1 يُدَ بْنسْي نُن بُنيَمِن بْنسْي يَشُييٍ نَشَ عَ كٌلٌن، مِشِ نَشٍيٍ نُ نَ كٌنيِيَ كُي ثٍرِ سٍ بْشِ مَ، عٍ بَرَ عِسِرَيِلَ مَرِفِ عَلَتَلَ شَ هْرْ مْبَنشِ تِ قْلْ. 2 عٍ نَشَ سِفَ، عٍ عَ قَلَ سٌرٌبَبٍلِ نُن عِسِرَيِلَ كُنتِفِيٍ بّ، «مُشُ وَ مَ عَ شْن مَ نّ، وٌن بِرِن شَ كَقُ وٌن بٌرٍ مَ عَلَ شَ هْرْ مْبَنشِ تِقٍ رَ. مُشُ وٌ مَرِفِ عَلَ نَن بَتُمَ، مُشُ قَن نُ سّرّشّ بَمَ نّ عَ بّ كَبِ عَسِرِيَ مَنفّ عٍسَرِشَدٌنِ تّمُي، نَشَن قَ مُشُ رَ بٍ.»

3 كْنْ سٌرٌبَبٍلِ، يٍسُوَ، نُن عِسِرَيِلَ كُنتِفِيٍ نَشَ عٍ يَابِ، «عَ مُ لَنمَ وٌن بِرِن شَ يِ وَلِ رَبَ. مُشُ فبَنسَن نَن عَلَ شَ هْرْ مْبَنشِ تِمَ عِسِرَيِلَ مَرِفِ عَلَتَلَ بّ، عَلْ ثٍرِ سٍ مَنفّ سِرُ سِ عَ يَمَرِ كِ نَشّ.» 4 نَ كُي، مّننِكَيٍ نَشَ كَتَ لِمَنِيَ بَدٍ يُدَيَكَيٍ يِ رَ. عٍ نَشَ قٍ بِرِن نَبَ عَلَكٌ عٍ شَ نَ سَلِدٍ تِقٍ لُ نَ. 5 عٍ نَشَ كْبِرِ قِ يُدَيَ مَرَ سِمَ ندٍيٍ مَ عَلَكٌ نَ وَلِ شَ كَنَ. كٍلِقٍ ثٍرِ سٍ مَنفّ سِرُ سِ شَ تّمُي، سَ دْشْ ثٍرِ سٍ مَنفّ دَرِيُسِ شَ تّمُي رَ، عٍ نَشَ قٍ بِرِن نَبَ نَ وَلِ شُن نَكَنَقٍ رَ.

6 عَسُيٍرُ سُ تٌ مَنفّيَ سْتْ ثٍرِ سٍ بْشِ مَ، يُدَيَكَيٍ يَشُييٍ نَشَ كَلَمُي كّيدِ ندٍ سّبّ عَ مَ يُدَيَكَيٍ نُن دَرِ سَلَمُكَيٍ شَ قٍ رَ. 7 ثٍرِ سٍ مَنفّ عَتَسَكَسِ شَ وَشَتِ قَن، بِكِلَمُ، مِتٍرٍدَتِ، تَبٍيلِ نُن عٍ بٌورٍ دْنشْييٍ نَشَ بَتَاشّ سّبّ مَنفّ مَ عَرَ مِ شُي رَ. 8 فٌمِنَ رٍشُمِ شَ سّبّلِتِ سِمٍسَيِ نَشَ يِ بَتَاشّ سّبّ مَنفّ عَتَسَكَسِ مَ عَ رَكٌلٌنقٍ رَ دَرِ سَلَمُ شَ قٍ مَ. عَ يِ نَن سّبّ؛ 9 «يِ بَتَاشّ قَتَنشِ فٌمِنَ رٍشُمِ نَن مَ، نُن عَ شَ سّبّلِتِ سِمٍسَيِ، عَ شَ كُنتِفِ نَشٍيٍ قِندِشِ كِيتِسَيٍ، سّبّلِتِيٍ عٍرٍكِكَيٍ، بَبِلْنكَيٍ، نُن سُسَكَ نَشٍيٍ كٍلِشِ عٍلَمَ بْشِ مَ، 10 عَ نُن سِ فبّتّ مِشِيٍ، مَنفّ شُنفبٍ عُسِنَثَرِ نَشٍيٍ رَ سِفَ عٍقِرَتِ نَاكِرِ مَ، عٍ شَ سَبَتِ سَمَرِ تَايٍ كُي. 11 مَنفّ عَتَسَكَسِ، يِ بَتَاشّ قَتَنشِ عِ شَ كٌنيِيٍ نَن نَ، نَشٍيٍ نَ شُرٍ نَاكِرِ مَ. 12 مَنفّ، عِ شَ عَ كٌلٌن يُوِقِ نَشٍيٍ كٍلِ عِ شَ بْشِ مَ، عٍ بَرَ قَ مُشُ مَبِرِ، عٍ قَ سَبَتِ دَرِ سَلَمُ. عٍ نَ نَ تَا رَكٍلِقٍ، نَشَن كٌلٌنشِ مَتَندِلَيٍ شَ تَا رَ. عٍ بَرَ عَ تّتّ يَءِلَن قْلْ. 13 مَنفّ، عِ شَ عَ كٌلٌن، شَ عٍ نَ تّتّ يَءِلَن، عٍ نَشَ نَ تَا تِ، مّننِكَيٍ مُ دُوتِ يٌ قِمَ عِ مَ سْنْن. نَ قِندِ مَ قٍ شْرْشْي نَن نَ مَنفَسَنيِ بّ. 14 نَ نَ عَ رَ، مُشُ تَن نَشَن تِشِ عِ شَنبِ رَ، مُشُ مُ نْمَ نَ قٍ بِنيّتَرٍحَ تٌدٍ، عَ قَ لُ مُشُ مُ عِ رَكٌلٌن. 15 عِ نَ عِ بَبَيٍ شَ تَرُشُييٍ شَرَن، عِ قَمَ عَ تٌدٍ نَ تَاكَ مَتَندِلَيٍ مُ مَنفّ يٌ بِنيَمَ. كَبِ تّمُي شْنكُيٍ عٍ لُمَ مَنفّيٍ مَتَندِ رَ. عٍ شَ تَا نُ بَرَ كَنَ نَ نَن مَ. 16 مَنفّ، مُشُ شَ عَ قَلَ عِ بّ، شَ يِ تَا نُن عَ تّتّ رَكٍلِ، عِ قَمَ نّ فَندٍ عِ شَ بْشِ رَ نَشَن نَ بٍبِرِ عٍقِرَتِ شُرٍ نَاكِرِ مَ.»

17 مَنفّ نَشَ عٍ يَابِ يِ سّبّلِ رَ، «عِ تَن فٌمِنَ رٍشُمِ، نُن عِ شَ سّبّلِتِ سِمٍسَيِ، نُن عِ شَ كُنتِفِ نَشٍيٍ نَ سَمَرِ نُن يِرٍ فبّتّ عٍقِرَتِ شُرٍ نَاكِرِ مَ، ﭑ بَرَ وٌ شّيبُ. 18 ﭑ مَ مِشِيٍ بَرَ وٌ شَ بَتَاشّ مَدَنفِ ﭑ مَ شُي رَ، عٍ عَ شَرَن ﭑ بّ. 19 ﭑ بَرَ عٍ يَمَرِ عٍ شَ نَ تَا تَرُشُي قٍن. نَ كُي ﭑ بَرَ عَ كٌلٌن، نَ تَا لُمَ مَنفَسَنيِ مَتَندِ رَ كَبِ تّمُي شْنكُيٍ. 20 مَنفّ فبَنفبَلَنيِ ندٍيٍ نُ نَ دَرِ سَلَمُ، نَشٍيٍ نُ حَمَنّ بِرِن يَمَرِ مَ نَشٍيٍ نُ نَ عٍقِرَتِ شُرٍ نَاكِرِ مَ. بِرِن نُ دُوتِ قِمَ عٍ مَ. 21 نَ كُي، وٌ شَ عَ قَلَ نَ مِشِيٍ بّ عَ عٍ شَ وَلِ عِتِ هَن ﭑ يَامَرِ قِمَ تّمُي نَشّ. 22 وٌ شَ نَ مَتٌ عَ قَنيِ رَ عَلَكٌ مَنفَسَنيِ شُن نَشَ رَكَنَ نَ قٍ مَ.»

23 فٌمِنَ رٍشُمِ، نُن عَ شَ سّبّلِتِ سِمٍسَيِ، نُن مَنفّ فبّتّيٍ تٌ مَنفّ عَتَسَكَسِ شَ بَتَاشّ شَرَن، عٍ نَشَ سِفَ كٍرٍن نَ دَرِ سَلَمُ يُوِقِيٍ يِرٍ، عٍ شَ نَ وَلِ عِتِ سّنبّ رَ. 24 نَ كُي عَلَ شَ بَنشِ تِقٍ دَرِ سَلَمُ نَشَ عِتِ هَن ثٍرِ سٍ مَنفّ دَرِيُسِ شَ مَنفّيَ حّ قِرِن ندٍ.