15
Mangai Jah Tŏc ta Wang Hadròih
Đawit Achìh
1 Chuaq ôi, cabô jah ŏi ta hnem traiq cùh waiq da Ìh?
Cabô jah tŏc ta wang hadròih Ìh?
2 Aih mangai ma cadiang lam tiaq trong jang lem,
broq tiaq trong ta-atoq
wa capoch bàu joq 'nàng dèh ta manoh cla.
3 Rapet haq ùh jò leq hloh bàu capoch troq mangai 'noiq;
ùh broq bìac 'mèq 'mac dèh ca bua
wa ùh 'noh bàu lech ca mangai haten hatìa.
4 Haq khìn mangai ngang dù,
mahaq padèch mangai loq iu crè ca Chuaq;
jò khoi 'noh bàu pachac,
'nhac ca glàm bìac nan xa xôq ùh blòq bàu.
5 Haq am wai 'bac mahaq ùh yŏc lòi,
ùh nhàn 'bac rŏt manoh đòiq padit mangai ùh broq tôiq.
Mangai leq broq bìac cô,
aih mangai jah yòng cajap hloi hloi.