1 سٍيبَ مَنفّ فِنّ تٌ سُلٍمَنِ شِلِ شَ فبٌي مّ، عَ نَشَ سِفَ دَرِ سَلَمُ مَشْرِنيِ شْرْشْييٍ تِدٍ عَ مَ، عَلَكٌ عَ شَ عَ شَ لْننِ مَتٌ. عَ شَ كُنتِفِيٍ نَشَ عَ مَتِ نَا، عٍ نَشَ لَبُندّ، شّيمَ فبٍفبٍ، نُن فّمّ تٌقَنيِيٍ شَنِن حْشْمّيٍ قَرِ سَنبَسٍيٍ رَ. عَ نَشَ مَشْرِنيِ فبٍفبٍ تِ سُلٍمَنِ مَ. 2 سُلٍمَنِ نَشَ عَ شَ مَشْرِنيِ بِرِن يَابِ، نَ سٍسٍ مُ نُ شْرْشْ عَ بّ.

3 سٍيبَ مَنفّ فِنّ تٌ فّ سُلٍمَنِ شَ لْننِ تٌدٍ، عَ نُن عَ شَ بَنشِ عَ نَشَن تِشِ، 4 عَ شَ بَلٌي نَشَن سَشِ عَ شَ تٍيبِلِ مَ، عَ شَ وَلِكّيٍ نُن عٍ شَ دُفِ تٌقَنيِيٍ، عَ نُن عَ شَ سّرّشّيٍ عَ نَشٍيٍ بَمَ عَلَتَلَ شَ هْرْ مْبَنشِ كُي، عَ دّ نَشَ عِشَرَ نَ قٍ بِرِن مَ. عَ نَشَ عَ قَلَ مَنفّ بّ، 5 «ﭑ قٍ نَشٍيٍ بِرِن مّشِ ﭑ مَ بْشِ مَ عِ شَ مَسٍنيِيٍ نُن عِ شَ لْننِ شَ قٍ رَ، نَ بِرِن بَرَ قِندِ نْندِ رَ. 6 بٍينُن ﭑ شَ بٍ تٌ ﭑ يّتّ رَ، ﭑ مُ نُ لَشِ عٍ شَ مَسٍنيِ رَ. كْنْ يَكْسِ ﭑ بَرَ عَ كٌلٌن عِ شَ لْننِ فبٌ دَنفِقٍ عٍ نَشَن مَسٍنشِ ﭑ بّ. عٍ قٍ نَشَن بِرِن تَفِ رَبَشِ ﭑ بّ عِ شَ قٍ رَ، عِ شِلِ دَنفِ نَ بِرِن نَ. 7 حّلّشِنيِ نَ عِ شَ مِشِيٍ بّ، حّلّشِنيِ نَ عِ شَ كٌنيِيٍ بّ، بَرِ مَ عٍ نَ عِ سّيتِ مَ تّمُي بِرِن عِ شَ لْننِ رَ مّقٍ رَ. 8 تَنتُي نَ عِ مَرِفِ عَلَتَلَ بّ، نَشَن هِننّشِ عِ رَ، عَ قَ عِ دْشْ عَ شَ مَنفّ كِبَنيِ كُي، عِ شَ مَنفّيَ رَبَ عَلْ عَ وَ مَ عَ شْن مَ كِ نَشّ. عِ مَرِفِ عَلَ نَ رَبَ نّ بَرِ مَ عِسِرَيِلَ رَقَن عَ مَ، عَ مَن وَ مَ عِسِرَيِلَ شَ بُ تّمُي بِرِن. عَ عِ قِندِ نّ عٍ شَ مَنفّ رَ، عَلَكٌ عِ شَ عٍ يَمَرِ تِنشِنيِ نُن نْندِ رَ.» 9 عَ نَشَ شّيمَ كِلٌ وُلُ نَانِ قِ مَنفّ مَ، عَ نُن لَبُندّ فبٍفبٍ نُن فّمّ تٌقَنيِيٍ. كَبِ نَ تّمُي، نَ لَبُندّ مْولِ مُ تٌمَ عِسِرَيِلَ، سٍيبَ مَنفّ فِنّ نَشَن قِشِ مَنفّ سُلٍمَنِ مَ.

10 شِرَ مِ نُن سُلٍمَنِ شَ وَلِكّ نَشٍيٍ قَ شّيمَ رَ كٍلِقٍ عٌقِرِ بْشِ مَ، نٍيٍ مَن نَشَ قَ وُرِ نُن فّمّ تٌقَنيِيٍ رَ عَ بّ. 11 مَنفّ نَشَ نَ وُرِ رَوَلِ عَلَتَلَ شَ هْرْ مْبَنشِ سٌدٍ دّيٍ رَ، عَ نُن مَنفّ شَ بَنشِ سٌدٍ دّيٍ رَ. عَ مَن نَشَ نَ وُرِ رَوَلِ كْرَيٍ يَءِلَنقٍ رَ بّيتِبَيٍ بّ. نَ قٍ مْولِ مُ نُ تٌشِ يُدَيَ سِندٍن. 12 مَنفّ سُلٍمَنِ نَشَ سٍيبَ مَنفّ فِنّ وَشْنسٍ بِرِن سٌ عَ يِ رَ دَنفِقٍ عَ تَن نَشَن سَنبَشِ عَ رَ. نَ شَنبِ، عَ نَشَ فبِلٍن عَ شَ بْشِ مَ، عَ تَن نُن عَ شَ كٌنيِيٍ.

13 حّ يٌ حّ سُلٍمَنِ نُ شّيمَ كِلٌ وُلُ مْشْحّن نُن قِرِن، كِلٌ كّمّ سٍننِ تٌنفٌ نَانِ نُن نَانِ سْتْمَ، 14 بَقٍ عَ نُ نَشَن سْتْمَ يُلّيٍ يِ دُوتِ رَ. عَ مَن نُ شّيمَ نُن فبٍتِ سْتْمَ مَنفّيٍ نُن فٌمِنَيٍ رَ عَرَبُ بْشِ مَ. 15 مَنفّ سُلٍمَنِ نَشَ وُرٍ لٍقَ كّمّ قِرِن مَسٌ شّيمَ رَ، كَنكَن نَقَلَشِ شّيمَ كِلٌ سٌلٌقٍرٍ نَن نَ. 16 عَ مَن نَشَ وُرٍ لٍقَ شُنشُرِ كّمّ سَشَن مَسٌ شّيمَ رَ، كَنكَن مَسٌشِ شّيمَ كِلٌ سَشَن نَن نَ. عَ نَشَ عٍ فبَكُ بَنشِ كُي، نَشَن شِلِ قَلَمَ لِبَن قْتْن بَنشِ. 17 مَنفّ نَشَ كِبَنيِ شُنفبٍ يَءِلَن سِلِ حِنيِ رَ، عَ قَ عَ مَسٌ شّيمَ تِنسٍ رَ. 18 نَ كِبَنيِ تٍ سٍيٍ قِندِشِ شّيمَ نَن نَ، كِبَنيِ نُ نَ يّتّ مَسٌلِشِ قِرِن تَفِ. 19 يّتّ قُ نُن قِرِن قَن مَسٌلِشِ نُ نَ تٍ سٍيٍ سّيتِيٍ مَ، سٍننِ نَ يِرٍقَنيِ مَ، سٍننِيٍ نَ كْولَ مَ. نَ كِبَنيِ مَنِيّ مُ نُ نَ مَنفَتَا يٌ كُي سِندٍن. 20 مَنفّ سُلٍمَنِ شَ ثْوتِ بِرِن نُن لِبَن قْتْن بَنشِ شَ ثِلٍتِ بِرِن قِندِشِ شّيمَ نَن نَ. عَ مُ نُ فبٍتِ رَوَلِمَ قٍقٍ مَ. 21 كُنكُييٍ نُ نَ مَنفّ يِ رَ نَشٍيٍ نُ لُمَ سِفَ رَ تَرَ سِسِ حّ سَشَن يٌ حّ سَشَن شّيمَ، فبٍتِ، سِلِ حِنيِ، كُلٍ، نُن شْنِ تٌقَنيِ تٌنفٌدٍ. شِرَ مِ شَ وَلِكّيٍ نُ عَ مَلِمَ نَ وَلِ كُي.

22 مَنفّ سُلٍمَنِ شَ بَننَيَ نُن عَ شَ لْننِ نَشَ فبٌ يّ دَنفِ بْشِ مَنفّ بِرِن نَ. 23 بْشِ مَنفّ بِرِن نُ وَ مَ سُلٍمَنِ شَ لْننِ رَ مّقٍ عَلَ نَشَن قِشِ عَ مَ. 24 نٍيٍ بِرِن نُ مَنفّ سَنبَمَ فبٍتِ، شّيمَ، دُفِيٍ، فٍرٍ سٌسٍيٍ، لَبُندّيٍ، سٌي، نُن سٌقَلٍيٍ رَ حّ يٌ حّ. 25 سٌي نُن سْورِ رَفِسٍ رَفَتَدٍ وُلُ نَانِ نُ نَ سُلٍمَنِ يِ رَ. سْورِ سٌي رَفِ وُلُ قُ نُن قِرِن قَن نُ نَ عَ يِ رَ تَا مَكَنتَشِيٍ نُن دَرِ سَلَمُ كُي، مَنفّ شْنيِ. 26 مَنفّ بِرِن، كٍلِقٍ شُرٍ شُنفبٍ مَ، سَ دْشْ قِلِسِتَ بْشِ رَ، هَن عَ سَ دْشْ مِسِرَ نَانِنيِ رَ، عٍ بِرِن نُ نَ عَ شَ يَامَرِ بُن مَ. 27 مَنفّ نَن عَ نِيَ فبٍتِ شَ وُيَ دَرِ سَلَمُ عَلْ فّمّ شْرِ. سّدِرِ وُرِ قَن نَشَ وُيَ عَلْ سِكٌمٌرٌ وُرِ نَ سٍقٍلَ بْشِ مَ كِ نَشّ. 28 سُلٍمَنِ شَ سٌي نُ كٍلِمَ مِسِرَ نّ نُن بْشِ فبّتّيٍ مَ.

29 سُلٍمَنِ شَ تَرُشُي دْنشْي، عَ قْلّ نُن عَ رَحْنيِ، سّبّشِ عَننَبِ نَتَن شَ تَرُشُي سّبّشِ كُي، عَ نَ عَننَبِ عَهِيَ سِلٌكَ شَ نَمِحْنمّ مَسٍنيِ سّبّشِ كُي، نُن عَننَبِ عِدٌ شَ لَامَتُنيِ مَسٍنيِ سّبّشِ كُي نٍبَتِ شَ دِ يٍرٌبٌوَ مِ شَ قٍ رَ. 30 سُلٍمَنِ شَ مَنفّيَ نَشَ بُ حّ تٌنفٌ نَانِ دَرِ سَلَمُ نُن عِسِرَيِلَ شُن مَ. 31 نَ شَنبِ، سُلٍمَنِ نَشَ لَاشِرَ. عٍ نَشَ عَ رَفَتَ عَ بَبَيٍ سّيتِ مَ عَ بَبَ دَوُدَ شَ تَا كُي. عَ شَ دِ رٌبٌوَ مِ نَشَ تِ عَ حْشْي رَ.