُن بَا دّ رَ. عٍ نَشَ دْشْ، عٍ يّشّيٍ مَيٍفٍتِ، عٍ عَ قَنيِيٍ سَ ثَانِيٍ كُي، عٍ عَ حَاشِيٍ وْلّ. 49 دُنِحَ رَحْنيِ لُمَ نَ كِ نّ. مَلٍكّيٍ قَمَ مِشِ كٌبِيٍ نُن مِشِ تِنشِنشِيٍ مَيٍفٍتِدٍ، 50 عٍ مِشِ كٌبِيٍ وٌلِ تّ مَنكَنّ شْورَ، وَ نُن حِن مَشِنيِيٍ نَ دّننَشّ.»

51 عِسَ نَشَ عٍ مَشْرِن، «وٌ بَرَ نَ بِرِن قَهَامُ؟» عٍ نَشَ عَ يَابِ، «عِيٌ.» 52 عَ نَشَ عَ مَسٍن عٍ بّ، «نَ نَن عَ تٌشِ، سّرِيّ كَرَ مْشْ نَشَن بَرَ قَهَامُي سْتْ عَلَ شَ مَنفّيَ نِينِ شَ قٍ مَ، عَ لُشِ عَلْ بَنشِ كَنيِ نَشَن سٍ نّينّيٍ نُن سٍ قٌرِيٍ رَ مِنِمَ عَ هَرِفٍ يَ مَ.»

53 عِسَ تٌ فّ نَ تَالِيٍ مَسٍندٍ، عَ نَشَ سِفَ، 54 عَ سَ سٌ عَ شْنيِ، عَ مْشِ دّننَشّ. عَ تٌ نَ مِشِيٍ شَرَن عٍ شَ سَلِدٍ كُي، عٍ دّ نَشَ عِشَرَ. عٍ نَشَ عٍ بٌرٍ مَشْرِن، «يِ شّمّ يِ لْننِ سْتْشِ مِندٍن؟ عَ نْشِ يِ كَابَنَكٌ قٍيٍ رَبَدٍ دِ؟ 55 كَمُدّرِ شَ دِ شَ مُ يِ كِ؟ عَ نفَ شَ مُ شِلِ مَرِيَمَ؟ عَ شُنيَيٍ شَ مُ قِندِ يَكِ، يُسُقُ، يُدَ، نُن سِمْن نَ؟ 56 عَ شُنيَ فِنّمَيٍ قَن مُ نَ وٌن يَ مَ بٍ؟ عَ قَ يِ بِرِن سْتْشِ مِندٍن؟» 57 نَ كُي، عٍ نَشَ شْنْ عَ مَ، عٍ تٌندِ لَدٍ عَ رَ.

عِسَ نَشَ عَ مَسٍن عٍ بّ، «نَمِحْنمّ بِنيَشِ يِرٍ بِرِن قٌ عَ شْنيِ، عَ نفَشَكٍرٍنيِيٍ تَفِ.» 58 عَ مُ كَابَنَكٌ فبٍفبٍ رَبَ نَا عٍ شَ دَنشَنِيَتَرٍحَ شَ قٍ رَ.