2 «عَلَتَلَ تَنتُ!

عِسِرَيِلَ سّنبّمَيٍ بَرَ كٍلِ.

حَمَ قَن بَرَ تِن نَ فٍرٍ رَ.

3 مَنفّيٍ، مَنفّدِيٍ، وٌ وٌ تُلِ مَتِ عَ قَنيِ رَ.

ﭑ تَن بّيتِ بَمَ نّ، ﭑ عَ بَمَ عَلَتَلَ نَن بّ.

ﭑ شَ عِسِرَيِلَ مَرِفِ عَلَتَلَ بِنيَ بّيتِ رَ.

4 عَلَتَلَ، عِ تٌ كٍلِ سٍيِرِ، عٍدٌنكَيٍ شَ بْشِ مَ،

بْشِ نَشَ سّرّن،

كٌورٍ نُشُي نَشَ تُنّ رَفٌرٌ.

5 فٍيَيٍ نَشَ شْيْ عَلَتَلَ يَ عِ،

يِ تُرُ سِنِنَ فٍيَ قَن نَشَ سّرّن عِسِرَيِلَ مَرِفِ عَلَتَلَ يَ عِ.

6 يَيٍلِ نُن عَنَتِ شَ دِ سَمَفَرِ وَشَتِ،

مِشِ مُ نُ نْمَ بِيَاسِدٍ مُحّتِيٍ شَ قٍ رَ.

7 عِسِرَيِلَكَيٍ مُ نُ نْمَ لُدٍ دَاشَيٍ سْنْن،

عٍ بِرِن نَشَ كٍلِ نَا،

هَن ﭑ تَن دٍبٌرَ مِنِشِ تّمُي نَشّ.

ﭑ بَرَ قِندِ عِسِرَيِلَ نفَ رَ.

8 عٍ نُ بَرَ عَلَ نّينّيٍ بَتُ قْلْ.

فٍرٍ نُ بَرَ قَ هَن تَا نَادّيٍ رَ،

سْورِ مَكَنتَسٍ نُن تَنبّ يٌ مُ نُ نَ عِسِرَيِلَكَ مِشِ وُلُ تٌنفٌ نَانِ يِ رَ.»

9 «عَلَتَلَ تَنتُ!

ﭑ بْحّ نَ عِسِرَيِلَ مَنفّيٍ نُن حَمَ قْشْ رَ،

نَشٍيٍ عٍ يّتّ حَنِفٍشِ.

10 وٌ تَن نَشٍيٍ تٍمَ سٌقَلٍ فِنّ قِيشّيٍ قَرِ،

وٌ تَن نَشٍيٍ دْشْمَ دُفِ قَنيِ قَرِ،

وٌ تَن نَشٍيٍ حّرّ مَ كِرَ رَ، وٌ وٌ مَحْشُن.

11 نَشٍيٍ يٍ بَمَ كْلْنيِ رَ،

عٍ عَلَتَلَ تَنتُمَ عَ شَ قٍ قَنيِيٍ مَ.

عَلَتَلَ قٍ قَنيِ رَبَ نّ عِسِرَيِلَ بّ،

عَ شَ حَمَ تِشِ تَا سٌدٍ دّ رَ تّمُي نَشّ.»

12 «دٍبٌرَ، شُنُ!

شُنُ، عِ شَ بّيتِ بَ.

عَبِنٌوَ مِ شَ دِ بَرَكِ، كٍلِ!

عِ شَ يَشُييٍ شَنِن.

13 عَلَتَلَ نَشَ شُننَكٍلِ قِ عَ شَ حَمَ قَنيِ مَ،

عَ نَشَ ﭑ شُن نَكٍلِ سّنبّمَيٍ تَفِ.

14 عٍقِرَ مِكَيٍ نَشَ قَ،

نَشٍيٍ كٍلِشِ عَمَلّكِكَيٍ شَ بْشِ مَ،

بُنيَمِنكَيٍ نَشَ بِرَ عٍ قْشْ رَ.

مَكِرِ مَنفّيٍ قَن نَشَ فٌرٌ،

عَ نُن سَبُلٌن يَرٍرَتِيٍ.

15 عِسَكَرِ مَنفّيٍ نَشَ لُ دٍبٌرَ سّيتِ مَ.

عٍ نَشَ بَرَكِ مَلِ،

عٍ فٌرٌ فٍيَ بُنيِ،

كْنْ رُبٍنكَيٍ تَن نَشَ وْيّن هَن.

16 وٌ لُشِ وٌ شَ شُرُ سٍيٍ تَفِ مُنقٍ رَ،

وٌ نُ قَ وٌ تُلِ مَتِ عٍ وَ شُي رَ؟

رُبٍنكَيٍ تَن قٌ وْيّنيِ حْنتَرٍ.

17 فَلَدِكَيٍ قَن نَشَ لُ يُرُدّن نَاكِرِ مَ.

دَنَكَيٍ لُ عٍ شَ كُنكُييٍ قّ مَ مُنقٍ رَ؟

عَسٍرِكَيٍ قَن نَشَ لُ وَقُ رَ، بَا دّ.

18 سَبُلٌنكَيٍ تَن نَشَ تِ قَشّ يَ عِ.

نَقَتَلِكَيٍ قَن نَشَ سُو سَ فٍرٍ رَ.»

19 «مَنفّيٍ نَشَ قَ.

كَنَان مَنفّيٍ نَشَ قَ فٍرٍ سٌدٍ تَانَكِ، مٍفِدٌ شُرٍ دّ رَ،

كْنْ عٍ مُ هَرِفٍ نُن فبٍتِ يٌ سْتْ نَ كُي.

20 كٌورٍ نَشَ فٍرٍ سٌ،

تُنبُييٍ نَشَ سِسٍرَ فٍرٍ.

21 كِسٌن شُرٍ قٌرِ نَشَ عٍ شَنِن.

ﭑ بْحّ شَ سّنبّ سٌ،

ﭑ شَ سِفَ يَرٍ!

22 نَ تّمُي، سْورِيٍ نَشَ عٍ شَ سٌي رَفِ.

عٍ نَشَ عٍ شُلُن، عٍ فبَتَشِ.

23 عَلَتَلَ شَ مَلٍكّ نَشَ عَ قَلَ،

‹وٌ شَ مٍرٌ سِ دَنكَ.

وٌ شَ مٍرٌ سِكَيٍ بِرِن دَنكَ.

عٍ مُ نُ بِرَشِ عَلَتَلَ قْشْ رَ سّنبّمَيٍ تَفِ.›»

24 «يَيٍلِ بَرَكَتْي فِنّ نَن عَ رَ،

هٍبٍرِ كٍنِكَ شَ فِنّ.

بَرَكَتْي بٍلٍبٍلٍ نَن عَ رَ فِنّيٍ تَفِ،

نَشٍيٍ سَبَتِشِ كِرِ بَنشِ كُي.

25 سِسٍرَ تٌ يٍ مَكُلَ، عَ نَشَ شِحّ قِ عَ مَ.

عَ نَشَ شِحّ قَنيِ سٌ عَ يِ رَ ثْوتِ تٌقَنيِ كُي.

26 كِرِ بَنشِ مَبَنبَن وُرِ سُشُشِ عَ يِ،

دّرّ مَ قَن نَ عَ يِرٍقَنيِ بّلّشّ.

عَ نَشَ عَ بَنبَن سِسٍرَ شُنيِ،

عَ شُنيِ نَشَ بْو.

27 سِسٍرَ شَ قٍ نَشَ دَن يَيٍلِ بُن مَ،

عَ سَشِ بْشِ، عَ نَشَ قَشَ.

سِسٍرَ شَ قٍ نَشَ دَن يَيٍلِ بُن مَ،

عَ سَشِ بْشِ، عَ نَشَ قَشَ.»

28 «سِسٍرَ نفَ تِشِ وُندّرِ رَ،

عَ عَ قَلَمَ، ‹مُنقٍ رَ عَ رَفِسٍ مُ نُ قَ سِندٍن؟

مُنقٍ رَ عَ سْورِ رَفِسٍيٍ بُشِ قَدٍ؟›

29 عَ شَ لْننِلَيٍ نَشَ عَ يَابِ يِ وْيّنيِ رَ،

30 ‹تّمُندٍ عٍ مُ نَ عٍ هَرِفٍ سٍيٍ شَ تٌنفٌقٍ؟

عٍ مُ نَ نٍيٍ شَ عِتَشُنقٍ؟

فِنّ كٍرٍن سْورِ كٍرٍن،

شَ نَ مُ عَ رَ سْورِ كٍرٍن، فِنّ قِرِن.

عٍ عٍ وَ سَسٌ سٍ مَحِنفِشِيٍ رَ نَشٍيٍ نُ رَقَن سِسٍرَ مَ،

عٍ عٍ وَ سَسٌ دٌنمَ مَحِنفِ دِنشِيٍ رَ.

دٌنمَ مَحِنفِشِ كٍرٍن، دٌنمَ دِنشِ قِرِن،

شُننَكٍلِ كَنيِ شَ نَ سْتْ.›

31 عَلَتَلَ، عِ يَشُييٍ بِرِن شَ هَلَكِ نَ كِ نّ،

كْنْ عِ شَنُنتٍنيِيٍ شَ يَنبَ عَلْ سٌفٍ عِتٍشِ.»