1 نَ شّمّ نَشَ ﭑ شَنِن هْرْ مْبَنشِ يِرٍ سّنِيّنشِ كُي. عَ نَشَ عَ كِنكِيٍ مَنِيَ نَشٍيٍ نُ نَ نَادّ سّيتِيٍ مَ. كَنكَن شَ فبٌي نَشَ لَن نْنفْن يَ سٍننِ مَ. 2 سٌدٍ دّ شَ فبٌي لَن نْنفْن يَ قُ نَن مَ. بَنشِ شّلّ نَشٍيٍ نُ نَ نَ سّيتِ قِرِنيِيٍ مَ، عٍ لَن نْنفْن يَ سُولِ نَن مَ. عَ نَشَ نَ هْرْ مْبَنشِ مَنِيَ. عَ شَ كُيّ لَن نْنفْن يَ تٌنفٌ نَانِ نَن مَ، عَ شَ فبٌي لَن نْنفْن يَ مْشْحّن نَن مَ.

3 نَ تّمُي، نَ شّمّ نَشَ سٌ هْرْ مْبَنشِ يِرٍ سّنِيّنشِ قِسَمَنتٍ كُي. عَ نَشَ عَ كِنكِيٍ مَنِيَ نَشٍيٍ نُ نَ نَادّ سّيتِيٍ مَ. كَنكَن شَ فبٌي نَشَ لَن نْنفْن يَ قِرِن مَ. عَ سٌدٍ دّ لَن نْنفْن يَ سٍننِ نَن مَ. بَنشِ شّلّ نَشٍيٍ نُ نَ نَ سّيتِ قِرِنيِيٍ مَ، عٍ لَن نْنفْن يَ سٌلٌقٍرٍ نَن مَ. 4 عَ نَشَ عَ شَ كُيّ نُن عَ شَ فبٌي مَنِيَ، كَنكَن نَشَ لَن نْنفْن يَ مْشْحّن مَ. عَ نَشَ عَ قَلَ ﭑ بّ، «يِرٍ سّنِيّنشِ قِسَمَنتٍ نَن يِ كِ.»

5 عَ نَشَ هْرْ مْبَنشِ شّلّ مَنِيَ. عَ شَ مَرَبِنيٍ نَشَ لَن نْنفْن يَ سٍننِ مَ. يِرٍ نَشٍيٍ نُ نَ هْرْ مْبَنشِ رَبِلِنيِ مَ، كَنكَن شَ فبٌي لَن نْنفْن يَ نَانِ نَن مَ. 6 نَ يِرٍيٍ نُ دْشْشِ عٍ بٌرٍ نَن كْن نَ دّكِ سَشَن نَ. كٌنكٌي تٌنفٌ سَشَن نَن نُ نَ نَ دّكِ كٍرٍن كٍرٍن بِرِن مَ. بُن سٍ نُ نَ هْرْ مْبَنشِ رَبِلِنيِ، كْنْ عٍ مُ نُ رَ سٌشِ هْرْ مْبَنشِ شّلّ تَن كُي. 7 دّكِيٍ نُ تٍ عِفبٌ رَ عٍ بٌرٍ بّ عَلَكٌ نَشَن نَ كٌورٍ مَ نَشَ عِفبٌ دَنفِ لَنبَنيِ دَاشِ رَ. تٍدٍيٍ نُ نَ كٍلِ لَنبَنيِ مَ عَ سَ دْشْ دّكِ دْنشْي رَ.

8 ﭑ نَشَ عَ رَبّن، سَنبُنيِ نُ نَ هْرْ مْبَنشِ رَبِلِنيِ مَ، نَشَن كُيَ نْنفْن يَ سٍننِ. نَ يِرٍ نَشٍيٍ نُ نَ هْرْ مْبَنشِ رَبِلِنيِ، عٍ نُ تِشِ نَ سَنبُنيِ قَرِ. 9 نَ يِرٍيٍ شّلّ شَ مَرَبِنيٍ لَن نْنفْن يَ سُولِ نَن مَ. كّنّ نَشَن نُ نَ هْرْ مْبَنشِ 10 نُن سّرّشّدُبّيٍ شَ كٌنكٌي تَفِ، عَ لَن نْنفْن يَ مْشْحّن نَن مَ، عَ رَبِلِنيِ بِرِن نَ. 11 نَ يِرٍ نَشٍيٍ نُ نَ هْرْ مْبَنشِ رَبِلِنيِ، عٍ سٌدٍ دّ كٍرٍن نُ نَ كْولَ مَ، كٍرٍن قَن نُ نَ يِرٍقَنيِ مَ. كّنّ نُ نَ عٍ رَبِلِنيِ مَ، نَشَن لَن نْنفْن يَ سُولِ مَ.

12 بَنشِ فبّتّ ندٍ نُ نَ هْرْ مْبَنشِ سٌفٍفٌرٌدٍ مَبِرِ، نَشَن شَ مَءِفبٌي نُ لَنشِ نْنفْن يَ تٌنفٌ سٌلٌقٍرٍ مَ، عَ شَ كُيّ نُ لَنشِ نْنفْن يَ تٌنفٌ سٌلٌمَنَانِ نَن مَ. عَ شّلّ شَ مَرَبِنيٍ نُ لَنشِ نْنفْن يَ سُولِ نَن مَ.

13 نَ شّمّ نَشَ هْرْ مْبَنشِ مَنِيَ. عَ شَ كُيّ لَن نْنفْن يَ كّمّ نَن مَ. كّنّ، بَنشِ، نُن عَ شّلّ، نٍيٍ قَن شَ كُيّ لَن نْنفْن يَ كّمّ نَن مَ. 14 كّنّ نَشَن نُ نَ هْرْ مْبَنشِ سٌفٍتٍدٍ مَبِرِ، عَ لَن نْنفْن يَ كّمّ نَن مَ.

15 نَ شّمّ نَشَ بَنشِ مَنِيَ، نَشَن نُ نَ هْرْ مْبَنشِ شَنبِ رَ، نُن دَنفِدٍ نَشٍيٍ نُ نَ عَ سّيتِ قِرِنيِ مَ، نَ لَن نْنفْن يَ كّمّ نَن مَ.

هْرْ مْبَنشِ، عَ شَ بُنتُنيِ، 16 عَ سٌدٍ دّيٍ، نُن عَ وُندّرِيٍ، نَ بِرِن نُ رَتٌقَنشِ وُرِ قَنيِ نَن نَ، كٍلِقٍ لَنبَنيِ مَ هَن كٌورٍ. 17 سٌدٍ دّ شُن مَ نُن بَنشِ شّلّ بِرِن نَبِلِنيِ، عَ كُي نُن عَ قَرِ، 18 مَلٍكّيٍ نُن تُفِ قّنسّيٍ نَن نُ مَسٌلِشِ عَ مَ عَ رَشُنمَسٍ رَ. تُفِ قّنسّ كٍرٍن نَن نُ مَسٌلِشِ مَلٍكّ قِرِن تَفِ. يَتَفِ قِرِن نَن نُ نَ نَ مَلٍكّ بِرِن بّ، 19 عَ مِشِ دَاشِ نُن عَ يّتّ دَاشِ. نَ مِشِ يَتَفِ نُ رَقِندِشِ تُفِ قّنسّ نَن مَ، نَ يّتّ يَتَفِ نُ رَقِندِشِ تُفِ قّنسّ نَن مَ بٌورٍ سّيتِ مَبِرِ. 20 مَلٍكّيٍ نُن تُفِ قّنسّيٍ نُ مَسٌلِشِ كٍلِقٍ هْرْ مْبَنشِ لَنبَنيِ مَ هَن كٌورٍ.

21 سٌدٍ دّ نُ نَ هْرْ مْبَنشِ شَ يِرٍ سّنِيّنشِ مَ، عَ مَنِيّ قَن نُ نَ عَ شَ يِرٍ سّنِيّنشِ قِسَمَنتٍ مَ. 22 سّرّشّبَدٍ ندٍ نُ نَ مّننِ، نَشَن نُ رَقَلَشِ وُرِ رَ، عَ شَ مَءِتٍ لَن نْنفْن يَ سَشَن نَن مَ، عَ شَ كُيّ لَن نْنفْن يَ قِرِن نَن مَ، عَ شَ مَءِفبٌي نُ لَنشِ نْنفْن يَ قِرِن نَن مَ. عَ تُنشُنيِيٍ، عَ دّ كِرِيٍ، نُن عَ سّيتِيٍ بِرِن نُ يَءِلَنشِ وُرِ نَن نَ. نَ شّمّ نَشَ عَ قَلَ ﭑ بّ، «يِ تٍيبِلِ نَن نَ عَلَتَلَ يَ عِ.» 23 نَادّ قِرِن نَن نُ نَ هْرْ مْبَنشِ يِرٍ سّنِيّنشِ سٌدٍ دّ رَ، نَادّ قِرِن نَن نُ نَ هْرْ مْبَنشِ يِرٍ سّنِيّنشِ قِسَمَنتٍ سٌدٍ دّ رَ. 24 نَادّ بّلَ قِرِن نَن نُ نَ نَ سٌدٍ دّ قِرِنيِ، نَشٍيٍ نُ رَفَلِمَ سٌدٍ دّ مَ. 25 مَلٍكّيٍ نُن تُفِ قّنسّيٍ نُ مَسٌلِشِ هْرْ مْبَنشِ نَادّيٍ مَ، عَلْ عَ نُ مَسٌلِشِ عَ شّلّيٍ مَ كِ نَشّ. وُرِيٍ قَن نُ نَ بُنتُنيِ مَ كٌورٍ مَ. 26 وُندّرِيٍ نُ نَ بُنتُنيِ شّلّ مَ عَ سّيتِيٍ مَ، تُفِ قّنسّيٍ نُ مَسٌلِشِ وُندّرِيٍ سّيتِيٍ مَ. وُرِيٍ قَن نُ نَ نَ يِرٍيٍ شُن نَ، نَشٍيٍ نُ تِشِ هْرْ مْبَنشِ رَبِلِنيِ.