1 رٍ مَلِيَهُ شَ دِ ثٍكَ شَ مَنفّيَ حّ قُ نُن سٌلٌقٍرٍ ندٍ رَ، يٌتَمِ شَ دِ عَشَسِ نَشَ تِ مَنفّ رَ يُدَيَ بْشِ مَ. 2 عَ حّ مْشْحّن نَن نُ عَ رَ نَ تّمُي. عَ نَشَ حّ قُ نُن سٍننِ مَنفّيَ رَبَ دَرِ سَلَمُ. عَ مُ عَ مَرِفِ عَلَتَلَ وَشْنقٍ رَبَ عَلْ عَ بٍنبَ دَوُدَ عَ رَبَ كِ نَشّ. 3 عَ نُ بِرَ مَ عِسِرَيِلَ مَنفّيٍ شَ كِرَ نَن قْشْ رَ. عَ نَشَ عَ شَ دِ يَتِ بَ سّرّشّ فَن دَاشِ رَ، عَلْ سِ فبّتّيٍ نُ عَ رَبَمَ كِ نَشّ، عَلَتَلَ نَشٍيٍ كٍرِ عِسِرَيِلَكَيٍ يَ رَ. 4 عَ نُ سّرّشّيٍ بَمَ، عَ نُ سُرَيِ فَن سّرّشّ رَ فٍيَيٍ قَرِ نُن وُرِ بِلِيٍ بُن مَ.

5 نَ تّمُي عَرَ مِ مَنفّ رٍ سِن نُن عِسِرَيِلَ مَنفّ ثٍكَ رٍ مَلِيَهُ شَ دِ، نَشَ دَرِ سَلَمُ فٍرٍ. عٍ نَشَ عَشَسِ رَبِلِن عَ شَ تَا كُي، كْنْ عٍ مُ نْ عَ رَ. 6 نَ وَشَتِ عَرَ مِ مَنفّ رٍ سِن نُ بَرَ عٍلَتَ تَا لُ عَرَ مِ بْشِ شَ نْي بُن مَ. عَ نُ بَرَ يُدَ بْنسْي تٌنفٌ نَا. عٍدٌنكَيٍ سَبَتِ نَا عٍ حْشْي رَ. نٍيٍ نَ مّننِ هَن تٌ. 7 عَشَسِ نَشَ شّيرَيٍ شّي عَسِرِيَ مَنفّ تِفِلَتِ ثِلٍسٍرِ شْن، عٍ شَ سَ عَ قَلَ عَ بّ، «عِ شَ كٌنيِ نَن لَنشِ ﭑ مَ، ﭑ شَشِلِ تِشِ عِ تَن نَن نَ. عِ شَ قَ ﭑ نَتَنفَدٍ عَرَ مِ مَنفّ نُن عِسِرَيِلَ مَنفّ مَ، عٍ قَشِ ﭑ فٍرٍدٍ.» 8 عَشَسِ نَشَ فبٍتِ نُن شّيمَ تٌنفٌ، نَشَن نُ نَ عَلَتَلَ شَ بَنشِ كُي نُن مَنفّ بَنشِ كُي، عَ نَشَ عَ رَ سَنبَ عَسِرِيَ مَنفّ مَ دُوتِ رَ. 9 عَسِرِيَ مَنفّ نَشَ تِن نَ قٍ رَ، عَ قَ سِفَ دَ مَسِ فٍرٍدٍ. عَ تٌ نْ نَ تَا رَ، عَ نَشَ مّننِكَيٍ قِندِ كٌنيِيٍ رَ، عَ عٍ رَ سِفَ كِرٍ تَا كُي. عَ رٍ سِن قَشَ، مّننِ مَنفّ.

10 مَنفّ عَشَسِ تٌ سِفَ دَ مَسِ، عَسِرِيَ مَنفّ تِفِلَتِ ثِلٍسٍرِ يِرٍ، عَ نَشَ سّرّشّبَدٍ تٌ نَا. عَ نَشَ نَ سّرّشّبَدٍ ثِرِنتِ نُن عَ يَءِلَن كِ رَ سَنبَ عُرِ سّرّشّدُبّ مَ دَرِ سَلَمُ. 11 عُرِ نَشَ نَ سّرّشّبَدٍ مْولِ تِ دَرِ سَلَمُ، بٍينُن مَنفّ عَشَسِ شَ فبِلٍن كٍلِقٍ دَ مَسِ. 12 مَنفّ تٌ فبِلٍن كٍلِقٍ دَ مَسِ، عَ قَ نَ سّرّشّبَدٍ تٌ، عَ نَشَ عَ مَسٌ عَ رَ، عَ سّرّشّ بَ عَ قَرِ. 13 عَ نَشَ عَ شَ سّرّشّ فَن دَاشِ نُن عَ شَ سَنسِ شْرِ سّرّشّ فَن نَ قَرِ. عَ نَشَ وّنِ سّرّشّ عِقِلِ عَ قَرِ، عَ شَنُنتٍيَ سّرّشّ وُلِ مَكَسَن عَ مَ. 14 سّرّشّبَدٍ نَشَن نُ يَءِلَنشِ وُرٍ فبٍيلِ رَ، نَشَن نُ نَ عَلَتَلَ يَ عِ، هْرْ مْبَنشِ نُن سّرّشّبَدٍ نّينّ تَفِ، عَ نَشَ نَ تِ سّرّشّبَدٍ نّينّ قّ مَ كْولَ بِرِ رَ. 15 مَنفّ عَشَسِ نَشَ سّرّشّدُبّ عُرِيَ يَمَرِ يِ رَ، «فّيسّفّ سّرّشّ فَن دَاشِ، نُنمَرٍ سّرّشّ، مَنفّ شَ سّرّشّ فَن دَاشِ، نُن سَنسِ شْرِ هَدِيَ، حَمَ شَ سّرّشّ فَن دَاشِ، حَمَ شَ سَنسِ شْرِ هَدِيَ، نُن حَمَ شَ سّرّشّ تُرٍ دَاشِ، نٍيٍ بِرِن شَ بَ يِ سّرّشّبَدٍ شُنفبٍ قَرِ. سّرّشّبَدٍ وُرٍ فبٍيلِ دَاشِ شَ رَوَلِ ﭑ تَن بّ.» 16 سّرّشّدُبّ عُرِيَ نَشَ عَ رَبَ عَلْ مَنفّ عَشَسِ عَ يَمَرِ كِ نَشّ.

17 مَنفّ عَشَسِ نَشَ عَلَ شَ بَنشِ يٍ سَسٍيٍ دْشْدٍ بَ عَ بٌرٍ رَ، عَ نَ يٍ سَسٍيٍ تٌنفٌ عٍ قَرِ. عَ يٍ سَسٍ شُنفبٍ رَفٌرٌ كٍلِ تُورَ وُرٍ فبٍيلِ دَاشِيٍ قَرِ، عَ عَ دْشْ بْشِ مَ. نَ يٍ سَسٍ نُ شِلِ نّ «بَا.» 18 عَ نَشَ مَلَبُي لْشْي مَلَندٍ مَسَرَ عَلَ شَ بَنشِ كُي، عَ نُن مَنفّ سٌدٍ، عَسِرِيَ مَنفّ شَ قٍ رَ.

19 عَشَسِ شَ تَرُشُي دْنشْي، عَ قٍ نَشَن بِرِن نَبَ، نَ سّبّشِ يُدَيَ مَنفّيٍ شَ تَرُشُي كُي. 20 عَشَسِ نَشَ لَاشِرَ، عَ رَفَتَ عَ بٍنبَيٍ قّ مَ دَوُدَ شَ تَا كُي. عَ شَ دِ شٍسٍكِيَ نَشَ تِ مَنفّ رَ عَ حْشْي رَ.