Ri xꞌeꞌx cha ri apóstol San Juan
Chupan va libro va cꞌo ri xꞌeꞌx choch ri Juan ruma ri Jesús. Va libro va nuꞌej chi ri Ajaf Jesucristo can xcaꞌruꞌon juzgar ri man xcaꞌniman ta ri rutzij. Pero ri xcaꞌniman richin jajaꞌ, can xcaꞌcolotaj. Nojiel ri tzꞌibꞌan chupan va libro va xa i-incheꞌl achicꞌ, nchꞌoꞌ riqꞌuin figuras, y nucusaj quitzubꞌal iqꞌuiy chicop. Antok xtzꞌibꞌas va libro va, ri naꞌay ri quiniman ri Jesucristo cꞌo sufrimiento niquikꞌasaj, y va libro va xtzꞌibꞌas richin chi nucꞌut ri xtuyaꞌ ri Dios chica quinojiel ri xtiquicochꞌ chupan ri sufrimiento.
Ri capítulo 1:1–3:22 nuꞌej chirij ri Cristo ri niyoꞌx rukꞌij, y nuꞌej jeꞌ chirij ri cartas ri xtak chica ri i-siete (ivukuꞌ) iglesias ri icꞌo Asia, y nuꞌej chica chi caꞌpiꞌieꞌ cof choch ri itziel ncaꞌcꞌut ri xa kꞌaxuon nucꞌam-pa.
Ri capítulo 4:1–5:14 nuꞌej ri chica nibꞌanataj chupan ri ru-reino ri Dios chila chicaj y nuꞌej jeꞌ ri chica ri nucꞌul chi nijako ri vuj ri bꞌatuon roch (rollo).
Ri capítulo 6:1–8:5 nuꞌej ri chica xcaꞌbꞌanataj antok xtijak ri siete (vukuꞌ) sellos.
Ri capítulo 8:6–14:20 nuꞌej ri xcaꞌbꞌanataj antok xcaꞌxupux chiquijunal ri siete (vukuꞌ) trompetas. Nuꞌej jeꞌ ri oxeꞌ nimaꞌk tak castigos ri xcaꞌpa paroꞌ ri roch-ulief.
Ri capítulo 15:1–16:21 nuꞌej ri xcaꞌbꞌanataj antok xcaꞌkꞌij chiquijunal ri siete (vukuꞌ) copas ri cꞌo ri rayoval ri Dios chiquipan. Jareꞌ ri xtika pa quiveꞌ ri man xaꞌjoꞌn ta ri Dios.
Ri capítulo 17:1–20:15 nuꞌej chi xalka ri kꞌij chi niꞌan ri ruqꞌuisbꞌal juicio pa quiveꞌ quinojiel ri vinak. Nuꞌej jeꞌ chirij ri rucꞌulubꞌic ri Alaj Oveja, antok xtipa chic jun bꞌay ri Cristo, ri mil junaꞌ, y ri pacheꞌ niꞌa-ve ri Satanás.
Y ri capítulo 21:1–22:21 nuꞌej chi xqꞌuis ri naꞌay roch-ulief y nuꞌej chi xticꞌujieꞌ jun cꞌacꞌacꞌ roch-ulief y jun cꞌacꞌacꞌ rocaj, y xticꞌujieꞌ jeꞌ jun cꞌacꞌacꞌ Jerusalén.
1
Ri Jesucristo nuꞌej ri chica kax xcaꞌbꞌanataj
1 Ri Dios xuꞌej cha ri Jesucristo, richin chi jajaꞌ tuꞌej chica ri ru-siervos ri kax ri ya xcaꞌbꞌanataj. Rumareꞌ ri Jesucristo xutak-pa jun ru-ángel riqꞌuin ri Juan ri ru-siervo, chi xuꞌej cha ri xcaꞌbꞌanataj. 2 Y ri Juan xuꞌej chi ketzij ri ruchꞌabꞌal ri Dios, chi ketzij ri xuꞌej ri Jesucristo, y chi ketzij jeꞌ nojiel ri xutzꞌat.
3 Can jaꞌal tiquicuot ri jun ri nibꞌano leer ri tzꞌibꞌan chupan va libro va, y can jaꞌal jeꞌ caꞌquicuot ri ncaꞌcꞌaxan y niquinimaj ri nuꞌej ri tzꞌibꞌan chupan va libro va. Ruma xa cierca chic cꞌo-ve ri kꞌij antok xcaꞌbꞌanataj nojiel reꞌ.
Saludos chica ri siete (vukuꞌ) iglesias
4 Inreꞌ Juan, nitzꞌibꞌaj-el chica ri siete (vukuꞌ) iglesias, ri icꞌo chupan ri lugar rubꞌinan Asia; can ticꞌujieꞌ iviqꞌuin ri favor y ri paz ri nuyaꞌ ri Dios; ri Dios ri can cꞌo-ve antok majaꞌ cꞌo ri roch-ulief,✡ Ex. 3:14. cꞌo vacame, y xticꞌujieꞌ chupan ri tiempo chakavach-apa. Y ticꞌujieꞌ jeꞌ iviqꞌuin ri favor y ri paz quichin ri siete (vukuꞌ) espíritus ri icꞌo choch ri ru-trono ri Dios.✡ Ap. 4:5. 5 Y ticꞌujieꞌ jeꞌ iviqꞌuin ri favor y ri paz ri nuyaꞌ ri Jesucristo, ri joꞌc ri ketzij nuꞌej, ri xcꞌastaj-pa naꞌay chiquicajol ri quiminakiꞌ y cꞌo pa quiveꞌ quinojiel ri reyes ri icꞌo choch-ulief.✡ Sal. 89:27. Jajaꞌ altíra nkojrajoꞌ, y xuchꞌaj ri ka-pecados cha ri ruquiqꞌuiel. 6 Y xuꞌon chika ojreꞌ chi xojuoc reyes y sacerdotes chi nakaꞌan rusamaj ri Rutataꞌ Dios.✡ Ex. 19:6; Ap. 5:10. ¡Ja ri Jesucristo ri cꞌo rukꞌij y cꞌo ru-autoridad richin nojiel tiempo! Amén.
7 Tinaꞌiej cꞌa chi ri Jesucristo xtika-pa chicaj chupan mukul.✡ Dn. 7:13; Mt. 24:30; Mr. 13:26; Lc. 21:27; 1Ts. 4:17. Y quinojiel vinak xcaꞌtzꞌato richin. Hasta ri vinak ri xaꞌquimisan richin, xtiquitzꞌat jeꞌ.✡ Jn. 19:37. Quinojiel vinak ri icꞌo choch-ulief xcaꞌuokꞌ antok xtiquitzꞌat jajaꞌ.✡ Zac. 12:10-14; Mt. 24:30. Y can quireꞌ xtibꞌanataj.
8 Ri Ajaf, ri cꞌo nojiel poder pa rukꞌaꞌ, jajaꞌ can cꞌo-ve antok majaꞌ cꞌo ri roch-ulief,✡ Ex. 3:14. cꞌo vacame, y xticꞌujieꞌ chupan ri tiempo chakavach-apa; jajaꞌ nuꞌej: Inreꞌ ri Alfa y ri Omega,✡ Ri tzij “ri Alfa y ri Omega” jareꞌ ri naꞌay y ri ruqꞌuisbꞌal letra chupan ri alfabeto griego. inreꞌ ri naꞌay y ri ruqꞌuisbꞌal,✡ Ap. 22:13. nichaꞌ ri Ajaf.
Ri Jesucristo nucꞌut-riꞌ choch ri Juan
9 Y inreꞌ Juan in iv-hermano, can niꞌan sufrir junan iviqꞌuin ixreꞌ, junan incꞌo iviqꞌuin chupan ri ru-reino ri Dios, y can junan iviqꞌuin, nuyaꞌ ka-paciencia ri Jesucristo. Inreꞌ ruma xinꞌan predicar ri Jesucristo y ruma ri ruchꞌabꞌal ri Dios, mareꞌ xinalyoꞌx chupan ri isla rubꞌinan Patmos. 10 Chupan jun kꞌij richin ri Ajaf, inreꞌ xinꞌan cꞌa jun incheꞌl achicꞌ ruma ri ru-poder ri Espíritu Santo, y xinvaꞌxaj chi cꞌo jun nichꞌo-pa chuvij. Y can cof nichꞌo-pa, can incheꞌl nikꞌajan jun trompeta. 11 Y quireꞌ xuꞌej chuva: Inreꞌ ri Alfa y ri Omega, inreꞌ ri nabꞌayal y ri ruqꞌuisbꞌal. Tatzꞌibꞌaj cꞌa chupan jun libro nojiel ri natzꞌat, y tataka-el chica ri siete (vukuꞌ) iglesias ri icꞌo Asia; ri cꞌo pa tanamet Efeso, ri cꞌo pa tanamet Esmirna, ri cꞌo pa tanamet Pérgamo, ri cꞌo pa tanamet Tiatira, ri cꞌo pa tanamet Sardis, ri cꞌo pa tanamet Filadelfia y ri cꞌo pa tanamet Laodicea.
12 Y xitzuꞌn can chuvij chi nitzꞌat ri chica nichꞌo-pa chuva. Y xintzꞌat siete (vukuꞌ) candeleros ri i-bꞌanun cha oro. 13 Y pa nicꞌaj ri siete (vukuꞌ) candeleros, paꞌl jun ri can incheꞌl ri Jun ri Xtak-pa chicaj chi xalax chikacajol.✡ Dn. 7:13. Ri rutziak cꞌa nika-ka cꞌa chukul rakan, y chucꞌuꞌx nakꞌax jun cinturón ri bꞌanun cha oro.✡ Dn. 10:5. 14 Ri rujaluon y ri ruveꞌ can sak, incheꞌl ri lana sak y can incheꞌl jeꞌ hielo.✡ Dn. 7:9. Y ri nakꞌaroch can incheꞌl ruxak-kꞌakꞌ. 15 Ri rakan, can ncaꞌchꞌichꞌan incheꞌl ri bronce antok cꞌo chupan kꞌakꞌ. Y antok nichꞌoꞌ, can incheꞌl nivajaj qꞌuiy yaꞌ.✡ Dn. 10:6; Ez. 1:24. 16 Y pa rukꞌaꞌ derecha rucꞌuan siete (vukuꞌ) estrellas (chꞌumil) y pa ruchiꞌ ntiel-pa jun espada simaꞌj rutzaꞌn ri caꞌyeꞌ lado cꞌo roray. Y ri rutzubꞌal, can incheꞌl ri kꞌij antok altíra rukꞌakꞌal.
17 Antok inreꞌ xintzꞌat, xitzak-ka chirakan incheꞌl xa xicon. Pero jajaꞌ xuyaꞌ ri rukꞌaꞌ derecha panoꞌ y xuꞌej chuva: Man taxiꞌij-aviꞌ, inreꞌ ri nabꞌayal y ri ruqꞌuisbꞌal,✡ Is. 44:6; 48:12; Ap. 2:8; 22:13. 18 y inreꞌ ri incꞌas. Can xicon, pero vacame incꞌas richin nojiel tiempo. Amén. Y cꞌo jeꞌ poder pa nukꞌaꞌ paroꞌ ri camic y paroꞌ ri lugar quichin ri quiminakiꞌ. 19 Tatzꞌibꞌaj ri kax ri xatzꞌat, ri ncaꞌbꞌanataj vacame y ri xcaꞌbꞌanataj jeꞌ chakavach-apa. 20 Ri siete (vukuꞌ) estrellas (chꞌumil) ri xatzꞌat pa nukꞌaꞌ derecha y ri siete (vukuꞌ) candeleros ri i-bꞌanun cha oro, can cꞌo niquicꞌut. Ri siete (vukuꞌ) estrellas (chꞌumil) ri nucꞌuan pa nukꞌaꞌ derecha, ja ri siete (vukuꞌ) nusamajiel ri icꞌo pa quiveꞌ ri siete (vukuꞌ) iglesias, y ri siete (vukuꞌ) candeleros ri i-bꞌanun cha oro, ja ri siete (vukuꞌ) iglesias.
✡1:4 Ex. 3:14.
✡1:4 Ap. 4:5.
✡1:5 Sal. 89:27.
✡1:6 Ex. 19:6; Ap. 5:10.
✡1:7 Dn. 7:13; Mt. 24:30; Mr. 13:26; Lc. 21:27; 1Ts. 4:17.
✡1:7 Jn. 19:37.
✡1:7 Zac. 12:10-14; Mt. 24:30.
✡1:8 Ex. 3:14.
✡1:8 Ri tzij “ri Alfa y ri Omega” jareꞌ ri naꞌay y ri ruqꞌuisbꞌal letra chupan ri alfabeto griego.
✡1:8 Ap. 22:13.
✡1:13 Dn. 7:13.
✡1:13 Dn. 10:5.
✡1:14 Dn. 7:9.
✡1:15 Dn. 10:6; Ez. 1:24.
✡1:17 Is. 44:6; 48:12; Ap. 2:8; 22:13.