1 मिनु परमप्रभु यावेमी आं कली लोव़ पाप्‍तु। 2 मार लोव़ पाप्‍तु देंशा हना “ए मुर, मार, ब्‍वाकीम बाक्‍ब अङगुर बोट आ शी ब्‍वाकी ङा अरु तेकोइ रवा आन शी क्‍येङा रिम्‍शो बाक्‍बा ङा? येरमीया २:२१ 3 मेको रे मारेइ थोव़क सेल्‍चा दुम्‍बा ङा? मुरपुकीम मार मार क्‍युक्‍चा कली मेको के कोङग सेल्‍नीमी ङा? 4 मेको मीम चोइनीम। मेको मीम आ सुर निक्‍शी नेक्‍शा, आ दाते ङा कोइला दुम्‍शा लीमेनु, मार दुम्‍बा ङा? यूहन्‍ना १५:६ 5 मेको सेसीन बाक्‍मेनु ला यो मारेइ मदुम्‍‍त हना, मीम नेक्‍शा क्‍येर दुम्‍मेनु, मारेइ दुम्‍बा, ङा?” देंशो बाक्‍ब।

6 मोपतीके परमप्रभु, परमप्रभु यावेमी “दोपा ब्‍वाकी ङा रवा आन दाते ङा अङगुर बोट कली मीम चोचा कली गेङा, मोपा गो यरूसलेम ङा मुर आन कली यो पाइक्‍नुङमी। 7 गो मेको आन कली सजाइ गेनुङ। मेकोपुकी मी रे ब्रोंइतेक्‍म हना यो, मीम मेको आन कली दाक्‍ब। गो मेको आन कली सजाइ गेङानु, गोन परमप्रभु यावे नङ, दे तुइक्‍चा माल्‍नीनी। 8 मिनु आन थुं फाइश्‍शो अरु आन नोले खोइक्‍तीके मेको आन रागी मुर मबाक्‍तीके सेल्‍नुङ” दे परमप्रभु, परमप्रभु यावेमी देंत।