1 عَلَ شَ لَايِدِ، عَ نَشَن تٌنفٌ وٌن بّ سٌقٍ عَ شَ مَلَبُدٍ، نَ مُ كَنَشِ. وٌ شَ قٍ بِرِن نَبَ عَلَكٌ سٌقٍ نَ مَلَبُدٍ كُي عَ نَشَ كَنَ وٌ بّ. 2 وٌن بَرَ نَ شِبَارُ قَنيِ مّ عَلْ بٌورٍيٍ عَ مّشِ كِ نَشّ، كْنْ عَ مُ سٍسٍ قَنشِ عٍ مَ عٍ شَ دَنشَنِيَتَرٍحَ شَ قٍ رَ. 3 كْنْ وٌن تَن نَشٍيٍ بَرَ لَ عَ رَ، وٌن قَمَ نّ سٌدٍ نَ مَلَبُدٍ كُي. عَ سّبّشِ نَ شَ قٍ رَ،

6 عَلَ نُ بَرَ عَ حَنِفٍ مِشِ ندٍيٍ شَ سٌ عَ شَ مَلَبُدٍ كُي، كْنْ نَ مِشِ سِنفٍ نَشٍيٍ نَ شِبَارُ مّشِ، عٍ مُ سٌ عٍ شَ دَنشَنِيَتَرٍحَ شَ قٍ رَ. 7 نَ نَن عَ تٌشِ عَلَ بَرَ لْشْي فبّتّ سُفَندِ نَشَن قِندِشِ تٌ رَ. نَ قٍ سِنفٍ تٌ بَرَ دَنفِ عَ شْننَكُيٍ رَ، عَلَ مَن نَشَ عَ مَسٍن دَوُدَ سَابُي رَ،

8 شَ عَ سَ لِ يٌسُوٍ نُ بَرَ مَلَبُي قِ عٍ مَ نُ، عَلَ مَن مُ نُ لْشْي فبّتّ شَ قٍ قَلَمَ نُ. 9 هَن يَ مَلَبُي لُشِ عَلَ شَ حَمَ بّ عٍ مُ نَشَن سْتْشِ سِندٍن. 10 نَشَن سٌمَ عَلَ شَ مَلَبُي كُي، عَ عَ مَلَبُمَ نّ عَ شَ وَلِ بِرِن مَ، عَلْ عَلَ مَلَبُشِ عَ شَ وَلِ كُي كِ نَشّ.

11 وٌن شَ قٍ بِرِن نَبَ سٌقٍ رَ نَ مَلَبُي كُي، عَلَكٌ مِشِ يٌ نَشَ بِرَ تَنتَنيِ كُي عَلْ عِسِرَيِلَكَيٍ عَ رَبَشِ كِ نَشّ. 12 عَلَ شَ مَسٍنيِ سّنبّ فبٌ، عَ وَلِمَ مِشِ بْحّ مَ. عَ شَاحّن دَنفِقٍ سَنتِدّفّمَ دّ قِرِنيِ رَ. عَ سٌمَ وٌن بْحّ نُن وٌن سٌندٌنيِ نَن كُي، عَ سٌ وٌن سْورَ نُن وٌن نَدْشْدٍيٍ شْن. عَ وٌن سٌندٌنيِ وَشْنقٍ نُن مَحْشُنيِ بِرِن مَكِيتِ. 13 نِمَسٍ يٌ مُ نْمَ عَ نْشُندٍ عَلَ مَ. عَلَ قٍ بِرِن تٌمَ نّ، قٍ بِرِن دّنتّفّ قَمَ سَدٍ عَ تَن نَن بّ.

14 عِسَ، وٌن مَ سّرّشّدُبّ كُنتِفِ شُنفبٍ، عَلَ شَ مِشِ سُفَندِشِ، عَ تٌ سٌ عَرِيَننَ كُي، وٌن قَن شَ بِرَ وٌن مَ دَنشَنِيَ قْشْ رَ وٌن بَرَ نَشَن مَكّنّن. 15 وٌن مَ سّرّشّدُبّ كُنتِفِ وٌن مَ سّنبّتَرٍيَ كٌلٌن، عَ كِنِكِنِشِ وٌن مَ نَ نَن مَ. سٍنتَنّ نَشَ كَتَ عَ رَتَنتَندٍ مْولِ بِرِن نَ عَلْ وٌن تَن، كْنْ عَ مُ عَ نْ. 16 نَ نَ عَ رَ، وٌن شَ وٌن مَسٌ عَ شَ هِننّ كِبَنيِ رَ لَنلَنتٍيَ رَ، عَلَكٌ وٌن شَ كِنِكِنِ نُن هِننّ سْتْ عَ تّمُي.