1 ثٍرِ سٍ مَنفّ سِرُ سِ شَ مَنفّيَ حّ سَشَن ندٍ رَ، عَلَ نَشَ مَسٍنيِ ندٍ سٌ دَنِيّلِ يِ رَ، نَشَن شِلِ بٍلٍتٍسَسَرِ. مَسٍنيِ هَفِفّ نَن نُ نَ رَ، عَ فٍرٍ بٍلٍبٍلٍ نَن مَ قٍ مَسٍنمَ. دَنِيّلِ نَشَ نَ مّ، عَ نَ شِيٍ قَهَامُ.

2 نَ تّمُي، ﭑ تَن دَنِيّلِ، ﭑ نَشَ لْشْشُن سَشَن نَبَ سُننُنيِ كُي. 3 ﭑ مُ دٌنسٍ قَنيِ يٌ دٌن، ﭑ مُ سُبٍ دٌن، ﭑ مُ وّنِ مِن، ﭑ مُ تُرٍ شِرِ حْشُنمّ يٌ مَسٌ ﭑ مَ، هَن نَ لْشْشُن سَشَن كَمَلِ تّمُي نَشّ.

4 كِكٍ سِنفٍ شِ مْشْحّن نُن نَانِ ندٍ رَ، ﭑ نُ نَ تِفِرِ شُرٍ دّ رَ. 5 ﭑ تٌ ﭑ يَ رَكٍلِ، ﭑ نَشَ مِشِ ندٍ تٌ، دُفِ قِيشّ قَنيِ رَفٌرٌشِ عَ مَ، عَ تَفِ عِشِرِشِ بّلّتِ شّيمَ دَاشِ رَ نَشَن كٍلِ عُقَسِ. 6 عَ قَتٍ نُ يَنبَمَ عَلْ دِيَمَن فّمّ، عَ يَتَفِ عَلْ سٍيَمَكْنيِ، عَ يَيٍ عَلْ تّ، عَ بّلّشّيٍ نُن عَ سَنيِيٍ عَلْ يْشُي قَنيِ. عَ شُي نُ لُشِ نّ عَلْ فَلَنيِ.

7 ﭑ تَن، دَنِيّلِ، ﭑ كٍرٍن نَن نَ لَامَتُنيِ تٌشِ. مِشِ نَشٍيٍ نُ نَ ﭑ سّيتِ مَ، عٍ مُ لَامَتُنيِ تٌ، كْنْ فَاشُي نَشَ عٍ سُشُ، عٍ نَشَ عٍ فِ، عٍ سَ عٍ نْشُن. 8 ﭑ نَشَ لُ نَا ﭑ كٍرٍن. ﭑ تٌ نَ لَامَتُنيِ قَنيِ تٌ، ﭑ نَشَ مَتُ عَ رَ، ﭑ يَتَفِ قَن نَشَ مَسَرَ. 9 ﭑ تٌ نَ مِشِ وْيّن شُي مّ، ﭑ نَشَ ﭑ قٍلٍن بْشِ مَ، ﭑ دّ نَشَ عِشَرَ. 10 بّلّشّ ندٍ تٌ دِن ﭑ نَ، ﭑ نَشَ ﭑ قٍلٍن، ﭑ شِنبِ نُن ﭑ بّلّشّيٍ شُن نَ، كْنْ ﭑ قَتٍ بِرِن نُ سّرّنقٍ ﭑ مَ.

11 عَ نَشَ عَ مَسٍن ﭑ بّ، «دَنِيّلِ، مِشِ شَنُشِ، عِ شَ ﭑ مَ مَسٍنيِ قَهَامُ. كٍلِ، عِ تِ، بَرِ مَ ﭑ شّيشِ عِ تَن نَن مَ.» عَ تٌ نَ قَلَ ﭑ بّ، ﭑ نَشَ كٍلِ ﭑ سّرّنقٍ رَ. 12 عَ نَشَ عَ مَسٍن ﭑ بّ، «دَنِيّلِ عِ نَشَ فَاشُ، بَرِ مَ عِ تٌ وَ قَهَامُي قٍنقٍ يّتّ مَفٌرٌي كُي عَلَ يَ عِ، عَلَ بَرَ عِ شَ مَشَندِ سُشُ. ﭑ قَشِ بٍ نَ نَن مَ. 13 كْنْ سٍنتَنّ شَ مَلٍكّ نَشَن نَ ثٍرِ سٍ بْشِ مَ، عَ نَشَ تِ ﭑ يَ رَ شِ مْشْحّن نُن كٍرٍن، هَن مِكَيٍلِ، عَلَ شَ مَلٍكّيٍ شَ مَنفّ شُنفبٍ ندٍ، نَشَ قَ ﭑ مَلِدٍ. نَ كُي ﭑ بَرَ بُ ثٍرِ سٍ مَنفّيٍ يِرٍ، 14 كْنْ يَكْسِ ﭑ بَرَ قَ عِ رَكٌلٌندٍ قٍ مَ نَشَن قَمَ رَبَدٍ عِ شَ حَمَ رَ تّمُي نَشَن سَ قَمَ، بَرِ مَ لَامَتُنيِ كٍرٍن لُشِ نَ وَشَتِ شَ قٍ رَ.»

15 عَ تٌ نُ نَ وْيّنقٍ ﭑ بّ، ﭑ نَشَ ﭑ يَتَفِ رَقٍلٍن بْشِ مَ، ﭑ دُندُ يٍن. 16 نَ شَنبِ، عَدَ مَدِ مَنِيّ ندٍ نَشَ قَ، عَ عَ بّلّشّ دِن ﭑ دّ كِرِ رَ. ﭑ نَشَ ﭑ دّ رَبِ، ﭑ قَ عَ قَلَ نَ بّ، «ﭑ مَرِفِ، نَ لَامَتُنيِ بَرَ ﭑ يَتَفِ مَسَرَ، عَ ﭑ مَتُ عَ رَ. 17 ﭑ تَن عِ شَ كٌنيِ دِ وْيّنمَ ﭑ مَرِفِ رَ دِ؟ ﭑ سّنبّ بِرِن بَرَ حْن، حّنفِقٍ يَتِ بَرَ شْرْشْ ﭑ بّ.»

18 نَ تّمُي نَ عَدَ مَدِ مَنِيّ نَشَ عَ بّلّشّ دِن ﭑ نَ عَ قِرِن ندٍ رَ، ﭑ قَ سّنبّ سْتْ. 19 عَ نَشَ عَ مَسٍن ﭑ بّ، «عَلَ شَنُنتٍنيِ، عِ نَشَ فَاشُ، عِ بْحّ شَ سَ. لِمَنِيَ فبٍن، عِ عِ سّنبّ سٌ.» عَ تٌ نَ قَلَ ﭑ بّ، ﭑ نَشَ سّنبّ سْتْ كٍرٍن نَ. ﭑ نَشَ عَ قَلَ عَ بّ، «ﭑ مَرِفِ، عِ شَ عِ شَ مَسٍنيِ تِ ﭑ بّ، بَرِ مَ ﭑ بَرَ سّنبّ سْتْ عِ سَابُي رَ.»

20 عَ نَشَ عَ مَسٍن ﭑ بّ، «ﭑ قَشِ عِ يِرٍ قٍ نَشَن مَ عِ عَ كٌلٌن؟ يَكْسِ ﭑ شَ فبِلٍن، ﭑ شَ سَ ثٍرِ سٍ مَنفّ فٍرٍ. ﭑ نَ سِفَ، فِرّكِ مَنفّ قَمَ نّ. 21 وٌ شَ مَنفّ مِكَيٍلِ فبَنسَن نَ ﭑ مَلِقٍ نَ فٍرٍ كُي. كْنْ بٍينُ ﭑ شَ سِفَ، ﭑ شَ نْندِ بُكِ مَسٍنيِ مَسٍن عِ بّ.»