1 يٌسِيَ نَشَ سَيَمَلٍكّ دَنفِ سَلِ رَبَ دَرِ سَلَمُ عَلَتَلَ شَ بِنيّ بُن مَ. عٍ نَشَ نَ سّرّشّ بَ كِكٍ سِنفٍ شِ قُ نُن نَانِ لْشْي. 2 عَ نَشَ سّرّشّدُبّيٍ تِ عٍ شَ وَلِ رَ عَلَتَلَ شَ بَنشِ كُي. عَ نَشَ عٍ رَلِمَنِيَ. 3 عَ نَشَ عَ قَلَ لٍوِكَيٍ بّ، نَشٍيٍ نُ عِسِرَيِلَ بِرِن شَرَنمَ، نَشٍيٍ نُ بَرَ سّنِيّن عَلَتَلَ شَ وَلِ شَ قٍ رَ، «وٌ سَاتّ كَنكِرَ سّنِيّنشِ دْشْ سَلِدٍ كُي دَوُدَ شَ دِ سُلٍمَنِ، عِسِرَيِلَ مَنفّ، نَشَن تِشِ. وٌ مُ عَ شَنِنمَ وٌ تُنكِ قَرِ سْنْن. وٌ شَ وَلِ وٌ مَرِفِ عَلَتَلَ نُن عَ شَ حَمَ عِسِرَيِلَ بّ. 4 وٌ شَ سَلِ قٍ دْشْ عَ دٍنبَيَ نُن عَ شُندّ كِ مَ، عَلْ عِسِرَيِلَ مَنفّ دَوُدَ عَ سّبّشِ كِ نَشّ، عَلْ عَ شَ دِ سُلٍمَنِ عَ يَمَرِشِ كِ نَشّ. 5 لٍوِكَيٍ، شُندّ يٌ شُندّ عَ دٍنبَيَ كِمَ شَ تِ يِرٍ سّنِيّنشِ كُي وٌ نفَشَكٍرٍنيِ بٌورٍيٍ تِ كِمَ عٍ شَبِلّ كِ مَ. 6 وٌ لَن نّ وٌ شَ سَيَمَلٍكّ دَنفِ سَلِ سّرّشّ بَ، وٌ وٌ يّتّ رَ سّنِيّن، وٌ نَ رَقَلَ وٌ نفَشَكٍرٍنيِيٍ بّ عَلَتَلَ شَ سّرِيّ كِ مَ، عَننَبِ مُنسَ نَشَن قِشِ وٌ مَ.»

7 يٌسِيَ نَشَ يّشّييٍ، يّشّييْرّيٍ، نُن سِيٍ بَ سّرّشّ رَ حَمَ بّ سَيَمَلٍكّ دَنفِ سَلِ شَ قٍ رَ. عَ مَن نَشَ نِنفٍ وُلُ سَشَن بَ عَ هَرِفٍ رَ نَ مِشِ وُلُ تٌنفٌ سَشَن بّ. 8 عَ شَ كُنتِفِيٍ قَن نَشَ شُرُ سٍيٍ بَ سّرّشّ رَ حَمَ، سّرّشّدُبّيٍ، نُن لٍوِكَيٍ بّ. شِلِكِيَ، سَكَرِ، نُن يّشِيّلِ، عَلَ شَ بَنشِ يَرٍرَتِيٍ نَشَ شُرُ سٍ لَنمَ وُلُ قِرِن كّمّ سٍننِ نُن نِنفٍ كّمّ سَشَن بَ سّرّشّ رَ سّرّشّدُبّيٍ بّ نَ سَلِ تّمُي. 9 لٍوِكَ شُنيِيٍ، كٌنَنِيَهُ عَ نفَشَكٍرٍنيِيٍ، سٍمَيَ نٍتَنٍيلِ، شَسَبِيَ، يٍيِيٍلِ نُن يٌسَبَدِ نَشَ شُرُ سٍ لَنمَ وُلُ سُولِ نُن نِنفٍ كّمّ سُولِ بَ لٍوِكَيٍ بّ نَ سَلِ تّمُي.

10 وَلِ رَبَ يِ كِ نّ؛ سّرّشّدُبّيٍ نُن لٍوِكَيٍ نَشَ تِ عٍ سَنيِ رَ عٍ شُندّيٍ كِ مَ عَلْ مَنفّ عَ يَمَرِشِ كِ نَشّ. 11 سَيَمَلٍكّ دَنفِ سَلِ سّرّشّ كْن تٌ رَشَبَ، لٍوِكَيٍ نُ عَ وُلِ سٌمَ سّرّشّدُبّيٍ يِ رَ، نٍيٍ نُ قَ نَ وُلِ كَسَن سّرّشّبَدٍ مَ. لٍوِكَيٍ نَ فّ سّرّشّ بُرَدٍ، 12 عٍ نُ نَ سُبٍ عِتَشُنمَ حَمَ مَ عٍ شَبِلّيٍ كِ مَ. نَشَن قِندِ مَ سّرّشّ فَن دَاشِ رَ عَلَتَلَ بّ، عٍ نُ نَ سَمَ عَ شَتِ مَ عَلْ عَ سّبّشِ تَوُرٍتَ مُنسَ كُي كِ نَشّ. نِنفٍيٍ قَن نَبَ نَ كِ نّ. 13 عٍ نَشَ سَيَمَلٍكّ دَنفِ سَلِ سّرّشّ فَن تّ رَ عَ سّرِيّ كِ مَ، عٍ مَن دٌنسٍ سّنِيّنشِ فبّتّيٍ حِن تُندٍيٍ كُي، عٍ نَ عِتَشُن حَمَ مَ. 14 نَ دَنفِ شَنبِ، عٍ نَشَ عٍ فبٍ نُن سّرّشّدُبّيٍ فبٍ حِن. عٍ نُ عَ رَبَمَ نَ كِ نّ، بَرِ مَ هَرُنَ شَ دِ سّرّشّدُبّيٍ نُ سّرّشّ فَن دَاشِيٍ نُن تُرٍ بَمَ سّرّشّ رَ هَن كْي رَ. لٍوِكَيٍ نَن نُ نَ بِرِن نَقَلَمَ هَرُنَ شَ دِ سّرّشّدُبّيٍ بّ.

15 عَسَقِ شَ دِ بّيتِبَيٍ نَشَ تِ عٍ تِدٍ عَلْ دَوُدَ، عَسَقِ، هٍمَن، نُن مَنفّ رَ سِ يٍدُتُن عَ يَمَرِ كِ نَشّ. نَادّ كَنتّيٍ قَن نُ نَ عٍ تِدٍ. عٍ مُ نُ كٍلِمَ عٍ وَلِدٍيٍ، بَرِ مَ عٍ نفَشَكٍرٍنيِ لٍوِكَيٍ نُ عٍ فبٍ دٌنسٍ رَقَلَمَ. 16 نَ لْشْي عَلَتَلَ شَ وَلِ بِرِن نَبَ سَيَمَلٍكّ دَنفِ سَلِ سّرِيّ كِ نَن مَ، عَلَكٌ سّرّشّ فَن دَاشِ شَ بَ عَلَتَلَ شَ سّرّشّبَدٍ قَرِ عَلْ يٌسِيَ عَ يَمَرِ كِ نَشّ.

17 عِسِرَيِلَكَ نَشٍيٍ نُ نَ، نٍيٍ نَشَ سَيَمَلٍكّ دَنفِ سَلِ نُن تَامِ لّبِنِتَرٍ سَلِ رَبَ شِ سٌلٌقٍرٍ بُن مَ. 18 سَيَمَلٍكّ دَنفِ سَلِ يٌ مُ نُ رَبَ نَ كِ عِسِرَيِلَ بْشِ مَ كَبِ عَننَبِ سَمُوٍلِ شَ وَشَتِ. عِسِرَيِلَ مَنفّ يٌ مُ نُ لُ نَ نَشَن نُ بَرَ عَ رَبَ عَلْ يٌسِيَ، سّرّشّدُبّيٍ، لٍوِكَيٍ، يُدَيَكَيٍ، عِسِرَيِلَكَيٍ، نُن دَرِ سَلَمُكَيٍ عَ رَبَشِ كِ نَشّ. 19 نَ سَيَمَلٍكّ دَنفِ سَلِ رَبَ يٌسِيَ شَ مَنفّيَ حّ قُ نُن سٌلٌمَسَشَن ندٍ نّ.

20 نَ دَنفِ شَنبِ، يٌسِيَ تٌ فّ عَلَتَلَ شَ بَنشِ يَءِلَندٍ، مِسِرَ مَنفّ نٍكٌ نَشَ تٍ كَرَكٍمِسِ فٍرٍدٍ، عٍقِرَتِ شُرٍ قّ مَ. يٌسِيَ نَشَ وَ فٍرٍ تِقٍ نٍكٌ بّ. 21 نٍكٌ نَشَ شّيرَيٍ شّي عَ يِرٍ عَ قَلَقٍ رَ، «يُدَيَ مَنفّ، عِ وَ مَ ﭑ فٍرٍقٍ مُنقٍ رَ؟ ﭑ مُ مِنِشِ عِ تَن شَ فٍرٍدٍ. ﭑ مِنِشِ ﭑ يَشُي ندٍ نَن فٍرٍدٍ، عَلْ عَلَ عَ قَلَ ﭑ بّ كِ نَشّ. عِ نَشَ تِ عَلَ كَنكٍ شَ نَ مُ عَ رَ عِ شُن نَكَنَمَ نّ. مُشُ نُن عَلَ نَ عَ رَ.» 22 كْنْ يٌسِيَ مُ فبِلٍن عَ شَ نَتّ قْشْ رَ، عَ نَشَ تٌندِ عَ تُلِ مَتِدٍ عَلَ شَ مَسٍنيِ رَ نٍكٌ نَشَن قَلَشِ. عَ نَشَ سِفَ مٍفِدٌ فُلُنبَ فٍرٍ سٌدٍ. 23 مّننِ سْورِيٍ نَشَ مَنفّ يٌسِيَ سْشْ تَنبّيٍ رَ. عَ نَشَ عَ قَلَ عَ شَ مِشِيٍ بّ، «وٌ ﭑ شَنِن، بَرِ مَ ﭑ مَشْنْشِ عَ حَاشِ رَ.» 24 يِ فٍرٍ يِرٍ، عَ شَ مِشِيٍ نَشَ عَ رَ مِنِ نَ رَ عَ شَ سْورِ رَفِسٍ كُي. عٍ نَشَ عَ رَدَنفِ عَ شَ سْورِ رَفِسٍ قِرِن ندٍ كُي، عٍ قَ عَ شَنِن دَرِ سَلَمُ. عَ نَشَ لَاشِرَيَ مّننِ، عٍ قَ عَ رَفَتَ عَ بَبَيٍ شَ فَبُرِيٍ قّ مَ. يُدَيَ نُن دَرِ سَلَمُ بِرِن نَشَ لُ سُننُنيِ كُي يٌسِيَ شَ قَشّ شَ قٍ رَ. 25 عَننَبِ يٍرٍ مِ نَشَ حْنقٍ بّيتِ ندٍ سّبّ يٌسِيَ شَ بِنيّ بُن مَ. هَن تٌ بّيتِبَيٍ نَ بَمَ عِسِرَيِلَ بْشِ مَ، نَ قَن سّبّشِ حْنقٍ بّيتِ بُكِ كُي.

26 يٌسِيَ شَ تَرُشُي دْنشْييٍ نُن عَ شَ دُفُتّفّحَ عَلَتَلَ شَ سّرِيّ مَ، 27 عَ قْلّ نُن عَ رَحْنيِ بِرِن سّبّشِ عِسِرَيِلَ نُن يُدَيَ مَنفّيٍ شَ تَرُشُي كُي.