1 عَسَ شَ مَنفّيَ حّ تٌنفٌ سَشَن نُن سٍننِ ندٍ، عِسِرَيِلَ مَنفّ بَاسَ نَشَ تٍ يُدَيَ فٍرٍدٍ. عَ نَشَ رَ مَ يَءِلَن، عَلَكٌ يُدَيَ مَنفّ عَسَ نُن عَ شَ مِشِيٍ نَشَ قّيرّ سْتْ سٌقٍ رَ مّننِ عٍ شَ عٍ كٍرِ. 2 عَسَ نَشَ فبٍتِ نُن شّيمَ تٌنفٌ عَلَتَلَ شَ بَنشِ نُن مَنفّ شَ بَنشِ كُي، عَ قَ شّيرَيٍ شّي سِرِيَ مَنفّ بٍن هَدَدَ يِرٍ دَ مَسِ يِ مَسٍنيِ رَ، 3 «وٌن شَ سَاتّ شِرِ وٌن تَفِ عَلْ ﭑ بَبَ نُن عِ بَبَ عَ رَبَ كِ نَشّ. سَنبَ سٍ نَن يَ، شّيمَ نُن فبٍتِ، سَاتّ كَنَ نَشَن مَ عِ نُن بَاسَ تَفِ، عَلَكٌ عَ شَ مَكُيَ ﭑ نَ.»

4 بٍن هَدَدَ نَشَ تِن مَنفّ عَسَ شَ مَسٍنيِ رَ. عَ نَشَ عَ شَ سْورِ شُنيِيٍ شّي عِسِرَيِلَ تَايٍ سُشُدٍ. عٍ نَشَ عِيٌنٌ، دَنَ، نُن عَبٍلِ مَيِمِ سُشُ، عَ نُن تَا فبّتّيٍ بَلٌي نُ رَفَتَمَ دّننَشّ نَقَتَلِ بْشِ مَ. 5 بَاسَ تٌ نَ قٍ مّ، عَ نَشَ رَ مَ تَا تِقٍ وَلِ عِتِ. 6 نَ وَلِ تٌ عِتِ، مَنفّ عَسَ نَشَ قَ يُدَيَكَيٍ رَ، عٍ قَ فّمّيٍ نُن وُرِيٍ شَنِن، بَاسَ نُ نَشٍيٍ رَوَلِمَ رَ مَ. عٍ نَشَ نَ بِرِن نَوَلِ فٍبَ نُن مِسِثَ تِقٍ رَ.

7 نَ تّمُي عَننَبِ شَنَنِ نَشَ سِفَ يُدَيَ مَنفّ عَسَ شْن، عَ عَ قَلَ عَ بّ، «عِ تٌ عِ شَشِلِ تِ سِرِيَ مَنفّ رَ عِ مَرِفِ عَلَتَلَ حْشْي رَ، سِرِيَ شَ سْورِيٍ بَرَ فّ عٍ يّتّ سْتْدٍ عِ يَ رَ. 8 كُسِكَيٍ نُن لِبِيَكَيٍ شَ سْورِ فَلِ فبٌ، سْورِ رَفِسٍ نُن سٌي نَ عٍ يِ رَ. كْنْ عَلَتَلَ مُ عٍ سَ عِ سَفٌ شّ عِ عِ شَشِلِ تِ عَ رَ تّمُي نَشّ؟ 9 عَلَتَلَ عَدَ مَدِ بِرِن مَتٌمَ نّ عَلَكٌ عَ شَ عَ كٌلٌن نَشٍيٍ عٍ بْحّ قِشِ عَ مَ. عِ بَرَ لُ عَلْ شَشِلِتَرٍ يِ قٍ كُي. يَكْسِ فٍرٍ لُمَ نّ عِ شَ بْشِ مَ تّمُي بِرِن.» 10 عَسَ نَشَ شْنْ نَ نَمِحْنمّ مَ، عَ قَ عَ رَ سٌ فٍيلِ كُي، عَ نُن مِشِ فبّتّ نَشٍيٍ مُ رَقَنشِ عَ مَ.

11 عَسَ شَ تَرُشُي، عَ قْلّ نُن عَ رَحْنيِ، عَ سّبّشِ يُدَيَ نُن عِسِرَيِلَ مَنفّيٍ شَ تَرُشُي كُي. 12 عَ شَ مَنفّيَ حّ تٌنفٌ سَشَن نُن سٌلٌمَنَانِ ندٍ، قُرٍ حَاشِ نَشَ عَسَ سُشُ عَ سَنيِيٍ مَ. نَ كُي عَ مُ عَلَتَلَ قٍن، عَ سٍرِبَيٍ فبَنسَن نَن قٍن نَ قُرٍ شَ قٍ رَ. 13 عَ شَ مَنفّيَ حّ تٌنفٌ نَانِ نُن كٍرٍن ندٍ، عَسَ نَشَ لَاشِرَيَ. 14 عٍ نَشَ عَ رَفَتَ عَ شَ فَبُرِ فٍشِ كُي دَوُدَ شَ تَا. عٍ نَشَ عَ بّلّ سَدٍ ندٍ مَ، لَبُندّ قَنيِ نُ سَشِ دّننَشّ مَ. سُرَيِ فبٍفبٍ قَن نَشَ فَن عَ قُرٍ بّ.