1 عَلَتَلَ نَشَ عَ مَسٍن ﭑ بّ، عَ نَشّ، 2 «عَدَ مَدِ، عِ نَ بْنسْي مُرُتَشِ نَن تَفِ يِ كِ. عٍ يَ نَ نَ، كْنْ عٍ مُ سٍ تٌمَ. عٍ تُلِ نَ نَ، كْنْ عٍ مُ قٍ مّمَ، بَرِ مَ بْنسْي مُرُتّلَ نَن عٍ رَ. 3 عَدَ مَدِ، عِ نَشَن نَبَمَ، عِ شَ كٌتٍ يَءِلَن عَلْ عِ نَ سِفَقٍ كٌنيِيَ نَن كُي. عِ شَ مِنِ عٍ يَ شْرِ يَنيِ شَرٍ رَ عَلْ مِشِ سُشُشِ نَشَن شَنِنقٍ حَمَنّ مَ. نَ كُي، هَلِ عٍ قِندِشِ بْنسْي مُرُتَشِ نَن نَ، عٍ قَمَ نّ قَهَامُي سْتْدٍ عِ شَ تَالِ كُي. 4 عِ شَ عِ شَ كٌتٍ يَءِلَن يَنيِ رَ عٍ يَ شْرِ. نُنمَرٍ تّمُي عِ شَ مِنِ تَا كُي عٍ يَ شْرِ عَلْ عِ نَ سِفَقٍ كٌنيِيَ نَن كُي حَمَنّ مَ. 5 عِ شَ يَلٍ تِ تَا تّتّ مَ عٍ يَ شْرِ، عِ قَ مِنِ نَ كُي عَ نُن عِ شَ كٌتٍ. 6 عِ شَ عِ شَ كٌتٍ دْشْ عِ تُنكِ مَ عٍ يَ شْرِ، عِ مِنِ نُنمَرٍ تّمُي. عِ شَ عِ يَتَفِ مَكٌتٌ عَلَكٌ عِ نَشَ نْ بْشِ تٌدٍ. نَ بِرِن بَرَ قِندِ تْنشُمَ رَ عِسِرَيِلَ بْنسْي بّ.»

7 ﭑ نَشَ نَ رَبَ عَلْ عَلَ عَ مَسٍن ﭑ بّ كِ نَشّ. ﭑ نَشَ ﭑ مَ كٌتٍ يَءِلَن يَنيِ شَرٍ رَ. نُنمَرٍ رَ، ﭑ نَشَ يَلٍ تِ تَا تّتّ مَ ﭑ بّلّشّ رَ، ﭑ قَ مِنِ ﭑ مَ كٌتٍ رَ عٍ يَ شْرِ. 8 نَ كُيٍ عِبَ، عَلَتَلَ نَشَ ﭑ مَشْرِن، 9 «عَدَ مَدِ، يِ بْنسْي مُرُتَشِ مُ عِ مَشْرِن نُ، عِ نَ قٍ نَشَن نَبَقٍ؟ 10 عَ قَلَ عٍ بّ، ‹عَلَتَلَ يِ نَن مَسٍنشِ؛ يِ كِيتِ سَشِ دَرِ سَلَمُ مَنفّيٍ نُن عِسِرَيِلَ بْنسْي نَن بِرِن مَ نَشٍيٍ سَبَتِشِ بٍ.› 11 عَ قَلَ عٍ بّ، ‹ﭑ تَن قِندِشِ وٌ بّ تْنشُمَ نَن نَ. ﭑ نَشَن نَبَشِ نَ كِ، نَ نَن قَمَ رَبَدٍ وٌ قَن نَ. عٍ وٌ سُشُمَ نّ، عٍ وٌ شَنِن كٌنيِيَ كُي حَمَنّ مَ.›»

12 «مَنفّ نَشَن نَ عٍ شُن مَ، عَ عَ شَ كٌتٍ دْشْمَ عَ تُنكِ نَن مَ نُنمَرٍ تّمُي، عَ عَ فِ. عٍ يَلٍ تِمَ نّ تَا تّتّ مَ عَلَكٌ عَ شَ مِنِ نَ رَ. عَ عَ يَتَفِ مَكٌتٌمَ نّ عَلَكٌ عَ نَشَ بْشِ تٌ. 13 ﭑ نَ ﭑ مَ يّلّ عِتَلَمَ نّ عَ شُن مَ، ﭑ مَ فَنتَنيِ عَ سُشُ. ﭑ عَ شَنِنمَ نّ بَبِلْن، كَلِدِ بْنسْي شَ بْشِ مَ، كْنْ عَ مُ مّننِ تٌمَ عَ يَ رَ. عَ قَشَمَ نَا. 14 ﭑ قَمَ نّ عَ شَ مِشِ بِرِن نَيٍنسٍندٍ، عَ شَ كُنتِفِيٍ نُن عَ شَ سْورِيٍ. ﭑ عٍ بِرِن نَكٍرِ مَ نّ سَنتِدّفّمَ رَ.»

15 «ﭑ نَ عٍ كٍرِ حَمَنّيٍ مَ دُنِحَ يِرٍ بِرِن، عٍ عَ كٌلٌنمَ نّ نَ كُي عَ ﭑ تَن نَن نَ عَلَتَلَ رَ. 16 كْنْ ﭑ مِشِ ندٍيٍ رَتَنفَمَ نّ عٍ يَ مَ فٍرٍ كُي، ﭑ عٍ رَتَنفَ كَامّ نُن وُفَنيِ مَ، عَلَكٌ عٍ شَ نْ عٍ شَ وَلِ كٌبِيٍ مَتَالِدٍ سِ فبّتّيٍ بّ عٍ نَ لُ دّننَشّ. عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.»

17 عَلَتَلَ نَشَ عَ مَسٍن ﭑ بّ، عَ نَشّ، 18 «عَدَ مَدِ، عِ نّ عِ دّفٍمَ تّمُي نَشّ، عِ شَ سّرّن فَاشُي رَ. عِ نّ يٍ مِنمَ تّمُي نَشّ، عِ عِمَشَ كْنتْقِلِ رَ. 19 عَ قَلَ حَمَ بّ، ‹وٌ مَرِفِ عَلَتَلَ يِ نَن مَسٍنشِ دَرِ سَلَمُكَيٍ نُن عِسِرَيِلَكَيٍ شَ قٍ رَ. عَ نَشّ عٍ عٍ دّفٍمَ فَاشُي نَن كُي، عٍ يٍ مِن كْنتْقِلِ رَ، بَرِ مَ فبَلٌي حَاشِ عَ نِيَمَ نّ هَرِفٍ بِرِن بَ عٍ شَ بْشِ مَ. 20 تَايٍ كَنَمَ نّ، بْشِ شَرَ. نَ كُي وٌ عَ كٌلٌنمَ نّ عَ ﭑ تَن نَن نَ عَلَتَلَ رَ.›»

21 عَلَتَلَ نَشَ عَ مَسٍن ﭑ بّ، عَ نَشّ، 22 «عَدَ مَدِ، مُنسٍ نَ يِ تَالِ وْيّنيِ رَ، نَشَن نَ قَلَقٍ وٌ تَفِ عِسِرَيِلَ بْشِ مَ؟ نَ تَالِ نَشّ، ‹لْشْييٍ نَ عٍ عِكُيَقٍ دٍ، كْنْ عَلَتَلَ شَ لَامَتُنيِ مُ كَمَلِشِ قٍقٍ مَ.› 23 عَ قَلَ عٍ بّ، ‹عَلَتَلَ يِ نَن مَسٍنشِ؛ ﭑ قَمَ نّ نَ تَالِ وْيّنيِ عِقَلّ دَندٍ. مِشِ يٌ مُ نَ قَلَمَ سْنْن عِسِرَيِلَ بْشِ مَ.› عَ قَلَ عٍ بّ، ‹عَ فبٍ مُ لُشِ لَامَتُنيِ بِرِن شَ كَمَلِ. 24 وُلٍ لَامَتُنيِ نُن وُلٍ مَسٍنيِ حْنمَ نّ سٍمَتٌي يِ رَ عِسِرَيِلَ بْنسْي يَ مَ. 25 كْنْ ﭑ تَن عَلَتَلَ نَ نَشَن مَسٍن، نَ كَمَلِمَ نّ عَ وَشَتِ مَ. ﭑ قَمَ ﭑ مَ مَسٍنيِ رَكَمَلِدٍ وٌ تَن مُرُتّلَيٍ نَن بّ. عَلَتَلَ شُي نَن نَ كِ.›»

26 عَلَتَلَ نَشَ عَ مَسٍن بّ، عَ نَشّ، 27 «عَدَ مَدِ، عِسِرَيِلَ بْنسْي لُمَ نّ عَ قَلَ رَ عِ شَ لَامَتُنيِ قٍ مَسٍن نَشَن بُمَ عَ قَ رَبَ. عَ نَشّ نَمِحْنمّ شَ مَسٍنيِ مُ كَمَلِمَ قٌ حّ وُيَشِ نَ دَنفِ. 28 نَ كُي، عَ قَلَ عٍ بّ، ‹عَلَتَلَ يِ نَن مَسٍنشِ؛ ﭑ مُ دُفُندِ مَ ﭑ مَ مَسٍنيِ رَكَمَلِدٍ سْنْن. ﭑ نَشَن مَسٍنشِ، نَ قَمَ نّ رَبَدٍ. عَلَتَلَ شُي نَن نَ كِ.›»