1 رٌبٌوَ مِ نَشَ سِفَ سِكٍمِ، بَرِ مَ عِسِرَيِلَكَيٍ بِرِن نُ مَلَنشِ نَا، عٍ شَ عَ تِ مَنفّ رَ. 2 نٍبَتِ شَ دِ يٍرٌبٌوَ مِ نَشَ نَ قٍ مّ مِسِرَ، عَ تٌ عَ فِ سُلٍمَنِ مَ عَ سِفَ دّننَشّ. 3 مِشِ ندٍيٍ نَشَ عَ شِلِ عَ شَ قَ عِسِرَيِلَ بْشِ مَ. يٍرٌبٌوَ مِ نُن عِسِرَيِلَكَيٍ بِرِن نَشَ سِفَ رٌبٌوَ مِ يِرٍ، عٍ عَ قَلَ عَ بّ، 4 «عِ بَبَ مُشُ سُشُ نّ عَلْ كٌنيِيٍ. يَكْسِ تَن، عِ شَ ندٍ بَ مُشُ شَ كٌتٍ رَ عِ بَبَ نَشَن سَشِ مُشُ قَرِ. نَ كُي مُشُ قَمَ عِ شَ يَامَرِ رَبَتُدٍ.» 5 عَ نَشَ عٍ يَابِ، «شِ سَشَن نَ دَنفِ، وٌ شَ قَ.» حَمَ نَشَ سِفَ.

6 مَنفّ رٌبٌوَ مِ نَشَ مَرَ سِ قٍن قٌرِيٍ رَ، نَشٍيٍ نُ نَ عَ بَبَ سُلٍمَنِ قّ مَ عَ شَ سِمَيَ كُي، عَ قَ عٍ مَشْرِن، «وٌ مَرَ سِ مُندُن قِمَ ﭑ مَ ﭑ نَن ﭑ مَ حَمَ يَابِمَ نَشَن نَ؟» 7 عٍ نَشَ عَ يَابِ، «شَ عِ قٍ قَنيِ رَبَمَ حَمَ بّ، شَ عِ تِن عٍ وَشْنقٍ رَ، شَ عِ وْيّن قَنيِ قَلَ عٍ بّ، عٍ لُمَ نّ عِ شَ يَامَرِ بُن مَ تّمُي بِرِن.»

8 كْنْ رٌبٌوَ مِ مُ تِن قٌرِيٍ شَ مَرَ سِ رَ. عَ نَشَ عَ لَنقَنمَ بٌورٍيٍ مَشْرِن عَ لَنمَ عَ شَ نَشَن نَبَ. 9 عَ نَشَ عٍ مَشْرِن، «وٌ مَرَ سِ مُندُن قِمَ ﭑ مَ ﭑ نَ ﭑ مَ حَمَ يَابِمَ نَشَن نَ، حَمَ نَشَن ﭑ مَيَندِ مَ ﭑ شَ ندٍ بَ عٍ شَ كٌتٍ رَ ﭑ بَبَ نَشَن سَشِ عٍ قَرِ.» 10 عَ لَنقَنمَيٍ نَشَ عَ يَابِ، «عِ شَ يِ حَمَ يَابِ يِ كِ، نَشٍيٍ عِ مَيَندِشِ عِ شَ ندٍ بَ عٍ شَ كٌتٍ رَ عِ بَبَ نَشَن سَشِ عٍ قَرِ. عِ شَ عَ قَلَ عٍ بّ، ‹ﭑ بّلّشّ سٌلٍ لَنمَدِ شُنفبٌ ﭑ بَبَ تَفِ بّ. 11 يَكْسِ، ﭑ بَبَ شَ كٌتٍ شْرْشْ عَ نَشَن دْشْ وٌ مَ، ﭑ تَن نَ شُن مَسَمَ نّ. ﭑ بَبَ وٌ بْنبْ لُشُسِنيِيٍ نَن نَ، كْنْ ﭑ تَن قَمَ وٌ بْنبْدٍ تَلِيٍ نَن نَ.›»

12 شِ سَشَن تٌ دَنفِ، يٍرٌبٌوَ مِ نُن حَمَ نَشَ سِفَ رٌبٌوَ مِ يِرٍ، نَشَن نُ بَرَ عَ قَلَ، «شِ سَشَن نَ دَنفِ، وٌ شَ قَ.» 13 مَنفّ رٌبٌوَ مِ نَشَ عٍ يَابِ عَ شْرْشْي رَ، عَ مُ قٌرِيٍ شَ مَرَ سِ تٌنفٌ. 14 عَ نَشَ عٍ يَابِ عَ لَنقَنمَيٍ شَ مَرَ سِ رَ، «ﭑ نَ ﭑ بَبَ شَ كٌتٍ شْرْشْي شُن مَ سَمَ نّ عَ نَشَن دْشْ وٌ مَ. ﭑ بَبَ وٌ بْنبْ لُشُسِنيِيٍ نَن نَ، كْنْ ﭑ تَن قَمَ وٌ بْنبْدٍ تَلِيٍ نَن نَ.» 15 نَ كُي، مَنفّ مُ تِن عَ تُلِ مَتِدٍ حَمَ رَ. مَرِفِ عَلَتَلَ نُ بَرَ نَ رَفِرِ عَلَكٌ عَ شَ عَ شَ مَسٍنيِ رَكَمَلِ عَ نَشَن قَلَ نٍبَتِ شَ دِ يٍرٌبٌوَ مِ بّ عَننَبِ عَهِيَ سِلٌكَ سَابُي رَ.

16 عِسِرَيِلَكَيٍ تٌ عَ كٌلٌن مَنفّ مُ تِن عَ تُلِ مَتِدٍ عٍ رَ، عٍ نَشَ عَ يَابِ،

17 عِسِرَيِلَكَ نَشٍيٍ نُ سَبَتِشِ يُدَيَ تَايٍ كُي، نٍيٍ نَشَ لُ رٌبٌوَ مِ شَ يَامَرِ بُن مَ. 18 نَ دَنفِ شَنبِ، مَنفّ رٌبٌوَ مِ نَشَ عَدٌرَ مِ شّي، نَشَن حّنفِ نُ سَشِ تٍكُ وَلِ شْن مَ، كْنْ عِسِرَيِلَكَيٍ نَشَ عَ مَفْنْ هَن عَ قَشَ. مَنفّ رٌبٌوَ مِ نَشَ عَ فِ كٍرٍن نَ سِفَقٍ رَ دَرِ سَلَمُ عَ شَ سْورِ رَفِسٍ كُي. 19 عِسِرَيِلَ دَوُدَ شَبِلّ مَتَندِ نَ كِ نّ. هَن تٌ عٍ مُ لَنشِ.

20 عِسِرَيِلَكَ بِرِن تٌ عَ مّ عَ يٍرٌبٌوَ مِ بَرَ قَ، عٍ نَشَ عٍ مَلَن، عٍ عَ شِلِ، عٍ عَ قِندِ مَنفّ رَ عِسِرَيِلَ بِرِن شُن مَ. يُدَيَ نَن كٍرٍن سَ دَوُدَ بْنسْي دّ رَ.

21 رٌبٌوَ مِ تٌ سٌ دَرِ سَلَمُ، عَ نَشَ يُدَ نُن بُنيَمِن بْنسْي سْورِيٍ مَلَن، فٍرٍ سٌي قَنيِ وُلُ كّمّ تٌنفٌ سٌلٌمَسَشَن، عَلَكٌ عٍ شَ عِسِرَيِلَ فٍرٍ، عِسِرَيِلَ شَ فبِلٍن رٌبٌوَ مِ شَ مَنفّيَ بُن مَ. 22 كْنْ عَلَتَلَ نَشَ عَ مَسٍن عَ شَ مِشِ سٍمَيَ بّ، 23 «عَ قَلَ سُلٍمَنِ شَ دِ رٌبٌوَ مِ بّ، يُدَيَ مَنفّ، عَ نُن عِسِرَيِلَكَيٍ بِرِن نَشٍيٍ نَ يُدَيَ نُن بُنيَمِن بْشِ مَ، 24 عَلَتَلَ شَ مَسٍنيِ نَن يِ كِ؛ ‹وٌ نَشَ تٍ دٍ سِفَقٍ رَ وٌن نفَشَكٍرٍنيِيٍ فٍرٍدٍ. وٌ بِرِن شَ فبِلٍن وٌ شْنيِ، بَرِ مَ ﭑ تَن نَن يِ قٍ رَفِرِشِ.›» عٍ نَشَ عَلَتَلَ شَ مَسٍنيِ رَبَتُ، عٍ نَشَ فبِلٍن، عٍ مُ سِفَ يٍرٌبٌوَ مِ فٍرٍدٍ سْنْن.

25 يٍرٌبٌوَ مِ نَشَ سِكٍمِ تَا تِ عٍقِرَ مِ فٍيَيٍ يِرٍ، عَ سَبَتِ نَا. نَ دَنفِ شَنبِ، عَ مَن نَشَ سِفَ، عَ ثٍنِيٍلِ تِ. 26 يٍرٌبٌوَ مِ نَشَ عَ قَلَ عَ بْحّ مَ، «تّمُندٍ يِ حَمَ قَمَ فبِلٍندٍ، عٍ لُ دَوُدَ بْنسْي شَ يَامَرِ بُن مَ، 27 شَ عٍ لُمَ تٍ رَ سّرّشّيٍ بَدٍ عَلَتَلَ شَ بَنشِ كُي دَرِ سَلَمُ. يِ حَمَ بْحّ يَ قَمَ نّ رَقِندِدٍ عٍ مَرِفِ رٌبٌوَ مِ يُدَيَ مَنفّ مَ، عٍ ﭑ تَن قَشَ، عٍ قَ فبِلٍن يُدَيَ مَنفّ رٌبٌوَ مِ مَ.»

28 عَ تٌ فّ مَرَ سِ قٍندٍ، مَنفّ نَشَ نِنفٍ مِسَالِ قِرِن يَءِلَن شّيمَ رَ، عَ قَ عَ قَلَ حَمَ بّ، «وٌ شَ سِفّ دَرِ سَلَمُ مُ لَنمَ سْنْن. عِسِرَيِلَ، وٌ شَ عَلَيٍ نَن يِ كِ نَشٍيٍ وٌ رَ مِنِ مِسِرَ بْشِ مَ.» 29 عَ نَشَ كٍرٍن تِ بٍتٍلِ، عَ كٍرٍن تِ دَنَ. 30 نَ نَن قِندِشِ يُنُبِ رَ عٍ بّ. حَمَ نُ لُمَ سِفَ رَ نَ كُيٍيٍ بَتُدٍ بٍتٍلِ، شَ نَ مُ عَ رَ دَنَ. 31 يٍرٌبٌوَ مِ نَشَ سَلِدٍيٍ تِ يِرٍ عِتٍشِ، عَ قَ مِشِيٍ تِ سّرّشّدُبّ رَ نَشٍيٍ مُ قِندِ لٍوِ دِيٍ رَ.

32 يٍرٌبٌوَ مِ نَشَ سَلِ ندٍ رَبَ كِكٍ سٌلٌمَسَشَن ندٍ شِ قُ نُن سُولِ ندٍ رَ، عَلْ سَلِ نَشَن مْولِ نُ رَبَمَ يُدَيَ. عَ يّتّ يَتِ نَشَ سّرّشّيٍ بَ نَ كُيٍ نِنفٍ دَاشِيٍ بّ، عَ نَشٍيٍ يَءِلَن بٍتٍلِ. عَ نَشَ سّرّشّدُبّيٍ دْشْ بٍتٍلِ نَ سَلِدٍ يِرٍيٍ، عَ نَشٍيٍ تِ فٍيَيٍ كْن. 33 عَ نَشَ سّرّشّ بَ نَ سَلِدٍ كُي، عَ نَشَن يَءِلَن بٍتٍلِ. عَ نَ رَبَ كِكٍ سٌلٌمَسَشَن ندٍ شِ قُ نُن سُولِ ندٍ نّ. عَ نُ بَرَ نَ كِكٍ سُفَندِ عَ يّتّ كَن وَشْنكِ رَ. عَ نَشَ سَلِ شُنفبٍ رَبَ عِسِرَيِلَكَيٍ بّ، عَ سُرَيِ فَن سّرّشّ رَ بٍتٍلِ سّرّشّبَدٍ قَرِ.