1 يٍهٌوَ سَ مَنفّيَ سْتْ عَ شَ سِمَيَ حّ سٌلٌقٍرٍ نَن مَ، عَ قَ حّ تٌنفٌ نَانِ مَنفّيَ رَبَ دَرِ سَلَمُ. عَ نفَ شِلِ سِبِيَ، بٍرِ سٍيبَكَ نَن نُ عَ رَ. 2 سّرّشّدُبّ يٍهٌيَدَ شَ وَشَتِ، يٍهٌوَ سَ نَشَ لُ تِنشِنيِ كُي عَلَتَلَ يَ عِ. 3 يٍهٌيَدَ نَشَ فِنّ قِرِن قٍن يٌوَ سِ بّ. عَ دِ شّمّيٍ نُن دِ فِنّيٍ سْتْ نَ كُي.

4 نَ تٌ دَنفِ، يٌوَ سِ نَشَ عَ حَنِفٍ عَ شَ عَلَتَلَ شَ بَنشِ يَءِلَن. 5 عَ نَشَ سّرّشّدُبّيٍ نُن لٍوِكَيٍ مَلَن، عَ عَ قَلَ عٍ بّ، «وٌ سِفَ يُدَيَ تَايٍ كُي نُن عِسِرَيِلَ بْشِ مَ حّ يٌ حّ كْبِرِ مَلَندٍ، عَلَكٌ وٌ شَ وٌ مَرِفِ عَلَ شَ بَنشِ يَءِلَن. وٌ شَ فبَتَ يِ وَلِ رَ.» كْنْ لٍوِكَيٍ مُ عَ سُشُ سْوبّ رَ.

6 مَنفّ نَشَ سّرّشّدُبّ كُنتِفِ يٍهٌيَدَ شِلِ، عَ عَ مَشْرِن، «مُنقٍ رَ عِ مُ لٍوِكَيٍ كَرَشَنشِ عٍ شَ دُوتِ مَشِلِ يُدَيَ نُن دَرِ سَلَمُ، عَلْ عَلَتَلَ شَ كٌنيِ مُنسَ عَ يَمَرِ كِ نَشّ، نُن عِسِرَيِلَ حَمَ قَن تِن عَ رَ كِ نَشّ عَلَ شَ هْرْ مْلِنفِرَ شَ قٍ رَ، سٍيدٍحْشْيَ نَ دّننَشّ؟» 7 عَتَلَيَ، مَنفّ فِنّ حَاشِ نُن عَ شَ دِيٍ نُ بَرَ سٍ سّنِيّنشِيٍ بِرِن بَ عَلَتَلَ شَ بَنشِ كُي، عٍ شَ نٍيٍ رَوَلِ بَلِ كُيٍيٍ بّ. 8 نَ كُي، مَنفّ نَشَ عَ قَلَ عَ كَنكِرَ شَ يَءِلَن، عَ شَ دْشْ عَلَتَلَ شَ بَنشِ نَادّ رَ تَندٍ. 9 مَرَكٌلٌنيِ نَشَ تِ يُدَيَ نُن دَرِ سَلَمُ، عَ كَنكَن لَن عَ شَ قَ كْبِرِ رَ عَلَتَلَ بّ، عَلْ عَلَتَلَ شَ كٌنيِ مُنسَ نُ بَرَ عِسِرَيِلَ يَامَرِ عَ رَ كِ نَشّ فبٍنفبٍرٍنيِ مَ. 10 كُنتِفِيٍ نُن حَمَ بِرِن نَشَ تِن نَ رَ، عٍ نَشَ قَ كْبِرِ رَ، عٍ عَ سَ كَنكِرَ كُي هَن عَ عَ رَقٍ. 11 كَنكِرَ تٌ رَقٍ كْبِرِ رَ، عٍ نَشَ عَ شَنِن لٍوِكَيٍ شْنمَ عَلَكٌ نٍيٍ شَ عَ كُي عِقٍ كٌلٌن مَنفّ شِلِ رَ. مَنفّ شَ سّبّلِ تِ نُن سّرّشّدُبّ كُنتِفِ قّ مَتِ نَشَ كَنكِرَ عِبَ. عٍ تٌ فّ، عٍ مَن نَشَ كَنكِرَ دْشْ عَ دْشْدٍ. عٍ نُ نَ رَبَمَ نّ لْشْ يٌ لْشْ. كْبِرِ فبٍفبٍ نَشَ سْتْ نَ كُي. 12 مَنفّ نُن يٍهٌيَدَ نُ نَ كْبِرِ سٌمَ وَلِكّ شُنيِيٍ نَن يِ رَ، عٍ شَ نُ وَلِكّيٍ سَرٍ قِ عَ رَ. وَلِكّيٍ نُ نَ نَشٍيٍ فّمّ مَسٌلِمَ، نَشٍيٍ كَمُدّرِ وَلِ رَبَمَ، نَشٍيٍ وُرٍ نُن يْشُي رَوَلِمَ عَلَتَلَ شَ بَنشِ يَءِلَنقٍ رَ. 13 وَلِ نَشَ سْونّيَ وَلِكّيٍ وَكِلِ سَابُي رَ. عَلَ شَ هْرْ مْبَنشِ نَشَ فبِلٍن عَ شَ تٌقَنيِ سِنفٍ مَ، ندٍ نَشَ سَ عَ سّنبّ شُن مَ. 14 عٍ تٌ فّ نَ وَلِ رَ، عٍ نَشَ كْبِرِ دْنشْي رَفبِلٍن مَنفّ نُن يٍهٌيَدَ مَ. مَنفّ نَشَ سٍ فبّتّيٍ يَءِلَن نَ كْبِرِ رَ، نَشٍيٍ نُ رَوَلِمَ عَلَتَلَ شَ بَنشِ كُي، عَلْ فبٍتِ ثْوتِ نُن شّيمَ ثْوتِ، عَ نُن يِرَبَسٍيٍ نَشٍيٍ نُ رَوَلِمَ سّرّشّ فَن دَاشِ بَقٍ رَ. سّرّشّ فَن دَاشِيٍ نُ بَمَ عَلَتَلَ شَ بَنشِ كُي يٍهٌيَدَ شَ سِمَيَ بِرِن كُي.

15 يٍهٌيَدَ شَ سِمَيَ تٌ كَمَلِ عَ قَنيِ رَ، عَ نَشَ لَاشِرَيَ. عَ شَ سِمَيَ نُ بَرَ سِفَ هَن حّ كّمّ حّ تٌنفٌ سَشَن. 16 عٍ نَشَ عَ رَفَتَ دَوُدَ شَ تَا كُي بْشِ مَنفّيٍ قّ مَ، بَرِ مَ عَ نُ بَرَ قٍ قَنيِ رَبَ عِسِرَيِلَ بْشِ مَ عَلَ نُن عَ شَ بَنشِ بّ.

17 يٍهٌيَدَ تٌ قَشَ، يُدَيَ كُنتِفِيٍ نَشَ قَ مَنفّ يِرٍ، عٍ قَ عٍ قٍلٍن بْشِ مَ عَ بُن مَ. نَ كُي، مَنفّ نَشَ عَ تُلِ مَتِ عٍ شَ مَرَ سِ رَ. 18 عٍ نَشَ عٍ بَبَيٍ مَرِفِ عَلَتَلَ شَ بَنشِ رَبّحِن، عٍ قَ تُوبِ عَسٍرِ كُيٍيٍ بّ. عَلَتَلَ نَشَ شْنْ يُدَيَ نُن دَرِ سَلَمُ مَ عٍ شَ يُنُبِيٍ شَ قٍ رَ.

19 عَلَتَلَ نَشَ نَمِحْنمّيٍ شّي عٍ شْن عَ شَ سّرِيّ رَ، كْنْ عٍ مُ تِن عٍ تُلِ مَتِدٍ نَ مَسٍنيِ رَ. 20 عَلَ شَشِلِ نَشَ لُ سّرّشّدُبّ يٍهٌيَدَ شَ دِ سَكَرِ مَ، عَ قَ عَ مَسٍن حَمَ بّ، «عَلَ شَ مَسٍنيِ نَن يَ؛ مُنقٍ رَ وٌ نَ ﭑ تَن عَلَتَلَ شَ سّرِيّ مَتَندِقٍ؟ وٌ شَ قٍ يٌ مُ سْونّيَمَ، بَرِ مَ وٌ بَرَ ﭑ تَن عَلَتَلَ رَبّحِن. ﭑ قَن قَمَ وٌ رَبّحِندٍ نَ نَن مَ.» 21 نَ كُي، حَمَ نَشَ نَتّ تٌنفٌ عٍ شَ سَكَرِ يَنقَ. نَ نَشَ عَ نِيَ مَنفّ شَ يَامَرِ قِ عٍ شَ سَكَرِ مَفْنْ فّمّ رَ عَلَتَلَ شَ بَنشِ تّتّ كُي هَن عَ شَ قَشَ. 22 مَنفّ يٌوَ سِ نُ بَرَ نّيمُ سَكَرِ بَبَ يٍهٌيَدَ شَ هِننّ مَ، عَ نَشَن نَبَ عَ بّ. عَ سَكَرِ قَشَ. بٍينُ سَكَرِ شَ قَشَ عَ يِ نَن مَسٍن، «عَلَتَلَ شَ عِ قْشِ تٌ، عَ شَ عِ سَرٍ رَفبِلٍن عِ مَ.»

23 حّ كٍرٍن تٌ دَنفِ، سِرِيَ سْورِ فَلِ نَشَ يٌوَ سِ فٍرٍ. عٍ نَشَ سٌ يُدَيَ نُن دَرِ سَلَمُ، عٍ نَشَ كُنتِفِ بِرِن قَشَ، عٍ قَ عٍ هَرِفٍ شَنِن دَ مَسِ مَنفّ شْن مَ. 24 سِرِيَ سْورِيٍ مُ نُ وُيَ، كْنْ عَلَتَلَ نَن يُدَيَ سْورِ فَلِ شُنفبٍ سَ عٍ سَفٌي، بَرِ مَ يُدَيَكَيٍ نُ بَرَ عٍ بَبَيٍ مَرِفِ عَلَتَلَ رَبّحِن. عَلَ سِرِيَكَيٍ رَوَلِ نّ عَلَكٌ يٌوَ سِ شَ حَشَنكَتَ. 25 سِرِيَكَيٍ نُ بَرَ يٌوَ سِ مَشْنْ فٍرٍ كُي. عٍ نَشَ فبِلٍن عٍ شْنيِ، يٌوَ سِ تَن نُ تْورْقٍ نَ تّمُي عَ شَ سَدٍ مَ. عَ شَ وَلِكّيٍ نَشَ نَتّ تٌنفٌ عٍ شَ عَ قَشَ، بَرِ مَ عَ نُ بَرَ سّرّشّدُبّ يٍهٌيَدَ شَ دِ قَشَ. عٍ نَشَ عَ قَشَ عَ شَ سَدٍ مَ. حَمَ نَشَ يٌوَ سِ رَفَتَ دَوُدَ شَ تَا كُي، كْنْ عٍ مُ تِن عَ رَفَتَدٍ مَنفّيٍ شَ فَبُرِيٍ يِرٍ. 26 مِشِيٍ شِلِيٍ نَن يَ نَشٍيٍ يٌوَ سِ يَنقَ؛ عَمٌنِكَ سِمٍيَتَ شَ دِ سَبَدِ، نُن مٌوَبَكَ سِمِرِتِ شَ دِ يٌسَبَدِ. 27 قْلْ عَ شَ دِيٍ شِلِيٍ مَ، نَمِحْنمّ مَسٍنيِ وُيَشِيٍ نَشٍيٍ تِ عَ شَ قٍ رَ، عَ سَ دْشْ عَلَ شَ بَنشِ وُلِ رَ عَ نَشَن نَبَ، نَ بِرِن سّبّشِ مَنفّيٍ شَ تَرُشُي كُي. عَ شَ دِ عَمَسِيَ نَشَ تِ عَ حْشْي رَ.