1 ثْلُ نُن بَرَنَبَسِ نَشَ سٌ يُوِقِيٍ شَ سَلِدٍ كُي عِكٌنِيٌن. عٍ نَشَ وْيّن عَ قَنيِ رَ هَن يُوِقِيٍ نُن فِرّكِكَ فبٍفبٍ نَشَ دَنشَنِيَ. 2 كْنْ يُوِقِيٍ نَشٍيٍ مُ دَنشَنِيَ، نٍيٍ نَشَ فِرّكِكَيٍ كُي عِسٌ، عَلَكٌ عٍ بْحّ شَ تٍ دَنشَنِيَتْييٍ شِلِ مَ. 3 ثْلُ نُن بَرَنَبَسِ نَشَ تّمُي شْنكُيٍ رَبَ عِكٌنِيٌن، عٍ نُ وْيّن لَنلَنتٍيَ كُي. مَرِفِ نَشَ تْنشُمَيٍ نُن كَابَنَكٌي رَبَ عٍ سَابُي رَ، عٍ تَن نَشٍيٍ قِندِشِ سٍيدٍ رَ عَلَ شَ مَسٍنيِ بّ، عَ شَ هِننّ شَ قٍ رَ. 4 تَاكَيٍ نَشَ عِتَشُن دْشْ قِرِن. ندٍيٍ نَشَ لُ يُوِقِيٍ شَ سّيتِ، ندٍيٍ قَن نَشَ لُ شّيرَيٍ شَ سّيتِ. 5 فِرّكِكَيٍ نُن يُوِقِيٍ نُن عٍ شَ مَنفّيٍ نَشَ لَن عٍ شَ قٍ حَاشِ دْشْ عٍ مَ، عٍ مَن شَ عٍ مَفْنْ هَن عٍ شَ قَشَ. 6 ثْلُ نُن بَرَنَبَسِ تٌ نَ كٌلٌن، عٍ نَشَ عٍ فِ، عٍ سِفَ لِكَيٌنِ تَايٍ كُي، لِسِتِرٍ نُن دٍرِبٍ، عَ نُن نَ رَبِلِنيِ. 7 عٍ نَشَ شِبَارُ قَنيِ كَوَندِ تِ نَا.

8 مِشِ ندٍ نُ دْشْشِ لِسِتِرٍ، نَمَتّ نَن نُ عَ رَ، عَ بَرِ نَ كِ نّ لَنيُرُ كُي. عَ مُ نُ نْمَ عَ حّرّدٍ هَلِ كٍرٍن. 9 عَ نُ عَ تُلِ مَتِمَ ثْلُ شَ مَسٍنيِ نَن نَ. ثْلُ نَشَ عَ يَ تِ عَ رَ. عَ نَشَ عَ تٌ عَ دَنشَنِيَشِ عَ يَلَن قٍ مَ. 10 عَ نَشَ عَ قَلَ عَ شُي عِتٍشِ رَ، «كٍلِ، عِ تِ عِ سَنيِيٍ شُن نَ. عَ نَشَ كٍلِ كٍرٍن نَ، عَ حّرّ.» 11 حَمَ تٌ نَ تٌ، ثْلُ نَشَن نَبَشِ، عٍ نَشَ عَ قَلَ لِكَيٌنِ شُي، «عَلَيٍ بَرَ عٍ قَلِن مِشِيٍ، عٍ فٌرٌ وٌن تَفِ.» 12 عٍ نَشَ شِلِ ندٍ شَبُ عٍ شُن، عٍ بَرَنَبَسِ شِلِ نَشَ سَ سٍيُسِ، ثْلُ قَن هٍرٍ مّسِ، بَرِ مَ عَ تَن نَن نُ وْيّنمَ. 13 سٍيُسِ شَ سّرّشّدُبّ، نَشَن شَ سَلِدٍ نُ نَ تَا سٌدٍ دّ رَ، نَ نَشَ قَ تُورَيٍ نُن قُفٍيٍ رَ نَادّيٍ بِرِ رَ. عَ تَن نُن حَمَ نَشَ وَ سّرّشّ بَقٍ عٍ بّ.

14 شّيرَيٍ بَرَنَبَسِ نُن ثْلُ تٌ نَ كٌلٌن، عٍ نَشَ عٍ شَ سٌسٍيٍ عِبْو، عٍ مَن قَ فبٍلٍفبٍلٍ حَمَ رَ. 15 عٍ نَشَ عَ قَلَ، «وٌ تَن، مُنقٍ رَ وٌ يِ قٍ مْولِ رَبَمَ؟ مِشِ نَن مُشُ رَ، عَلْ وٌ تَن. مُشُ قَشِ شِبَارُ قَنيِ نَن نَ وٌ بّ. مُشُ وٌ رَ سِمَ وٌ شَ بَ يِ قُقَقُ قٍيٍ مَ عَلَكٌ وٌ شَ بِرَ عَلَ شَ كِرَ قْشْ رَ، نَشَن كٌورٍ نُن بْشِ، بَا نُن سٍ بِرِن دَا. 16 تّمُي دَنفِشِ عَلَ عَ لُ نّ سِ بِرِن شَ بِرَ عٍ يّتّ كَن شَ كِرَيٍ قْشْ رَ. 17 هَلِ نَ بِرِن كُي، عَ نُ قٍ قَنيِ رَبَمَ نَشَن قِندِ سٍيدٍ رَ عَ شَ قٍ رَ. تُنّ يٍ نُ قَمَ كٍلِ كٌورٍ مَ. سَنسِيٍ نُ قَنمَ عَ تّمُي عَلَكٌ وٌ شَ بَلٌ، وٌ مَن شَ سّيوَ وٌ بْحّ كُي.» 18 ثْلُ نُن بَرَنَبَسِ نَشَ كَتَ كِ قَنيِ رَ عَلَكٌ عٍ نَشَ سّرّشّ بَ عٍ بّ.

19 عَوَ، يُوِقِيٍ نَشَ قَ كٍلِ عَنتِيْكِ نُن عِكٌنِيٌن. عٍ نَشَ حَمَ كُي عِسٌ هَن عٍ نَشَ ثْلُ مَفْنْ عَ شَ قَشَ. عٍ نَشَ مِنِ عَ بُبُ رَ تَا قَرِ مَ بَرِ مَ عٍ تَن بّ عَ بَرَ فّ قَشَدٍ. 20 كْنْ عِسَ قْشِرَبِرّيٍ تٌ عَ رَبِلِن، عَ نَشَ كٍلِ، عَ مَن نَشَ فبِلٍن تَا كُي.

21 كُيٍ تٌ عِبَ، ثْلُ نُن بَرَنَبَسِ نَشَ سِفَ دٍرِبٍ. عٍ تٌ فّ كَوَندِ تِدٍ تَا كُي، مِشِ فبٍفبٍ نَشَ قِندِ عِسَ قْشِرَبِرّيٍ رَ. نَ شَنبِ عٍ نَشَ فبِلٍن لِسِتِرٍ، عِكٌنِيٌن، نُن عَنتِيْكِ. 22 عٍ نُ عِسَ قْشِرَبِرّيٍ رَلِمَنِيَ. عٍ مَن نُ عٍ رَ سِ عٍ شَ سَبَتِ دَنشَنِيَ كُي. عٍ نُ عَ قَلَ، «وٌن مُ سٌمَ عَلَ شَ مَنفّيَ نِينِ بُن مَ قٌ وٌن شَ تْورْ.» 23 عٍ نَشَ كُنتِفِيٍ سُفَندِ دَنشَنِيَتْي حَمَ كٍرٍن كٍرٍن مَ بّ. عٍ تٌ فّ سَلِدٍ نُن سُندٍ، عٍ نَشَ عٍ تَشُ مَرِفِ رَ، عٍ نُ دَنشَنِيَشِ نَشَن مَ. 24 عَوَ، عٍ تٌ ثِسِدِيَ عِفِرِ، عٍ نَشَ قَ ثَنقِلِيَ. 25 عٍ نَشَ كَوَندِ تِ ثّرِفَ، عٍ نَشَ فٌرٌ عَتَلٍيَ.

26 عٍ تٌ كٍلِ مّننِ، عٍ نَشَ بَكِ كُنكُي كُي سِفَقٍ رَ عَنتِيْكِ، عٍ نُ تَشُشِ عَلَ شَ هِننّ رَ دّننَشّ. عٍ نُ بَرَ فّ نَ وَلِ بِرِن نَبَدٍ. 27 عٍ تٌ سٌ، عٍ نَشَ دَنشَنِيَتْي حَمَ مَلَن. عٍ نَشَ قٍ بِرِن دّنتّفّ سَ عٍ بّ عَلَ نَشَن نَبَشِ عٍ سَابُي رَ، نُن عَلَ دَنشَنِيَ نَادّ رَبِشِ سِ فبّتّيٍ بّ كِ نَشّ. 28 عٍ نُن عِسَ قْشِرَبِرّيٍ نَشَ بُ عٍ بٌرٍ رَ.