1 मेना ७ जना मीश मुरपुकीमी वोंइश मुर का कली ग्‍याइश्‍शा “गो आंइ जचा थोव़क जाइनीकी। आंइ वा फेक्‍नीकी। आंइ कली इन नें गेशा, आंइ मुने साम्‍शा, आल थिपाइक्‍की” देंनीम।

2 मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५ 3 मिनु सु सु सियोन नु यरूसलेमम लीशो बाक्‍मा, मेकोपुकी “परमप्रभु के बाक्‍नीम” दे माइक्‍नीम। मेको आन नें यरूसलेमम ब्रोंइचा कली ब्रेक्‍सीशो बाक्‍नीम। यसैया ६:१३; प्रस्‍थान ३२:३२; भजन संग्रह ६९:२९; मलाकी ३:१६ 4 परमप्रभु यावेमी सियोन ङा तमी नु यरूसलेम ङा मुर आन पाप निसाफ पतीक नु क्‍याम्‍तीकेमी क्‍याम्‍ताक्‍व हना, 5 मेना परमप्रभु यावेमी सियोन डांडाम आ बाक्‍तीके खिं नु आ मुर ग्रुम्‍तीक सेल्‍ब। मेकेर नाक्‍ती गोस्‍स नु कुन वोइश्‍शा, नाक्‍दो मी ब्रशो छेङछेङ वोइक्‍ब। मिनु मेको छेङछेङम रागी नेल्‍ल कली सुम्‍ब। प्रस्‍थान १३:२१ 6 मेको सुम्‍तीकेम नाक्‍ती नांम मनाप्‍पाइक्‍तीके, फश गिवार पवानु नु रेउ यिमेनु, फाम्‍सीतीके दुम्‍ब।