1 شّمّ ندٍ نُ نَ عٍقِرَ مِ فٍيَيٍ قَرِ نَشَن شِلِ مِكٍ. 2 عَ نَشَ عَ قَلَ عَ نفَ بّ، «عِ شَ فبٍتِ كِلٌ قُ نُن كٍرٍن عَ نُن عَ تَفِ، نَشَن مُحَشِ عِ مَ، عَ نَ ﭑ شْنيِ. ﭑ بَرَ عِ شُي مّ، عِ تٌ نُ نَ مُحّتِ دَنكَقٍ. ﭑ تَن نَن نَ تٌنفٌشِ.» عَ نفَ نَشَ عَ قَلَ، «عَلَتَلَ شَ ﭑ مَ دِ بَرَكَ.» 3 عَ نَشَ يِ فبٍتِ كِلٌ قُ نُن كٍرٍن عَ نُن كِلٌ تَفِ سٌ عَ نفَ يِ رَ. عَ نفَ قَ عَ قَلَ عَ بّ، «ﭑ تَن يِ فبٍتِ قِمَ عَلَتَلَ نَن مَ. ﭑ عَ رَشُنُمَ نّ، عَ شَ قِندِ كُيٍ رَ ﭑ مَ دِ بّ. ﭑ قَمَ يِ فبٍتِ رَفبِلٍندٍ عِ مَ نَ كِ نّ.»

4 عَ تٌ فبٍتِ سٌ عَ نفَ يِ رَ، عَ نفَ نَشَ فبٍتِ كِلٌ قِرِن نُن عَ تَفِ سٌ شَبُي يِ رَ. عَ نَشَ عَ رَشُنُ، عَ عَ يَءِلَن كُيٍ رَ. عٍ قَ نَ تِ مِكٍ شَ بَنشِ كُي. 5 مِكٍ كُيٍ بَتُدٍ ندٍ سْتْ نَ كِ نّ. عَ نَشَ سّرّشّدُبّ شَ دُفِ نُن كُيٍ فبّتّيٍ يَءِلَن. عَ نَشَ عَ شَ دِ ندٍ قِندِ سّرّشّدُبّ رَ.

6 نَ وَشَتِ كُي، مَنفّ يٌ مُ نُ نَ عِسِرَيِلَ. كَنكَن نُ عَ وَشْنقٍ نَن تُن نَبَمَ. 7 قٌنِكٍ ندٍ نُ نَ نَشَن كٍلِشِ بّتّلّيمُ يُدَيَ بْشِ مَ. لٍوِ بْنسْي نَن نُ عَ رَ. 8 يِ شّمّ نَشَ كٍلِ بّتّلّيمُ يُدَيَ بْشِ مَ، عَ شَ يِرٍ فبّتّ قٍن عَ سَبَتِمَ دّننَشّ. عَ نَشَ حّرّ هَن عَ عٍقِرَ مِ فٍيَيٍ لِ، مِكٍ شَ بَنشِ نُ نَ دّننَشّ. 9 مِكٍ نَشَ عَ مَشْرِن، «عِ كٍلِشِ مِندٍن؟» عَ نَشَ عَ يَابِ، «لٍوِكَ نَن ﭑ نَ. ﭑ كٍلِشِ بّتّلّيمُ يُدَيَ بْشِ نَن مَ. ﭑ نَ يِرٍ قٍنقٍ ﭑ سَبَتِمَ دّننَشّ.» 10 مِكٍ نَشَ عَ قَلَ عَ بّ، «وٌن بِرِن شَ لُ بٍ. عِ شَ قِندِ ﭑ مَ دٍنبَيَ شَ سّرّشّدُبّ رَ، ﭑ شَشِلِ تِمَ نَشَن نَ. ﭑ فبٍتِ كِلٌ قِرِن قِمَ عِ مَ حّ كٍرٍن كُي، عَ نُن سٌسٍيٍ نُن دٌنسٍيٍ.» نَ لٍوِ بْنسْي مِشِ نَشَ تِن نَ رَ، 11 عَ شَ لُ مِكٍ يِرٍ. مِكٍ نَشَ مّينِ عَ مَ، عَ لُ عَلْ عَ شَ دِ. 12 مِكٍ نَشَ عَ قِندِ عَ شَ سّرّشّدُبّ رَ، عَ قَ لُ عَ شَ بَنشِ كُي. 13 مِكٍ قَ عَ قَلَ، «يَكْسِ ﭑ بَرَ عَ كٌلٌن عَلَتَلَ قَ قٍ قَنيِ رَبَمَ نّ ﭑ بّ، بَرِ مَ لٍوِ بْنسْي مِشِ نَن نَ ﭑ مَ سّرّشّدُبّ رَ.»