1 مَنفّ نَشَ يُدَيَ نُن دَرِ سَلَمُ قٌرِيٍ بِرِن شِلِ. 2 عَ نَشَ تٍ عَلَتَلَ شَ بَنشِ، حَمَ بِرِن بِرَشِ عَ قْشْ رَ؛ يُدَيَكَيٍ، دَرِ سَلَمُكَيٍ، سّرّشّدُبّيٍ، نَمِحْنمّيٍ نُن حَمَ بِرِن، كٍلِقٍ دِ مّدِيٍ مَ هَن عَ سَ قٌرِيٍ لِ. عَ نَشَ سَاتّ كِتَابُي شَرَن عٍ بّ، نَشَن تٌ عَلَتَلَ شَ بَنشِ كُي. 3 مَنفّ نُ تِشِ بُنتُنيِ نَن نَ، عَ لَايِدِ تٌنفٌ بِرَقٍ رَ عَلَتَلَ قْشْ رَ، عَ شَ عَ شَ يَامَرِيٍ، عَ شَ سّرِيّ، نُن عَ شَ مَسٍنيِ بِرِن نَبَتُ عَ بْحّ نُن عَ نِي بِرِن نَ، عَلَكٌ نَ سَاتّ كِتَابُي شَ مَسٍنيِ شَ كَمَلِ. حَمَ قَن نَشَ نَ سَاتّ تٌنفٌ.

4 مَنفّ نَشَ يَمَرِ قِ سّرّشّدُبّ كُنتِفِ شِلِكِيَ مَ، نُن عَ شَ سّرّشّدُبّيٍ مَ، نُن عَلَتَلَ شَ بَنشِ نَادّ كَنتّيٍ مَ، عَ عٍ شَ سٍيٍ بِرِن نَمِنِ عَلَتَلَ شَ بَنشِ كُي، نَشٍيٍ نُ يَءِلَنشِ بَلِ، عَسٍرَ، نُن كٌورٍ مَسٍيٍ بّ. عَ نَشَ سَ عٍ فَن دَرِ سَلَمُ تَا قَرِ مَ سٍدِرٌن فُلُنبَ كُي، عٍ شُبٍ قَ شَنِن بٍتٍلِ. 5 عَ نَشَ كُيٍيٍ شَ سّرّشّدُبّيٍ بَ، يُدَيَ مَنفّيٍ نَشٍيٍ تِ سُرَيِ فَنقٍ رَ كُيٍيٍ بّ فٍيَيٍ قَرِ يُدَيَ تَايٍ كُي نُن دَرِ سَلَمُ تَا قَرِ مَ. عٍ نُ سّرّشّيٍ بَمَ بَلِ كُيٍيٍ، سٌفٍ، كِكٍ، نُن تُنبُييٍ بّ. 6 عَ نَشَ عَسٍرَ كُيٍ مَسٌلِشِ رَ مِنِ عَلَتَلَ شَ بَنشِ كُي، عَ عَ شَنِن دَرِ سَلَمُ قَرِ مَ سٍدِرٌن فُلُنبَ كُي، عَ عَ فَن هَن عَ قِندِ تّ شُبٍ رَ. عَ نَشَ نَ شُبٍ وْلِ فَبُرِيٍ قَرِ. 7 عَ نَشَ كٌنكٌي رَبِرَ عَلَ شَ بَنشِ كُي، يّنّلَيٍ نُ يّنّ رَبَمَ دّننَشّ عٍ شَ كُيٍيٍ شَ قٍ رَ. فِنّيٍ قَن نُ سٌسٍيٍ يَءِلَنمَ عَسٍرَ كُيٍ بّ نَا.

8 يٌسِيَ نَشَ يُدَيَ سّرّشّدُبّيٍ بِرِن شِلِ، عٍ شَ كُيٍ بَتُدٍيٍ كَنَ فٍيَيٍ قَرِ، مِشِيٍ نُ سُرَيِ فَنمَ سّرّشّيٍ رَ دّننَشّ، كٍلِقٍ فٍبَ مَ هَن بٍرِ سٍيبَ. عَ نَشَ كُيٍ بَتُدٍيٍ كَنَ، نَشٍيٍ نُ نَ تَا مَنفّ يٌسُوٍ شَ نَادّ سٌدٍ دّ رَ، نُن تَا نَادّ سٌدٍ دّ كْولَ مَ. 9 سّرّشّدُبّ نَشٍيٍ نُ سّرّشّ بَمَ كُيٍيٍ بّ فٍيَيٍ قَرِ، نٍيٍ مُ نُ سِفَمَ عَلَتَلَ شَ سّرّشّبَدٍ يِرٍ دَرِ سَلَمُ، كْنْ عٍ نُ سُنبُمَ عٍ نفَشَكٍرٍنيِ عَلَتَلَ شَ سّرّشّدُبّيٍ رَ، عٍ نُ تَامِ لّبِنِتَرٍ دٌن نٍيٍ يَ مَ.

10 مَنفّ يٌسِيَ نَشَ سّرّشّبَدٍ ندٍ كَنَ نَشَن نُ شِلِ تٌقٍتِ، عَلَكٌ مِشِ يٌ نَشَ عَ شَ دِ بَ سّرّشّ فَن دَاشِ رَ مْلْكْ كُيٍ بّ سْنْن. نَ سّرّشّبَدٍ نُ نَ بٍن هِنٌمَ شَ فُلُنبَ نَن كُي. 11 عَ نَشَ كُيٍيٍ كَنَ عَلَتَلَ شَ بَنشِ سٌدٍ دّ رَ، نَشٍيٍ نُ مَسٌلِشِ سٌي دَاشِيٍ نُن فِسٍ دَاشِيٍ رَ. يُدَيَ مَنفّيٍ نَن نٍيٍ تِ نَا سٌفٍ بَتُقٍ رَ. نٍيٍ نُ نَ نَتَن مٍلٍكِ شَ كٌنكٌي نَن قّ مَ عَلَتَلَ شَ بَنشِ تّتّ كُي. 12 مَنفّ نَشَ سّرّشّبَدٍ ندٍيٍ كَنَ، نَشٍيٍ نُ نَ عَشَسِ شَ كٌنكٌي قّ مَ كٌورٍ رَ، يُدَيَ مَنفّيٍ نُن مَنَسِ نَشٍيٍ تِ عَلَتَلَ شَ بَنشِ تّتّ كُي. عَ تٌ فّ عٍ كَنَدٍ، عَ نَشَ عٍ فَن، عَ عٍ شُبٍ وْلِ سٍدِرٌن فُلُنبَ كُي. 13 مَنفّ نَشَ كُيٍ بَتُدٍ ندٍيٍ كَنَ، نَشٍيٍ نُ نَ دَرِ سَلَمُ يَتَفِ، كَسَرّ فٍيَ يِرٍقَنيِ بِرِ رَ، عِسِرَيِلَ مَنفّ سُلٍمَنِ نَشَن تِ عَسِتَرَتٍ بّ، سِدْنكَيٍ شَ كُيٍ حَاشِ. عَ مَن نَشَ سّرّشّبَدٍيٍ كَنَ نَشٍيٍ نُ تِشِ كٍمٌسِ بّ، مٌوَبَكَيٍ شَ كُيٍ حَاشِ، عَ نُن مْلْكْ بّ، عَمٌنِكَيٍ شَ كُيٍ حَاشِ. 14 عَ نَشَ نَ فّمّ مَسٌلِشِيٍ عِبُتُشُن، عَ نَشَ نَ وُرِ مَسٌلِشِيٍ فَن، عَ قَ مِشِ قَشَشِ شْرِيٍ رَيٍنسٍن نَ يِرٍ سّنِيّنتَرٍيٍ مَ.

15 يٌوَ سِ نَشَ نَ مْولِ رَبَ بٍتٍلِ سّرّشّبَدٍ قَن نَ، نٍبَتِ شَ دِ يٍرٌبٌوَ مِ نَشَن تِ عَلَكٌ عِسِرَيِلَكَيٍ شَ يُنُبِ رَبَ. عَ نَشَ نَ سّرّشّبَدٍ كَنَ نَ يِرٍ عِتٍشِ قَرِ، عَ قَ مّننِ نُن نَ عَسٍرَ كُيٍ مَسٌلِشِ فَن، عَ نَ بِرِن قِندِ تّ شُبٍ رَ. 16 يٌسِيَ تٌ فَبُرِ ندٍيٍ تٌ فٍيَ مَبِرِ، عَ نَشَ مِشِ قَشَشِ شْرِيٍ تٌنفٌ نَا، عَ عٍ فَن نَ سّرّشّبَدٍيٍ قَرِ، عَلَكٌ عَ شَ قِندِ يِرٍ سّنِيّنتَرٍ رَ، عَلَتَلَ شَ مَسٍنيِ شَ كَمَلِ عَلْ نَمِحْنمّ عَ قَلَ كِ نَشّ. 17 نَ تّمُي يٌسِيَ نَشَ حَمَ مَشْرِن، عَ نَشّ، «مُنسٍ نَ يِ فّمّ تْنشُمَ رَ نَشَن تِشِ بٍ؟» مّننِكَيٍ نَشَ عَ يَابِ، «عَلَ شَ مِشِ ندٍ شَ فَبُرِ نَن عَ رَ نَشَن كٍلِ يُدَيَ بْشِ مَ، عَ وْيّن بٍتٍلِ سّرّشّبَدٍ شِلِ مَ، عَ قٍيٍ قَلَ عِ نَشٍيٍ رَبَشِ يِ كِ.» 18 عَ نَشَ عَ قَلَ عٍ بّ، «وٌ يِ فَبُرِ لُ نَ، مِشِ يٌ نَشَ يِ يُدَيَ نَمِحْنمّ شْرِيٍ تٌنفٌ، عَ نُن نَمِحْنمّ شْرِيٍ نَشَن كٍلِ سَمَرِ، نٍيٍ تَن شْرِيٍ شَ رَفَتَ عٍ شَ فَبُرِيٍ كُي.»

19 يٌسِيَ مَن نَشَ كُيٍ بَنشِيٍ بِرِن كَنَ، عِسِرَيِلَ مَنفّ نَشٍيٍ تِ سَمَرِ تَايٍ كُي، عٍ نُ عَلَتَلَ مَتَندِ مَ نَشٍيٍ كُي. يٌسِيَ نَشَ نَ بِرِن كَنَ، عَلْ عَ عَ رَبَ كِ نَشّ بٍتٍلِ. 20 عَ نَشَ نَ كُيٍ شَ سّرّشّدُبّيٍ قَشَ، عَ عٍ شْرِيٍ فَن عٍ شَ سّرّشّبَدٍيٍ قَرِ. عَ تٌ فّ نَ رَبَدٍ، عَ نَشَ فبِلٍن دَرِ سَلَمُ.

21 مَنفّ نَشَ يِ يَامَرِ قِ حَمَ مَ، «وٌ سَيَ مَلٍكّ دَنفِ سَلِ رَبَ وٌ مَرِفِ عَلَتَلَ شَ بِنيّ بُن مَ، عَلْ عَ سّبّشِ سَاتّ كِتَابُي كُي كِ نَشّ.» 22 عِسِرَيِلَ بْنسْي مُ نُ سَيَ مَلٍكّ دَنفِ سَلِ رَبَ نَ كِ كَقِ كِيتِسَيٍ نُ بْشِ يَمَرِ مَ تّمُي نَشّ. نَ سَلِ مُ نُ رَبَمَ عِسِرَيِلَ مَنفّيٍ نُن يُدَيَ مَنفّيٍ شَ وَشَتِ. 23 نَ رَبَشِ يٌسِيَ شَ مَنفّيَ حّ قُ نُن سٌلٌمَسَشَن ندٍ فبَنسَن نّ. عَ نَشَ نَ سَلِ رَبَ عَلَتَلَ شَ بِنيّ بُن مَ دَرِ سَلَمُ.

24 يٌسِيَ مَن نَشَ مَندُرُلَيٍ، نَشٍيٍ وْيّنمَ مِشِ قَشَشِيٍ رَ، سٍمَتٌييٍ، دٍنبَيَ كُيٍيٍ، كُيٍ فبّتّيٍ، نُن سٍ حَاشِيٍ، عَ نَشَ نَ بِرِن حْن يُدَيَ نُن عِسِرَيِلَ بْشِ مَ، عَلَكٌ عَلَتَلَ شَ سّرِيّ شَ رَبَتُ نَشَن سّبّشِ سَاتّ كِتَابُي كُي، سّرّشّدُبّ شِلِكِيَ نَشَن تٌ عَلَتَلَ شَ بَنشِ كُي. 25 عِسِرَيِلَ مَنفّ يٌ مُ نُ نَ نَشَن لُشِ عَلْ يٌسِيَ، نَشَن فبِلٍنشِ عَلَتَلَ مَ عَ بْحّ، عَ نِي، نُن عَ سّنبّ بِرِن نَ، عَلْ عَننَبِ مُنسَ شَ سّرِيّ عَ مَسٍنشِ كِ نَشّ. كَبِ عَ وَشَتِ هَن عَ دَنفِ شَنبِ، عَ مَنِيّ يٌ مُ سْتْ.

26 هَلِ نَ بِرِن تٌ رَبَ، عَلَتَلَ شَ شْنّ مُ فبِلٍن يُدَيَ قْشْ رَ، مَنَسِ شَ قٍ رَبَشِيٍ سَابُي رَ، عَ عَ مَتَندِ نَشٍيٍ كُي. 27 عَلَتَلَ نَشَ عَ مَسٍن، «ﭑ يُدَيَ قَن مَكُيَمَ نّ ﭑ يَ تٌدٍ رَ، عَلْ ﭑ عَ رَبَشِ عِسِرَيِلَ رَ كِ نَشّ. ﭑ مَ تَا سُفَندِشِ دَرِ سَلَمُ رَبٌلٌمَ نّ، عَ نُن ﭑ مَ بَنشِ، ﭑ عَ مَسٍن دّننَشّ شَ قٍ رَ، ‹ﭑ شِلِ لُمَ بٍ نّ.›» 28 يٌسِيَ شَ تَرُشُي دْنشْي، عَ قٍ قَنيِ نَشَن بِرِن نَبَ، نَ سّبّشِ يُدَيَ مَنفّيٍ شَ تَرُشُي كُي.

29 نَ تّمُي مِسِرَ مَنفّ قِرَوُنَ، نَشَن شِلِ نٍكٌ، نَشَ سِفَ عَسِرِيَ مَنفّ فٍرٍدٍ عٍقِرَتِ شُرٍ مَبِرِ. يٌسِيَ تٌ مِنِ عَ فٍرٍ كِ مَ، قِرَوُنَ نَشَ عَ قَشَ مٍفِدٌ. 30 يُدَيَكَيٍ نَشَ عَ قُرٍ بَكِ سْورِ رَفِسٍ ندٍ كُي، عٍ عَ شَنِن كٍلِ مٍفِدٌ سِفَقٍ رَ دَرِ سَلَمُ، عٍ سَ عَ رَفَتَ عَ شَ فَبُرِ كُي. حَمَ نَشَ عَ شَ دِ يٍهٌوَشَسِ تٌنفٌ، عٍ تُرٍ سُرُ سُرُ عَ شُنيِ مَ، عٍ عَ تِ مَنفّ رَ عَ بَبَ حْشْي رَ.

31 يٍهٌوَشَسِ حّ مْشْحّن نُن سَشَن نَن نُ عَ رَ، عَ تِ مَنفّ رَ تّمُي نَشّ. عَ نَشَ كِكٍ سَشَن مَنفّيَ رَبَ دَرِ سَلَمُ. عَ نفَ نُ شِلِ نّ شَمُتَلِ، يٍرٍ مِ شَ دِ نَشَن كٍلِ لِبِنَ. 32 عَ نَشَ قٍ رَبَ نَشَن مُ رَقَن عَلَتَلَ مَ، عَلْ عَ بٍنبَيٍ عَ رَبَ كِ نَشّ. 33 قِرَوُنَ نَشَن شِلِ نٍكٌ، نَ نَشَ نْ عَ رَ، عَ عَ شِرِ يْلْنشْنيِ رَ رِبِلَ، شَمَتَ بْشِ مَ. نٍكٌ نَشَ دُوتِ قِقٍ تِ يُدَيَ مَ، نَشَن قِندِ فبٍتِ كِلٌ وُلُ سَشَن نُن شّيمَ كِلٌ تٌنفٌ سَشَن نَ. 34 عَ نَشَ يٌسِيَ شَ دِ عٍلِيَكِمِ تِ مَنفّ رَ عَ بَبَ يٌسِيَ حْشْي رَ. عَ نَشَ عَ شِلِ مَسَرَ يٍهٌيَكِمِ رَ. عَ نَشَ يٍهٌوَشَسِ سُشُ فٍيلِمَنِ رَ، عَ عَ شَنِن مِسِرَ بْشِ مَ. يٍهٌوَشَسِ نَشَ قَشَ نَا. 35 يٍهٌيَكِمِ نَشَ يُدَيَكَيٍ يَمَرِ عٍ شَ دُوتِ قِ عٍ شَ نَاقُلِ شَسَبِ مَ، عَلَكٌ عَ شَ فبٍتِ نُن شّيمَ قِ قِرَوُنَ نٍكٌ مَ، عَ عَ يَمَرِشِ نَشَن نَ.

36 يٍهٌيَكِمِ حّ مْشْحّن نُن سُولِ نَن نُ عَ رَ، عَ قِندِ مَنفّ رَ تّمُي نَشّ. عَ نَشَ مَنفّيَ حّ قُ نُن كٍرٍن نَبَ دَرِ سَلَمُ. عَ نفَ نُ شِلِ نّ سٍبِدَ، ثّدَيَ شَ دِ نَشَن كٍلِ رُ مَ. 37 عَ نَشَ قٍ رَبَ نَشَن مُ رَقَن عَلَ مَ، عَلْ عَ بٍنبَيٍ عَ رَبَ كِ نَشّ.