1 عَلَتَلَ نَشَ عَ مَسٍن سَمُوٍلِ بّ، «عِ سُننُنمَ سْلُ شَ قٍ رَ هَن مُن تّمُي؟ ﭑ بَرَ عَ رَبّحِن، ﭑ بَرَ عِسِرَيِلَ مَنفّيَ بَ عَ يِ. عِ شَ قٍرِ تُرٍ سَسٍ رَقٍ تُرٍ رَ، عِ شَ سِفَ بّتّلّيمُ. ﭑ عِ شّيقٍ يِسَيِ بّتّلّيمُكَ نَن شْنيِ، بَرِ مَ ﭑ بَرَ مَنفّ سُفَندِ عَ شَ دِ شّمّيٍ يَ مَ.» 2 سَمُوٍلِ نَشَ عَ قَلَ، «ﭑ سِفَمَ دِ؟ سْلُ نَ عَ كٌلٌن، عَ ﭑ قَشَمَ نّ.» عَلَتَلَ نَشَ عَ قَلَ، «عِ شَ نِنفٍ شَنِن عِ شُن مَ، عِ عَ قَلَ، ‹ﭑ قَقٍ يِ سّرّشّ بَدٍ عَلَتَلَ بّ.› 3 عِ شَ يِسَيِ شِلِ نَ سّرّشّ مَ. نَ تّمُي ﭑ عِ رَكٌلٌنمَ عِ لَن عِ شَ نَشَن نَبَ. عِ قَمَ نّ مِشِ سُفَندِدٍ، ﭑ نَشَن مَسٍنمَ عِ بّ.»

4 سَمُوٍلِ نَشَ عَ رَبَ عَلْ عَلَتَلَ عَ قَلَ عَ بّ كِ نَشّ، عَ سِفَ بّتّلّيمُ. تَا قٌرِيٍ تٌ عَ تٌ، عٍ نَشَ فَاشُ. عٍ نَشَ عَ مَشْرِن، «عِ قَشِ قٍ قَنيِ نَن نَ مُشُ بّ؟» 5 عَ نَشَ عٍ يَابِ، «عِيٌ، ﭑ قَشِ سّرّشّ بَدٍ عَلَتَلَ نَن بّ. وٌ شَ وٌ رَ سّنِيّن، وٌ شَ قَ لَن نَ سّرّشّ بَ مَ.» عَ نَشَ عَ قَلَ يِسَيِ نُن عَ شَ دِيٍ قَن بّ، عٍ قَن شَ عٍ رَ سّنِيّن، عٍ شَ لَن سّرّشّ بَ مَ.

6 مِشِيٍ تٌ قَ، سَمُوٍلِ نَشَ يِسَيِ شَ دِ عٍلِيَبِ تٌ. عَ نَشَ عَ مَحْشُن، «مِشِ نَن نَ كِ عَلَتَلَ نَشَن سُفَندِشِ مَنفّ رَ.» 7 كْنْ عَلَتَلَ نَشَ عَ قَلَ سَمُوٍلِ بّ، «عِ نَشَ مِشِ قَتٍ بّندّ شَ مَتٌ. ﭑ مُ نَ شّمّ سُفَندِشِ. ﭑ يَ مُ تِمَ قٍ رَ، عَدَ مَدِ يَ تِمَ نَشَن نَ. ﭑ تَن مِشِ بْحّ مَ قٍ نَن مَتٌمَ.»

8 يِسَيِ نَشَ عَبِنَدَبٌ شِلِ، عَ عَ مَسٍن سَمُوٍلِ بّ. كْنْ سَمُوٍلِ نَشَ عَ قَلَ، «عَلَتَلَ مُ يِ قَن سُفَندِشِ.» 9 يِسَيِ نَشَ سَنمَ مَسٍن سَمُوٍلِ بّ. كْنْ سَمُوٍلِ نَشَ عَ قَلَ، «عَلَتَلَ مُ يِ قَن سُفَندِشِ.» 10 يِسَيِ نَشَ عَ شَ دِ سٌلٌقٍرٍيٍ بِرِن مَسٍن سَمُوٍلِ بّ كٍرٍن كٍرٍن، كْنْ سَمُوٍلِ نَشَ عَ قَلَ يِسَيِ بّ، «عَلَتَلَ مُ عٍ سٍسٍ سُفَندِشِ.»

11 نَ تّمُي سَمُوٍلِ نَشَ عَ مَشْرِن، «دِ فبّتّ يٌ مُ نَ عِ يِ رَ؟» يِسَيِ نَشَ عَ يَابِ، «دِ مّدِ كٍرٍن نَن قَ لُشِ، كْنْ نَ تَن نَ شُرُ سٍيٍ دّ مَدٌنقٍ.» سَمُوٍلِ نَشَ عَ يَابِ، «عِ شَ مِشِ ندٍ شّي عَ قْشْ رَ، عَ شَ قَ. وٌن مُ سّرّشّ دٌنمَ قٌ عَ شَ قَ.» 12 يِسَيِ نَشَ مِشِ ندٍ شّي عَ شِلِدٍ. عَ تٌ قَ، سَمُوٍلِ نَشَ عَ تٌ عَ شّمّ تٌقَنيِ نَ نُ عَ رَ. عَ يَ عِيَلَن، عَ قَتٍ بّندّ قَن. عَلَتَلَ نَشَ عَ قَلَ سَمُوٍلِ بّ. «عَ تَن نَن يَ. عِ شَ تُرٍ سَ عَ شُنيِ عَ سُفَندِقٍ رَ.» 13 سَمُوٍلِ نَشَ قٍرِ تُرٍ سَسٍ تٌنفٌ نَشَن نُ رَقٍشِ تُرٍ رَ، عَ تُرٍ سَ دَوُدَ شُنيِ عَ تَارَيٍ يَ شْرِ. كٍلِقٍ نَ لْشْي، عَلَ شَشِلِ سّنِيّنشِ نَشَ لُ دَوُدَ قْشْ رَ. نَ دَنفِ شَنبِ، سَمُوٍلِ نَشَ فبِلٍن رَ مَ.

14 كْنْ عَلَتَلَ شَشِلِ نَشَ فبِلٍن سْلُ قْشْ رَ. عَلَتَلَ نَشَ عَ نِيَ حِننّ ندٍ شَ عَ تْورْ. 15 سْلُ شَ وَلِكّيٍ نَشَ عَ قَلَ عَ بّ، «عَلَ بَرَ عَ نِيَ حِننّ ندٍ شَ عِ تْورْ. 16 مُشُ مَرِفِ، عِ شَ يَامَرِ قِ مُشُ مَ، عِ شَ كٌنيِ دِيٍ، مُشُ شَ سَ مِشِ قٍن نَشَن قَتَ كْرَ رَبٍرٍدٍ. حِننّ نَ عِ تْورْ، نَ كَنيِ شَ كْرَ رَبٍرٍ عِ بْحّ سَقٍ رَ.» 17 سْلُ نَشَ عَ سَفٌ قِ عَ قَلَقٍ رَ، «وٌ سَ نَ مِشِ قٍن ﭑ بّ، نَشَن قَتَ عَ قَنيِ رَ.»

18 عَ شَ وَلِكّ ندٍ نَشَ عَ قَلَ، «ﭑ بَرَ يِسَيِ شَ دِ شّمّ تٌ بّتّلّيمُ. عَ كْرَ رَبٍرٍ مَ عَ قَنيِ رَ. فبَنفبَلَنيِ تٌقَنيِ نَ عَ رَ، نَشَن قَتَ فٍرٍ سٌدٍ. عَ وْيّن كِ قَن. عَلَتَلَ شَ بَرَكَتْي نَ عَ رَ.» 19 سْلُ نَشَ مِشِيٍ شّي يِسَيِ شْن مَ، عَ قَلَقٍ رَ عَ شَ عَ شَ دِ دَوُدَ سٌ عَ يِ رَ، نَشَن نَ شُرُ سٍيٍ دّ مَدٌنقٍ. 20 يِسَيِ نَشَ تَامِ، وّنِ، نُن سِ بَكِ سٌقَلٍ قَرِ، عَ عَ سٌ عَ شَ دِ دَوُدَ يِ رَ كَتَرَبِ سْلُ مَ. 21 دَوُدَ نَشَ سِفَ عَ يّتّ دّنتّفّدٍ سْلُ بّ. دَوُدَ نَشَ رَقَن عَ مَ كِ قَنيِ. سْلُ نَشَ عَ قِندِ عَ شَ فٍرٍ سٌسٍ شَنِنمَ رَ. 22 سْلُ نَشَ شّيرَ تِ يِسَيِ مَ عَ قَلَقٍ رَ عَ بّ، «يَندِ، دَوُدَ شَ لُ ﭑ يِ رَ. عَ رَقَن ﭑ مَ كِ قَنيِ.» 23 عَلَ تٌ عَ نِيَ حِننّ شَ بِرَ سْلُ قْشْ رَ، دَوُدَ نُ قَ كْرَ رَبٍرٍ هَن سْلُ قِسَ، حِننّ قَ فبِلٍن عَ قْشْ رَ.