1 حَمَ نُ فَاشُمَ نّ عٍقِرَ مِ شَ وْيّنيِ يَ رَ،

بَرِ مَ مِشِ بِنيّ نَن نُ عَ رَ،

كْنْ عَ نَشَ يُنُبِ سْتْ بَلِ كُيٍ بَتُقٍ رَ، عَ قَ قَشَ.

2 يَكْسِ عٍ مَن يُنُبِيٍ نَن نَبَمَ،

عٍ كُيٍ رَقَلَمَ فبٍتِ رَ.

عٍ كُيٍ يَءِلَنمَ،

كْنْ شَبُي وَلِ فبَنسَن نَن عَ رَ.

عٍ عَدَ مَدِيٍ بَمَ سّرّشّ رَ،

عٍ نِنفٍ كُيٍ سُنبُمَ.

3 نَ نَ عَ نِيَمَ عٍ قَمَ حْندٍ عَلْ كُندَ نَشَن فٌرٌ مَ فّيسّفّ،

عَلْ شِنِ نَشَن يٌلٌنمَ فّيسّفّ،

عَلْ مَالٍ لَفِ قٌيٍ نَشَن شَنِنمَ قٌيٍ رَ،

عَلْ تُورِ نَشَن مِنِمَ كُرِ كُي.

4 «ﭑ تَن نَن عِ مَرِفِ عَلَتَلَ رَ،

نَشَن عِ رَ مِنِشِ مِسِرَ بْشِ مَ.

عِ نَشَ عَلَ فبّتّ كٌلٌن قٌ ﭑ تَن.

مَرَكِسِمَ مُ نَ عِ بّ بَ ﭑ تَن نَ.

5 ﭑ حّنفِ سَشِ عِ شْن فبٍنفبٍرٍن يِرٍ.

6 عٍ تٌ بَلٌي سْتْ، عٍ نَشَ لُفَ.

عٍ تٌ لُفَ، عٍ نَشَ قِندِ يّتّ عِفبٌي رَ.

نَ نَن عَ رَ عٍ نّيمُشِ ﭑ مَ.

7 ﭑ لُمَ نّ عٍ بّ عَلْ يّتّ،

نَشَن عَ نْشُنمَ كِرَ شْن هَن عَ سُبٍ سْتْ.

8 ﭑ عٍ سُشُمَ نّ عَلْ سُبٍ شَاحّ، نَشَن مَ دِيٍ بَشِ عَ يِ.

ﭑ عٍ عِبْو مَ نّ عَلْ يّتّ، نَشَن وُلَءِ سُبٍ قَشَمَ.

وُلَ سُبٍيٍ مَن عٍ عِبْو مَ نّ.

9 عِسِرَيِلَ، عِ بَرَ عِ يّتّ كَنَ،

بَرِ مَ عِ بَرَ عِ مَلِمَ يَنقَ، نَشَن قِندِ ﭑ تَن نَ.

10 عِ شَ مَنفّ نَ مِندٍن،

نَشَن نُ لَنمَ عَ شَ وٌ رَكِسِ؟

عِ شَ كِيتِسَيٍ نَ مِندٍن،

عِ نُ وَ مَ نَشٍيٍ شْن عَلَكٌ عِ شَ مَنفّ نُن مَنفّدِيٍ سْتْ؟

11 ﭑ تٌ شْنْ وٌ مَ، ﭑ بَرَ مَنفّ سٌ وٌ يِ رَ.

يَكْسِ ﭑ عَ بَمَ نّ وٌ يِ رَ ﭑ مَ شْنّ كُي.

12 عٍقِرَ مِ شَ قٍ حَاشِ بِرِن سّبّشِ،

عَلَ مُ نّيمُمَ عَ شَ يُنُبِيٍ مَ.

13 تْورّ قَمَ نّ عَ لِدٍ،

عَلْ فِنّ نَشَن دِ بَرِ مَ.

كْنْ دِ شَشِلِتَرٍ نَ عَ رَ.

عَ بَرِ تّمُي نَ عَ لِ، عَ مُ تِنمَ مِنِدٍ عَ نفَ تّيفّ.»

14 «ﭑ شَ عٍ شُن سَرَ عَلِفِيَمَ سّنبّ يِ؟

ﭑ شَ عٍ رَكِسِ سَيَ مَ؟

سَيَ، عِ شَ شْنّ نَ مِندٍن؟

عَلِفِيَمَ، عِ شَ سّنبّ نَ مِندٍن؟

ﭑ مُ كِنِكِنِمَ وٌ مَ قٍوٌ!

15 هَلِ عَ سّنبّ فبٌ عَ نفَشَكٍرٍنيِيٍ تَفِ،

عَلَتَلَ قٌيٍ شَرٍ رَقَمَ نّ

كٍلِ فبٍنفبٍرٍنيِ سٌفٍتٍدٍ مَبِرِ،

عَ قَ شُرٍيٍ نُن كْلْنيِيٍ شْرِدٍ.

هَرِفٍ بِرِن بَمَ نّ عَ يِ رَ.»