1 لَبَن تٌ كٍلِ سُبَشّ مَ، عَ نَشَ قِندِفِلِن عَ شَ دِيٍ نُن عَ شَ مَمَدِيٍ مَ. عَ نَشَ دُبَ عٍ بّ. نَ شَنبِ، لَبَن نَشَ فبِلٍن عَ شْنيِ. 2 يَشُبَ تٌ نُ سِفَقٍ كِرَ شْن، عَلَ شَ مَلٍكّيٍ نَشَ مِنِ عَ مَ. عَ تٌ بَرَ عٍ تٌ، عَ نَشَ عَ قَلَ، «عَلَ شَ يٌنكِندٍ نَن يِ كِ.» 3 عَ نَشَ يِ يِرٍ شِلِ سَ مَشَنَيِمِ.

4 يَشُبَ نَشَ شّيرَيٍ شّي عَ تَارَ عٍسَيُ شْن مَ عٍدٌن دَاشَ، سٍيِرِ بْشِ مَ. 5 عَ نَشَ عَ قَلَ عٍ بّ، «وٌ يِ نَن قَلَمَ ﭑ مَرِفِ عٍسَيُ بّ، ‹عِ شَ كٌنيِ دِ يَشُبَ نَشّ، ﭑ بَرَ بُ لَبَن شْنيِ هَن يَ. 6 نِنفٍيٍ، سٌقَلٍيٍ، يّشّييٍ، نُن سِيٍ نَن ﭑ يِ رَ. كٌنيِ شّمّيٍ نُن كٌنيِ فِنّيٍ قَن نَن ﭑ يِ رَ. ﭑ مَرِفِ، ﭑ شّيرَيٍ شّيشِ نّ عِ شْن مَ عَلَكٌ عِ شَ دِحّ ﭑ بّ.›»

7 نَ شّيرَيٍ تٌ فبِلٍن، عٍ نَشَ عَ قَلَ يَشُبَ بّ، «مُشُ بَرَ عِ تَارَ عٍسَيُ تٌ. عَ نَ قَقٍ عِ يِرٍ، عَ نُن فبَنفبَلَنيِ مِشِ كّمّ نَانِ.» 8 نَ مَسٍنيِ نَشَ يَشُبَ بْحّ رَ مِنِ. حَمَ نَشَن نُ عَ قْشْ رَ، عَ نَشَ عٍ عِتَشُن دْشْ قِرِن. عَ نَشَ يّشّييٍ نُن سِيٍ عِتَشُن دْشْ قِرِن، عَ نُن نِنفٍيٍ نُن حْشْمّيٍ. 9 عَ نَشَ عَ قَلَ، «شَ عٍسَيُ حَمَ كٍرٍن فٍرٍ، حَمَ بٌورٍ شَ نْ عَ فِدٍ.»

10 نَ شَنبِ يَشُبَ نَشَ عَلَ مَشَندِ، «ﭑ تَنُن عِبُرَهِمَ مَرِفِ عَلَ، ﭑ بَبَ عِسِيَفَ مَرِفِ عَلَتَلَ، عِ عَ قَلَ نّ ﭑ بّ، ‹فبِلٍن عِ شَ بْشِ مَ، عِ نفَشَكٍرٍنيِيٍ يِرٍ. عِ نَ سِفَ، ﭑ قٍ قَنيِ رَبَمَ نّ عِ بّ.› 11 كْنْ يَكْسِ ﭑ مَرِفِ، ﭑ تَن شُرُن يِ قٍ سْتْقٍ مَ عِ نَشَن نَفِرِشِ ﭑ مَ. عِ بَرَ عِ شُي رَ سَبَتِ ﭑ تَن بّ عِ شَ كٌنيِ. ﭑ مَ يِسُشُوُرِ فبَنسَن نَن نُ سُشُشِ ﭑ يِ رَ ﭑ يُرُدّن عِفِرِ مَ تّمُي نَشّ، كْنْ يَكْسِ مُشُ نُن حَمَ قِرِن نَن فبِلٍنقٍ. 12 ﭑ نَتَنفَ ﭑ تَارَ عٍسَيُ مَ، بَرِ مَ ﭑ بَرَ فَاشُ عَ يَ رَ. ﭑ فَاشُشِ نّ عَ نَشَ قَ ﭑ قَشَ، ﭑ تَن نُن دِنفّيٍ نُن عٍ شَ دِيٍ. 13 عِ بَرَ عَ مَسٍن ﭑ بّ، ‹ﭑ قٍ قَنيِ رَبَمَ نّ عِ بّ. ﭑ عِ بْنسْي رَوُيَمَ نّ عَلْ مّيّنيِ نَشَن كْنتِ مُ نْمَ كٌلٌندٍ بَا دّ رَ.›»

14 يَشُبَ نَشَ كْي رَدَنفِ نَ يِرٍ. عَ نَشَ سَنبَسٍ قَنيِ مَيٍفٍتِ عَ هَرِفٍ بِرِن يَ مَ عَ نَشَن قِمَ عَ تَارَ عٍسَيُ مَ؛ 15 سِ كّمّ قِرِن، سِ كٌنتٌنيِ مْشْحّن، يّشّي كّمّ قِرِن، يّشّي كٌنتٌنيِ مْشْحّن، 16 حْشْمّ فِنّ تٌنفٌ سَشَن، عٍ شَ دِيٍ، نِنفٍ تٌنفٌ نَانِ، تُورَ قُ، سٌقَلٍ فِنّ مْشْحّن، عَ نُن سٌقَلٍ شّمّ قُ. 17 عَ نَشَ يِ شُرُ سٍيٍ عِتَشُن، عَ ندٍ سٌ عَ شَ كٌنيِيٍ يِ رَ. عَ نَشَ عَ قَلَ عٍ بّ، «وٌ دَنفِ يَرٍ. وٌ شَ نَانِنيِ لُ فْورّيٍ تَفِ.»

18 عَ نَشَ عَ قَلَ عَ شَ كٌنيِ سِنفٍ بّ، «وٌ نُن ﭑ تَارَ عٍسَيُ نَ نَرَلَن، عَ قَمَ عِ مَشْرِندٍ، ‹وٌ نُن ندٍ عَ رَ؟ عِ نَ سِفَقٍ مِندٍن؟ ندٍ فبٍ نَ يِ شُرُ سٍيٍ رَ نَشٍيٍ تِشِ عِ يَ رَ يِ كِ؟› 19 عِ قَمَ نّ عَ يَابِدٍ، ‹ﭑ مَرِفِ عٍسَيُ، عِ شَ كٌنيِ يَشُبَ نَن فبٍ نَ عٍ رَ. عَ عِ سَنبَشِ يٍيٍ نَن نَ. عَ قَن نَ ﭑ شَنبِ رَ.›» 20 عَ نَشَ نَ مَسٍنيِ تِ عَ قِرِن ندٍ قَن بّ، عَ نُن عَ سَشَن ندٍ، عَ نُن مِشِ نَشٍيٍ بِرِن بِرَشِ شُرُ سٍيٍ قْشْ رَ. «وٌ نُن عٍسَيُ نَ نَرَلَن تّمُي نَشّ، وٌ شَ نَ مَسٍنيِ تِ عَ بّ. 21 وٌ شَ عَ قَلَ، ‹عِ شَ كٌنيِ يَشُبَ نَ قَقٍ مُشُ شَنبِ رَ.›» نَ كُي يَشُبَ نُ نَ عَ مَحْشُنقٍ، «يَكْسِ، ﭑ عَ بْحّ مَفٌرٌ مَ يِ سَنبَسٍيٍ نَن نَ. نَ تّمُي، عَ نَ ﭑ تٌ، تّمُندٍ عَ نْمَ نّ ﭑ نَسّنّدٍ.» 22 يَشُبَ شَ سَنبَسٍيٍ نَشَ تِ عَ يَ رَ، عَ تَن نَشَ كْي رَدَنفِ يٌنكِندٍ كُي.

23 كْي كُي، يَشُبَ نَشَ كٍلِ. عَ نَشَ عَ شَ فِنّ قِرِنيِيٍ تٌنفٌ، عٍ شَ كٌنيِ قِرِنيِيٍ، عَ نُن عَ شَ دِ قُ نُن كٍرٍنيِ. عٍ نَشَ يَبٌكٌ عِفِرِ. 24 عَ نَشَ عٍ رَفِرِ يَبٌكٌ شُرٍ عَ نُن سٍ نَشَن بِرِن نَ عَ يِ رَ. 25 عَ نَشَ لُ مّننِ عَ كٍرٍن. نَ تّمُي، شّمّ ندٍ نَشَ مِنِ عَ مَ، عٍ نَشَ فٍرٍ هَن كُيٍ عِبَ تّمُي. 26 نَ شّمّ تٌ بَرَ عَ تٌ عَ مُ نْمَ نْلَ سْتْدٍ يَشُبَ مَ عٍ شَ فٍرٍ كُي، عَ نَشَ عَ فَرِن عَ تْنشْنيِ مَ. عَ تْنشْنيِ نَشَ تٍ عَ كُي. 27 شّمّ نَشَ عَ قَلَ، «عَ لُ ﭑ شَ سِفَ، بَ كُيٍ بَرَ عِبَ.» يَشُبَ نَشَ عَ قَلَ، «ﭑ مُ عِ بّحِنمَ، قٌ عِ دُبَ ﭑ بّ.» 28 شّمّ نَشَ عَ مَشْرِن، «عِ شِلِ دِ؟» عَ نَشَ عَ يَابِ، «يَشُبَ.» 29 شّمّ نَشَ عَ قَلَ، «عِ شِلِ مُ قَلَمَ سْنْن يَشُبَ. عَ قَ قَلَمَ نّ كْرّ عِسِرَيِلَ، بَ وٌ نُن عَلَ نَن فٍرٍشِ، وٌ نُن مِشِيٍ قَن بَرَ فٍرٍ. عِ تَن بَرَ نْ عٍ رَ.» 30 يَشُبَ نَشَ مَشْرِنيِ تِ، «عِ شِلِ دِ؟» شّمّ نَشَ عَ قَلَ، «مُنقٍ رَ عِ ﭑ مَشْرِنمَ ﭑ شِلِ مَ؟» نَ شَنبِ، عَ نَشَ دُبَ يَشُبَ بّ.

31 يَشُبَ نَشَ نَ يِرٍ شِلِ ثٍنِيٍلِ، بَرِ مَ عَ نَشّ، «ﭑ عَلَ تٌشِ نّ ﭑ يَ عِ، كْنْ ﭑ تَن نَن مَن حّنفِقٍ يِ كِ.» 32 سٌفٍ تٍمَ تّمُي نَشّ، يَشُبَ نُ بَرَ دَنفِ ثٍنِيٍلِ رَ، عَ فٌرٌ مَ عَ سّيتِ مَ. 33 نَ نَن عَ تٌشِ هَن يَكْسِ عِسِرَيِلَكَيٍ مُ لَارٍ دٌنمَ نَشَن نَ تْنشْنيِ مَ، بَرِ مَ عَلَ يَشُبَ مَسْتْشِ عَ تْنشْن لَارٍ نَن مَ.