1 دَوُدَ نُن سْلُ تٌ فّ دّ مَسَرَدٍ، يٌنَتَن نَشَ قِندِ دَوُدَ شَنُنتٍنيِ رَ. يٌنَتَن نُ عَ شَنُشِ عَلْ عَ يّتّ يَتِ. 2 نَ لْشْي سْلُ نَشَ كَنكَن دَوُدَ مَ، عَ مُ تِن عَ شَ فبِلٍن عَ بَبَ شْنيِ. 3 يٌنَتَن نُن دَوُدَ نَشَ سَاتَ، بَرِ مَ دَوُدَ نُ رَقَن عَ مَ عَلْ عَ يّتّ يَتِ. 4 يٌنَتَن نَشَ عَ شَ دٌنمَ شُنفبٍ بَ عَ مَ، عَ عَ رَفٌرٌ دَوُدَ مَ، عَ نُن عَ شَ سَنتِدّفّمَ، عَ شَ شَلِ، نُن عَ شَ بّلّتِ. 5 سْلُ دَوُدَ رَ سَنبَ دّدّ فٍرٍ سٌدٍ، دَوُدَ نُ فٍينِمَ نّ. نَ نَن عَ تٌ سْلُ نَشَ عَ قِندِ عَ شَ سْورِيٍ شُنيِ رَ. نَ قٍ نَشَ رَقَن حَمَ مَ، عَ نُن سْلُ شَ مِشِيٍ يَتِ.

6 سْورِيٍ نُ فبِلٍنمَ تّمُي نَشّ كٍلِقٍ فٍرٍ سٌدٍ، دَوُدَ فٌلِيَتِ قَشَ فٍرٍ نَشَن كُي، عِسِرَيِلَ فِنّيٍ نَشَ مِنِ سْلُ رَلَندٍ. عٍ نُ سِفِ سَمَ مَشَسٍ مْولِ ندٍيٍ رَ، عٍ نُ قَرٍ بٌرٌنمَ، عٍ نُ عٍ شُي عِتٍمَ سّيوّ كُي. 7 نَ سِفِيٍ كُي فِنّيٍ نُ عَ قَلَمَ،

10 نَ كُيٍ عِبَ، عَلَ نَشَ عَ نِيَ حِننّ شَ بِرَ سْلُ قْشْ رَ، عَ مَسٍنيِ تِ عَلْ نَمِحْنمّ. عَ شَ تَنبّ نُ سُشُشِ عَ يِ رَ. دَوُدَ نُ نَ كْرَ رَبٍرٍقٍ عَ بّ، عَلْ عَ دَرِشِ عَ رَ كِ نَشّ تّمُي بِرِن. 11 سْلُ نَشَ عَ شَ تَنبّ عِتٍ، عَ قَ عَ قَلَ، «ﭑ دَوُدَ مَبَنبَنمَ نّ بَنشِ كَنكٍ.» عَ نَشَ كَتَ سَنيَ قِرِن، كْنْ دَوُدَ نَشَ كٍلِ تَنبّ يَ عِ. 12 سْلُ مُ نُ سُو سَشِ دَوُدَ رَ سْنْن، بَرِ مَ عَلَتَلَ نُ نَ دَوُدَ قْشْ رَ، عَ فبِلٍن سْلُ تَن قْشْ رَ.

13 سْلُ نَشَ دَوُدَ قِندِ سْورِ وُلُ كٍرٍن مَنفّ رَ، عَلَكٌ عَ شَ عَ مَكُيَ عَ رَ. دَوُدَ نُن عَ شَ سْورِيٍ نُ لُمَ سِفَ رَ فٍرٍ سٌدٍ، دَوُدَ نُ قَ فبِلٍن 14 شُننَكٍلِ كُي، بَرِ مَ عَلَتَلَ نُ نَ عَ قْشْ رَ. 15 سْلُ تٌ عَ تٌ قٍ بِرِن سْونّيَشِ دَوُدَ بّ، عَ نَشَ لُ فَاشُي كُي عَ يَ رَ. 16 كْنْ دَوُدَ نُ رَقَن عِسِرَيِلَ نُن يُدَ بْنسْي مَ، بَرِ مَ عَ نُ تِمَ عٍ يَ رَ نَ فٍرٍ بِرِن كُي.

17 لْشْي ندٍ سْلُ نَشَ عَ قَلَ دَوُدَ بّ، «ﭑ مَ دِ فِنّ سِنفٍ نَن يَ، عَ شِلِ مٍرَبِ. ﭑ بَرَ عَ قِ عِ مَ. عِ شَ سْورِ وَلِ تُن نَبَ ﭑ بّ عَلَتَلَ شَ فٍرٍيٍ كُي.» سْلُ نُ عَ قَلَمَ عَ بْحّ كُي، «هَلِ ﭑ مُ عَ قَشَ ﭑ يّتّ رَ، ﭑ شَ عَ لُ قِلِسِتَكَيٍ شَ نَ رَبَ ﭑ بّ.» 18 دَوُدَ نَشَ سْلُ يَابِ، «ندٍ نَ ﭑ تَن نَ؟ ﭑ بَبَ شَبِلّ شُرُن عِسِرَيِلَ بْنسْي يَ مَ، ﭑ تَن شَ قِندِ مَنفّ بِتَنيِ رَ؟» 19 وَشَتِ تٌ عَ لِ عَ نُ لَنمَ سْلُ شَ دِ فِنّ مٍرَبِ شَ قِ دَوُدَ مَ، سْلُ نَشَ عَ قِ مٍشٌلَكَ عَدِرِيٍلِ مَ.

20 سْلُ شَ دِ فِنّ مِكَلِ نُ دَوُدَ شَنُشِ. عٍ تٌ نَ قَلَ سْلُ بّ، نَ نَشَ رَقَن عَ مَ. 21 سْلُ نُ عَ قَلَمَ عَ يّتّ مَ، «ﭑ شَ عَ قِ عَ مَ، عَلَكٌ عَ شَ قِندِ فَنتَنيِ رَ عَ بّ، قِلِسِتَكَيٍ شَ عَ قَشَ.» نَ كُي سْلُ مَن نَشَ عَ قَلَ دَوُدَ بّ، «تٌ عِ شَ قِندِ ﭑ بِتَنيِ رَ.»

22 سْلُ نَشَ يَامَرِ قِ عَ شَ مِشِيٍ مَ، «وٌ عَ قَلَ دَوُدَ بّ فُندٌ رَ، ‹عِ بَرَ رَقَن مَنفّ نُن عَ شَ مِشِ بِرِن مَ. عِ شَ تِن قِندِدٍ مَنفّ بِتَنيِ رَ.›» 23 سْلُ شَ مِشِيٍ تٌ نَ قَلَ دَوُدَ بّ، عَ نَشَ عٍ يَابِ، «وٌ تَن بّ، قٍ شُرِ نَن عَ رَ قِندِقٍ مَنفّ بِتَنيِ رَ؟ سٍتَرٍ نَ ﭑ تَن نَ، نَشَن تِدٍ مُ فبٌ قٍوٌ.» 24 سْلُ شَ وَلِكّيٍ نَشَ نَ دّنتّفّ سَ سْلُ بّ. 25 سْلُ نَشَ عٍ يَمَرِ، «وٌ عَ قَلَ دَوُدَ بّ، ‹مَنفّ مُ وَ مَ سٍسٍ شْن كٌتٍ رَ قٌ عِ شَ قِلِسِتَكَ شّمّ كّمّ سٌلِ شَبَ، عِ قَ عٍ رَ بٍ، عَلَكٌ عَ شَ عَ فبٍ حْشْ عَ يَشُييٍ مَ.›» نَ كُي سْلُ نُ وَ مَ قِلِسِتَكَ شَ دَوُدَ قَشَ. 26 سْلُ شَ وَلِكّيٍ تٌ عَ شَ مَسٍنيِ تِ دَوُدَ بّ، نَ قٍ نَشَ عَ كّنّن، عَ نَشَ عَ مَحْشُن نَ نْمَ عَ نِيَدٍ عَ شَ قِندِ مَنفّ بِتَنيِ رَ. بٍينُن لْشْي دْنشْي شَ عَ لِ، 27 دَوُدَ نُن عَ شَ سْورِيٍ نَشَ سَ قِلِسِتَكَ شّمّ كّمّ قِرِن قَشَ. دَوُدَ نَشَ عٍ سٌلِ شَبَ، عَ قَ نَ شَسَبِ كَمَلِشِ رَ مَنفّ شْن مَ، عَلَكٌ عَ شَ قِندِ مَنفّ بِتَنيِ رَ. نَ تّمُي سْلُ نَشَ عَ شَ دِ فِنّ مِكَلِ قِ دَوُدَ مَ، عَ شَ قِندِ عَ شَ فِنّ رَ.

28 سْلُ نُ بَرَ عَ كٌلٌن عَلَتَلَ نَ دَوُدَ قْشْ رَ. سْلُ شَ دِ فِنّ مِكَلِ نُ دَوُدَ شَنُشِ. 29 سْلُ نُ فَاشُشِ دَوُدَ يَ رَ، عَ عَ قِندِ عَ يَشُي رَ عَبَدَن. 30 قِلِسِتَ كُنتِفِيٍ نُ فٍرٍ تِمَ عِسِرَيِلَ بّ، كْنْ دَوُدَ نُ عٍ بْنبْمَ دَنفِقٍ سْلُ شَ سْورِيٍ بِرِن نَ. نَ كُي عَ نَشَ شِلِ شُنفبٍ سْتْ.