1 نَ دَنفِ شَنبِ، دَوُدَ نَشَ سِفَ نٌبٌ، يٌنَتَن نَشَ فبِلٍن تَا كُي. 2 دَوُدَ تٌ نٌبٌ لِ، عَ نَشَ سِفَ سّرّشّدُبّ عَشِمٍلٍكِ شْنيِ. عَ تٌ دَوُدَ تٌ، عَ نَشَ فَاشُ، عَ قَ عَ مَشْرِن، «عِ كٍرٍن نَن عَ رَ؟ مِشِ يٌ مُ نَ عِ قْشْ رَ؟» 3 دَوُدَ نَشَ عَشِمٍلٍكِ يَابِ، عَ نَشّ، «مَنفّ نَن ﭑ شّيشِ، كْنْ عَ عَ قَلَ ﭑ بّ، عَ مِشِ يٌ نَشَ عَ كٌلٌن عَ ﭑ شّيشِ قٍ نَشَن مَ. ﭑ بَرَ عَ قَلَ ﭑ مَ سْورِيٍ بّ، عٍ شَ ﭑ نَرَلَن يِرٍ ندٍ. 4 دٌنسٍ ندٍ نَ نَ؟ تَامِ سُولِ سٌ ﭑ يِ رَ، شَ نَ مُ دٌنسٍ فبّتّ.» 5 سّرّشّدُبّ نَشَ عَ يَابِ، «تَامِ يٌ مُ نَ ﭑ يِ رَ، قٌ تَامِ سّنِيّنشِ نَشَن بَشِ سّرّشّ رَ. عِ شَ سْورِيٍ نْمَ نَ دٌندٍ شَ عَ سَ لِ عٍ نُن فِنّيٍ مُ سَشِ يِرٍ كٍرٍن يِ سَشَنيِ.»

6 دَوُدَ نَشَ عَ قَلَ عَ بّ، «تْنيِ حَن دْشْشِ مُشُ مَ فِنّ قٍ رَبَقٍ مَ مُشُ سِفَمَ فٍرٍ سٌدٍ تّمُي نَشّ. ﭑ مَ سْورِيٍ مَرَ سّنِيّنيِ رَبَمَ عٍ نّ سِفَمَ دّدّ. يِ بِيَاسِ تِدٍ تٌ فبٌ بِيَاسِ فبّتّيٍ بّ، عٍ بِرِن سّنِيّنشِ كِ قَنيِ رَ.» 7 نَ كُي سّرّشّدُبّ نَشَ سّرّشّ تَامِ سٌ عَ يِ رَ، بَرِ مَ تَامِ فبّتّ يٌ مُ نُ نَ. نَ سّرّشّ تَامِ نُ مَسَرَ مَ تَامِ نّينّ رَ لْشْي بِرِن عَلَتَلَ يَ عِ. 8 نَ لْشْي سْلُ شَ مِشِ ندٍ نُ نَ مّننِ سَلِ شَ قٍ رَ. عٍدٌنكَ نَن نُ عَ رَ، نَشَن شِلِ دٌوٍفٍ، نَشَن قِندِشِ سْلُ شَ شُرُ سٍ كَنتّيٍ شُنيِ رَ.

9 دَوُدَ نَشَ عَ قَلَ عَشِمٍلٍكِ بّ، عَ نَشّ، «تَنبّ يٌ مُ نَ عِ يِ رَ، شَ نَ مُ سَنتِدّفّمَ؟ ﭑ تٌ فبَتَشِ مَنفّ شَ شّيرَيَ شَ قٍ رَ، ﭑ مُ قَشِ ﭑ مَ سَنتِدّفّمَ نُن ﭑ مَ فٍرٍ سٌسٍ رَ.» 10 سّرّشّدُبّ نَشَ عَ يَابِ، «فٌلِيَتِ قِلِسِتَكَ شَ سَنتِدّفّمَ نَ بٍ، عِ نَشَن قَشَ عٍلَ فُلُنبَ كُي. عَ مَقِلِنشِ دُفِ ندٍ كُي، عَ سَشِ سّرّشّدُبّيٍ شَ دٌنمَ شَنبِ رَ. شَ عِ وَ مَ عَ شْن، عَ تٌنفٌ. فبّتّ مُ نَ بٍ.» دَوُدَ نَشَ عَ قَلَ، «عَ سٌ ﭑ يِ رَ، عَ مَنِيّ يٌ مُ نَ.»

11 نَ لْشْي دَوُدَ نَشَ كٍلِ، عَ عَ فِ سْلُ يَ رَ. عَ نَشَ سِفَ فَتِ مَنفّ عَكِسِ شْنيِ. 12 عَكِسِ شَ مِشِيٍ نَشَ عَ قَلَ عَ بّ، «عِسِرَيِلَ مَنفّ دَوُدَ شَ مُ يِ كِ، نَشَن شَ قٍ قَلَمَ، ‹سْلُ بَرَ مِشِ وُلُ وُلُ قَشَ. دَوُدَ تَن بَرَ مِشِ وُلُ وُلُ دْشْ قُ قَشَ›؟»

13 دَوُدَ تٌ نَ قٍ مّ، عَ نَشَ فَاشُ كِ قَنيِ فَتِ مَنفّ عَكِسِ يَ رَ. 14 نَ كُي عَ نَشَ عَ نِيَ حَمَ شَ عَ مَحْشُن دَشُي رَ. عَ نَشَ دَشُحَ رَبَ عٍ تَفِ، عَ سٍ كٌرِن نَادّ مَ، عَ دّيٍ نُ فٌرٌ عَ دّ شَبٍ مَ. 15 عَكِسِ نَشَ عَ قَلَ عَ شَ مِشِيٍ بّ، عَ نَشّ، «وٌ مُ عَ تٌشِ عَ قِندِشِ دَشُي نَن نَ يِ كِ. وٌ قَشِ يِ شّمّ رَ ﭑ شْن مَ مُنقٍ رَ؟ 16 ﭑ هَيِ نَ دَشُي مَ ﭑ شْنيِ؟ يِ مِشِ مْولِ شَ سٌ ﭑ مَ بَنشِ كُي؟»